سحرني حلاها و قلبي هواها و ابتلى ( الكويت 2015 )

هاوية الاسفار · 02-02-2016, 06:48 PM

السلام عليكم و رحمة الله و بركاته

رجعتلكم في تقرير جديد لهذي البلاد اللي اصبحنا ما نستغنى عن زيارتها و نشتاق لها وااااااايد و لاجوائها الرائعه

رحلتنا كانت من تاريخ 19 / 12 / 2015 الى 25 / 12 / 2015

التخطيط بدأ من الصيف لكن وقت السفر خليت كل شيء على حاله و قلت بنعيش اليوم بيومه

بدون جدول و لا قوانين و لا التزامات

و السبب عندي طفل رضيع اقل من سنه و ما كنت عارفه كيف بيكون وضعي وياه

و رحلتنا للاستجمام و الخروج عن الروتين اليومي من غير زيارة للمزارات و المتاحف لاني زرتها قبل

قبل ما ابدأ التقرير حبيت اشكر من ساعدني بالرد على الاستفسارات و اخص بالشكر ام حسين توبليرون

و اختي ابرار كويتية متنقله لاني لعوزتهم من الاستفسارارت في الواتس اب قبل السفر و بعده

و للامانه ما قصروا يزاهم الله خير

سفرتنا عن طريق البر

يوم السفر كنت ناوية اطلع قبلها بيومين و نريح في قطر لكن للاسف زوجي مشغول جدا ويا الدوام

و هذا الشيء ما حسبت حسابه لانه المفروض احجز من تاريخ 20 اللي هو الاحد لكن الحمدلله طلعنا السبت

انطلقنا الساعه 7 الصبح و اول شيء نعبي البترول و هاي الصوره للي دايم يسألون عن اسعار البترول و انواعهم

و مرينا مطعم غنتوت خذنا سندويشات و شاي حليب و نسيت اصور لكن هاي صوره قديمه

الجو بارد و درجة الحرارة كانت

وصلنا الحدود منفذ الغويفات الساعة 11 و نص و كان زحمه يا دونيا زحمة

خذنا تقريبا ساعة لين خلصنا الاجراءات الناس كلها طالعه اجازة

مرينا على اول محطة سحاب بعد المنافذ و خذنا صحن بخاري دجاج من مطعمنا المفضل و هاي صورة قديمة

و كل ما تعمقنا في الربع الخالي زادت البروده توقفنا كم مرة للصلاه و التزود بالبنزين

و هاي اللوحه زادت من الحماس

وصلنا الحدود الساعة 7 تقريبا بتوقيت الكويت و نفس الشيء زحمه

كنا حاجزين بفندق آدامز ببنيد القار و الفندق جديد ما صار له سنه

وصلنا المنطقة و وقفنا عند مطعم و مشويات الغدير و خذنا سندويشات شاورما

و فلافل و بصراحة الشاوارما لذيييييييييييييييييذه جدا جدا عمري ما كلت بلذتها

المفروض نوصل و على طول عشانا يكون في مقهى الشميمري لكن كنا تعبانين و قلنا ناخذ سندويشات و كان اختيار موفق للمطعم

الفندق يقع على شارع الخليج العربي و اطلالته حلوة غرفتنا في الطابق السادس

و هاي شقتنا

اول ما ندخل باب المطبخ على اليمين و عقبه الحمام

حمام الصاله

الصاله

أبن السلطنة, ملاك, توبليرون و 9 آخرون معجبون بهذا.

أبن السلطنة · 02-02-2016, 06:56 PM

ماشاءالله بدية قويه جدا

ما زودتو لنا من الشوارمة

عوافي لكم

والحمدلله على السلامه

هاوية الاسفار, توبليرون, الايمان و 1 آخرون معجبون بهذا.

هاوية الاسفار · 02-02-2016, 07:10 PM

كرسي كبير ينفع لولدي ينام عليه

تلفزيون الصالة

غرفة النوم

التسريحه

احلى شيء عيبني وجود ساتر على الدرايش نفس اللي نشوفها في الفلل الكويتيه

ما يحتاج نفتح و نسكر الستاره

الابجوره ديزاينها حلو

تكرمون حمام الغرفة

مستلزمات الحمام و تتغير كل يوم

و هاي المنظره مهمة قبل الطلعة

الكبت

طاولة الكوي و الكواية

ادوات المطبخ

سعر الشقة للمده كلها 306 دينار كويتي و اخر التقرير بحط السعر بالدرهم

طلبنا فراش زياده لولدي الصغير قالوا ما عندنا بس بعدين يابولنا مرتبة و لحافات و سرير للبيبي

و بكذا خلص يومنا و اشوفكم في ثاني يوم في الكويت

دمتم بخير

ملاك, توبليرون, قصة حب و 6 آخرون معجبون بهذا.

هاوية الاسفار · 02-02-2016, 07:45 PM

اقتباس : المشاركة الأصلية كتبت بواسطة أبن السلطنة

ماشاءالله بدية قويه جدا

ما زودتو لنا من الشوارمة

عوافي لكم

والحمدلله على السلامه

الله يعافيك
عاد انا من زمان مقاطعه الشوارما لكن هاي حبيتها و طلبتها مره ثانيه بعد
الله يسلمك شكرًا عَل المرور

توبليرون, أبن السلطنة, الايمان و 1 آخرون معجبون بهذا.

ملاك · 02-02-2016, 09:19 PM

ماشاء الله من البداية باين انه (خوش تقرير )
لكن المسافة جدا طويلة شي متعب صراحة
متابعين معاكي الكويت الجميلة

هاوية الاسفار, توبليرون, الايمان و 1 آخرون معجبون بهذا.

هاوية الاسفار · 02-02-2016, 09:34 PM

صح المسافة طويله بس احنا متعودين
لكن اللي لعوزنا زحمة الحدود و ولدي الصغير الله يحفظه
تسلمين

توبليرون, الايمان و محمدويوسف معجبون بهذا.

توبليرون · 03-02-2016, 12:44 AM

نورت الديرة فيكم
تسلمين على الشكر وهذا واجبنا يام علي
وسامحينا على القصور
عجبني العنوان واايد واايد
الطريج طويل بس اللي متعود ما يعوقه شي
وبعد تاخذين راحتكم في المشترى وما تفكرين بوزن الطيارة

الفندق باين عليه نظيف وفرشه يحسسك في بيتك
وبالعافية الشاورما ومطعم القدير معروف بسندويشاته اللذيذة
متابعين معاكم للأخير

أبن السلطنة, هاوية الاسفار, قصة حب و 2 آخرون معجبون بهذا.

فيصل · 03-02-2016, 10:46 AM

وعليكم السلام ورحمه الله وبركاته

الطريق متعب لكن كعائله خيار موفق بنظري لأنك راح تحتاج السياره

الشقه اختيار موفق يعني 50 دينار كل ليله

هاوية الاسفار, توبليرون, الايمان و 1 آخرون معجبون بهذا.

هاوية الاسفار · 03-02-2016, 11:08 AM

اقتباس : المشاركة الأصلية كتبت بواسطة توبليرون

نورت الديرة فيكم
تسلمين على الشكر وهذا واجبنا يام علي
وسامحينا على القصور
عجبني العنوان واايد واايد
الطريج طويل بس اللي متعود ما يعوقه شي
وبعد تاخذين راحتكم في المشترى وما تفكرين بوزن الطيارة

الفندق باين عليه نظيف وفرشه يحسسك في بيتك
وبالعافية الشاورما ومطعم القدير معروف بسندويشاته اللذيذة
متابعين معاكم للأخير

منوره باهلها
الله يسلمج ما منكم قَصور و إنتي راعية واجب دوم
من رديت و انا أدور عنوان و كل يوم اطلع بشيء
و كتبت العنوان قبل 4 ايام و انمسح التقرير كامل
و نسيت شو كان العنوان
الفندق يديد و أتمنى يتم بهالنظافه على طول لأَنِّي اذا زرتكم مره ثانيه
بقعد فيه و بيكون اول خيار اذا ما لقينا شيء جديد
حياج الله
شكرًا عَل المتابعة

فيصل, توبليرون, الايمان و 1 آخرون معجبون بهذا.

هاوية الاسفار · 03-02-2016, 11:17 AM

اقتباس : المشاركة الأصلية كتبت بواسطة فيصل

وعليكم السلام ورحمه الله وبركاته

الطريق متعب لكن كعائله خيار موفق بنظري لأنك راح تحتاج السياره

الشقه اختيار موفق يعني 50 دينار كل ليله

تعب الطريق يهون في نظري
اذا بنسافر بالطيارة احسب قبل السفر بساعتين في المطار و غير انك ملتزم بوقت معين
و ثاني شيء نوفر سعر التذاكر و الطريق صاير وايد مريح
و الشوارع تم رصفها من جديد
الا درب الكويت و شوارعها كرهناه لانه و احنا رادين في أماكن الأسفلت مكسر و يعدلونه
و السيارات تمشي بسرعه فوقه و يتجمع الحصى في التواير
تخيل انشرخت جامة سيارتنا شرختين صغار بس الحمدلله الله سلمنا و يت في السياره
الشقه رخيصه وايد و ربعنا كانوا محتلين الفندق بالكامل
تسلم عَل المرور

فيصل, قصة حب, توبليرون و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحرني جمالك يا أوريغون	مقدام	بوابة امريكا	39	16-04-2022 05:25 PM
سويسرا ( انترلكن - جنيف - زيروخ - باسل - برن -لوعانو - لوسيرن )	AhmedAlkhoori90	بوابة سويسرا	22	02-02-2016 05:18 PM
سحرني جمالك يا ماليزيا	موج البحر	ماليزيا	9	24-01-2015 03:13 AM