رحلتي الى الشمال التركي واسطنبول بالصور والفيديو 11 ليلة - الصفحة 40

عناقيد الربيع · 27-07-2015, 08:13 AM

اقتباس : المشاركة الأصلية كتبت بواسطة hazim b

التقرير ضرب الرقم القياسي بعدد المشاهدات.

الحمد لله ... دائما اشوف زوار ان شاء الله اكون افدتهم لو بشي بسيط

عناقيد الربيع · 27-07-2015, 08:15 AM

اقتباس : المشاركة الأصلية كتبت بواسطة المكلي7

نتابع اللوحات الجميلة لصاحبة الذوق الرفيع بصراحة انتي مثل فريق ريال مدريد روعة - متابعتك رائعة وتفاصيل التقرير شيقة نتمنى لك مزيدا من النجاح والرقي

تسلم اخوي كلك ذوووووق

دام قارنتني بـ رويال مدريد بشوف نفسي هههههههه

متابعتكم و ردودكم هي الاروع

كل الشكر ع المرور الجميل

دمت بحفظ الرحمن

عناقيد الربيع · 27-07-2015, 08:24 AM

اقتباس : المشاركة الأصلية كتبت بواسطة فيصل

جزاك الله خير
ما أجمل من الإطعام والسقيا

يجزينا ويجزيك

" مجرد عزيمة بسيطة حبيتها اذكرها عشان الفت نظر البعض حلو نشارك هالشعب المحروم من ابسط حقوقهم بوجبة"

مبين المسجد من كثر الصور أنه أعجبك
جدا جدا جدا وبنظري هو الوحيد اللي يستحق الزيارة اطلالته روووووووووعة

التمشي فيه اكتشاف وجميل التجربه
اي حلو الواحد يستكشف بس بوقت صح مش يروح للمكان وهو شوي وبيقفل

غريبه محل القهوه ما فيه زحمه زرته أكثر من مره وكل مره دور طويل
لا غريبة ولا شي لاني كنت عندهم الساعة 10 صباحاً مصبحين عليهم

الاطلاله تشفع للمقهي
اي الاطلالة تخليك غصب تغض النظر عن خدمتهم طولنا فيه ولا حسينا ...

حركاتهم لازم يلعبون بالمنيو
بلد ما يحترم السائح .. لو تم تعاملهم كذا بيخسرون فئة كبيرة من السياح

شكرا لك

العفو مديرنا

شكرا ع المتابعة الجميلة

دمت بحفظ الرحمن

عناقيد الربيع · 27-07-2015, 08:35 AM

اقتباس : المشاركة الأصلية كتبت بواسطة توبليرون

اخيراا خلصت كم جزء من اسطنبول
الحمد لله .. بربرتي وااايد

عليكم بالعافيه الكفته للوالد والاسكندر لج
الله يعافيج حبيبة قلبي انتي

ونعيما للوالد على الحلاقة
ينعم بحالج

انا ما احب الشعر الطويل للرجل زين سويتي في البابا هههه
ولا انا ما احبه ينرفزني .. احسن شي الاقرع

اما
المواصلات في شارع بغداد شنو اللي ركبتوه اللي وقفتوا له صف طويل ؟؟؟
الصراحة عيزانه ارجع جم صفحه علشان اطلع الاسم اللي بسأل عنه لموليشن ما نوليشن
المهم شنو هو باص والا تاكسي والا شنو بالضبط
هو بين التاكسي وبين الباص "مكيرو باص" اسمه دولمش

السؤال الثاني
قلتي السايق بدأ يدوخ ؟ ما معناتها هل قصدك يشرب ؟؟
لا لا لو يشرب بفتح الباب و هو يمشي بالشارع وبفر عمري ههههههههههه
اقصد يدخن

سؤال ثالث
اللي لاحقج بجزيرة الاميرات ليش ما كفختيه بنعال تكرمين
شخص وسخ هذا اللي يبيله مضاربه
ما بغيت ابدأ يومنا بالجزيرة بضرابه .. شوفي حبيبتي كثر ما قدرت حاولت ما اسبب مشاكل لابوي
لانه عصبي جدا جدا ويتم معصب طول اليوم و عنده ضغط ما اباه يتعب ..
يوم رحنا الغابات تم طول اليوم مضيق

الله يعين ابوج بيوم المضاربه وبعد مشيتيه بالحديقه اللي مافيها شي هههه
هههههههههه شدراني قرأت عنها ان فيها 7 بحيرات ومادري شو كله طلع خررريط
يلا تجربه

بس زين سويتي رحتوا القلعه المناظر روعه
مع اني قلت بنفسي وي بعد متاحف وقلاع ويييه ما احبها
بس يوم قلتي بس حديقة استانست ههههه
انا اعشق القلاع والمتاحف احسن عندي من الخضار من جذي ودي اروح لليونان

المهم مره ثانيه اذا بغيتي تشترين صوايغ نقيها بكيفج
اذا بتاخذين رايهم بيحتارون وانتي تحتارين اكثر
اختاري اللي يعجبج واهديهم اياه
صدقج بس شو تسوين لو موصينج قبلها
ما هديت حد هههههههههههه الا بقلاوة وحلقوم بس
الباقي كله يبته تحت طلبهم

ومتابعه لج بعد اخذ فترة شغب وراجعه للتقرير المميز
تسعدني متابعتج ...

كل الشكر ع المرور الرائع

دمتي بحفظ الرحمن

عناقيد الربيع · 27-07-2015, 08:36 AM

اقتباس : المشاركة الأصلية كتبت بواسطة kwt_adv

ممكن مساعدة من اللي راح طرابزون تشوفولي افضل اسكن بشقة من طرابزون ومنها اتنقل الى كل المناطق او يومين طرابزون و2 يوم ازونجول
وياريت تعملولي برنامج كامل لسفرتي علما انو يهمني اجرب التجديف والحبل

اريد مجموعة مساعدات لسفرتي لطرابزون وازونجول وايدر من تاريخ 19 الوصول 2 فجرا الى 25 اغسطس والاقلاع 2:30 فجرا:
1- رقم سواق يتكلم عربي مع سيارة او فان تكفي ل 7 اشخاص وكم يكلف شامل كل شي
2- برنامج لهالفترة علما اني افضل السكن في مكانين متل ايدر وطرابزون لان الفترة قصيرة،،، شو رايكم؟؟
3- اقتراحات عن الاماكن السياحية
4- اقتراحات عن اماكن تسوق اسعارها حلوة
5- افتراحات عن فنادق او شقق بس اليومية تكون متوسطها 100 دولار تقريبا للشخصين

اكيد ممكن الافضل تكون في قسم استفسارات تركية

وظنتي بعد رد ام حسين عليج نزلتي استفسارج

الله يوفقكم ويحفظكم

عناقيد الربيع · 27-07-2015, 09:16 AM

اقتباس : المشاركة الأصلية كتبت بواسطة توبليرون

اخيرااا وصلت للاخير
الحمد لله

ما شاءالله عليج تقرير مميز وجميل جداا
تسلمين حبيبتي كلج ذووووق

افضل من التقرير السابق باشواط
حسيت انج اجتهدتي بالسفره هذه علشان المنتدى
الحمد لله عيبج .. اي كل تفكيري كان بالمنتدى

ربي يحفظ لج الوالد ويحفظج له
آآمين ويحفظج لاهلج ولنا ويحفظهم لج

وان شاءالله تزورونا بالكويت وتسوين لنا تقرير عن ديرتنا بعيونج
ان شاء الله ..

الصور ابدااااع والسوالف احلى
مع ان كل ما رسلت شي لاربيعاتي قالوا شو هالتصوير خسارة فيج السفرة هههههههه

شكراا وبانتظار الجزء الأخير
العفو يالغالية واجبنا

اي نسيت اقول لج الوالده لما راحت لمطعم بالي بيك
طلبت منهم اوراق اللي على الطاوله اللي تحت كل صحن
وغلفتهم ببلاستيك قوي وحطتهم على طاولتها
اذا رحت بيت الوالده اصورهم لج
اقولج شي .. الوالد قالي دامج تبين تشوفينه ولا شفتيه خذي صورته هههههههههه
مرتين نسير لمطعمه ع امل نلتقي فيه
بس ما يت ببالي سالفة التغليف .. الله يحفظ الوالده لكم ويحفظكم لها .. سلميلي عليها

متابعين للأخير

تسعدني متابعتكم جميعااا خاصة انتي ردودج لها نكهة خاااصة

كل الشكر ع المرور الحلو

دمتي بحفظ الرحمن

عناقيد الربيع · 27-07-2015, 10:19 AM

اقتباس : المشاركة الأصلية كتبت بواسطة OLGA

من ذيج المره عطيتيني اللينك قلت بشوف التقرير بس اول صفحه ماطلعتلي الصور قلت خلاص أأجل شوفت التقرير لي يوم ثاني

مادري شو سالفة الصور باول جزء .. ان شاء الله بحملهم مرة ثانية وبضيف بعض الصور ع باقي الاجزاء ..
مرات كنت اتكسل بس اكتشفت ان عندي صور وايد احلى من اللي حطيتهم

والله من امس لي اليوم ماشفت غير تقريرج حدي استانست ماشاءالله عليج تونسين سوالفج انتي وو ابوج الله يخليه لكم مسكين يننتيه معاج
هههه طويلة الاجزاء .. تسلمين حبيبتي ويخليج .. هههههه ضربية الابوة

"حاليا محرم يسافر وياي قال حشى عسكرية مب تمشية"

وو التكاسي حسبي الله عليهم والله جد وقحين وو قليلين الادب والله حسافه انج المفروض تدقين ع الشرطه السياحيه يتكلمون انجيلزي وو القنصليه بعد

مو يالغالية دورت الرقم ما لقيته طلعت مسيفته بالموبايلي الثاني "اللي بالبيت"
حسبي الله عليهم

اذكر في واحد من الاخوان كويتي كتب عن موقف صارله مع الفندق وو دق ع الشرطه السياحيه وو سفاره كويتيه دزوله واحد من القنصليه تفاهم معاهم وو بعدها الفندق اعتذرو وو ردوله كل فلوسه
اعتقد الشرطه العاديه ماتسوي شي لانه بالاساس حاطينهم عشان الشعب وو الشرطه سياحيه حق السياح .. ان شاء الله الكل ينتبه حق هالنقطه لازم تشتكون عند شرطه سياحيه مو عاديه

دمه حار .. زين سوى فيهم ... ان شاء الله المرات اليايه بشتكي الين اشبع هههههههههه

اما عن الاماكن السياحيه الصراحه كل الاماكن الي رحتيلها انا زرتها بس ماشاءالله بعدستج طلعو احلى ( في صور احتفظت فيها ) بالاخص الجزيره ما كانت عاجبتني لانها كانت زحمه وو حر وو ريحه وو معه قروب كل شي بسرعه بسرعه بس منج اكتشفت انه في وايد اماكن فيها مارحتلها وو صج حلوه .. وو ع فكره ترا جزيره فيها فنادق بالبوكينق شلون تقولين ماكو

Booking.com: ظپظ†ط§ط¯ظ‚ ط¹ظ„ظ‰ ط¨ظˆظٹظˆظƒط§ط¯ط§. ط§ط*ط¬ط² ظپظ†ط¯ظ‚ظƒ ط§ظ„ط¢ظ†!

عيونج الاحلى احتفظي باللي تبين فديتج

اي حلووووة الجزيرة وحسيت اني ما عطيتها حقها يبالها تمشيه بالسيكل

افا والله دورت ما لقيت .. طلع العوق في الكتابة انا كتبت بيوك آضه ع كيفي هههههههههه

تشكرات ع الرابط حبيبتي و تشكرات ع المرور الرااائع

دمتي بحفظ الكريم عز وجل

عناقيد الربيع · 27-07-2015, 10:21 AM

اقتباس : المشاركة الأصلية كتبت بواسطة Shomoua

روعه لكن مدري ليه ماتطلع الصور عندي :|

من ذوقج والله ... والله ما ادري علمي علمكم .. ان شاء الله برد ارفعهم قريبا

مدري الكل كذا ولا بس انا ؟!

انا ما تطلع عندي الصور باول جزء فقط

مااستمتعت بالموضوع كويس

ان شاء الله بعدل الصور حبيبتي بدونها التقرير ولا شي ...

شكرا ع المرور

دمتي بحفظ الرحمن

عناقيد الربيع · 27-07-2015, 10:24 AM

اقتباس : المشاركة الأصلية كتبت بواسطة احمد الحربي

الله يعطيك العافية على التقرير الرائع

الله يعافيك اخوي .. تسلم من ذوقك والله

اتمنى تجميع المواضيع بصفحه واحده بدون ردود لكي تكون موسوعه للشمال التركي

موسوعة لشمال التركي .. الاسم كبييييير جدا جدا ع تقريري المتواضع اللي يضم فقط 3 مناطق

كل الشكر لك و ع كلماتك وتشجيعك .. وتقيمك لموضوعي ع انه موسوعة

عطرت صحفاتي بمرورك

دمت بحفظ الرحمن

عناقيد الربيع · 27-07-2015, 10:32 AM

السلام عليكم ورحمة الله وبركاته

يوم الخميس الموافق

23\4\2014

يوم العودة الى الإمارات الحبيبة

صحينا بدري عشان نلحق نجيب حلويات

فطرنا في سميت سراي ... لزقنا عليه

رحت فاروق بقلاوته لذيذة افضل من حافظ مصطفى

اخذت 3 علب

وحدة كيلو ونص "لبيتنا"

و علبتين كيلو \ كيلو "هدايا"

الحساب طلع

للكيلو ونص 90 ليرة

و العلبتين كيلو \ كيلو "لانه كيلو مشكل حسبه بـ 60 ليرة"

اذا كيلو من نفس النوع يحسبه 40 ليرة

" الاسعار اختلفت عن السفرة الاولى الحين ارخص الا نصبوا علينا اول مرة"

قلت باخذ شوي من حلقومه "جربته جاني هدية وكان حلو"

كاتب سعر عليه و قالي سعر ثاني اضايقت من الحركة

سالته وين العامل السوري "ااامين جدا بالحساب"

قال بيجي ع الساعة 9 .. اكتفيت باللي اخذته

الوالد اخذ قطعتين بــ 10 ليرات

طلعت من عنده ع حافظ مصطفى حلقومه لذيذ وارخص من فاروق

اخذت كيلو لبيتنا و كيلو هدية نوعت من كل شي اخذت

افضل شي اللي بالرمان و المن والسلوى

حسابه للكيلو الواحد 68 ليرة (الاثنين بـ 136 ليرة)

لانه مشكل لو نوع واحد يطلع اقل

عطيت ابوي الاغراض ورحت ع مادو بجيب كنافة ههههههههههه

المطر قوي ..

كل ما مرت سيارة وسختني .. اجمدت من البرد

واخيرا وصلت مادو

قلت له ابا كنافة حبتين و غلفهم زين بشلهم وياي بالطيارة

قالي حساب الكنافة الوحدة 20 ليرة

والتغليف 50 ليرة ........ نعم!!!

هاتها بدون تغليف قالي بتخرب اممممم

لزم اروح اصرف ليرات ما بتكفي الفلوس لتاكسي

اخر شي قلت والله ما اخذها غااااااااااااالية

قالي "يتكلمون عربي" خلاص خذي الكنافة مع التغليف الـ 2 بـ 110 قلت لا قال 100 ليرة

لااااااا وايد الصراحة
ورجعت خايبة هههههههههههههه وطول الطريق اشاور نفسي اخرد دولارات وارجع اخذها

ولا اخلي الباقي لتاكسي ...

تقريبا بالاماراتي 142 او اكثر بشوي

اصلا وين بحطها كافي اغراضي

قالوا هاتي سميت لا تنسينه هاتي 10 حبات

قلت له ابا عشر قالي 15 ليرة

اشرت ع الورقة مكتوب عليها زي ما هو واضح بالصورة ليرة فقط

وعطيته العشرة و رجعت للفندق ارتب اغراضي

"هذي الشنطة اللي شريناها من الاستقلال تفي بالغرض"

احاول يمين يسار ما عرفت

جا ابوي الله يحفظه ورتب اغراضي خخخخخ

ويحط ويقولي هاتي وهاتي .. شوفي كذا الترتيب

خلصنا نزلنا نسوي الشيك اوت "اول ما شافونا قالوا باي "لاني دفعت المبلغ كامل باول يوم"

بس سألني اخذتوا شي من الميني بار .. طبعا لا .. باي .. باي

و جابوا الشنط و اخذنا اول تاكسي شفناه مقابل الفندق بــ 50 ليرة

صور من الطريق الى المطار

" اتذكر سألت موظفين فاروق بتقسيم ليش حافظ مشهور اكثر عنهم

قالوا عند العرب حافظ مشهور اما عند الاتراك نحن فقط المشهورين ولنا فروع بكل مكان

اما حافظ له فرعين فقط "

اول ما وصلنا المطار وقف يبا ينزلنا حضرته بعيد عن البوابة ...

قاله ابوي وقف عند الباب شوي قدام ع الاقل ...

و تقدم شوي ووقف و رمى الشنط بالشارع ... يا ابن الذين

قال ابوي 50 ليرة اكيد بيرمي الشنط لا و قال بعد عطوني زيادة .. في احلامك

دخلنا المطار ززززززززحمة مو طبيعية

"شوفوا الكيس ابوي كان متفشل منه ههههههه كان يبي ياخذ كيس ويبدله

قال بشتري اي شي المهم ابدل هالكيس فضحتينا و شليته انا عشان يحافظ هو ع مظهره العام "

وقفنا بالسايد ساعة كامة هالولد اللي بالصورة الله يحفظه

طول الوقت يسويلي باي و يطالع ويلف ويسوي حركات "يلعب معاي" لما شافني اصوره سوى هالحركة

كان معانا واحد ليبي مقيم بماليزيا " رحلته اسطنبول الى ماليزيا "ترانزيت في ابوظبي"

قعدنا نسولف معاه و قعد يتشكى من الاتراك وقال والله العظيم هذي اخر مرة بحياتي نيجي اسطنبول شعب نصاب

شعب جشع .......الخ ويسألنا وين رحتوا ...

و ذكر حركة نصب صارت معاه بفندق نزله فيه شوي و قلبوها سياسة الخ ومرت الساعة سوالف واكل وشرب ع الواقف

رحنا نتمشى شوي شفنا السوق الحر عندهم بيربري و هوقو بوس

كان مسوي تنزيلات ع التي شيرت و ابوي يبا ياخذ لاخواني

الواحد بـ 80 ليرة فقط يعني 114 درهم

بس المقاسات كبيررررررة XL & XXXL

رحنا للكوفي طلبنا تركش كوفي لابوي وانا هوت شوكليت كالعادة

الحساب طلع 21 ليرة

ونحن نشرب شفت طيار امبين عليه ولدنا

وركبنا الطيارة فاااااااااااااااضيه

بعد ما يلسنا كتبت بالواتس لمشرفتنا الحبيبة فتاة الدمى

كنا متفقين نلتقي باسطنبول بس الله ما اراد يوم ردتنا هو نفسه يوم وصولها لاسطنبول

انا راده حسافه ما التقينا ان شاء الله بالمرات اليايه وبغير بلد

وجبات الاتحاد لا يعلى عليها

يوم مطرت قلت عسى ما يأجلون الرحلة

المنظر خياااااااااال صورت فيديو بعد ...

يوم تكلم مساعد الطيار قلت بس خلاص اللي شفناه اكيد هو "وشفناه بعد يوم وصلنا"

قضينا الرحلة بين اكل و شرب و مشاهدة افلام

ها طلبي و كان لذيذ جدا ..

وها طلب الوالد بعد لذيذ ذقته ههه

ونحن مندمجين بالفيلم شوي نسمع صوت شي يبقبق " طلع صوت الشمبانيا"

4 اشخاص يحتفلون بعيد ميلاد واحد "شابين وشابتين" ..

وتصوير سيلفي و جابوا حد من طاقم الاتحاد يصورهم ودنيا

هذي كانت اخر صورة اصورها قهرتني المضيفة
جت تقولي الجماعة اللي مقابلج يبون ينامون سكري الجامة لو سمحتي

عدت الرحلة ع سلام ولله الحمد وصلنا مطار العاصمة الحبيبة

وتم التختيم واستلام الحقائب ...

شفت هالصالة العجيبة ...

وهني مكاتب بعض الفنادق

و ردينا بيتنا بالسلامة ولله الحمد بعد غياب 11 ليلة

احلى استقبال

كانت هذي نهاية الرحلة ولله الحمد

تكلفة التذاكر الدولية والداخلية : 4360 درهم

تكلفة الفنادق : 5943 درهم إماراتي

تكلفة السيارة + الليسن الدولي = 887.79 + 120= 997.79 درهم إماراتي
"لما رجعت شيك مع البنك طلعت شركة افيس ما سحبوا تأمين من الاساس " هذا رد ع سؤال الاخ كتكات"

المبلغ الاساسي لرحلة كان 5117 دورلا تقريبا ما يعادل 18800 درهم إماراتي

والمتبقي منه 3117 دولار تقريبا ما يعادل 11470 درهم إماراتي
يعني صرفنا 2000 دولار من المبلغ الاساسي ما يعادل 7360 درهم إماراتي

التكلفة الاجمالية للرحلة "تذاكر ومصرف...الخ" = 18661 تقريبا ..

شكرا لكل من تابع التقرير من اعضاء و مشرفين ومراقبين وزوار

حبيت اضيف هالقائمة

اماكن تستحق الزيارة في اسطنبول من تجربتي الشخصية " تجميع سفرتين"

الاماكن التاريخية :
1- توب كابي سراي
2- دولما باهتشه سراي
3- روملي حصار "قلعة محمد الفاتح"
4- غلاته سراي "برج غلطة"
5- كيزكوليز "برج الفتاة"

الجوامع:
1- جامع السليمانية
2- جامع السلطان ايوب

حدائق و مطلات:
1- حديقة اميرجان كورسو
2- تل العرائس
3- مطل بيرلوتي
4- برج السفير

الأسواق :
1- جراند بزار
2- مصري جارشيسي
3- محمود باشا
4- شارع الاستقلال
5- شارع بغداد

مناطق جميلة لتمشي:
1- جزيرة الأميرات
2- كاديكوي
3- اورتاكوي
4- سارير
5- ترابيا

اماكن لم تعجبني :
*غابات بلغراد
*المولات جميعها " كانيون و يونيك اسطنبول و جواهر مول ديميرو "
*متحف آيا صوفيا
الجوامع كلها شبه بعض الا السليمانية ذو اطلالة مختلفة اطلالة ساحرة
بيلار بيه سراي مشابه لـ دولما باهتشه سراي بس اصغر

حاضرين لاي استفسار و سمحولي ع التقصير

دمتم بحفظ الرحمن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي في مطعم Nusr-Et Steak House بالصور والفيديو	عناقيد الربيع	تركيا	63	19-02-2018 02:13 PM
برنامج سياحي بجدول للشمال التركي واسطنبول	أبو أسامة	تركيا	48	24-01-2018 02:56 PM
رحلتي العائلية الى الشمال التركي (عشرة أيام ممتعة) معلومات مهمة	(( أبو رائد ))	تركيا	46	11-01-2018 11:11 AM
جدول رحلتي (عشرة أيام) إلى الشمال التركي بالتفاصيل ( للفائدة والاستفادة)	(( أبو رائد ))	تركيا	8	02-11-2015 04:12 AM