|
مرحبا اخوي قطري رحت ورديت ع تقريرك اكثر من مرة عشقي لرحلات الكروز .. اتذكر اول تقرير شفته للكروز كان للاخ A.E.C بالمنتدى القديم كانت رحلته من برشلونة .... الظاهر برشلونة بداية انطلاق مميزة باول جزء من التقرير حطيت صور لـ سويت من موقع الكروز .. اشوفه غير عن تصويرك لاي حد كانت الصورة بموقعهم مطابقة للاصل ؟ دامك قلت للمدام الميزانية مفتوحة تحمل ما ياك خخخخخ "تستاهل ام سعد" مدينة بومبي شفت تقرير عنها في برنامج خواطر اعتبرها مدينة الرعب ولا ممكن افكر ازورها الحمد لله الذي جعلنا مسلمين ... كنت احسب نابولي شي شي .. من رسوم كابتن رابح وانا حاطتها براسي خخخخخخ عندي اسئلة طويلة عريضة تحملني اخوي هل الكروز تعتبر خيار مناسب لشخص لم يسبق له زيارة اوروبا ؟ فترة التوقف بالمدن تكفي لزيارة اهم معالمها ؟ يعني ممكن ازور 3 معالم براحة ؟ بنتظار جوابك ع سؤال مشرفتنا القديرة ام حسين بخصوص لبس السباحة الإسلامي وانا مع قصة حب كل ما فكرت بالكروز اقول لو غرقت من غضب رب العالمين .. اروح وارد ع الفكرة التقرير اقل ما يقال عنه رائع بنتظار التكملة دمت بحفظ الرحمن |
مزاجك غريب يا بوسعد والله يعين ام سعد عليك غرفة باسكتلند تطل على المقابر والحين جثث وميتيين سياحه رعب بسالك بعد تجربتك شنو الافضل تاخذ رحلة مع الكروز والا تطلع بروحك الرحلة؟؟؟ السؤال الثاني بالنسبة للمشتريات وين تاخذون فلوس التاكس فري؟؟ |
اقتباس:
مرحباااا بوغسان اي بالنسبه لروما اشوفهم احلى مكانين ممكن تزورهم اي صادق نحاول بقدر المستطاع نسترخي بالسفينه سواء وقت النوم او قبله على اساس نستعد لرحله اليوم التالي منوور يا غالي اقتباس:
ملاحبا مشرفتنا ابرار دامج تحبينها عيل انتي من عشاق الاثار والموضه وجهان مختلفان :(89): الله يعافيج يارب ان شاء الله نكمل وفالج طيب ابشري بسعدج اقتباس:
ياهلا ومرحبا با الغالي الاروع والجامل مرورك اخوي اذا طولت اسمحو لي لان عندي شغل اشوي سواء بالمنتدى او خارجه وان شاء الله بقدر المستطاع احاول ماطول عليكم اسعدني تعليقك اقتباس:
يا هلا ومرحبا ام عيسى ملكه التقارير الساحه خليناها با الاخير على اساس نتفرق لها عدل بعد مانروح الكالسيوم لان نبغي نشتري اغراض وشيل اكياس وماينفع نروح قبل الي شريناه من روما بعض الاغراض العاديه من المحلات هناك وخذنا شنطتين من نفس الماركه بس نسيت والله اسم الماركه اعتقد غوتشي لا مافكرت ازور الاوت لت لان يبغيله وقت اطول وماشي وقت والاوت لتات عشان تحصلين شي مناسب لازم تلفينه كامل اسعدني مرورج اقتباس:
الرومانيين مسويين بكذا مكان مدرج وقتل في خلق الله تسليه :yolks0060: جولتنا تقريبا من زلنا من السفينه لين رجعنا لها تقريبا 8 ساعات المشتريات الايطاليه كجلود وشنط ممتاز جدا بس بصراحه سفرتنا اكثر مشترياتنا سفونير الله يسلمك يا غالي اقتباس:
الله يعافيك يا بوقحط الغالي بالنسبه للكالسيوم من اهم الاثار في ايطاليا وخبرك هناك معقل الامبراطوريه الرومانيه فطبيعي يكون هناك تاريخ قوي الله يعافيك يارب اقتباس:
مرحباا ام حسين الله يعافيج يااارب اي نفس ماقلت من اهم الاثار هناك الكالسيوم وضروري الي يزور روما يزور هذا المبنى التاريخي اكيد مهم من جذي خصصنا روما اكثر للتسوق لكن الي لاحظته ان فلورنسا فوق الممتازه للتسوق لانتشار المحلات في منطقه واحده وبكل مكان وجميع الانواع والاشكال اسعدني مرورج |
اقتباس:
اي والله زرتها قبل ولا زرت الكالسيوم تصدق عاد بوخالد انا زرت روما من فتره طويله وقبل سفراتي كلها ماكنت اخطط وين بروح ووين بجي ولا ابحث عن السياحه في اي دوله ولا اطلع عليها بس اسافر تغيير جو واسترخاء يعني اسافر لمجرد السفر فقط اما الان كل شي تغيير هنو التعب فقط من الجو لكن كنظام رحله الكروز ممتاز وفيه راحه ووقت زيارتي معتمد على الوقت الي عندي اني ارجع السفينه بالوقت المحدد اسعدني مرورك يا الغالي اقتباس:
ياهلا ومرحبا مشرفتنا عنقوده يبغيلج تجربين رحله الكروز ممتعه واتوقع راح تستانسين فيها وايد اي صح كلامج بخصوص صور السويت صور السويت بالموقع هو سويت زاويه وماكان موجود من ضمن الخيارات في الحجز وهذا السويت فقط الي كان موجود واخذته بس اجمالا هذا السويت كان ممتاز ومريح جدا بالنسبه لتطابق السويت بالموقع الى الواقع بنسبه 70% انتو الحريم مشكله المفروض نحدد لكم ومانخلي شي براحتكم ومانخليها مفتوحه هههههههههههه لا بس شوفي هالسفره انا قلت انها مفتوحه لان تجربه جديده ومابي ابخل على نفسي او حد بأي شي يعني نبغي نستمتع اخر متعه ووناس وفلهااااااااااااااااا هههههههههه لا نابولي اخذي كلامي ولا تفكرين فيها ابدا ابدا يمكن لو الجو احسن كان افضل من الي شفتها بس بعد بصراحه غير صالحه للزياره او للسياحه ولاتسوى الواحد يتعنى لها افا عليج تامرين امر خذي راحتج با الاسئله :(89): لا طبعا بالنسبه لي اشوف ان الكروز مب اول خيار لشخص لم يزور اوروبا قبل بسبب ان الزياره لاول مره الى اوروبا الافضل تشوفين امدينه او الدول الي بتزورينها وتعطين كل مدينه حقها وتزورين كل معالمها لكن بالكروز راح تزورين كل مدينه ساعات معدوده ممكن بعد زيارتج الاولى لأوروبا تكون الكروز خيار ممتاز جدا اي تقدرين تزورين معالم كثيره في حرلات الكروز بس اهم شي تكونين مرتبه وقت وجدولج وقرب المسافه بين كل معلم ومعلم يعني تروحين للأقرب ثم الابد فاالابعد وهكذا بالنسبه لأستفساركم انتي وام حسين اعتقد اني جاوبت عليه بالنسبه للمسبح العام صعبه ملابس السباحه الاسلامي لكن لو تختارون السويت ممكن تروحون للمسبح الخاص بالسويتات فيه خصوصيه اكثر نوعا ما لان في اوقات كثيره يكون فاضي او يكون الموجودين نساء الرجال عددهم تواجدهم شبه معدوم بالنسبه لرحلتنا الي رحنا عليها انتي وقصه حب تسوون قصه وتخرعون العالم بالكروز ههههههه خلينا نتناقش خفايف بكل مكان مقبره يعني لو ركبنا الطياره فيها خمور صح !! ( نفس القصه ) لو دخلنا الفندق بالغرفه خمور - وبالفندق كازينو - وديسكو صح !! يعني المقصد الواحد يروح لنيته والبحث عن تغيير الجو ولا يحط باله لهذي الاشياء المحرمه علينا كمسلمين الاورع مرورج عنقوده اسعدني مرورج وتعليقج :(114): اقتباس:
هههههههههههههههه يا هلا ومرحبا مشرفتنا الايمان لا لا هو مب مزاج كثر ماهو ابحث عن مميزات الفندق الي احب اسكن فيه من حيث مساحه الغرفه والاطلاله طبعا على المقابر لكن بالمقابل كانت الاطلاله على القلعه وشارع البرنسس في ادنبره يعني حطيتي بالج على المقابر وخليتي الفيو الثاني الحلوو ههههههههه وبالنسبه لجثث البركان عاد رحلتنا مجبورين نروح نابولي ونفس قلت لج نابولي كريهه يعني مافي الا بومبي وفي نفس الوقت من فتره كان ودي اشوف هالمدينه تطمني ام سعد امورها طيبه :yolks00380: مافهمت سؤالج بخصوص اطله رحله بالكروز او اخذ رحله لحالي !! بالنسبه للتاكس فري نفس النظام في اوروبا كلها يعني مثلا اخذت اغراض من روما ومن مدينه كان وختمت ورقه التاكس فري ممكن اخذ المبلغ من اخر مطار في اوروبا الا وهو برشلونه اسعدني مرورج |
بالانتظار للبقية يابو سعد |
و أنا بعد بالانتظار مع أم حسين الله يسعدك |
وتسلم ع الرد بو سعد ما قصرت وفعلا كلامك منطقي حال الكروز حال الفنادق و الطيران ... قصة حب خلاص غيرت الفكرة خخخخخخخخخ وانا بعد بالانتظاااااااار |
شكرا على توضيح معلومه التاكس فري وبالنسبة لسؤالي كل رحلاتكم كانت مع قروب الكروز والا كنتوا تطلعون بروحكم؟؟؟ |
جميله رحلة روما في رحلتنا الى الكولسيوم انتظرنا بالطابور 1 ساعه الى 1:30 بس كان الجو عجيب ورذاذ ما حسينا بالوقت صادفكم هالزحمه ؟ بانتظار باقي الرحله |
اقتباس:
اقتباس:
ان شاء الله وعد اني اكمل التقرير بس بقولكم بصراحه عندي اشويه شغل بالخاص وبعض الاستفسارات اخلص وراجع لكم بأذن الله استحملوني اشوي :(148): اقتباس:
هههههههه الله يسلمج عنقوده زين اقتنعتي وجد هي نفسها المهم الشخص نفسه ونيته انتظريني وفالج طيب ان شاء الله اقتباس:
لا انا ماحب القروبات دايما اخذ سياره خاصه واكون مرتب وين بروح ومحدد الاماكن القروبات سالفه وتأخير زياده وزحمه الصعود والنزول طبعا تجولنا كله بروحنا اقتباس:
ياهلا ومرحبا اختي نمارق ماشاء الله احلى شي الجو اذا كان يساعد وقتنا كان الجو حار بالنسبه لطابور الكالسيوم في طابورين 1- قبل دخول المدرج للتفتيش واخذنا فقط اقل من 10 دقايق 2- الطابور الثانيه عند شباك التذاكر داخل مبنى المدرج في الظل واخذنا اقل من ربع ساعه الحمدلله ههههههههه يعني الحمدلله مافي زحمه والامور طيبه تحياتي لج |
| الساعة الآن 04:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO