|
باذن الله وجهتنا هالسنة الدول الاسكندنافية والاهم النرويج بس معاك بشوفها بشكل مختلف مستمتعه معاك وبالانتظار |
االله يسعدك أم عيسى تفاصيل رائعة و كروز فخم و ديرة متكاملة بالفعل أنت و أبو سعد راح تغيرون وجهة نظر الكثير حول رحلات الكروز لثقتهم في اختياراتكم هل واجهتوا صعوبة بالنوم في أول الليالي ولا عادي جداً و هل حسيتوا بأي مطبات بحرية و لا شعرتوا بدوار البحر أو الموضوع يختلف على ظهر هذي السفن العملاقة متابعين و مستمتعين بما تكتبين دوماً |
ماشاء الله تبارك الله البحث بطريقة منظمة سبب كبير في نجاح الرحلة لفت نظري احضارك لمخطط السفينة المفصل بصراحة تعجبني تقاريرك الله يسعدك ويحفظ لكي عائلتك في شوق لمعرفة خط السير وحالة الطقس وكثير من الاسئلة التي سوف تأتي تباعا تحياتي |
مساكم الله بالخير ازيكم يا أحلى متابعين :(114): اليوم ان شاءالله بينزل جديد لاتروحون بعيد :(153): اقتباس:
اقتباس:
الله يسهل لكم دربكم وان شاءالله من خلال تقريري بتعرفين بعض الاماكن اللي لازم تزورونها اقتباس:
اقتباس:
ياهلااااا ومرحبااااا ملايييين منور التقرير يابوغسان ويسعدك ربي الصراحه متوقعه هالشي انه تقاريرنا راح تشجع الكثيرين ع رحلات الكروز أسئلتك حلوه وبخلي جوابها من خلال سردي ليومياتنا في السفينه عشان ما احرق االتقرير ومثل ماخبرتكم قبل اسئلتكم تفيدني في تقريري فلا تخلون شي بخاطركم حتى لو أجلت الجواب وانا سعيده بمتابعتكم وشكرا لك :(114): اقتباس:
ياهلا ومرحبا فيك أخويي أشكرك ويسعدني انكم تحبون تقاريري وتستفيدون منها اللهم آمين ويحفظلك كل من تحب |
الجزء الثالث تفاصيل حجوزاتنا :aer: مخططي اللي انقلب بسبب بروشور البرشور هو عباره عن كتيب من صفحتين او 3 يعني تكون عدد صفحاته قليله ويكون فيه معلومات ودعايه عن شي معين تخطيط رحلتي اول مره خططت رحلتي للنرويج عن طريج الدنمارك ومدة الرحله بالكروز 7 ليالي وتنطلق منكوبنهاجن وفيها كل الاماكن اللي أباها من صوب النرويج وحجزت الفندق في كوبنهاجن وباقي بس أحجز الكروز وبالصدفه وانا أبحث بين أوراقي طاح في ايدي بروشور خاص بالكروز MSC تخيلوا هذا البرشور محتفظه فيه من كم سنه وناستنه وكنت أحلم أسافر ع هاي السفينه بالذات لأنه من زمان شفت مسلسل تركي وكان البطل هومهند:(3): وفي المسلسل مهند زار هاي السفينه ع اساس بيسوي عرسه فيه وتجننت يومها ع هاي السفينه وما أتذكر كيف حصلت بروشورهم واحتفظت فيه من يومها ونسيته وشاءت الصدفه قبل لا أحجز الكروز اني أشوف البروشور وكان في البرشور عارضين أنواع واحجام السفن اللي عندهم وكانت السفينه اللي بنطلع فيها من كوبنهاجن ثالث أصغر وحده من مجموع 11 سفينه واسمها MSC Sinfonia يوم شفتها صغيره طاحت من عيني وضقت :yolks00430: تعرفون عاد بنت شربت تبا كل شي من الزين :(148): سرت أشوف أكبر وحده من اسطولهم ولقيت اسمها MSC Splendida بحثت عنها وبغيت أعرف وين تسير والصدفه الحلوه طلعت انها تسير صوب النرويج والاماكن اللي اباها بالضبط بس مدتها أطول 11 يوم وتطلع من هامبورغ قلت خلاص هاي اللي اباها :(34): كلمت بوعيسى وقال بس المده طويله وأخاف ماترتاحون قلتله هاي تجربه ولازم أخوضها وان شاءالله تعجبنا بس أهم شي ابا السفينه العوده :yolks00660: شفتوا القدر وين خذانا :(127): هاي صورة البرشور وشوفوا من أي سنه عندي http://i1050.photobucket.com/albums/...psxcgs0omk.jpg هاذيل هم ال 11 سفينه http://i1050.photobucket.com/albums/...psguyaoh4j.jpg بجزأ الصوره وبقربها أكثر http://i1050.photobucket.com/albums/...psxisyc9a7.jpg http://i1050.photobucket.com/albums/...psxz9foejs.jpg بعد ما أستقريت ع هاي الرحله دخلنا موقعهم ويلست اتفرج ع الغرف وقلت لبوعيسى أهم شي ابا بلكونه واخترت غرفه سويت مع بلكون ولكن كل مايحاول بوعيسى يحجز مايقبل وماعرفت ليش وبعدين بوسعد الله يطول بعمره عطاني الموقع اللي اقدر أحجز منه وهو يكون خاص بوكلاء السفر يعني مب خاص بهاي الشركه انما شركات الكروز المتنوعه مثل نرويجان و MSC وغيرها رابط الموقع Cruise Deals - Discount Cruises Travel, Cruise Ship Deals, Cheap Offers, Vacations & Packages حطينا بياناتنا من اسم السفينه والتاريخ والبلد اللي بتنطلق منها و...الخ طبعا انا كنت عارفه كل هالمعلومات من موقعهم وبعدين قام بوعيسى بالحجز عن طريقهم وهالموقع عندهم ميزة التواصل معاهم بالشات أون لاين فاذا عندكم أي استفسارات مب واضحه تقدرون تسألونهم مباشر ويحتاج تكونون تعرفون انجليزي واللي ماعنده لغه ومايعرف حد ممكن يساعده الافضل في رآيي يحجز عن طريق مكاتب الشركات السياحيه بعد ماحجز بوعيسى وخصموا من البطاقه ارسلولنا رقم الحجز بالايميل وصارتنا كم مشكله :sly: المشكله الاولى : اختيار الغرفه الصراحه انا مب متأكده اذا الخطأ منهم أو من بوعيسى شاكه فيه هالريال :(92): أنا كنت طالبه سويت ببلكونه ولما بوعيسى أرسل البيانات أرسلوا لنا مخطط السفينه وعطونا 4 غرف نختار بينهم وانا شفت في الصوره انه الغرفه فيها بلكونه فأخترت وحده منهم وحطينا رقم الغرفه في الطلب ، ولكن لما وصلت هناك اكتشفتانها مب سويت:(48): واكتشفت فيها عيب ثاني لايغتفر :(111): كل هاي التفاصيل عقب بخبركم عنها في الاجزاء اليايه عشان نمشي معاكم خطوه خطوه :yolks00250: المشكله الثانيه عقب ماحجزنا طرشولنا رقم الحجز وعقب تمينا نقرأ عن تفاصيل هاي الرحله من موقعهم وعرفنا انهم يطلعون رحلات سياحيه مع قروبات لكل منطقه ننزل فيها وكل منطقه يطلعون كم رحله وبمده مختلفه يعني ممكن رحله تكون مدتها 3 ساعات ووحده 7 ساعات و ... الخ وكل رحله بسعر مختلف طبعا انا شفت انه مثل هاي الرحلات وايد بتفيدنا انا والبنات دامنه بروحنا وطلبت من بوعيسى يحجزلنا الرحلات اللي اخترتها مع البنات وهاي المره دخلنا ع موقع MSC وحاولنا نحجز الرحلات ولما كان يختار الرحله اللي نباها يطلبون رقم الحجز ولما نحط الرقم اللي عطونا ياه مايقبل :sly: حاولنا كم مره وع مدى أيام وفي الاخير بوعيسى كلمهم أون لاين ع الشات من الموقع اللي حجزنا منه وقالوله انه هالشركه اللي حجزت منها (وهي وسيط ) شركه موثوقه والرقم صحيح ولكن تواصل وياهم مباشره وخبروه كيف يتواصل ويالشركه وبعد ماتكلم معاهم طرشوله رقم ثاني ومن عقبها قدرنا ندخل موقع MSC ونحجز وفعلا بوعيسى حجز وقاللي هناك بتدفعين الرسوم وطبعلي ورقة الحجز مالت الرحلات وهناك كانت الصدمه بسبب هاي الورقه وكانت هاي المشكله الثالثه :yolks00430: التفاصيل عقب بخبركم عنها في التفاصيل اليوميه :yolks00250: هذا الموقع اللي فيه برامج الرحلات اللي ع رحلتنا تفاصيل حجوزتنا :aer: تاريخ رحلتنا في الكروز من تاريخ 12/ 8 الى 23 / 8 المده 11 ليله تاريخ يلستنا في هامبورغ من تاريخ 23 / الى 26 / 8 ولكن عقب مددنا الى 29 :(34): عقب فكرت أمدد بعد بس خفت ع بوعيسى ومنه :yolks00620: أتخيله اييني المانيا ويمطني من شعري ويرجعني البلاد :yolks00800: ههههههههههههههههههه تكلفة رحلتنا ع الكروز طلع علينا بــــ 6,057.25 دولار بالاضافه الى ضريبه يوميه ندفعها عن كل شخص 8.5 يورو هذا السعر يشمل الغرفه لنا نحن الثلاث ( أنا وبناتي الله يحفظهم ) وشامل الوجبات الثلاث من البوفيه وأي اكل من بوفيه مدة 24 ساعه وعقب بخبركم أكثر عن مطعم البوفيه وشو يقدم:yolks00250: وبعد هالسعر شامل حجز في مطعم ثاني ويقدم عشاء بس لازم يتم الحجز قبل السفر ومره وحده وعقب خلاص ماتحتاجون حجز ومن أول مره تدخلون المطعم بتلقون كراسيكم محجوزه لكم طول الرحله سواء حضرتوا ولا لا وهالمطعم يقدم وجبة العشاء بس من اختياركم من المنيو ونحن حجزنا قبل لانسافر وبعد شامل السباحه في الاحواض وحضور العروض في المسرح والجيم وبس وهاي كانت صدمتنا:(38): لأنه الباقي كله برسوم أي العاب أي مشروبات من الكوفيهات أو أكل غير اللي ذكرتهم يكون حسابه غير:(101): وأي العاب تكون برسوم تدفعونها ع حسب اللعبه الاسبا برسوم هذا مقبول الصالون برسوم وهذا مقبول بالمختصر كل شي بالفلوس:(111): وما أدري عن باقي شركات الكروز اذا نفس النظام ولا غير فندقنا في هامبورغ حجزنا في فندق بارك حياة من موقع بوكينج وهذا موقعهم حجزنا غرفه حقنا نحنا الثلاث وطلبنا فيها سرير اضافي وطلع المبلغ 661 يورو حق أول 3 أيام وعقب تضاعف المبلغ لما ضاعفنا الايام :(60): حبيبتي فني جيرل هي رشحتلي ياه بعد ماجربته وفعلا طلع ممتاز شكرا حبيبتي فني :(114): مدة رحلتنا كلهاتقريبا 17 يوم سافرنا ع طيران الامارات ع البزنس بالنسبه للمواصلات ما احتجنا هناك مواصلات لأنه رحلتنا الاولى في السفينه ورحلاتنا الترفيهيه والاستكشافي كانت مع القروبات السياحيه وفي هامبورغ كنا ساكنين في السنتر ومانحتاج مواصلات والمطار كانت مواصلات طيران الامارات موفرتنها لنا في السيره والرجعه تابعوني في... الجزء الرابع وتفاصيل رحلتنا يوم بيوم :aer: |
معلومات مهمة يا ام عيسى بعد اللي اعرفه كل منطقه تبين تنزلينها تدفعين رسوم ؟ Sent from my iPhone using Tapatalk |
السعر الاجمالي للكروز حلو و مقبول لـ 3 أفراد حلو ذكرك للمشاكل اللي مريتوا فيها عشان الكل يتفاداها فني دايم ذوق و ترشيحها للفندق حلو لأنه بالسنتر و كل شي حوله أتوقع من الطبيعي أن كل شي يكون بفلوس لأن المحلات هذي مستأجرين من شركة الكروز و ما يتبعون لها |
السعر مناسب جدا ل 3 اشخاص و ل11 يوم ننتظر بداية السفر و التفاصيل اليومية |
مبدعة كالعادة ام عيسى عليكم بمليون عافية واهم شي بو عيسى الله يخليه لكم زين ما ياكم ورجعكم الديرة تحياتي لك وبانتظار مغامراتك الكروزية المشوقة |
ابداع ام عيسى وكثير من النقاط المهمه ذكرتيها بالرحله دايم مميزه بالتقارير وتفصيل الرحلات ونقل الواقع دمتى بود |
السعر مناسب توقعته يكون اكثر ..مبلغ الفين دولار للشخص لمدة 11 يوم شامل الوجبات الثلاث مع كل هذه الفخامة والرفاهية مناسب جدا سؤالي لحضرتك في حال الحجز المبكر قبل فترة هل يكون السعر افضل ؟ |
اقتباس:
اقتباس:
ولامره مره دفعنا رسوم لما كنا نوصل عند كل منطقه اقتباس:
اقتباس:
فعلا السعر جدا مناسب وهم عطونا خصم ع الشخص الثالث ما أدري يمكن عشان بنتي اعتبروها طفله وهي عمرها 16 سنه مهم جدا نذكر الايجابيات والسلبيات عشان ننور طريج من عقبنا هي فديتها فني أم الذوق كله صحيح كلامك بس ماتوقعت كل شي فلوس مثلا توقعت الكوفيهات تكون مجانا غير المطعم الرئيسي توقعت كشكات للايس كريم متوفره مجانا سبق سمعت مثل هالكلام انه متوفر ع الكروزات بس ماشفته ع كروزنا مثلا الالعاب مثل طاولة التنس وهاي اللعبه ما أعرف شو اسمها لعبة فوت وبول الطاوله تكون مجانا توقعت تكون السينما مجانا مره لما ركبت في كروز لمدة يوم وليله من هامبورغ لين جوثنبيرغ في السويد كان فيها سينما وتعرض افلام ومجانا مثلا البولينج يكون مجانا حتى الالعاب الاكترونيه تكون مجانا لكن أنا اتفهم انه بعض الاماكن تكون برسوم مثل الصالون الاسبا ممكن بعض الكوفيهات اقتباس:
اقتباس:
تخيل لو خذينا غرفه بدون شباك داخليه كان السعر بيكون أرخص وارخص بحاول اليوم انزل يديد بس شدوا همتكم ويايي بالمشاركات تفاعلكم يحمسني اقتباس:
الله يعافيج قلبووو اللهم آمين هو لو يانا جان مسكته وماخليته يرد الا عقب اسبوع :yolks00250: ان شاءالله قريب |
اقتباس:
انا معاك السعر مناسب مع كل هاي الخدمات والفخامه ولكن الرحلات مع القروبات كلفتنا تقريبا 7000 درهم ممتأكد بالضبط من المبلغ عقب بخبركم سعر كل رحله خذناها ، طبعا السعر مضروب في 3 بالاضافه الى مصاريف داخليه من طلبات البنات للمشاريب والالعاب وغيره وهذا بدون التسوق فتقريبا رحلتنا كلفت 30 الف من كل شي في هالـ 11 يوم وهذا غير مصاريف هامبورغ هاي بروحها من غير وغير تذاكر الطيران يعني الاجمالي طلع ثجيل :(155): بالنسبه لسؤالك ما اعتقد لو حجزت مبكر يتغير السعر ، ولكن السعر يتغير ع حسب اختياركم للغرف ممكن يزيد أو ينقص |
اقتباس:
يسلم بؤك ع هالكلام الجميل شكرا أخويي بوطلال وهاي شهاده أعتز فيها |
ياحلوج يا ام عيسى ويا حلو اسلوبج في السرد يشد في المتابعة السعر جدا ممتاز للمده توقعت الانشطه كلها مجانيه متابعين معاج |
اقتباس:
اقتباس:
حبيبتي والله :(141): أهم شي انكم مبسوطين حتى انا شراتج فكرت انه اغلبها مجانيه سامحوني اليوم مابنزل يديد الصراحه بديت فيه بس ماخلصته باجر ان شاءالله تصبحون ع خير |
العفوو لا شكر على واجب في خيارات كثيره للحجز سواء من الشركه نفسها او من الشركات الوسيطه وهي كثيره ايضا ههههههههههه ماشاء الله عليج ام عيسى تفاصيل دقيقه وشرح لجميع المشاكل لو انا بكتب هالتفاصيل يمكن سنه ونص اخصل التقرير هههههههههههه بس مهمه جدا هالتفاصيل تفيد الى بيحجز بعدكم بالكروز في ميزان حسناتج ان شاء الله انا الحمجلله ماواجهتني اي مشكله ولأي نوع من المشاكل بالعكس كان كلشي نفس ماتوقعته يمكن لاني انا الي كنت احجز حق نفسي واعرف شنو الي ابغيه وشنو المتوفر والسعر وايد حلووو واعجبتني سفينتكم فيها اشياء مب موجوده عندنا ومعاج للأخر ان شاء الله عساج على القوه |
ماشاء الله عليج اخت هداوه مبدددددعه كالعاده ���� مدري احس رحله الكروز لمده11 يوم مو ممله شوي �� و هل الي فيه دوار للبحر يتعب من الرحله كملي للامام �� |
انا انتظر بهالتقرير جرينجر والشلالات السبع وكل شوى افتح اشيك عالتقرير واقول ياريت تنزل كامل التقرير مره وحده مستعجل |
تفاصيل رائعه وذكرك للمشاكل التي واجهتكم حلوه ليستفاد منها منتظرين التميز والحكايات الجميلة |
اقتباس:
اقتباس:
هيه والله يابوسعد تفاصيل كثيره أحاول قد ما أقدر اجمع كل المعلومات لأنه فعلا لما بغيت أروح هاي الرحله ماحصلت تقرير يساعدني وماكنت أعرف أي شي داخله لعالم مجهول عشان جيه أبا الناس تاخذ فكره واضحه عن الكروز ولو اختلفت الشركات مابيكون الفرق كبير هههههههههههههههههههههههههه إيه عليك انزين خلصه في سنه :(155): وبعدين بوسعد انته عاطني لقب كبير وهو ملكة التقارير ولازم أكون قد هاللقب :(153): اللهم آمين في ميزان حسناتي وحسناتك لو متمكنه من اللغه وقادره أحجز بروحي واتفاهم وياهم جان تداركت وايد أخطاء وبوعيسى صح ماقصر وحجز ولكن الله يهديه كم مره أقوله أقرأ التفاصيل تأكد من كل شي ولكن ماكان يشيك وعشان جيه وقعنا في أخطاء ومن ناحيه ثانيه لا أنا ولاهو سبق جربنا الكروزات وكانت تجربه يديده علينا والخطأ وارد اتمنى اللي يروحون من بعدنا يتجاوزن اخطائنا ياسلام ودي توضح اكثر الفرق بين النرويجن وال MSC عشان نعرف نختار عدل الكروز المناسب الله يقويك أخويي وسعيده بمتابعتك ومشاركتك وتهمني وايد ملاحظاتك اقتباس:
اقتباس:
شكرا حبيبتي بالنسبه لي ابدا ماكانت ممله انا من النوع اللي يصيبني دوار البحر واذا الرايح شديده ممكن يصيب اللي شراتي وفي رحلتي هاي مره وحده حسيت بدوار البحر اقتباس:
هههههههههههههههههههههههههههههه حاسه فيك لكن وين جرنجير بعدك مشوارك طويل ياطويل العمر :(56): |
منو سهران ويايي :yolks00650: ابالي نص ساعه أو أقل وبنزل جزء يديد اللي يتابعني وسهران أباه يعلق ع الجزء اليديد :(153): |
الجزء الرابع برنامج رحلتنا :kn: انطباع عن رحلتنا بالكروز اليوم بكسر القاعده وبخبركم عنانطباعي قبل لا أدخل في التفاصيل والسبب اباكم تعيشون شعوري واحساسي اللي عشته في هاي الرحله هاي الرحله من الرحلات الجميله في حياتي فاقت كل توقعاتي ما توقعت اني بحبها هالكثر وأحب البحر اللي علاقتي معاه ضعيفه المتعه والجمال مب في المناطق اللي زرناها في النرويج هاي بالنسبه لي مثل أي رحله لأي بلد ولكن الجمال كان في الكروز الناس اللي معانا واقصد المسافرين تحسونهم كأنهم معاكم يعني ماشعرنا بالوحده من كثر مالناس طيبين وحبوبين وحتى العاملين كانوا وايد يحبونا ويعتنون فينا لأنهم عارفين انه نحن بروحنا فخامة السفينه وجمالها تعطيك شعور بالراحه والمتعه تعدد الانشطه ماتخليك تشعر بالملل وودك بوقت أطول بناتي جدا استانسوا وتعرفوا ع بنات فرنسيات في سنهم تقريبا وصاروا يلعبون معاهم ولازالت علاقتهم مستمره وهذا شي جميل بالنسبه لي واكثر متعه وسعاده حسيتها في الكروز هي هاذيج اللحظات اللي كنت أيلس فيها مع نفسي وانا مجابله البحر واستمع للأغاني واقرأ كتاب واحيانا أتأمل وأفكر في أمور كثيره بذهن صافي ماسبق حسيت او عشت مثل هالاسترخاء مثل اللي حسيته في هالسفينه فعلا الانسان يحتاج مثل هاي اللحظات تصدقون كنت أوقات اتمنى ماتوقف السفينه وماننزل وأوقات لما نطلع رحله أكون متشوقه ابا أرجع للسفينه طافوا 11 يوم بسرعه وكنت أتمنى لو يلسنا أكثر اتمنى اللي بيجرب رحلة الكروز انه فعلا يحاول يستمتع بوقته ويعيش لحظات جميله مثل ماعشناها :(141): تخطيط رحلتنا :kn: هههههههههههههههههههههه والله كل ما أحاول أبدا في التفاصيل اليوميه اشوف جدامي معلومات لازم أقولها قبل شو أسوي يعني :(155): http://i1050.photobucket.com/albums/...psmly9vroy.jpg هاي تفاصيل رحلتنا الكروزيه http://i1050.photobucket.com/albums/...psq4g0ag9l.jpg الانطلاق ع كروز MSC من ميناء هامبورغ تاريخ 12 / 8 الساعه 6 المغرب تتحرك السفينه العوده بتاريخ 23 / 8 لميناء هامبورغ المدة 11 يوم نو الغرفه : غرفه مع بلكونه ومطل ع المحيط خط رحلتنا بالكروز http://i1050.photobucket.com/albums/...pspedxybag.jpg 12 / 8 هامبورغ الانطلاق 13 / 8 في البحر أول توقف بيكون في أول منطقه في النرويج وهي 14 / 8 Alesund, Norway 10:00 17:00 هالوقت اللي بنقضيه في منطقة Alesund المده 7 ساعات يوم 15 / 8 بنقضيه في البحر يوم 16 / 8 الوصول الى منطقة Honningsvag, Norway 15:00 Honningsvag, Norway − 02:00 بنوصل الساعه 3 العصر وبنظل الى الساعه 2 بعد منتصف الليل يعني 11 ساعه عندنا نستكشف فيها هالمنطقه تاريخ 17 / 8 بنوصل لمنطقة Tromso, Norway 13:00 21:00 وبنوصل الساعه 1 الظهر الى 8 المساء المده 7 ساعات تاريخ 18 / 8 بنقضيه في البحر تاريخ 19 / 8 بنوصل الى منطقة Molde Fjord, Norway 08:00 18:00 المده 10 ساعات بنقضيه فيها تاريخ 20 / 8 بنوصل لمنطقة Hellesylt/Geiranger, Norway 08:00 18:00 المده 10 ساعات بنقضيه فيها تاريخ 21 / 8 نوصل لمنطقة Bergen, Norway 07:30 18:00 وبنقضي المده 10 ساعات ونص فيها تاريخ 22 / 8 بنقضيه في البحر ويوم 23 / 8 بنوصل هامبورغ موقف صار وكان بيغير خطة السفر :(155): قبل مانوصل بيرجن بيومين يتني فكره وكنت بغير مخطط سفرنا فكرت انه لما نوصل بيرجن ننزل ومانكمل الرحله معاهم ونظل في بيرجن يوم وعقب نسافر بطيران داخلي الى اوسلو عاصمة النرويج ونظل كم يوم وهنيه ممكن نرجع من أوسلو ع الامارات أو نطولها ونرجع من هامبورغ وتميت أفكر في هاي الفكره بروحي بدون ما أخبر البنات لأني عارفه انهم بيوافقون ع هالاقتراح لأنه في خاطرهم يسيرون اوسلو تميت أتشاور مع بوعيسى وهو ماكان متشجع وايد لأنه مايبانا نتأخر أكثر وبعد نقاش وتفكير قررت اني أظل ع برنامجنا واتعوذ من الشيطان ومن افكاري الجنونيه :(155): معلومات جمعتها قبل لا أسافر يلست أدور في النت والانستا والاستعانه بصديق لين جمعت بعض المعلومات الموجوده في بعض مناطق النرويج لأنه كنا مقررين انه بعض المناطق مانطلع فيها مع القروبات السياحيه ونتمشى فيها بروحنا ونستكشفها وكنا مختارين 3 مناطق بس نطلع فيها مع القروبات السياحيه يعني بس 3 رحلات لكن اللي صار عقب غيــــــــــــــــر وعقب بتعرفون الاسباب :yolks00250: المعلومات اللي جمعناها أولا مدينة Alesund هاي بدون قروب سياحي وبنيلس فيها 7 ساعات الاماكن السياحيه اللي فيها 1- فيها تله مرتفعه ولازم نصعد لها ونسأل كيف نسيرلها وفوق مطعم وفيو Fjellstua Utsiktspunkt 2- أكواريوم واسمه Atlanterhavsparken alesund akvarium 3- مزرعه أسمها Ytste-skotet 4- بحيرتين وسط الجبال وهاذيل فيهم مباني مطموره NORANGSDALEN (( THE queens route )) هاي المنطقه من أضيق الوديان في النرويج متحف الكنز Exhibition : therunde treasure , bird mountain and silver of the sea 5- شلال وقريب واسمه Dynjafossen waterfall Gudbrandsjuvet 6- جزيره فيها بط غريب شكله وطيور مهاجره والجزيره جبليه اسمها Rundebranden 7- بعد الباص السياحي ثانيا : قرية Tromso بنيلس فيها 6 ساعات الانشطه الموجوده فيها : 1-تزلج مع غزلان الرنه 2-التزلج مع الكلاب الهاسكي وغالبا تكون في الحدود بين النرويجج والسويد وفنلندا التي تسمى لاب لاند lapland 3-مشاهدة الحيتان والدلافين 4-ركوب الخيل 5-جوله بحريه وسط الجليد 6-جوله بالهيلوكوبتر 7-كيبل كار ونشوف الفيو من فوق 8-استئجار قارب خاص ورحله لصيد السمك في البحيرات المتجمده 9-المتاحف زيارة الجامعه اللي فيها تقدر تشوف الشفق بالضبط اذا ماشفته بعينك 10- رؤية الشفق القطبي في الشتاء 11-استئجار الدراجات الثلجيه في وديان منطقة لاب لاند ثالثا : منطقة Honningsvag بنيلس فيها بنوصل 3 الظهر وبنتم لين ثاني يوم 2 فليل بنطلع هاي الرحله مع القروب King crab safari bus experience: 2,5 ساعه بنبحث عن رحلات ثانيه حق باقي اليوم وفكرت أييب المعلومات من المكتب السياحي بس هذا اللي جمعته في وقتها وكان البرنامج مب واضح بالنسبه يعني كيف بنسير لي مكان سياحي ولكن عقب انتظمت امورنا لما طلعنا في الكروز وبدأت تتضح عني الامور أكثر وأكثر وان شاالله عند كل منطقه بنزورها وقتها بعطيكم معلومات أكثر أشياء لازم تاخذونها معاكم في رحلة الكروز 1- حسب خط رحلتكم ووقت رحلتكم يتحدد اللبس اذا شتوي أو صيفي ولكن نصيحتي هاتوا ثياب خاصه حق السفينه غير اللي بتلبسونها في الرحلات أو المناطق اللي بتنزلون فيها ولازم تكون ثياب مريحه ومناسبه بالنسبه للصبايا هاتوا معاكم شيل أو اسكارفات الشعر غير عن اللي بتطلعون فيهم لأنه هاي الاسكارفات بتستعملونها يوم بتمارسون انشطه في السفينه أو بتسيرون المطعم فممكن تتوسخ أو تضرب فيهم الريحه يعني اللي تلبس اسكارفات ماركات لاتلبسها في السفينه السفينه شرات بيتكم متكشخين بس بالبسيط فهمتوني صح :(153): 2- هاتوا لبس رياضي وهذا للجنسين حقق الجيم ن طبعا حق اللي يبا 3- هاتوا لبس للسباحه للجميع حتى لو البلاد بارده لأنه في مسابح داخليه ودافيه والصبايا لبس مايو اسلامي نحن ماخذينا معانا لأنه ماندخل المسابح المختلطه بس انا أخبركم للعموم 4- الحذاء لازم يكون مريح للرحلات ونعال مريح حق السفينه أنا كنت ماخذه نعال عزكم الله بس ألبسه في السفينه مريح وعملي لأنه السفينه كبيره والمشي فيها وايد 5- لازم تاخذون شاحن متنقل احتياطي هذا وايد مهم http://i1050.photobucket.com/albums/...psbsrlqobk.jpg 6- لاتشيلون شنط كبار ولا لبس وايد خليكم في الوسط لأنه الغرف ماتكون واسعه وايد وبتتوهقون وين تحطون شنطكم 7- شيلوا معاكم كتاب تقرونه في بعض الاوقات 8- شيلوا معاكم بعض الالعاب مثل البته وحد يسميها ورقه أو زنجفه وغيرها من الالعاب للتسليه 9- شيلوا معاكم دواء لدوار البحر في حالة احتجوتوا له 10- خزنوا بعض الافلام والبرنامج اللي تبونها في اللاب توب عشان تشوفونها وتقضون بعض الاوقات معاها بناتي كانوا جيه مسوين بالنسبه لي كان جوي غير ، كان رفيقي الكتاب ملاحظه مهمه وااااايد الارسال في السفينه في بعض الاوقات يكون مقطوع لأنكم تكونون في نص البحر والنت في السفينه بالايجار وكان غاااااالي وايد وبتيكم سالفته من خلال الا حداث فيعني ممكن اتمون ساعات طويله بدون خدمه ولا اتصال باختصار دورولكم شي مفيد تشغلون وقتكم فيه :(94): تقريبا هذا كله اللي ذكرته لين الحين تابعوني في الجزء الخامس يوم الوصول :kn: |
جزء رائع وتفاصيل مهمه لترتيب نفسك للسفرية اعجبني طرحك للمدن اللي راح توقفوا فيها وافضل الاماكن واهم شي الوقت المحدد للمدينه معاك مش راح نغمض بس بدون روتانا خخخ يعطيك العافية ام عيسى |
متابع ومستمتع لاحظتي او شفتي عوايل معاها اطفال (اقل من 10 سنوات) ؟ ايش رأيك ، رحلات الكروز بتناسبهم؟ |
صباح الفل اليوم وأنا أجلب أوراقي لقيت معلومات فاتتني أحطها في التفاصيل اللي فاتت والميزه اللي في منتدانا انه نقدر ونضيف في أي وقت فهاي ميزه وايد حلوه أرجوكم لاتغيرونها اقتباس:
اقتباس:
الله يعافيك ويسلمك ويخليك يارب انته الوحيد اللي كنت سهران ويايي وتستاهل هالورده :(125): |
جميل ترتيبكم للرحلة و تخطيطكم لها مسار الرحلة رائع و زين أنكم تميتوا عليه واضح أن احساسكم بالراحة في الكروز خلاكم تستمتعون أكثر و هذا سر الجمالية في رحلات الكروز أنها رحلات جماعية كبيرة |
ماشاء الله تفاصيل ومعلومات ونصايح مهمة تسلمين ام عيسى على ما تقدمينه حمستينا لرحلات الكروز وخط سير رحلتكم شكله حلو وبانتظار التقرير والاحداث |
زين لحقت على الطيارة قبل لا اطير :(89): لي عودة مرة ثانية |
متابعين |
الله يعطيكي العافية ملاحظات جدا مهمة |
هداوة كالعاده تقرير مميز كعادة تقاريج السابقه تفاصيل مهمه ورحله ممتعه بانتظار المغامرات بالمناسبه شنو اسم الكتاب اللي كنت تقرينه؟ |
اللحظات اللي كنت أيلس فيها مع نفسي وانا مجابله البحر وصل لي احساسك هنا واتمنى فعلا اجرب كروز بس لأني منقبة مستحيل يناسبني الله يسعدك هداوة ومتابعة معاك |
متـــــابعة بصمــــت |
التقرير يطبخ على نار هادئة بيد الشيف ام عيسى الرائحة الزكية تزيد من جوعنا و يسيل اللعاب شوقا للوجبة الدسمة تفاصيل مهمة جدا متابعينك |
يسعدني مساكم اليوم اكتشفت انه عندي خريطه للسفينه وكانوا عاطينا ياها وما انتبهت عليها الا وانا أسوي التقرير:(7): كانت عندي ومافتحتها وهي مسكره وشكلها صغير وايد بس لما أفتحها تصير كبير تخيلوا لو كنت فتحتها جان عرفت كل طابق شو فيه ما أدري ليش ساعات تغيب عنا أشياء براويكم جهه وحده من البرشور صورتها كل شي محدد عليها :(7): المهم صورتها اليوم أجزاء منها وضفتها للتقرير في الجزء اللي طاف ع العموم لما تنوون ع السيره ردوا راجعوا التقرير وكل المعلومات اللي فيه والسموحه اذا صار خطأ أو تقصير مني اليوم ان شاءالله بشتغل ع الجزء اليديد وان شاءالله أخلصه اقتباس:
اقتباس:
هيه نعم كثير من العوائل الاجنبيه معاهم عيالهم والسفينه موفره أنشطة للصغار ونوادي ومسابح رحلات الكروز تناسب الصغار والعوائل وفيه كروزات خاصه للصغار مثل كروز دزني ولكن أنا رآيي أفضل بدونهم :(56): اقتباس:
اقتباس:
هيه الحمدالله انه تمينا لأنه كملنا متعتنا ع الكروز ومن ناحيه ثانيه وايد استانسنا في هامبورغ فعلا أي مكان اذا الانسان ماكان مرتاح فيه لأي سبب ممكن يخرب عليه الرحله كلها ولو كان المكان يجنن واهم شي الرفقه اللي معاك اقتباس:
اقتباس:
الله يسلمك يارب ان شاءالله بتعجبك وممهم تختار صوب النرويج ممكن أي مكان ثاني لو حبيت بس أهم شي راعي الجو اللي بتسيرون فيه اقتباس:
اقتباس:
انتي فينك يابت :(7): تداركي عمرج عن اييج عقاب بسبب هالتأخير :(101): اقتباس:
عساكم دوم متابعين ومشاركين :(56): اقتباس:
الله يعافيك يارب اقتباس:
اقتباس:
اليوم بحاول أنزل أول مغامراتنا ان شاءالله بخبركم عنه في التقرير بنزل صورته وهم كتابين لكن للاسف للحين ماخلصت قرايتهم كله بسبب التكنولوجيا اللي مآخذه وقتنا اقتباس:
ههههههههههههههههه فديت اللي متابعني اقتباس:
اقتباس:
بيوصلج عقب أحساس وصوره :(141): عادي شو يعني منقبه مايمنع بس بتكونين محط أنظار الجميع وممكن النقاب اللي لونه أسود ويثير فضولهم وخوفهم ويفكرونج من قوم داعش ههههههههههه رأيي انه تلبسين حجاب ملون ويكون طوي بحيث تلفينه بطريقه تغطين فيا ويهج مثل النقاب اعتقد بهاي الطريقه بيكون اهون شوي اقتباس:
اقتباس:
هههههههههههههههههههههههههههههههه عيبني وايد تشبيهك فعلا يالسه أطبخه ع نار هاديه أبا الطبخه تكون مضبوطه ولذيذه وفالكم طيب ان شاءالله بالوجبه الدسمه الغاويه |
خلوكم قريبين مني بعد نص ساعه بينزل جزء يديد ان شاءالله :(127): |
الجزء الخامس يومياتنا في الكروز يوم الوصول 12 / 8 / 2015 :iukiu: مقدمه ههههههههههههههههههههههههههههههههههه ههههههههههههههههههههههههههههههه لوسمحتوا محد يفرني بالبيض والطماط هاي المقدمه مهمه :204: هههههههههههههههههههههههههههههههههه ابا أكتب ومب قادره من كثر ما أضحك وأنا أتخيلكم تتذمرون وتقولون لوعتي جبدنا خلاص ادخلي في الرحله ههههههههههههههههههههههه انزين خلوني أخبركم عن شي مهم :204: توقيت وتاريخ رحلتنا رحلتنا بالسفينه يوم 12 / 8 والسفينه بتتحرك الساعد 6 المغرب من هاليوم ونحن طيارتنا بتوصل الظهر كانت موعد اقلاع طيارتنا ع الساعه 9 الصبح والوصول 1.40 الظهر كان عندي اختيارين الاول انه نوصل هامبورغ تاريخ 11 يعني قبلها بيوم وثاني يوم نطلع ع السفينه والاختيار الثاني انه نسافر في نفس يوم الرحله يعني من المطار الى السفينه بعد تفكير أخترت الثاني لأنه فيه وقت كمن ساعه قبل لاتتحرك السفينه طبعا هاي مغامره مني لأنه لاسمح الله لو صار أي تاخير من الطياره أو أي سبب ومالحقنا ع السفينه وراحت عنا وقتها مافي أمل نلحق عليهم وبتروح فلوسنا وبتروح علينا الرحله وبيكون هذا حالنا :yolks00640: ولكن الحمدالله مرت الامور بسلام مثل مارتبتها :(35): خلصتي ياختي من الرغي :yolks00800: يالا خوشي في اليوميات وريحينا :(7): ان شاءالله يلا نخش ع بركة الله :(141): يوم الوصول تجهزنا ويتنا سيارة المطار تاخذنا من البيت وتاخرنا ع الدرويل وجان يروح عنا :(111): الحمدالله بوعيسى وعيسى وسايقنا موجود رتبنا عمارنا وطلعنا المطار وسارت الامور ع خير وركبنا طيارتنا http://i1050.photobucket.com/albums/...psodc3f3r2.jpg غدايي http://i1050.photobucket.com/albums/...ps36vwqy5v.jpg http://i1050.photobucket.com/albums/...psrp7wmf5b.jpg وصلنا هامبورغ http://i1050.photobucket.com/albums/...psud8gpqnt.jpg http://i1050.photobucket.com/albums/...psm65smcvd.jpg استقبلتنا السيارة الخاصه بطيران الامارت http://i1050.photobucket.com/albums/...ps9hkbnmgq.jpg وهذا سايقنا يركب شنطنا ماشاءالله وايد شالين شنط http://i1050.photobucket.com/albums/...psbyhjtjy4.jpg وانطلقنا للميناء كنت طابعه العنوان احتياطي عموما الميناء معروف http://i1050.photobucket.com/albums/...psw8twjzqw.jpg http://i1050.photobucket.com/albums/...psjlfsxmfs.jpg بدينا نشوف السفينه http://i1050.photobucket.com/albums/...psdppp2irt.jpg http://i1050.photobucket.com/albums/...psqihq8tee.jpg سفينتنا :(127): http://i1050.photobucket.com/albums/...psoj1c2gs1.jpg وصلنا الميناء وأول مانزلنا لقينا هالكاونتر ياخذ عنا شنطنا وعطيتهم رقم رقم غرفتنا اللي من قبل محددتنها http://i1050.photobucket.com/albums/...psyu3dbvhv.jpg http://i1050.photobucket.com/albums/...psbt6jabwm.jpg عقب ماحطوا الاستكر اللي فيه رقم غرفتنا سلمونا أظن ورقه ما اتذكر شو بالضبط بس عطونا شي هم دخلوا الشنط ونحن سرنا صوب المدخل الرئيسي http://i1050.photobucket.com/albums/...pso2hjjmch.jpg بيسلمونا شنطنا داخل السفينه http://i1050.photobucket.com/albums/...psmbjyklai.jpg http://i1050.photobucket.com/albums/...psbmd6hpud.jpg دخلنا الصاله وكانت المفاجأه الصاله كبيره مثل المطار ، وناس وايد http://i1050.photobucket.com/albums/...pszztn0njh.jpg أول مادخلنا عطونا عصير ترحيبي http://i1050.photobucket.com/albums/...psprcm5ebo.jpg عقب سرنا صوب طاوله حاطين عليها اوراق ولازم ناخذها ونملي البيانات اللي عليها وعقب يعطونا رقم http://i1050.photobucket.com/albums/...psw0coymbd.jpg http://i1050.photobucket.com/albums/...psekytwv1m.jpg هاي هي الورقه اللي عبيناها http://i1050.photobucket.com/albums/...pst9ijvsiq.jpg عطونا رقمنا وسرنا عند الكراسي ننتظر http://i1050.photobucket.com/albums/...pssmediatb.jpg كل شي منظم عندهم ومرتب ورغم كثرت العدد بس مافيه ازدحام وخرابيطنا كله بالدور واللي يقولون رقمه يوقف ويسير عند الكاونتر والباقيين ايلسون وينتظرون في هدوء وراحه http://i1050.photobucket.com/albums/...psbd4lzffq.jpg قلت للبنات أنا بتمشى وبصور للمنتدى وبرجعلكم وأنا أمشي واصور جان أشوف ناس واقف هالصوب وركزوا ع البنت اللي بتطلع في الصوره http://i1050.photobucket.com/albums/...pskimqwupi.jpg هاي البنت وقفت بكلمها وكنت حابه أسالها عن النظام وانا مفكرتنها أجنبيه جان تطلع عربيه من المغرب :(127): ع طول رحبت فيني بالعربي وطبعا انا فرحت وماصدقت اني شفت عربيه ويانا وموظفه بعد يعني كل اللي أباه بقدر أسألها ياه :(34): سالتها وجان تقوللي كم رقمكم ، خبرتها عن رقمي قالت سيري هاتي البطاقه وانا بعطيج بدالها بطاقه ثانيه وهاي البطاقه تدخلكم ع طول عند الكاونتر الخاص بالـ VIB والحالات الخاصه مثل اللي ع كرسي متحرك وغيره طبعا أنا طرت من الفرح اني حصلت واسطه وبدخل بسرعه بدون انتظار :(22): عرب مانيوز عن سوالفنا رجعت عند البنات وقلتلهم تعالوا ورايا وشرحتلهم السالفه سلمتنا البطاقه وع طول ع الكاونتر http://i1050.photobucket.com/albums/...psrnsr95zt.jpg http://i1050.photobucket.com/albums/...psvmxkzdbl.jpg http://i1050.photobucket.com/albums/...ps6oi7v3ht.jpg عطيناهم جوازاتنا وورقة حجزنا ونسيت بعد شو عطيتهم أظن الورقه اللي عبيناها المهم هنيه صار شي وااااااااايد مهم في السفينه عندهم نظام خاص في الدفع يعني ونحن هنيه ع الكاونتر سألوني بأي طريقه بتدفعين داخل ؟ قلتلهم ببطاقة الفيزا وسلمتهم بطاقة بوعيسى وما أدري ليش ماانقبلت والحمدالله كانت بطاقتي معاي وانقبلت ممكن تحبون تدفعون كاش بدال البطاقه في هاي الحاله تعطونهم مبلغ معين بس اللي ما أعرفه هل المبلغ هذا أنا أحدده ولاهم الصراحه ما أدري ونسيت أسأل انزين الحين شو اللي سووه بطاقتي وليش خذوها ؟ الله يسلمكم يربطون بطاقتي الفيزا ببطاقة الغرفه لي وللبنات لأنه كل واحد منا له بطاقه بأسمه للغرفه وبعدين لما نكون داخل أي شي بنشتريهندفع ببطاقة الغرفه كأنها بطاقة الفيزا يعني محد يدفع كاش في أي شي واللي بيحط في بطاقته كاش بدال الفيزا نفس الشي بيستعمل بطاقة الغرفه ليش هالنظام ما أدري ؟ بس في رأيي الشخصي ممناسب في حالة لو ضاعت البطاقه في هاي الحاله ع طول تبلغون الرسبشن وهو يلغي كل البطاقات ويصدرلكم بطاقات يديده في هاي الرحله مره وحده بنتي ضيعت بطاقتنا وغيرت كل بطاقاتنا عقب ماخلصنا اجراءاتنا سلمونا بطاقتنا وومكتوب ع البطاقه اسمنا ورقم غرفتنا http://i1050.photobucket.com/albums/...psrglkj7uo.jpg وسلمونا هاي البطاقات واللي فيها نحصل ع ماي معدني مجاني وكل وحده منا لها رزمه من هاي البطاقات في البدايه ماكنا نعرف هالشي وعقب عرفنا بعد ماصارلنا موقف بخبركم عنه في أحداث رحلتنا http://i1050.photobucket.com/albums/...psjh7chrcn.jpg عقب ماخلصنا عند الكاونتر ونحن سايرين صوب المخرج للدخول للسفينه شفت هالحلوات في استقبالنا http://i1050.photobucket.com/albums/...psprgua32k.jpg زخوني بنات بالي وحاولا يقنعوني اشتري منهم وعطوني عرض حق الاسبا وقالولي لو خذيتي من هنيه بتحصلين خصم http://i1050.photobucket.com/albums/...psq3qdfiro.jpg فكرت وقلت أنا بسوي مساج بسوي وأكيد هاذيل مايجذبون فخذيت بكج حق جلستين مساج ورغم انه بالخصم بس كان غالي تقريبا الجلستين طلعوا عليه بـ 1000 درهم بعد ماخلصت معاهم تجدمنا صوب المغادرون http://i1050.photobucket.com/albums/...psgadc7ddz.jpg بعد ماعبرنا الجهاز صعدنا السلالم http://i1050.photobucket.com/albums/...ps2zlivati.jpg في داخلنا فرحه وحماس تسبق خطاوينا http://i1050.photobucket.com/albums/...ps9bp3gnbs.jpg ونحن نعبر من فوق خذينالكم صوره http://i1050.photobucket.com/albums/...psvmbhlmci.jpg شوفوا الناس وهي تنتظر دورها والطوابير :harhar1: http://i1050.photobucket.com/albums/...ps0becmaro.jpg الحين بندخل الخرطوم كأنه بندخل الطياره http://i1050.photobucket.com/albums/...ps6uqco8tr.jpg http://i1050.photobucket.com/albums/...psjqeqyqsl.jpg أشوف شنطنا من فوق وهي تدخل السفينه http://i1050.photobucket.com/albums/...psfyhd7kgk.jpg وقربنا ندخل السفينه وقرب الحلم يحقق http://i1050.photobucket.com/albums/...pscjwlnw72.jpg وندخل بريلنا اليمين ونقول بسم الله http://i1050.photobucket.com/albums/...pscawlrh4d.jpg تابعوني في الجزء الخامس وأول يوم في السفينه :iukiu: |
تنظيم الدخول للسفينة رائع عملية اخذ بطاقات الائتمان واعطائك بطاقة بديلة للشراء داخل السفينة غريبة بس يمكن لتفادي عدم وجود شبكة في وسط البحر الوصول في نفس يوم السفر مخاطرة بصراحة متابعين بشوق لمعرفة يوميات الكروز لا تتأخري علينا دمتي بخير |
صباح الخيرات اليوم ناشه بدري غير عادتي :(60): اليوم قررت أرد دايما ع أول رد بعد ما أنزل جزء يديد ويكون ردي عليه بروحها بس مايكون جماعي يعني يكون مميز :harhar1: فاللي حاب يكون مميز عندي يحاول يرد أول واحد أسوي تنافس بينكم وأخاف محد يسويلي سالفه ههههههههههههههه اقتباس:
جدا جدا رائع والصراحه فاجئني التنظيم ما أعرف شو هدفهم واحسها شغله متعبه عليهم لأنه مايخصمون من حسابك الا آخر يوم لما توقع ع الكشف انه كله أوكي هيه والله خاطرت وما أنصح حد يخاطر شراتي أصلا صار موقف لنا في مطار دبي أنا ماذكرته عشان ما أطول عليكم لما يينا نسوي شيك ان وايد أخرونا والسبب انه حاجزين للناس ع هاي الرحله أكثر من عدد الكراسي وهاي أول مره أشوف هاي الحركه من شركة طيران فمابالك اذا كانت العملاقه طيران الامارات وتأخرنا وايد وعصبت عليهم وعقب دخلونا ولما دخلنا الطياره كنا نركض لانه النداء الاخير والله ستر وماراحت الطياره عنا الافضل انكم تسافرون قبلها بيوم وترتبون اموركم حتى ممكن في أمانات الفندق تتركون شي من شنطكم اذا كان عندكم وايد واذا ناوين عقب تيلسون في هالبلاد كم يوم هاي التجارب تعلمنا انه نتدارك أخطائنا في المستقبل أحاول اني ما أتأخر عليكم ولكن فعلا تحضير جزء يدي ياخذ وقت طويل وانا حسب ظروفي ووقتي شكرا ع مشاركتك واسعدتني وتستاهل هاي الورده عشان أول واحد يرد :(125): |
| الساعة الآن 06:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO