|
اقتباس:
دائما و ابدا الفيزا تسبب لي ربكة داخلية ما ادري ليش و الحين من سنة اشتغل في مؤسسة عسكرية و قبل لا اسافر لازم اسوي تصريح خروج حتى لو بس ل دول الخليج و كل مرة اسافر احط يدي على قلبي ان ما ينقبل التصريح ما اعرف ليش يخوفني هالشي هههههههه شكرا على مواقفك اخوي بو حسن .. ان شاء الله ما تتكرر |
اقتباس:
هذي الثقة اللي ورطت صاحبها اما تطقطق و تقول وينه الغبي هههههههههه محشوم و لكن ربكة السفر و الزحمة تسوي اكثر من جذي شكرا على ذكر موقفك .. و الله لا يعوده هههههههههههه |
أصعب .. أطرف ... موقف لك في مطار !! اقتباس:
المشكلة اختي اني اخر مرة رحت دبي كانت 2013 وعادي دخلنا بالتاشيرة و لان القرار نزل عام 2016 على كلام الموظف ذا الشي اللي ماعنلت حسابه يعني حتى موظف الحوزات وقت طلعت التاشيرة لام حسن ماجاب لي سيرة انه لازم تطلع لها فيزا بالعكس حاول يقنعني انه مولازم وانها زوجة مواطن الحمد لله حصل خير أرسلت بواسطة iPhone بإستخدام Tapatalk |
حد ينسى قوازه ياسعودي يابو فيصل لو أنا محل حق المبالغ كان عدت تفتيشك ومتأكد اطلع بشئ ما بلغت عنه :17: مشكلة يابو حسن المواقف اللي زي هذي تجيب الهم بس الحمد لله عدت على خير |
اقتباس:
لأن أصعب موقف ممكن يمر على احد أن يروح للمطار ومستعد ويرجعوه الله لا يحطنا بهالمواقف أنا أول سفرة لي لاوروبا كان الوصول ألمانيا والفيزا إيطالية ومابمر على ايطاليا أبد طول الطريق متوترة ماتطمنت ولا ارتحت إلا لما طلعنا من المطار ومن بعدها حلفت ما أعيدها |
هههههههه مواقف تونس ههههه أصلا كونترات التفتيش كلها اتييب الهم حتى لو ما عندك شي مخالف تحس نفسك متهم خخخخ بس حرام عيال اختك يابو حسن وخاصة اللي رجعوه ما يسوى عليه مسكين لو انا ارجع مع ولدي |
اقتباس:
ابشرك يااختي ام حسين هو مبسوط انهم رجعوه لانه ماكان يبغي يسافر امريكا كان وده يسافر هولندا والولد كبير بالجامعة ماينخاف عليه أرسلت بواسطة iPhone بإستخدام Tapatalk |
اصعب موقف ماننساه شدني الموضوع مانتبهت للتاريخ اذا قديم اولا لكن ابقول الموقف اللي حصل لناوكان في مطار نيويورك طالعين لاورلاندو الوقف اللي حصل لنا مستحيل انساه 😢 اخذنا ليموزين من الفندق في نيويورك ودانا المطار دخلنا على الصالة شيكنا الرحلة اليآ في الجهاز وبعد وزن الشنط والتفتيش رحنا للكاونتر علشان الجوازات والحجز وكانت حجوزاتنا كلها بالكمبيوتر الشخصي لزوجي والجوازات يعني كل اوراقنا كانت في شنطة الكمبيوتر التفت زوجي بياخذ الشنطة علشان يطلع رقم الحجز والجوازات وندور وين الشنطة السنطة اختفت صرنا مثل المجانين الغينا رحلتنا وتذكر زوجي انه نسى الشنطة في الليموزين هنا انصدمنا صدمت عمر🙆🏼 حاول زوجي يكلم الموظفين بيشوف حل صدفة شافنا شخص مغربي الله يذكره بالخير وين ماراح ويسعده يشتغل مترجم بالمطار هدانا شوي تواصلنا مع الفندق اللي طلعنا منه بنيويورك لان الليموزين عن طريقهم قالوا الي الان ماوصل الليموزين وللعلم المسافة من الفندق للمطار تقريبآ ساعة الي ساعة إلا ربع يعني اعصااااااااب مسدودة ننتظر الليموزين ممكن يرجع للفندق او لا او يكون ركب معاه احد واخذ السنطة لان السواق مانتبه اذا ناسين شي اولا انتظرنا تقريبآ ساعة بعدها اتصلوا الفندق على زوجي وقالوا ان السواق وصل وشاف الشنطة وجابها للفندق قال زوجي خلاص اجي اخذها انا قالوا لا بيجيبها لك السواق بس تعطيه حق المشوار وعشنا ساعتين ثانيات على اعصابنا لان البرنامج تلخبط حجز الطيران الغيناه وحاجزين فندق في اورلاندو وفِي اللحظة الاخيرة وصل السواق وجاب الشنطة عطاه زوجي من الفرحة 300 دولار رفض ياخذها بس غصبه زوجي ورجع زوجي بالشنطة وهو يبكي من الفرحة ضمينا بعض وحنا نبكي 😭😭من غير شعور بالمطار 💞💞 الموظفين بالمطار كانوا جدآ متعاونين معنا ظبطوا لنا حجز بدون اي ماتروح علينا التذكرة الاولى بنفس اليوم والحمدلله. كان موقف مستحيل أنساه مع اني حريصة لتذكير زوجي بكل الاغراض بالشنط والاوراق لكن ذاك اليوم سبحان الله ماتذكرت اي شي لكن ربي كاتب ومقدر تشكرنا من الفندق ومن الموظفين بأرسال إيميل للإدارة ولموظف الليموزين وصارت درس للتذكير بكل دقيقة وثانية لنا ولغيرنا ودمتم سالمين🌹🌹 |
موقف صعب يا رومانسية بالفعل ضياع الشنطة مشكلة كبيرة والان كل شي بجوال الواحد فلو انسرق هذي مصيبة لازم الواحد يحتاط ويحاول ينتبه اكثر الله ستر عليكم و رجعت الشنطة ولا حتى رحلتكم تخرب يشكر سواق التاكسي على امانته ويستاهل ال 300$ وجميل انكم ارسلتوا رسالة شكر لتوضيح امتنانكم |
اقتباس:
موقف من جد ماتحسدون عليه ولحظات عصيبة بالمرة ربي يحفظكم |
استمتعت وانا اقرا مواقفكم آللَّـَـہ يسعدكم 😌 |
يارباه والله مواقفكم كلها شيء يبكي وشيء يضحك ههههههه وكلنا ذاك الانسان كثيررررة المواقف للمسافرين الله يحمينا ويحفظنا جميعا يارب ومن نحب ياكريم ام ريمة وش جاب هذا الموضوع ع بالك هههههههه قلبتي المواجع ولكنه القدر الذي لا مفر منه والحمد لله من قبل ومن بعد ،، |
اقتباس:
عاد انا ما اطلع فيزا الا من الالمانية لانها اسهل و اسرع اجراءات و لما رحنا اسبانيا مثلج الفيزا من الالمانية و كنت متوترة وايد لحد ما خلصنا الجوازات ولكن اكيد راح اعيدها مليون مرة بعد .. شسوي باقي السفارات اجراءاتهم تغث و ما عندنا سفارة اسبانية في البحرين لازم ارسل جوازي الكويت و مشوار و لوية الله يعين |
اقتباس:
من اصعب المواقف تضيع شنطة و فيها ضروريات الحمدلله لقيتوها و الحمدلله الله سخر لكم ناس تساعدكم |
اقتباس:
و لكن في الغالب هي تكون اكثر المواقف اللي نتذكرها من السفرات و هي اكثر شي نضحك عليه بعد عسى سفراتكم كلها بدون مواجع وصعوبات يارب |
حنا الوالدة مسوية تبديل مفصل و للأسف ماعندنا شهادة تثبت وجود معدن في جسمها فكل مرة نفس المنوال تقعد و تتفتش تفتيش خاص و نقعد نشرح الا ما شاروا علينا نروح لأي طبيب عظام و يعطينا شهادة تثبت وجود معدن بجسمها و ارتحنا :22: |
اقتباس:
زين سويتو الشهادة و افتكيتو |
مشكورين |
مواقفك صعبه الله لا يحطنا فيها رومنسيه والله ما ألوم زوجك لو يعطيه أكثر ابو فيصل المصري قدع يا راجل ابوحسين هذا اللي مكرهنا بأمريكا أخواني كل ما يرجعون يلغون الواتس علشان الرسائل مرات البعض بالقروبات يرسل شيء ممكن تفهم بأمر آخر ويدققون علي الطلاب ابوفيصل ذكرتني بالديره اللي ينادي بالأسم ويصفق الجواز بقوه بالجدار :31::31: |
مرة كنا رايحين لندن في اجازة العيد اسبوع يعني المهم وصلنا هيثرو ننطر شناطنا وصلوا الا شنطتي انطر انطر في شنطة تلف بروحها بس مش شنطتي المهم رحت سويت كليم يوم رابع وصلت شنطتي و انا بسافر بعد يومين طلع احد الاخوان الخليجيين خذها معاه السكن و خلى شنطته لي ومن يومها ماخليت شريطة و تاق الا علي شنطتي و بديت استخدم شناط الوان فاقعه :20: |
اقتباس:
امي و اخوي كانو رايحين لندن عشان اخوي بيبتدي دراسته يعني اخوي شايل كل اغراضه و اغلبها جديدة .. و البلاي ستيشن .. و غيره و ما وصلت شناطهم معاهم ... بعد الكليم و المتابعة و اللوية وصلوا الشناط قبل رجعة امي ب يوم .. اضطرت تشتري كل شي للاسف اما اخوي الحمدلله وصلت اغراضه بعد المحاتاة |
بالنسبه للجوازات والحجوزات لازم النسخ للصور والحجوزات تتوزع على اكثر من جهاز ولا تعتمدون على جهاز واحد وغيرها صوروها اوراق بعد افضل |
اقتباس:
|
السلام عليكم وين مواقفكم بالمطارات نبي اكشن بالموضوع نبي نعرف الأخطاء والمواقف اللي تصير |
مادري انا شاركت في هالموضوع من قبل ولا لا احس اني قريته بس مالقيت تعليقي هههه المواقف وايد بعضهم حلو و بعضهم حزين هههه احلى موقف يوم تاخرنا على الطيران العماني نشوف الساعة للحين بدري لان احنا على توقيت قطر و نسينا ان عمان تفرق عن توقيتنا ساعة ومسكين الرجال ينادي ينادي و الاهل يقولون هذي كأنه ينادي على طيارتنا وانا اقولهم لالا باقي ساعة للحين و الاخ قاعد في كوستا يتقهوى على راحته هههه عقب سألنا انتوا رايحين قطر قلنا له اي خذ تذاكرنا و قال انتوا وين يلااا بتطير عنكم الطيارة وركيييض لين وصلنا و الحمدلله دخلونا لكن مافي مكان في السياحية و قعدونا في البزنس فكان احلى تأخير هههه |
ومرة في مطار انقرة اول مانزلنا من الطيارة قبل الكونترات الا مستقبلنا واحد جانا احنا بالذات من بد كل الناس و متوجه لنا بشكل غريب سلم علينا و قال معاكم الشرطة وهو بلباس مدني و راونا بطاقته العسكرية وقال تفضلوا معاي في المكتب :8: رحنا معاه ارتبكنا شوي لكن قلنا بنشوف شعنده احنا ماعندنا شي نخاف منه جلسنا الا يقول هذا اجراء روتيني نسويه بشكل عشوائي لاتخافون الموضوع عادي تم يسألنا شعندكم في تركيا قلنا له سياحة و راويته خطة الرحلة و الحمدلله كنت شايل معاي حجوزات و خرايط قال كم عندكم كاش قلنا له مجموع الي عندنا كلنا 10,000 قال كانه مبلغ كبير قلت له لا مب كبير ورانا فنادق و سيارة و احنا 4 يعني مبلغ عادي جدا تم يسال وين تشتغلون و هل عندكم صديق في تركيا و طول هالفترة جوازاتنا خذهم العسكري راح يدقق عليهم و تأخر علينا يوم شفته تاخر شوي ارتبكت الي معاي اصغر مني في مسؤوليتي قدام اهلهم رفعت جوالي فكرت اتصل للسفارة ثم سألته هل في مشكلة تستدعي اتصل في السفارة ؟ قال لالا ابدا الموضوع بسيط الحين بيجيبون جوازاتكم وخلاص و اتصل للعسكري وجاب جوازاتنا و الحمدلله عدت على خير , كان اجراء غريب , لكن عذرناهم يمكن كانت فترة مابعد الانقلاب و احنا نازلين في انقرة العادة السياح يكونون في اسطنبول .. و الحمدلله كانت نص ساعة او اكثر شوي لكن عدت على خير. |
المواقف كثيرة منها الطريف و منها الصعب و منها المحزن ... و أذكر في أحد سفراتي .. كنت في تونس .. و رحلة عودتي إلى السعودية عن طريق روما ... تونس - روما - الرياض .. .. أقلاعي من تونس الساعة 11 الظهر و وصلت المطار الساعة 7 الصباح و كان الزحااام شديد لدرجة أنه يستحميل أن ألحق على رحلة تونس روما ... "الكلام قديم قبل خدمة أونلاين" وقفت في الطابور يمكن ساعة ما تحركت ... !! شوي و اشوف موظف بالمطار حامل بطاقة و سألته إذا يقدر يساعدني .. و قلت له (لك مني الحلاوة :32:) المهم شال الشنطة و 5 دقائق و أنا أول واحد بالطابور (شغل واسطات) كل اللى وراي يهاوشون و اللى يسب و أنا ساكت لا أنقليزي و لا عربي و لا أفريقي و لا لغة في العالم أعرفها :32::32::32: و خوينا موظف المطار يطل من فوق و شوي خلصت و أخذت البوردنق ... و على الجوازات و أختم جوازي و على صالة المغادرة ..و توي بس جلست و أسمع أسمي ينادونه في المطار و أنه على التوجهة الى مكتب الأمن .. المهم مالكم بالطويلة ... إلى يومكم و الله ما أدري وش كانوا يبون مني .. :32::32: |
اقتباس:
ههههههههههههه انزين شو صار في مكتب الأمن - و ليش نادوك الامن و شو السبب |
اقتباس:
السالفة هذي مضى عليها سنين حوالي 25 سنة ... و الله إلى يومك ما أدري وش اللى صار ..أو ليش نادوني مكتب الأمن ... المهم أني تفقد أغراضي بالمطار جوازي معاي و بطاقاتي و شنطتي و البوردنق يوم فتحوا البوابة ... و أنا أول واحد يركب الطائرة ... بكل براءة :25: |
سبحان الله وبحمده .. سبحان الله العظيم |
موضوع جميل |
هههههه فعلا يحتاج راحة بال |
توي اول سفره جايه الله يعين |
شكراً لك |
شكراً لك شكراً لك |
مواقفكم تخوف الشخص الي ماعنده خبره كثير بالسفر:20: الله لايحطني بموقف صعب :31: |
| الساعة الآن 04:26 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO