رحلتي القصيره للكويت الحبيبه 2014

[q8ya metnaqla]

تسلم ايدج على هالتقرير
وعليكم بالعافيه


ام عيسى وفيصل بالنسبه للافنيوز اهما الحين ابتدوا في المرحله الرابعه وتتضمن الفندق وعياده للطوارئ وومكان اسمه فينيسيا والحين شغالين فيه من حفر والخ وان شاءالله يخلص بالوقت اللي بينجزونه فيه ...


اما بالنسبه للعربيد ف اهو مجمع خياييط ومثل ماذكرتي ام عيسى بس حطي في بالج يخلصها بعد بيوم ان بغيتي بس هذا اذا مافي موسم اما اذا موسم مثلا رمضان انسي اقل شي شهر ..
وفي خياييط فووق بالبلوكات وبعد عندهم تشكيله حلووه ..


ونورتوا الكويت

 

آخر مواضيع q8ya metnaqla

- استفسارات اليابان - رحلة صيفية بحرية في ربوع الجبل الأسود (مونتينيغرو 7/2024) - حي الله هالقطري حي الله حبه ربى في حشاي .. مانحتاج حق السري سراينا هالجاي - هنــــــــا سنغــافورة الكفــاح الإصــرار التعليــم التطــور - هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

[هداوه]

اقتباس:
المشاركة الأصلية كتبت بواسطة الايمان

حياالله ام عيسى نورتي الكويت انتي والبنات

ان شاءالله تكونون استانستوا بالكويت

متابعين معاج تقرير الكويت الحبيبه

في حد مايستانس في الكويت

ياسلام ع الكويت وأهلها

وحياج الله حبيبتي منورتني

اقتباس:
المشاركة الأصلية كتبت بواسطة هاوية الاسفار

سوق العربيد اول مره اسمع عنه بس يا ريت لو كنتي مصورتنه
عاد احنا و الجلابيات ادمان بس ان شاء الله بحطه ضمن المخطط للرحله اليايه
متابعين

للاسف ماصورته لأنه ماحطيت في بالي أكتب عنه

وغير جيه أعتقد ممنوع التصوير لأنه كل خيا مسكر محله بالستاره عشان محد يسرق أفكاره

بس تدرون شو حصلت في هالسوق

حصلت يونيفورم للخدم برقص التراب

اللبسه من دينارين لين 3 ونحن هنيه مثل هاي النوعيه ب 120 درهم

طبعا أنا ماقصرت في بشاكيري كل وحده خذيتلها 5 أطقم

وحتى جلابياتهم رخيصه من 18 دينار لين 30 وقليل تحصلون أغلى من 30

اقتباس:
المشاركة الأصلية كتبت بواسطة فيصل

المباركيه خوش سوق

الافنيوز لو يطلع مول جديد بالكويت مافيه مثله بس بالويكند مره مو زين

ياليت يبنون قريب منه فندق

وايد حلو التمشي في المباركيه وخذيت منهم صديري شتوي حق بوعيسى رووووعه

والقهر انه ضاع ومب عارفين وين نسيناه مع انه ولامره لبسه

تمشينا فيه بالويك اند وكان زحمه وايد

أنا سامعه انه بيبنون وننتظر

اقتباس:
المشاركة الأصلية كتبت بواسطة فارس الجبيل

الله يعطيك العافيه على هالتقرير الجميل اختي ام عيسى وابداً مو غريب عليك الابداع
الفندق بصراحة حليو ومرتب ملموم شوي لكن ابدا ماينتقارن بجميرا المسيلة حبيت الكويت من حبي للجميرا اشرح واوسع صدر وموقعة حلو
متابعين معاك وجعلك على القوة

فعلا وأنا نفس رأيك

الجميرا أشرح وأونس

تسعدني متابعتكم

اقتباس:
المشاركة الأصلية كتبت بواسطة وفاااء

ام عيسى هنا اذاً الاضواء هنا
حبيبتي شوقتينا للكويت زمان عنها
ننتظر التفاصيل وبالتفصيل

الضوء والنور في وجودكم بتقاريري

ان شاءالله بحاول أعطيكم الا أقدر عليه

اقتباس:
المشاركة الأصلية كتبت بواسطة q8ya metnaqla

تسلم ايدج على هالتقرير

وعليكم بالعافيه

ام عيسى وفيصل بالنسبه للافنيوز اهما الحين ابتدوا في المرحله الرابعه وتتضمن الفندق وعياده للطوارئ وومكان اسمه فينيسيا والحين شغالين فيه من حفر والخ وان شاءالله يخلص بالوقت اللي بينجزونه فيه ...

اما بالنسبه للعربيد ف اهو مجمع خياييط ومثل ماذكرتي ام عيسى بس حطي في بالج يخلصها بعد بيوم ان بغيتي بس هذا اذا مافي موسم اما اذا موسم مثلا رمضان انسي اقل شي شهر ..

وفي خياييط فووق بالبلوكات وبعد عندهم تشكيله حلووه ..

ونورتوا الكويت

الله يسلمج الغاليه ويعافيج

خبر جميل وننتظر الفندق بفارغ الصبر

جزاج الله خير انج شرحتيلنا أكثر عن سوق العربيد ، شكرا للاضافه

وياريت ورا كل جزء عطينا تفاصيل أكثر لو معلوماتي ناقصه

 

آخر مواضيع هداوه

- جديد دبي ...حديقة دبي المتوهجه - يومياتي في منتجعات كارلوفاري وبراغ ( الشيك ) - مغامراتي البحريه في الكروز MSC للأراضي النروجيه - الدليل السياحي الشامل لسويسرا بالمختصر المفيد... - الدليل السياحي الشامل للنمسا بالمختصر المفيد...