السلام عليكم ورحمة الله

باذن الله طالعين دبي لااول مره تاريخ الذهاب 5 يناير والعوده 10 يناير
الوصول الساعه 12 مساء والعوده الساعه 8 مساء

السكن فندق جالوريا شارع الشيخ زايد المواصلات تكاسي ومترو

اهم الاماكن اللي ابي ازورها

القريه العالميه - دبي مول - الامارات مول - الجي بي ار - حديقة الزهور -
حديقة الفراشات - الاوت لت - السوق الصيني - سوق الكررامه

واذا فيه اماكن حلوه ممكن تحطونها لي المهم اني ابي اعرف الاماكن القريبه من بعض
عشان ارتب وضعي واوفر تكاسي ..

وعليكم السلام ورحمة الله وبركاته
في رايي احلى مكان في دبي مدينة الجميرا والجو هالوقت مناسب هذا اول مكان اقترحه لك
وفندق اتلانتس ابداع وإذا تحبون الحدائق عندك الممزر والخور
مول الآوت لت ماحبيته
بالنسبة لي أفضل يكون التقسيم لليوم / مول+ حديقة او بحر يعني مكان مفتوح لان الجو حلو

آخر مواضيع dana99

- استفسارات - الحجز في منتجع اتلانتس .. - تخطيط لسفره اقتصاديه - اقتراحاتكم للسفر في شهر يوليو - تقريري (بين جورجيا 2017 والشمال التركي 2018)

توقيع : dana99

(وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا)

http://www.arabtrvl.com/vb/t13391-2.html

في جدول منزله انا بهذا الموضوع حمله

آخر مواضيع اللـــــيث

- دبي دانة الدنيا بعيون اللـــــيث - مصر (( ام الدنيا )) بعيون اللـــــيث

توقيع : اللـــــيث

انا مع اقتراح ابو ناصر المسافر جدوله مرتب ووجميل
مع بعض التعديل
اليوم الاول الوصةل راح يكون الظهر توهي بالمنرو الى الامارات مول
اليوم الثاني مثل ماقترح اخونا الى حديقه الزهور وجنبها الفراشات وبعدين القريه العالميه طبعا هذا اليوم كله بالتكسي وللعلم القريه تفتح 4 العصر
اليوم الثالث الجي بي ار المارينا مول موجود فيه ثم بوكس بارك دبي ثم دبي مول
اليوم الرابع ممكن تزورين قرية البوم وقريب منها عروض الدولفين وبعد كذا سوق الكرامه بحيث تزورين قرية البوم وتحظرين عرض الدولفين الساعه 3ويخلص4 وتوكلي للسوق
اليوم الخامس بااتكسي الى الاوت لت ثم الى السوق الصيني
يوم السفر بما ان الرحله متاخره بلغي الفندق اذا ممكن تسجيل خروج متاخر يعني الساعه خمس
وفي النهار تزورين ابن بطوطه لكن روحي له بدري حتى يمديك ترجعين قبل 5 يعني اطلعي 11 الظهر من الفندق وغادري المول الساعه 3 حتى يمديك


هذا الجدول بيفيدك

هذا الجدول انا مرتبته لاحد الاخوات بالمنتدى بالتفصيل اتمنى يفيدك


اليوم الاول 5يناير

الوصول وتاخذين تكسي الى الفندق

تتوجهين الى الامارات مول وهو الاقرب لك وتدخلين سكاي دبي (قريه الثلجيه )(داخل المول ) سعر الشخص 220 ريال لمدة ساعتين اذا حاب احد منكم يدخل او تدخلون السينما هناك وتتعشون باحد المطاعم

التنقل
اقرب محطه مترو منك هي محطة مترو مدينة دبي للإنترنت لكن لازم اذا طلعتي من الفندق تدخلين لجسر المشاه وتنتقلين للطرف الاخر من الشارع حتى توصلين للمحطه واذا ركبتي المترو تنزلين في محطه الامارات مول يعن اول محطه لاتنزلين فيها نزلي بالمحطه الثانيه وتكونين في المول مباشره والعوده بنفس الطريقه



اليوم الثاني 6 يناير

تركبين المترو وتتوجهين الى محطه DAMAC Properties Metro Station2 (داماك العقارية مترو) وتقضين الوقت في الجي بي ار والمرسى وعندك مارينا مول وبعد كذا تاخذين التكسي الى حديقه الزهزو (ماريكل جاردن )
وبعد كذا تكسي الى القريه العالميه وقضاء اليوم هناك والعوده للتكسي للفندق (القريه العالميه تفتح ابوابها الساعه 4 عصرا )


اليوم الثالث 7 يناير
التوجه في الظهريه والعصريه الى فيستفال سيتي وبعد كذا تتوجهين الى دبي مول وهنا المترو ماراح ينزلك مباشره على المول يعني را تحتاجين مشي 5 او 10 دقايق وتعبرين بوليفارد الشيخ محمد وتوصلين المول او تاخذين تكسي من المترو الى المول وبيكون رخيص لانه قريب لدبي مول وتدخلين الاكواريوم الشخص 110 درهم وبعد كذا تتوجهين للنافوره واذا وصلتي النافوره راح تلقين جسر يربط بين دبي مول وسوق البحار (مجمع صغير وعادي اللي يميزه المطاعم اللي تطل على النافوره ممكن تروحينه من خلال الجسر وتلقين نظره واذا حبيتي تتعشين باحد مطاعمه ممكن او احد مطاعم دبي مول المطله على النافوره )وتقضين الليله على النافوره وتركبين القارب وممكن تزورين برج خليفه لانه على النافوره ممكن تحجزين تذاكر عن طريق موقعهم الالكتروني

Home | Burj Khalifa

الحجز عن طريق الموقع اوفر او ممكن تحجزين من مكتب الحجوزات الموجود بمول دبي مول( تقريبا 200 درهم ) وتدخلين بيوم ثاني يكون ارخص اما انك تحجزين من المكتب لنفس اليوم بيكون الضعف (400 درهم للشخص )

ملاحظه : وضعت لك فيستفال سيتي في اول اليوم لان من رايي انك تشوفين النافوره بالليل اجمل ولان النافوره عروضها المسائيه اكث من النهاريه

التنقلات :
المترو الى محطه الراشديه ثم تكسي الى مجمع فيستفال سيتي لان مافي محطه توصلك مباشره للمول واذا خلصتي نفس الشي تكسي من المول الى محطه الراشديه ومن محطه الراشديه الى محطه برج خليفه ممكن تمشين الى المول ممتع لانك راح تمرين ببوليفارد الشيخ محمد شارع جميل محلات ومطاعم ومقاهي قريب جدا من المول او تكسي للمول وماراح يكلفك كثير وبعد كذا العوده للفندق بالمترو من محطه برج خليفه الى محطه الفندق اللي ذكرتها فوق

اليوم الرابع 8
تتوجهين بالمترو الى محطه برجمان وتنزلين الى المركز وتركبين الباص السياحي وتاخذين رحله مدتها 4 ساعات وانصح ان تكون بالنهار وبعد الرحله تركبين المترو من محطه برجمان الخط الاخضر ( اسألي عن المترو الخط الاخضر ويدلونه لك اما باقي الايام السابقه كان تنقلك على الخط الاحمر ) الى محطه Dubai Healthcare City Metro Station 1 وتكسي الى قريه البوم والقداء في مطعمها او على السفينه وبعد كذا دخول دولفيناريوم (ملاصقه لها ولحديقه الخور كلها مع بعض ) يوجد به عروض للدلافين ممكن تحجزين عن طريق النت


http://wonderbusdubai.net/arTripsAndTiming.aspx





http://wonderbusdubai.net/arToursAndPackages.aspx


هذا الرابط تلقين فيه حجوزات للاكواريوم والسكاي دبي والدلافين والباص السياحي وغيرها الفعاليات لكن للأمانه مامره جربته



هذا رقمهم اذا حابه تستفسرين

0097143369773

وبعد كذا تاخذين تكسي الى الوافي مول وهو قريب جدا يعني بالترتيب يكون حديقه الخور وقريه البوم على يمين الخريطه وفي الوسط محطه المترو والى يسار الوافي مول منطقه وحده واذا خلصتي تتوجهين بالتكسي الى محطه المترو Dubai Healthcare City Metro Station 1 وتركبين الى محطة برجمان وتنزلبين وتركبين المترو الخط الاحمر من محطه برجمان الخط الاحمر الى محطه الفندق الخاص فيك وسبق وذكرت اسمها

اليوم الخامس 9

يوم التسوق افطري وطلعي بدري يعني 9 الصباح وتوجهي الى سوق نايف .. سوق الذهب .. سوق عكاظ .. سوق ابو الهيل للعبايات وبعد كذا توجهين الى الاوت لت بالتكسي لانه مايوصل له المترو يوجد المول بعيد شوي قريب من حديقه الزهور وبعد كذا بالتكسي توجهي الى السوق الصيني وتقضين الوقت الباقي هناك لانه يغلق ابوابه بدري اتوقع 10 هو مقفل

النقلات : انا هنا افضل تستخدمين التكسي لانه معاك اغراض ومقاضي وغير كذا انصحك تاخذين معتاك العره الخاصه للسوق اللي فيها عجلات تنباع عندنا بالسوق ماادري عرفتيها او لا
الانطلاق بالمترو الى محطة مترو الاتحاد وتكسي الى سوق نايف وبعد كذا التنقل على رجولكم بين الاسواق



اليوم السادس 10

العوده الى الوطن

ملاحظات مهمه :
1- اخر رحله للمترو تكون 11:30 يعني قبل هالوقت تكونين بالمحطه وتأكدي من المحطه قبل ماتطلعين عن اخر رحله توصل لفندقك وتنطلق من عندهم الساعه كم

2- استري بطاقه النول الفضيه وشحنيها اوفر لك ومممكن تستخدمينها في المترو الباصات العامه فقط

هذا روابط بتفيدك
وهذا فيديو يوضح طريقه المترو


وهذي خريطه توضح خطوط المترو الاحمر والاخضر في دبي

https://www.google.com/maps/d/viewer...M.kLd0Jz-wUcx8l

موقع خاص للنول

https://www.nol.ae/RtaPortal/Portal....et_range_range

يعطيكم العاافيه جميعا ماقصرتوو

بس الوصول الساعه 12 بالليل يعني مافيه مجال اطلع مكان

وابي مول يكون قريب من المطار وعندهم خدمة حفظ الامتعه ..؟

فيستفال سيتي عندهم خدمه حفظ الأمتعه أول ما تدخلون حطوها عند الكاونتر اللي فيه موظفي خدمه العملاء
اعتقد الشنطه أو كلهن بمبلغ 15 درهم إذا مو ناسي( كانت معي شنطتين أخذو 15 درهم فقط)
بس تراهم يسكرون علي 10 مساءا وقبل تمشون كلمو الموظفين ويطلبون شنطكم

مو بعيد ....

مع أطيب الأمنيات.......فيصل