متابع

بالفعل اخوي الفندق مجدد ولسى ماانتهت حتى في فترة اقامتنا مكتوب انو في تجديدات انا اكثر عجبني فيه شاطئه وفخامته وسعره مخفض عليه عرض صح بعيد بس قبلها بنسكن في ايديا
الوستن بنفس السعر بس اقل غرفة ومو مكتوب فيها اطلاله ابدا والتعليقات فيها ذم كثير وانو مستهلك انا جدا محتارة والحجز الغاء مجاني

تقريبا انا كدا ناوية بس لسى جدول لنكاوي مخربط لانو الموضوع صار فيه تشك ان وتشك اوت من فندق لفندق اخاف اخلي المانقروف من تانجونق رهو بحكم انها قريب للمرسى المانقروف واخلي التلفريك ونصب النسر وحديقة الفواكة من ايديا لانو قريب وسط البلد بس اخاف تجي امطار او الجو مايساعد وتتأجل المانقروف وهبا بالنسبة لي اهم رحلة

^^^^^^^^^^^^^^^^^^^^^^^^^^

بالتوفيق اختي توكلي ع الله وثبتي خيار السكن في منتجع تانجونج رهوووووو , شاطئ الرهو افضل شاطئ في لنكاوي نظيف وجميل , الفندق اغلب ساكنيه من اوروبا واليابان وكوريا , الشاطئ خاص بنزلاء الفندق ممايضيف خصوصية رائعه , يوفر المنتجع خدمة النقل الى كواه مقابل مبلغ رمزي , عندهم توصيل من والى المطار مجاني بس تأكدي من النقطة ذي لاتكون صارت بفلوس

تسلم اخوي والله ارتحت من كلامك خصوصا انو عن تجربة انا اكثر شي عاجبني فيه شاطئه فيه خصوصية وسعره مرا ممتاز الفترة الحالية لكن السنة الجاية حيرتفع سعره اضعاف سويت سيرش في فبراير لقيت اقل غرفة ب4000 ريال ليلتين اغلى من فور سيزون اللي يعتبر افخم فندق في لنكاوي والفترة الحالية ب1200 ليلتين مع افطار والغاء مجاني سعر مغري مقابل الفخامة مع انو لقيت بنفس السعر اندمان بس استبعدته بسبب الحشرات ووستن بسبب قدم الاثاث وتقيمات الزوار وتانجونق رهو عجبني شاطئه ومافي شكاوي عليه من ناحية الحشرات وغيره خلاص حثبت عليه ومشكور اخوي انتا واخوي هاي مزمزالله يعطيكم العافية ماقصرتو

اختي الله يعطيك الصحه والعافية انا ماجربت الفندق ولكن صديقي يثني ع الفندق مره عجبه. والتعليقات في مواقع الحجز مشجعه للغاية. انا اعتبر الفندق مع الفور سيزون ودانا وداتاي بمستوى واحد

المانغروف لا تفوتيه اهم ما في لنكاوي

مشكور اخوي بس برضو يعتبر عن تجربة حتى لو صديقك اسمها تجربة على ارض الواقع لاني ماشفت له تجارب في المواقع العربية تقريبا
يعطيك العافية يارب