|
رد: صفحآت من حياتي فِ شرم الشيخ ..2014 اقتباس:
قريب من كذا لكن الصح انو كاميرا متصلة بـ بروجيكتر والكاميرا موجه لسطح ابيض وهوا الي يسير عليه الشغل اقتباس:
وجهة رأي جميلة الله يعافيك حبيبي منور |
رد: صفحآت من حياتي فِ شرم الشيخ ..2014 اليوم الثامن: صحينا بدري فطرنا الحمدلله وطلعنا اخدنا أغراض السباحة زوجتي ماكانت تبى تسبح اخدت اللاب معاها وقاعدة تتفرج فلم نزلت سبحت ممكن نص ساعة بعدين طلعت واتفقت مع مكتب سكوربيون بـ500 جنيه بعد مناحلة برشوت و الصوفا الصوفا عبارة عن كنبة بلاستيكية منفوخه بالهوا ويسحبها قارب نفس الي صورتها اليوم الي قبلو بس هذي بظهر انو تجلس فيها هذيك وانت مسدوح https://s.yimg.com/qn/up/travel/4/0/...249cabdad0.jpg وبعدين رجعنا الفندق اتصلت على صاحب اشرف لانو اشرف لسى ماجا من القاهرة قلتلو تجبلي من فارس غدا ؟ ياريتني رحت بنفسي اتغديت هناك كان احسن المهم قلي طيب قلتلو جيب جنبري جامبو ونفر رز صيادية المهم سألتو وهوا عندهم كم الأسعار مزود الأخ 100 جنيه من عندو انا كنت متذكر السعر كم قلتلو جيب فاتورة معاك فجاب الاكل والسعر اقل وقلي ماكنت منتبه واعذار مش مقبولة وقلي أبا حق المشوار 150 جنيه قلتلو كتير قلي ساعة واقف ماباعمل مشاوير مشيتلو هيا واعطيتو حسابو واتغدينا الحمدلله ونزلنا المغربية كملنا الهدايا مااتذكر ايش اتعشينا دا اليوم المهم قبل مااطلع الغرفة كلمت الاستقبال وقلتلهم بكرا ابى اروح المطار اخذ رقم الغرفة وقلي الساعة كم وسجل عندو في الجهاز الموعد [ ومجانا الخدمة ] ورجعنا نمنا .. |
رد: صفحآت من حياتي فِ شرم الشيخ ..2014 اليوم التاسع : صحينا 10 نزلنا فطرنا ورجعنا الغرفة جهزنا الشنطة وجلسنا شويتين الا جات 12 دقيت عليهم جاني حامل الحقائب نزل الشنط تحت كان وقت الطيارة 4 ونص قلت للاستقبال اليوم الي قبلو عادي اقعد في الغرفة الين 2 قلي تدفع 70 دولار قلتلو لا ما باقعد شحنت اللاب من اليوم الي قبلو وجهزت فيلم جلسنا في اللوبي في ركن لحالنا واحلى فيلم اكشن ومشي الوقت طبعا اللوبي مررا كبير ومقسم اقسام خلص الفيلم خرجنا سوهو في ماركت كبير قدام سافوي رحنالو اشترينا بساكيت وشكلاتات واشياء خفيفة رجعنا والباص جا ف الموعد اخدنا شنطتنا من غرفة الأمتعة وصلنا المطار في 10 دقايق تقريبا خلصنا امورنا بدري بدري اخذو طارد الناموس مدري ليش يعتبروه خطير طلعنا الطيارة قبل الموعد بنص ساعة وكل الركاب موجودين محد متأخر الكابتن طلب الإقلاع اقلعنا قبل الوقت بنص ساعة والكابتن داعس مشاءالله عليه ووصلنا جدة ورحيمي كان ينتظرنا وان شالله عجبكم التقرير واي استفسار لحد يستحي في أمان الله .. |
رد: صفحآت من حياتي فِ شرم الشيخ ..2014 تسلم علي التقرير وبالراس روحه للشرم أن شاء الله |
رد: صفحآت من حياتي فِ شرم الشيخ ..2014 في حد يخلي سائق تآكسي يجيبله غدا ههههههههههه يلا معلش بالهنا والشفا وحمدا لله على السلامه وأهم شيئ أنكم إستمتعتوا بإجازتكم تقرير جميل يعطيك العافيه |
رد: صفحآت من حياتي فِ شرم الشيخ ..2014 اقتباس:
ان شالله وتتهنى فيها يارب شرفتني ي مدير ^^ اقتباس:
الله يعافيك .. وربنا يسلمك الحمدلله رحلة جميلة نورتني يا احمد |
رد: صفحآت من حياتي فِ شرم الشيخ ..2014 الحمدلله على سلامتكم وموفق بدراستك ان شاءالله رحله ممتعه ويارب تعودونها وتستمتعون اكثر ..... حلو التغيير بين الفنادق وعجبتني منطقة سوهو وفندقها بس اللي ماعجبني في رحلتك الافلام ليش يا اخي ضيعتوا وقت السفره بالافلام كان ممكن تاجلوها اذا رجعتوا مدامها معاك باللاب السفر حلاته تستمتع في كل اوقاته وعليكم بالعافية بكل ما اكلتوا وشربتوا واشتريتوا ننتظر منك تقارير اخرى قريبا ان شاءالله |
رد: صفحآت من حياتي فِ شرم الشيخ ..2014 ياسلام ع الروقان حلوة السفرات الاقتصادية تحسسك بالانتصار |
رد: صفحآت من حياتي فِ شرم الشيخ ..2014 اقتباس:
احب امخمخ على التخطيط الاقتصادي اقتباس:
الله اميين والجميع يارب ان شالله يارب هههه بس شرم بالتحديد الاماكن السياحية فيها محدودة و8 ايام كثير عليها فحبيت اخلي في اليوم نشاط او نشاطين بالكتير والله يعافيكي حياكِ وابشرو (= |
رد: صفحآت من حياتي فِ شرم الشيخ ..2014 تقرير رائع وترتيب موفق اها على جمال بحرك ياشرم واها على جمال سوهو صور ابداع تسلم يدك |
| الساعة الآن 12:18 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO