أحلى خيرة ....مكة - الصفحة 12

مجدي · 23-12-2015, 01:39 PM

جعت [emoji31] الله يرحمنا

sent from Galaxy Note 5 using Tabatalk

توبليرون · 23-12-2015, 07:14 PM

اقتباس : المشاركة الأصلية كتبت بواسطة أبوفيصل

حياك الله بوفيصل من زمان عنك
نورت التقرير

أبوفيصلمعجبون بهذا.

توبليرون · 23-12-2015, 07:21 PM

اقتباس : المشاركة الأصلية كتبت بواسطة قصة حب

لا ام حسين تشوقيني وتروحين ؟؟؟؟

تعالي نبي نشوف المطعم وتقييمك له

عوافي مقدما

اييي لازم تشويق للمتابعين الحلوين
ان شاءالله بتشوفون كلللللللللللللللل حاااااااجة
الله يعافيج حبيبتي

قصة حبمعجبون بهذا.

توبليرون · 23-12-2015, 07:26 PM

اقتباس : المشاركة الأصلية كتبت بواسطة OLGA

ام حسين وين رحتي علقتينا لوول اندمجنا معه الاحداث
ماشاءالله يعطيج العافيه
٨ ونص حق الريوق وايد متأخر اغلب الفنادق يفتحون ٦ ونص
في فنادق طول اليوم يفتحون حق المعتمرين
ناطرين باجي التقرير .. شكرا

كاني موجودة
والله حملت اليوم من الايباد وانا بالطريج
وبس وصلت خلص الشحن
وان شاءالله اكمله لكم
اي والله قبل الموفنبيك نصلي الفير ننطر نص ساعة الا فاج
ونتريق الحمدلله على كل حال
نطري الحلقة الياية

OLGAمعجبون بهذا.

توبليرون · 23-12-2015, 07:34 PM

اقتباس : المشاركة الأصلية كتبت بواسطة مجدي

جعت [emoji31] الله يرحمنا

sent from Galaxy Note 5 using Tabatalk

ههههههههه الله يرحمنا برحمته انتظر الغدا عيل
شنو بتقول
يسعدك ربي على المرور الكريم

ام زيادمعجبون بهذا.

الايمان · 24-12-2015, 03:35 AM

تقبل الله طاعتكم ام حسون
واحلى خيره والله
الله يكتب لنا العمره ان شاءالله

توبليرونمعجبون بهذا.

توبليرون · 24-12-2015, 09:27 PM

اقتباس : المشاركة الأصلية كتبت بواسطة الايمان

تقبل الله طاعتكم ام حسون
واحلى خيره والله
الله يكتب لنا العمره ان شاءالله

تقبل الله منا ومنكم صالح الأعمال
اموون
الحمدلله والشكر لله ان كتب لنا العمرة
ربي يكتبها لكم وانا بعد ودي اروح مره ثانية ما شبعنا
شكراا للمرور يا قمرهم

شرفني مرورج

توبليرون · 24-12-2015, 09:30 PM

العرب المسافرون مكة

نكمل معاكم

طبعا احنا شفنا اللوحة هذه في الطابق 29

اييييييييي ورحنا مطعم الديرة

ورحنا جهة اللوحة يسار
يمين
ممرات غرف مسكرة
ومافي ولا احد ابدااا لا يمين ولا يسار ولا طاولات ولا كراسي
اصلا ما شفنا مطعم

وسألنا شخص قال المطعم بس يقدم وجبتي الفطور والعشاء
وانا امشي وراهم واصور

صور لمطل المطعم او من الدور 29 ....

طبعا الدريشة مخيبة للآمال غير نظيفة

ومن الأصنصير شفنا هاللافتة

شوفوا الأوقات بعد بس ريوق

نزلنا الطابق اللي فيه مطاعم ما اذكر اي دور

من الأصنصير

ونزلنا
مطاعم وكافيهات فاضية واحنا يواعة وراسمين على شي عدل

رحنا هني قال لنا هذا فطور
الناس للحين تتريق

رحنا ورا هالزوجين
طلعوا نفسنا يبون غدا وهني بس ريوق

وام حسين تصور لربعها بالمنتدى

ولقينا مطعم أخيراااااااا

بوفيه الغداء الشخص بسعر 150 ريال
وقلنا اوكي

ودخلنا عطانا ورقة مكتوب فيها عددنا ورحنا اخذنا طاولة

وهذه من المدخل

بهارات حب

وطاولتنا

شايفين الطاولة ما فيها صحون وملاعق
لأن المطعم متروووس وكلهم كويتين وامارتيين وخليجين شوية

المهم قعدنا وهم كملوا تجهيز الطاولة

مطل المطعم

باين في كافيهات خارجية يمكن بس الليل يفتحونها

وهذا أسم مطعمنا ** اطياف**

وهني ندخل على البوفيه المتنوع

السلطات

المخبوزات

السوشي

سوشي بوحسين

احنا تونا بالسلطة وهو ما شاءالله

والسوشي ظل للأخير ما أكله هههههه

أكل السلطة واصور هذا بره

قمنا للاطباق الرئيسية

المطعم متنوع من كذا مطبخ عالمي

والاكل السعودي بعد

ترى كنت اصور ومستحية من الناس واقفين وراي ينطروني اصور ههههه

طبقي

صيادية وقوزي ومشويات ومقلوبة

القوزي والمقلوبة روووعه طعمهم خيال وخاصة المقلوبة

الحلويات

ما أصورها الا علشان ام علي هاوية الأسفار والايمان

والفواكه

والرقي

وصحني من الفواكه

شوربتي
اخر شي هههههههههههه
قلت ماكو شوربة

قالت دانه فيه وراحت يابت لي

اصور لكم اسماء المطاعم من الورقة نفسها

اذا بتحجزون عن الزحمة لأي مطعم منهم

الفاتورة

نسيت اقول لكم البوفيه بدون المشروبات ب 150 او اكثر شوي

المشروبات طلبنا بس بطل ماي كبير
مادري بكم احسبوه لنا

تقييمنا بذاك الوقت

تقيميمي للمطعم
النظافة 9 / 10
بسبب زحمة الزباين بس الصحون اللي تنحط فيها ملاعق الغرف الاكل
( الملاليس ) وباين في الصور

الأكل الطعم لذييذ 10 / 10
السعر يستاهل السعر لتنوعه والطعم اللذيذ لكل الأطباق
بوحسين وغنومة
دايما داشين عرض بصوري

وطلعنا من الفيرمونت
وكملنا بالتسوق بعد شوية تمشينا انا والبنات

وعقبها

مجدي, OLGA, فارس من خيال و 7 آخرون معجبون بهذا.

توبليرون · 24-12-2015, 09:33 PM

ونكمل معاكم الحين

طلعنا من السوق تقريبا قبل اذان العصر

وهني دخلنا السوق وصورت الكرك حق بنياتي بالكويت

من أهل الكرك

ورحنا نصلي بالحرم

صلاة العصر

تصوير من الحرم

صلاتنا كانت فوق من مدخل السلالم المتحركة
كانت زحمة لأت وقت الصلاة

بعد الصلاة شربنا من ماي زمزم

كان جهة النساء

وأقول حق غنيمة ماكو قلاصات
قالت يمه اشفيج كاهم ....عماة قلب ....جدام عيوني وما اشوفهم

قلت بصورهم لكم شوفوا اشلون واضحين هههه

وهني طلعنا وصورنا واحنا بطريجنا

الكل يصور الساعة

وهني صوب فندقنا

ورحنا عند كافيه الفندق اللي يمنا والله مو عارفة اسمه ما تأكدت شنو اسمه

وقعدنا بالكافيه قال في قعدات تطل على ساحة الحرم

وهذه الأطلالة

صورنا بسرعة ورجعنا داخل بالريسبشن

هذا صباب القهوة ضيافة الفندق دايما بعد كل صلاة يقعدون

انحشنا من الذباب

وهذا الكافيه قدامكم والجلسات

وصول الطلبات

وهذه الكيكة كبيرة تكفي ثلاثة اشخاص

هني العصير الكوكتيل اللي ابدااا ما عجبنا

انا شربت شوي من العصير

والا غنومة ابدااا ما عجبها

وبعد الكافيه رحنا نريح شوي قبل صلاة المغرب

وصلينا بالمصلى تبع الفندق

وبعدين اشترينا التمر من السوق اللي تحت الفندق
ورجعنا الغرفة وابوحسين اشترى لنا ماي زمزم كل شخص له فقط خمسة لتر
اخذنا عشرين لتر كرتونين

طلعنا شوية السوق ما طولنا بس تواعدنا بعد الصلاة بمكان معين
في اسواق زمزم
رحنا لصلاة العشاء بسرعه يعني بنصلي انا وغنيمة في الصحن
ما شفنا الكعبة الا اول يوم ما تبين من فوق
والزحمة ويوم جمعه

ورحنا دخلنا تحت بس ما كو الشرطة واقفين مسكرين الممرات للصحن
ماخلونا ندخل وقعدنا نصلي قريب الممر

بس يلا نشوف جزء من الكعبة اللي لها القلب قبل العين يشتاق

لمحبين السناب

بانتظار الصلاة

انا على كرسي الوقف

الله يبعد عنكم الخشونه ان شاءالله

وهني بعد الصلاة تيمعنا ورحنا ندور عشى يواعة ههههههه

السفر والمشي اييوع

رحنا فوق ولقينا سماش بورغر

مطاعم وايد والأختيار الصعب

وقعدت هني بس وهم راحوا يدورون مطاعم

نادتني دانه والا لقيتهم عند المطعم التركي

وابوحسين وغنومة طالبين ينتظرون اكلهم يخلص

وهذا اسمه

ووصل عشا غنيمة سندويشات اعتقد كباب

حمص بغى ينقلب علينا ههههه

بوحسين شيش طاووق

دانة عجيبة ما اطلبت الاكل التركي هههه
طلبنا انا هي من سماش بورغر

في البورغر على الطريقة السعودية

وهذا البورغر السعودي طلب دانة تقول حلووو

الشبس والجبن اللي عليه لذيذ جدا

بعد العشا تسوقنا شوية وتمشينا ومنها للفندق ونووووم

وقبل النوم شغلنا السناب والنت وصورت لكم فلاتر السناب للمكة

هذا مطل غرفتنا عل الغرق الثانية

وتصبحوون على خير

ان شاءالله يبقى الجزء الأخير
انتظرونا مع الشواذي والعودة للكويت

مجدي, OLGA, فارس من خيال و 9 آخرون معجبون بهذا.

مجدي · 25-12-2015, 01:50 PM

الله يجازيكي يا أم حسين على الي عاملتيه فينا
اليوم يوم جمعة الله يصبحك بالخير
يعني لازم نشوف كل هالوجبات على هالصبح
يعني ماسك كاسة الشاي بإيدي وبتحسر

ما شاء الله
ربنا يرزقنا زيارة البيت قريب

توبليرون, فارس من خيال, فيصل و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
... والعود أحمد	احب السفر	بوابة مصر	14	21-05-2016 01:05 PM
في حيرة بسبب الترانزيت	أبو عاصم	بوابة اندونيسيا	9	22-08-2015 01:17 PM
دار ليلى في مراكش	ساري أحمد	بوابة المغرب	14	20-04-2015 11:31 PM