|
اقتباس:
بس مدة الرحلة ساعتين يكفي نشوف المناظر ونتصور وبعدين المناظر الجميلة للمباني نقدر نشوفها من على الهاربور بس بالعروض كانت راح تضيف جو حلو للسفينة الله يسعدك مافي ابداع على قدي التقرير مشكورة جدا على متابعتك وتعليقاتك أرسلت بواسطة iPad بإستخدام Tapatalk |
واحنا استمتعنا جدا بتقريرك صور الجزء الأخير الليليه روعه بس استفسار سريع هل حسيتي انه جزيرة هونج كونج افضل لو سكنتوا فيها ؟! |
اقتباس:
كنت متوقعة الجولة راح تكون أطول وتغطي أماكن اكثر يمكن علشان كدا مافصلت اكثر واكتفيت أني انصحهم بالباص الأحمر زي ماذكرت في التقرير لأن لمن رحنا محطة الفيري كان في كشك التذاكر حق الباص الأحمر وسألناهم عن خط الرحلة وكان يغطي أماكن كثيرة بس لضيق الوقت ماقدرنا نطلع عليه بالنسبة لسوق السيدات كان من ضمن المخطط لكن لمن شفت التمبل ماركت توقعت نفس الشي راح يكون بالنسبة للباخرة هذا هو الرابط حقهم وان شاء الله راح اعدل وارجع أضيفه في التقرير Homepagewww.cruise.com.hk أرسلت بواسطة iPad بإستخدام Tapatalk |
اقتباس:
علشان كدا لازم زيارة ثانية لي هونق كونق ونتفادى الأغلاط اللي وقعنا فيها بالنسبة للعجلة الأسعار الكبير100دولار هونج كونجي والأطفال 70دولار هونج كونجي وتحت 3سنوات مجانا وشكرا على المعلومات اللي تضيفها للتقرير الله يعطيك العافية أرسلت بواسطة iPad بإستخدام Tapatalk |
اقتباس:
الحمدلله أنكم استمتعو بتقريري البسيط زي ما انا اسمتعت بتعليقاتكم الجميلة بالنسبة لسؤالك شوفي انا كسائح يهمني في السكن يكون كل شي حولي مواصلات سوبر ماركت مطاعم(حلال) انا مادري اذا كان كل هذا متوفر على الجزيرة بس لوكنت من أهل البلد انا عن نفسي افضل اسكن في جزيرة هونق كونق بس كل خبراء الصين ينصحو بجزيرة كولون في السكن واكيد هم ادرى😁😬 |
تقرير حلوو جميل لطيف خفيف بالفعل رائحه اكلهم لاتطاااق والرائحه مميزه في اغلب مطاعمهم مثل الريحه اعتقد مثل ماقلتي لحم خنزير او خمر والله اعلم .. لكن اشوف اسعار الفنادق مبالغ فيها بالنسبه لدول شرق آسيا مثل ماليزيا واندونيسيا وتايلند يفرق السعر كثير في الفنادق ليش عندهم الضرائب مرتفعه ؟ والله يعطيكِ الف عافيه |
بعض المعلومات والنصائح اولا بالنسبة للطيران خطوط الكاثي باسفيك جدا ممتازة والطاقم متعاون وبشوش وموفرين وجبات حلال والوزن المسموح 20كيلو للشخص مطار هونق كونق من افضل المطارات كبير وفيه مطعم حلال (بوبايز)وفي العديد من محلات التسوق والماركات العالمية وديزني ستور يعني اللي مالحق يتسوق في البلد لايشيل هم المطار موجود فيه كل شي بالنسبة لي ديزني لاند واللي حاب يسكن في فندق الديزني يفضّل يكون في ختام الرحلة زي ماذكرت في التقرير لي قربة من المطار افضل مكان للسكن بالنسبة للسائح منطقة كولون كل شي قريب منك مسجد-أسواق -محطات المترو -مطاعم حلال -الهاربور بالنسبة للأماكن السياحية كل شي موجود في الدليل السياحي المثبت في البوابة مااعتقد أني راح اقدر أضيف شي جديد الله يجزاهم كل خير بالنسبة لي رحلة الكروز هذا الرابط https://www.cruise.com.hk/en/ عند حجز الرحلات السياحية لا يفضّل الحجز مع قروب سياحي لعدة اسباب اولا من ضمن الرحلة نكون ملتزمين بزيارة أماكن لانرغب بزيارتها ثانيا الوقت ملتزمين بوقت معين وساعات يكون الوقت غير كافي لتغطية المكان كله ثالثا التكلفة اعلى وموجود في الدليل السياحي كل مكان وطريقة الوصول اليه وكل شي واضح (يعني تقدر تعتمد على