رحلتي لـ فرنسا وَ ألمانيا وَ سويسرا مايو 2015 - الصفحة 3

أبو نورة · 13-06-2015, 01:29 AM

اقتباس : المشاركة الأصلية كتبت بواسطة مسافرة مسافرة

ماشاء الله أسلوب تشويق احترافي

بانتظار تقريرك على احر من الجمر لا تتاخر علينا

من زمان ماقريت تقرير جديد لسويسرا

وانشالله هذا بداية الخير

ان شاء الله ما نتأخر كثير ويناسبكم ما نقدم
والخير بوجيهكم جميعاً
مشكورة على تواجدك

أبو نورة · 13-06-2015, 01:32 AM

اقتباس : المشاركة الأصلية كتبت بواسطة توبليرون

اهلاااا وسهلاااا
حلوووووو حلووووو
البداية رائعه وابداااع اشلون التقرير ...اممم علينا ماتعرف تكتب تقرير افااا
لا من الحين اقول لك تقريرك باين بياخذ السبع نجوم مو خمسة
وشكراا لذكر اسمي وهذا من ما تعلمناه من بيتنا منتدى العرب المسافرون
متابعين وبالانتظار على أحر من الجمر
شكراا لطرحك التقرير وهلا باوربا الرائعه

يا هلا والله بمراقبتنا
يا هلا والله بتفاصيل التفاصيل هههههه
مشكورة على التحفيز والثقة
واسمك ما شاء الله بكل أرجاء المنتدى مش هنا بس
نورتي ام حسين ومشكورة على تواجدك

أبو نورة · 13-06-2015, 01:35 AM

اقتباس : المشاركة الأصلية كتبت بواسطة فيصل

خانتني الذاكره .....بس تذكر بورصه

الله الله
وشلون انسى
استأجرت سائق وأحاسبه باليومية
وكذلك يلوا جربت باصاتهم متعبه وبعد كذا اتفق مع سائق
لكن (( اسطنبول )) ان شاء الله على طول ما آخذ فيها سيارة
لأني فعلاً استمتع بمواصلات (( اوردغان ))
في أحسن من مواصلات الرئيس ؟؟ ههههههههه

Medo 77 · 13-06-2015, 01:36 AM

يا هلا والله وغلا بأخوي أبو نورة ..مثل القمر لا شع نوره .

حركات والله وتقارير وكذا ..ههههههه >> ترى ما باقي الا أنا

يالله يالله مستنين ما سوف تسطره اناملك الذهبية ما شاء الله تبارك الرحمن .

طيب على الاقل ..صورة كذا ..تشويقة يعني

أبو نورة · 13-06-2015, 01:55 AM

اقتباس : المشاركة الأصلية كتبت بواسطة Medo 77

يا هلا والله وغلا بأخوي أبو نورة ..مثل القمر لا شع نوره .

حركات والله وتقارير وكذا ..ههههههه >> ترى ما باقي الا أنا

يالله يالله مستنين ما سوف تسطره اناملك الذهبية ما شاء الله تبارك الرحمن .

طيب على الاقل ..صورة كذا ..تشويقة يعني

هلا بحبينا الغائب
هلا بالبدر
شايف كيف ضغطو علي الرجال
باقي يضغطونك .. بحرشهم عليك
الصور وما ادراك ما الصور بفلوووووس هههههههه
عندي مشكلة بسيطه فيها وان شاء الله هاليومين تنحل
مشكور ميدو على تواجدك

الانيق · 13-06-2015, 02:20 AM

طاااااااااااااااااااااااااال الانتظار والمنتظر مل صبره

oceanus · 13-06-2015, 04:12 AM

ابو نورة

ولو صورة .. تصبيره بس

أبو نورة · 13-06-2015, 05:27 AM

اقتباس : المشاركة الأصلية كتبت بواسطة الانيق

طاااااااااااااااااااااااااال الانتظار والمنتظر مل صبره

جايك ان شاء الله ابشر

أبو نورة · 13-06-2015, 05:29 AM

اقتباس : المشاركة الأصلية كتبت بواسطة oceanus

ابو نورة

اقتباس : المشاركة الأصلية كتبت بواسطة oceanus

ولو صورة .. تصبيره بس

يلا تقاسموها انت وأبو عبدالمجيد هههههههههههههههه

بعد كذا برسلك الآيبان وابشر

فارس من خيال و Medo 77 معجبون بهذا.

أبو نورة · 13-06-2015, 07:23 AM

الجزء الثاني ..

صباح / مساء الخير
لجميع اخواني واخواتي بالعرب المسافرون

أنا ضد سفر الأطفال .. وكل انسان وله مبدأه
وأنهم يقرون ببيتهم أزين لهم من التعب اللي هم بغنى عنه
وبنفس الوقت ما يفهمون ولا يدرون وش نسوي
وجربته من زمان مع اختي وزوجها وولدهم
ومن وقتها عرفت ان (( جنة الاطفال جدتهم هههههههه ))
وبيجي ان شاء الله وقت يفهمون ويستانسون بالسفر
طبعاً الحمد لله ان هالوقت جا من شان انبسط مع اطفالي بالسفر
فجتني نوره بنتي الله يحميها ويحفظها
وسمعتني أقول لأمها اشتقت لاسطنبول ووقتها تقريبا مالي ثلاث شهور جاي منها
قالت نوره لا لا لا .. يا بابا انا بسافر
قلت لها شوفي الشناط بالمخزن جهزيها وانا اوصلك المطار خخخخ
قالت بابا من جد من جد ما أمزح وتحمست شوي يوم عطيتها وجه بذا الموضوع
قلت حاضر كالعاده (( تصريف )) ويلا طسي ههههههه
قالت طيب .. بس بقولك .. تعرف فين توديني ؟
هاه يا نوره خلصي وش تبين
قالت ودينا (( ديزني ))
قلت يا بابا ديزني ؟ انتي تعرفين فين ؟
يعني انت ما تعرف يا بابا !!؟؟
اللي بباريس يا بابا ..
زين ما قالت اورلاندو ولا لوس انجلوس
يا أهلاً وسهلاً يا نوره
(( حلي عني ))
يا نوره بالمدرسه ما يدرسونكم ديزني
قالت اللي انت متصور فيها هههههههههههههههه
طيب أفكر .. وأقولك بعدين
المهم مرت الأيام ومرت الأيام
وطبعاً الشيخه نوره نسيت الموضوع
وفي يوم من الأيام جالس على موقع الخطوط السعودية
بحجز لرحلة عمل داخلية
ومير أدخل اشوف اسعار تذاكر باريس وجنيف وفرانكفورت من جده
وجلست أقارن وأقلب بالاسعار وبخطة السير
لـ اثنين بالغين وَ اثنين أطفال
وأحط مره وصول باريس وعوده فرانكفورت
ومره وصول باريس وعوده ميلان
وهكذا ....
طبعاً انا عندي قرار السفر يجي بلحظه
وبعد ما قلبت بالتقويم وتأكدت من تواريخ بداية إجازة المدارس الرسمية
فجأه .. طق .. ورسالة الخطوط السعودية تفيد بـ
اصدرت التذكرة الالكترونية ... الخ
وموعد السفر شهرين او ثلاث ناسي بالضبط
طبعاً محد يدري الا ابو شيهانه ههههههه اللي هو مراقبنا قايد
ونسيت الموضوع وقفلت عليه لأني وقتها كنت جداً جداً مشغول
وما بلغت زوجتي الا قبل السفر بشهر لأني ما ني متأكد من سالفة السفر 100%
وكان وقت اختياري للتوقيت ذهبي بالنسبة لي
الأول ان نوره واختها يخلصون مدرستهم وطبعاً هم بصفين مختلفين
KG2 وَ KG3
والثاني انهم يخلصون وبكل تأكيد قبل اجازة المدارس الرسميه
من اسبوعين الى ثلاثه وكان اختياري لهذا الوقت
والثالث أنه يكون ما بدأ موسم السفر في الخليج بشكل كامل
مش تقليلاً بخليجنا ولكن حتى ابعد من الزحمه وضغط السكن
والرابع الأجواء بأوربا من بعد منتصف مايو تكون أكثر من رائعة وربيعيه

هذي قصة بداية التفكير بالسفر الى شراء التذاكر
وان شاء الله غداً نكتب تفاصيل أكثر عن الرحلة

ألقاكم بصحه وسعاده ان شاء الله ..

لمتابعة الجزء التالي
اضغط هنا

فارس من خيال و q8ya metnaqla معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طلب خدمة جدولة رحلة السفر إلى ألمانيا سويسرا النمسا	DANA	بوابة المانيا	7	09-06-2019 09:31 AM
رحلة اوربية تم الحجز لها( بريطانيا - فرنسا - سويسرا)	MRK	بوابة سويسرا	13	07-10-2015 12:27 PM
رحلة اوربية تم الحجز لها( بريطانيا - فرنسا - سويسرا)	MRK	بوابة فرنسا	67	12-09-2015 04:10 PM
طلب خدمة جدولة رحلة السفر إلى ألمانيا سويسرا النمسا	DANA	بوابة سويسرا	3	04-07-2015 10:48 AM
جولة سياحة ما بين المانيا فرنسا و سويسرا	Amrn	بوابة سويسرا	5	08-01-2015 04:22 AM