نفسك) بالنسبة للتسوق لاينصح بزيارة التمبل ماركت زي ماذكرت في التقرير الناس غير ودودين وهذا رأي شخصي الليدي ماركت للأسف لم تتم زيارته منطقة كولون يوجد بها العديد من محلات التسوق والأسعار مناسبة شارع الماركات العالمية(canton road) شارع الأحذية الرياضية العنوان Fa Yuen Street, Mong Kok, Kowloon طريقة الوصول MTR Mong Kok Station, Exit D3. Walk along Argyle Street to Fa Yuen Street. شارع ستانلي معلومات Address: Stanley New Street and Stanley Market Road, Stanley, Hong Kong Island طريقة الوصول اليه * Bus 6, 6A, 6X, 66 or 260 from Exchange Square bus terminus (near MTR Hong Kong Station, Exit D.) * MTR Causeway Bay Station, Exit B. Walk to Tang Lung Street and then take minibus 40. * Bus 973 from Canton Road in Tsim Sha Tsui outside Silvercord Centre. شارع كات (للتحف) العنوان Hollywood Road and Upper Lascar Road, Sheung Wan, Hong Kong Island طريقة الوصول MTR Central Station, Exit D2. Turn right onto Theatre Lane and walk along Queen's Road Central towards The Center. Then take the Central Mid - Levels Escalator to Hollywood Road . شارع تاي يوين (ألعاب) العنوان معلومات Address: Tai Yuen Street, Wan Chai, Hong Kong Island طريقة الوصول MTR Wan Chai Station Exit A3. Walk for around two minutes. كمايوجد مول كبير في جزيرة هونق كونق ifc mall من كولون الي جزيرة هونق كونق عن طريق الفيري وايضاً أوت ليت City gate out let وهو قريب من المطار يفضّل أخذ شنطة صغيرة اثناء التسوق بسبب اكياس البلاستيك بفلوس بالنسبة للأكل واللي الكثير متخوف منه يوجد الكثير من مطاعم الحلال في هذا الرابط مع عناوينها وهذا الرابط ان شاء الله يفيدكم http://www.islam.org.hk/eng/E-islamfoodstore.asp يوجد سوبر ماركت في الدور الأرضي في مول k11وهو قريب من فندق هوليدي ان يوجد مغسلة ملابس ايضا قريب من الفندق كما يوجد محلات سفن الفن والمنتشرة في كل مكان افضل وقت لي زيارة هونق كونق نهاية سبتمبر-أكتوبر -نوفمبر من نهاية يناير حتى منتصف فبراير لاينصح بزيارتها بسبب احتفالهم برأس السنة الصينية وطبعا في هذا الوقت يكون كل شي غالي تذاكر والفنادق البلد عموما ماتعتبر رخيصة وفي نفس الوقت ليست غالية جدا لايوجد ضرائب البلد على درجة عالية من الأمان يرجى الانتباه على الأغراض الشخصية في الأسواق الشعبية لابد من حمل كاش في الاسواق الشعبية الغالبية يتحدثون الانجليزية وان شاء الله تستفيدون من هالمعلومات البسيطة أرسلت بواسطة iPad بإستخدام Tapatalk |
اقتباس:
بالنسبة لي سؤالك لايوجد ضرائب وبالنسبة لإسعار الفندق نحنا ماخذين غرفتين متصلة أكيد بيفرق في السعر وعموما البلد ماتعتبر رخيصة وألف شكر على الكلام الطيب وأتمنى فعلا ان التقرير يعجبكم وتستفيدون منه وربي يعافيك أرسلت بواسطة iPad بإستخدام Tapatalk |
تقرير جميل .. استمتعنا كثير بمتابعة أجزائه .. جولات جميلة في شوارع هونغ كونغ .. المشي بالنسبة لي متعة لاتوصف .. خلاصة التقرير والايضاحات التي ذكرتيها .. أقدِّرها لك كثيراً .. بانتظارك بتقارير جديدة .. قلمك يجيد رسم الابداع .. |
عليج بالعافية المشتروات الحلوة وملبوس العافية عليج وعلى العيال شكراا للنصائح والمعلومات المفيدة يعطيج العافية |
| الساعة الآن 12:05 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO