|
اقتباس:
ههههههه الحسابه بتحسب قاعدين لها قعده[emoji23][emoji23] يالله عاد زتج ياهداوه وخلي عنج الردود بعدين ردي علينا[emoji23][emoji23] Sent from my iPhone using Tapatalk |
الجزء السادس في اليوم 5 ورحلتنا الى HONNINGSVAG :xfth: الوصول بيكون الساعه 3 الظهر المغادره بتكون الساعه 2 عقب نص الليل لازم الكل يكون في السفينه 1.30 بالليل طبعا أنا من أول يومين مرتبه حجز كل الرحلات لكل لمناطق وحق هاي المنطقه كنت حاجزه لها 3 رحلات ولكن الغينا وحده وتمينا ع ثنتين الرحلات الثلاث http://i1050.photobucket.com/albums/...psbibrq0pk.jpg وهاي تكنسلت لانه طلبوا رخصه لقيادة الدراجات خساره كنا متحمسين انا والبنات نركبها 2- رحله للقباقب العملاقه KING CRAB SAFARI BY BUS http://i1050.photobucket.com/albums/...psd7esimrh.jpg سعر الشخص الكبير = 115 يورو والطفل = 82.90 يورو 3- رحله الى North Cape سعر الشخص الكبير = 75 يورو والصغير = 55 يورو هاي أوقات الرحلات الثلاث حسب المبين في الورقه انه الرحله الثانيه هي رحلة القباقب بتكون من الساعه 7.5 والعوده الساعه 9.45 المساء والرحله الثالثه وهي لكيب نورث بتكون من الساعه 10.5 الى الساعه 1.45 عقب نص الليل لاتحاتون انه الوقت متأخر كأنه المغرب ماتظلم عندهم أبدا وهذا أحلى شي تفاصيل هاليوم صحيت بدري قبل البنات واليوم الجو مشمس تجهزت وسرت اتريق عنهم شاله ويايي حليب رينبو لازم شي يقند الراس ومايقنده الاالكرك عقب الريوق أيلس حق تأملاتي وسرحاني ههههههههه هدوء وتأمل واسترخاء وايد خذينا راحتنا لين وصلنا القريه الساعه 3 موعدنا مع القروب لرحلة القباقيب الساعه 7 وربع يعني عندنا 4 ساعات نقضيها في القريه قلنا بننزل نتمشى فيها ونستكشفها أول مانزلنا سرنا للمكتب السياحي عشان نسأل عن الانشطه والاماكن اللي ممكن نزورها شفنا انه المنطقه مافيها الكثير واشهر الاماكن فيها هي اللي حاجزين فيها قررنا نتجولنا ونتمشى فيها ، بس اليوم عندي شعور بالالم في ريلي وأحس كأنه فيني شد عضلي ومب قادره أمشي عليها عدل تمشينا شويه وشفنا هالمبنى جدامنا وفيه مكان مسواي من الثلج قررنا ندخله أول مادخلنا كان فيه محل يبيع هدايا اشتريت من عندهم بته يعني ورقه عشان نلعب فيها وحجزنا تذاكر ودخلنا الايس بار بس نسيت كم دفعت بعد ماندخل في هاي الغرفه يلبسونها بالطوا عشان نتحمل البروده بس صدق يدفي يلا ناخذ جوله فيه كل جزء منه مهيأ للتصوير مثلا هاي الزلاجه كنا نيلس عليها ونتصور المكان وايد صغير كهف من الثلج تدخلون داخله وتتصورون قدمولنا عصائر مجانيه عقب ماخلصنا حسيت اني تعبانه من ريولي ومابغيت أمشي وايد عشان ما أرهقها فقررت أرجع السفينه والبنات قالوا بيتمشون شويه وبيرجعون بعدي رديت السفينه أريح لين موعد الرحله مع القروب البنات تمشوا في القريه وحصلوا متحف تاريخي وقرروا يدخلونه وبعد ماخذوا لفه فيه ماعجبهم وعقبها رجعوا السفينه وظلينا مع بعض لين موعدنا مع القروب كنت متضايقه وايد في هاليوم ومن وايد اسباب اولها ريولي اللي احسها مب طبيعيه صحيح هي ماتألمني وايد بس أحس اني مب قادره أمشي عليها عدل فكنت أعرج وانا وامشي والسبب الثاني القريه كيئبه ومافيها شي وأقول في خاطري هاي النرويج هاي ثاني منطقه أمر فيها وين الجمال اللي بشوفه في النرويج والسبب الثالث كان موضوع خاص مضايقني وهذا كله تيمع عليه من عقب ماطلعنا من السفينه كان يومي نكد والحمدالله:yolks00430: تابعوني في تكملة هاليوم :xfth: |
ان شاء الله النكد يتحول لفرح بس غريبة طلبوا منكم رخص قيادة اتوقع النورث كيب يكون حلو لأن منظر الغروب فيه روعة |
اقتباس:
اقتباس:
للاسف النكد في هاليوم تحول الى كارثه حتى نحن استغربنا يوم في تايلند محد سألنا عن رخص بس هنيه عندهم الانسان روحه غاليه وهناك ع البركه ههههههه صح كلامك المنظر جميل |
نتابع تكملة اليوم 5 رحلتنا مع القروب :jfvjhb: كان التجمع في الدور 7 في كوفي أنا سرت بدري مع البنات وطلبنا هوت شوكليت http://i1050.photobucket.com/albums/...ps9thltvyx.jpg عقب يونا وعطيناهم التذاكروعطونا الستيكرات وهاي نلزقها علينا بحيث انها تبين وهالرقم اللي في الستكر هو رقم الباص عقب ماتجمعنا طلعنا برع السفينه عند تجمع الباصات وركبنا الباص والباص عليه نفس الرقم اللي ع الاستكر بالنسبه للكراسي كل واحد يختار الكرسي اللي يباه وفي حالة نزلنا في أي مكان كل واحد يرجع مكانه انطلقنا في أول رحله لنا ونحن كلنا حماس عند القباقيب :201: وصلنا للمكان المطلوب ولكني تفاجأت انا كنت متوقعه بنسير عن شاطئ البحر وبنشوف القباقب وهي تطلع ع الشاطئ ما أدري ليش كنت راسمه في خيالي هالمشهد الواقع وصلنا عند النهر او بحيره ما أدري شو أسمها وعدالها كم بيت وخيم ودخلنا بين البيوت لين وصلنا لجسر http://i1050.photobucket.com/albums/...psxjupmzg4.jpg ولقينا بعض السياح هناك وشفنا القباقيب الكبار والناس تتصور معاها http://i1050.photobucket.com/albums/...psvsm1f2wv.jpg http://i1050.photobucket.com/albums/...pshmwmzg9z.jpg نحن بعد يلسنا نتصور وسوينا أفلام غير عن الناس تعرفون عاد بنات شربت يوم انهن يشلن قباقيب كبار وتنغز هههههههههههههه عقب ماخلصنا تصوير وعرض http://i1050.photobucket.com/albums/...psjw6hcxyg.jpg قاموا يطلعون القباقيب من الاحواض ويقطعون القباقيب بكل قسوه جدامنا http://i1050.photobucket.com/albums/...psar3mcav9.jpg الحرمه كانت مجرمه وهي تقطعن:(123): عقب جمعونا ويلسونا في خيمه ووقتها لكنت أعري ( أعرج ) وأنا أمشي لازلت أتألم كان الجو بارد واليمعه في الخيمه حول النار دفتنا ومثل ماتشوفون الجدر اللي يطبخ في الوسط هذا فيه القباقيب كانوا يسلقونها http://i1050.photobucket.com/albums/...psndtouruy.jpg http://i1050.photobucket.com/albums/...pshvimxls9.jpg عقب دخلت المرشده ويلست تعطينا معلومات بس أنا كنت في وادي ثاني وما أدري شو قالت يمكن كنت أفكر متى القباقيب بتخلص وبآكلها هههههههههههههههه http://i1050.photobucket.com/albums/...pssph5moty.jpg لأنه الطبخه بتطول والمرشده خلصت رمستها طلعنا من الخيمه والكل سار يتمشى الا انا يلست ع الكراسي اللي برع عشان ريولي ممساعدتني أمشي وايد كانوا عدالي أجانب وبدأوا يفتحون ويايي حديث وعرفت انهم يهود وكانوا متخوفين اني آخذ موقف ضدهم ولكن انا تصرفت معاهم عادي وسولفت شويه ويا هم وعقب قمت عنهم اجر ريولي وامشي صوب بناتي وبعدها نادونا ودخلنا الخيمه عشان يوزعون علينا القباقيب وكانوا البنات اللي يشتغلون يحضرون الاطباق ويجهزولنا الوجبه صحن فيه ليمونه وخبزومايونيز http://i1050.photobucket.com/albums/...psfuofaijp.jpg وعقب وزعوا علينا صياني خشب كل واحد منا حاطاها ع ريوله http://i1050.photobucket.com/albums/...psq8wfqigk.jpg http://i1050.photobucket.com/albums/...psknys9uu3.jpg عقب وصلت صواني القباقيب المسلوقه http://i1050.photobucket.com/albums/...ps6yn4ycf4.jpg عاد أنا قلت في خاطري شكله يلوع الجبد ما بآكل منه :(59): http://i1050.photobucket.com/albums/...pszmd7v6qk.jpg عاد استحيت أرده وقلت بتذوق شوي منه من تذوقته ماتتخيلون كيف كان لذيــــــــــــــذ والجماعه ماقصروا كل شوي يمرون علينا بصينية القباقيب اذا حد يبا زياده ونحن وكل الموجودين كل شويه ناخذ ونآكل الصراحه ماينشبع منه وهم بعد كانوا مسوين وايد وعقب ماخلصوا انتظرنا برع لين يوصل الباص http://i1050.photobucket.com/albums/...psroi9pfcm.jpg عقب شرف الباص بعد ماجمدنا من البرد http://i1050.photobucket.com/albums/...pswd80e770.jpg انطلقنا بالباص الي نورث كيب انطباعي عن الرحله كانت حلوه وتجربه يديده علينا بس كنت أتوقعها أحلى من جيه تابعوني في الجزء الاخير من هاليوم والحادث اللي صارلي :jfvjhb: |
بالانتظار حتكون اكيد فقرة مشوقة مع القطب الشمالي |
مشكلة لما يصير شي للرجول بالرحلة يخرب عليك كل شي لأن المشي يصير صعب المفروض دايم يكون معكم جل فولتارين أو ريبريل بالسفر باين على الاستكوزا لذيذة بالعافية عليكم و لو أعطوكم أي شي بالبرد هذا بـ تشوفونه لذيذ لأنه يدفيكم :) متابعين أم عيسى و سلامتك |
متابعين ونشوف ايش صار والحمدلله ع سلامتك |
اقتباس:
اقتباس:
حبيبتي والله تصدقين حاولت في هاليوم أنزل جزء يديد بس ماقدرت المنتدى كان صاير ثجيل وماتفتح صفحاته وحتى وقتها شكيت انه المشكله من عندي ولكن لما أفتح مواقع ثانيه كان يفتح بسرعه الا المنتدى وخفت انه شغلي يضيع وخزنته في مكان ثاني وحاولت وايد هاليوم ومارضى يضبط والحمدالله اليوم الثاني صارت الامور طيبه اقتباس:
فرحت يوم شفت ردك أشوفكم اختفيتوا يوم رجعت اقتباس:
اقتباس:
هيه والله ويضيق الخلق تحس مب قادره تستمتع مآخذه معاي جل وأدويه ولكن الموضوع كان مب طبيعي كنت أحس اني مب قادره أفرد ريولي لازم أحنيها وأمشي بدون ما أضغط عليها الله يعافيك بس صدق كان وايد لذيذ اقتباس:
الله يسلمك بحاول في اقرب فرصه أكمل الجزء |
الله يسلمك سبق وقلت لك ان تقريرك احد أسباب السعادة اليومية اللتي ننتظرها بلهفة |
الله يعطيك الصحة والعافية اخت هداوة لكن ما سبب الم القدم؟ |
اقتباس:
اخجليتني بكلامك ان شاءالله اذا قدرت اليوم بالليل بعطيكم جزء يديد واذا ماقدرت بسبب انشغالي مع الاسره في الويك اند فباذن الله باجر اقتباس:
الله يعافيك يارب بدون سبب قمت الصبح لقيت العضله شاده عليه وتألمني واحتمال بسبب الرياضه اللي سويتها ع الاجهزه وشديت وايد ع نفسي وانا قليل اسوي رياضه |
ماعليه الحظ بعد شنسوي بس اشوه ما طافني شي :) سلامات ام عيسى الله القباقب شكلهم قوي لو انا منج جان عطيتهم بهارات بعد عشان يطلع الطعم الذ حبيت هالرحلة والسبب القباقب من محبينهم :) عليكم بالعافيه حسافه البقيات ماعطوكم - هذي اوربا مو ربعنا بتايلند هههه وناطرين التكملة |
اقتباس:
اقتباس:
الله يسلمج ويعافيج وينج أدورج الصراحه كان مع الليمون والمايونيز وايد لذيذ وانا بعد احبه وايد بس ما أحب أفتحه أحبه جاهز جدامي هيه والله في تايلند الحياه حلوه هههههههههههههه |
نتابع الجزء السادس من اليوم 5 والرحله الثانيه مع القروب الى نورث كيب :gyjftyjc: معلومات عنه هو جرف الجبل الحاد واللي يرتفع 307 متر فوق المحيط المتجمد الشمالي ويمثل نقطة النهايه للقاره الاوروبيه وهو رأس الشمال النرويجي يقع في أقصى شمال النرويج على شواطئ جزيرة ماغرويا ضمن بلدية نوردكاب Nordkapp في مقاطعة فينمارك وهو الزاوية الشمالية القصوى في أوروبا . الطريق الأوروبي E69 السريع ينتهي في محطة رأس الشمال النرويج حيث يعتبر نقطة جذب سياحي في الشتاء تكون المناظر خلابه من هالمنطقه ورؤية الشفق القطبي الشمالي وفي الصيف ممكان مشاهدة الشمس بعد منتصف الليل موقعهم السياحي Nordkappتفاصيل هاليوم بعد ماخلصنا رحلة القباقيب انطلقنا الى نورث كيب بالباص http://i1050.photobucket.com/albums/...psikete8kf.jpg http://i1050.photobucket.com/albums/...psepxi8llr.jpg http://i1050.photobucket.com/albums/...psqytnc00p.jpg في البدايه نزلولنا في مكان كان فيه محل مسواي من الخشب ويبيع سوفنيير وبرع المحل كان واقف واحد من القبائل المعروفه عندهم مع حيوان الرنه والناس تتصور معاه نزلنا وانا لازلت أعرج بريولي بالنسبه لريولي والمها حبيت أخبركم عن موقع الالم وين بالضبط في ريولي ؟ الله يسلمكم تعرفون المنطقه بين القدم والركبه من ورا نحن نسميها تبانه وحد يسميها بطه المهم الالم في العضله اللي في هالمكان وكانت في الريل اليمين http://i1050.photobucket.com/albums/...pskdzfrenk.jpg هذا المحل اللي دخلناه بس انا مادخلته ماكان لي خلق http://i1050.photobucket.com/albums/...ps5w6x5tga.jpg http://i1050.photobucket.com/albums/...psy2ehvgev.jpg مشيت لين حيوان الرنه الله لايشممكم ياه كانت ريحته خايسه :sly: يادوب صورت شوي ورجعت صوب الباص http://i1050.photobucket.com/albums/...pskanb60hv.jpg http://i1050.photobucket.com/albums/...pskpmuj4ek.jpg http://i1050.photobucket.com/albums/...psui71o6ok.jpg وانطلقنا الى نورث كيب أو كيب الشماليه http://i1050.photobucket.com/albums/...ps2tcerlvt.jpg http://i1050.photobucket.com/albums/...ps6mlfpagy.jpg نمر ع بحيرات ومناظر طبيعيه http://i1050.photobucket.com/albums/...ps5ynijp3k.jpg http://i1050.photobucket.com/albums/...psskopysjs.jpg http://i1050.photobucket.com/albums/...pstfpmevzk.jpg وصلنا نورث كيب والكثير معانا من الباصات السياحيه بركن الباص وبدت الناس تنزل وهنيه صارلي الموقف أو الحادث اللي عكر مزاجي لباقي اليوم وأنا نازله من الباص وتوا بنزل ريلي ع السلم جان أصرخ جدام الناس حسيت كأنه شي انقطع في ريولي من مديتها عشان أنزل سبحان الله نفس الشي صارلي من سنوات في لندن ومن صرختي وقفوا كل الناس اللي حواليي يطالعون شوفيني انا تجمدت مكاني من الالم لا أنا قادره أرد ورا ولا أنزل وعقب ساعدوني الناس أنزل من الباص وتميت واقفه فتره أتألم والناس متعاطفه ويايي بس مب عارفين شو يسوون مسكوني بناتي ومشوني لاقرب كرسي ويلست عاد كسروا خاطري بناتي اني خربت عليهم الطلعه فقلتلهم انتوا سيروا تمشوا ويا الناس وصوروا وانا بيلس هنيه أترياكم بعد اصرار مني هم راحوا أنا ظليت مكاني أكسر الخاطر وعيني ع المكان اللي الناس تمشي فيه خاطري أشوف اللي يشوفونه بعد شويه قررت أغامر واسير صوبهم وما أضغط ع ريولي في المشي عاد هنيه ماتتخيلون كيف مشيت بصعوبه وكيف كنت اسحبها سحب وشوي امشي وشويه أوقف أريح وأتألم ووصلت عند السياج وهم بعدهم الناس بعيدين عني شوفوا هم وين وأنا وين http://i1050.photobucket.com/albums/...psozibcgv3.jpg يلست اصور وارتاح وعقب قلت بكمل صوبهم http://i1050.photobucket.com/albums/...psn9ul9zpf.jpg http://i1050.photobucket.com/albums/...pst2ra18xt.jpg عقب كملت سحب والبنات طبعا ما أشوفهم وأكيد هم في هاك المكان يصورون ويتصورون http://i1050.photobucket.com/albums/...ps3kscm6i1.jpg تقربت شوي http://i1050.photobucket.com/albums/...psxpfagc71.jpg أنا مسويه زوم ولا أنا بعدني بعيده عنهم شفت اني مابقدر اكمل ريولي وايد تالمني وامشي بصعوبه لما شفت حالتي جيه قررت أسير صوب الكوفيهات الحلو في المكان انه فيه مبنى كبير فيه كوفيهات ومطعم واظن بقاله ومتحف وحمامات ويلسات حلوه تطل ع المكان ومحل يبيع هدايا وأعتقد فيه مصلى ممتأكده بس قريت عن هالشي http://i1050.photobucket.com/albums/...ps2wbr4ipc.jpg اتصلت ع بناتي وخبرتهم اني أترياهم في الكوفي وانا يلست في الكوفي ورفعت ريلي ع كرسي ثاني وظليت أنتظرهم http://i1050.photobucket.com/albums/...pssenzg8vr.jpg http://i1050.photobucket.com/albums/...psu9lc6pde.jpg http://i1050.photobucket.com/albums/...psjlvb908g.jpg عقب يوني البنات ويابوا بعض الحلو http://i1050.photobucket.com/albums/...psr9mbvcdi.jpg الحلو ماكان حلو ماعجبنا http://i1050.photobucket.com/albums/...pse3afljy5.jpg http://i1050.photobucket.com/albums/...psqp35qguv.jpg بعطيكم بعض الصور من تصوير البنات وحركاتهم للنورث كيب http://i1050.photobucket.com/albums/...psevptlusq.jpg http://i1050.photobucket.com/albums/...psvt3npxqj.jpg http://i1050.photobucket.com/albums/...pspjn5a14z.jpg http://i1050.photobucket.com/albums/...psjftdkooz.jpg http://i1050.photobucket.com/albums/...psagiureso.jpg http://i1050.photobucket.com/albums/...psqcqhatfk.jpg http://i1050.photobucket.com/albums/...pseaasisrt.jpg عقب رجعنا الباص وطبعا بناتي ماسكيني فديتهم ودايما اذا ينزلولنا اي مكان يخبرونا متى نكون في الباص ورجعنا السفينه وكان الوقت جدا متأخر عقب نص الليل عالم صايعه ههههههههههههههه شوفوا السماء كيف منوره بالليل كأنه المغرب http://i1050.photobucket.com/albums/...psrixikhpc.jpg انطباعي عن الرحله المكان يستحق الزياره بسبب ظروفي الصحيه ما استمتعت فيه ولاشفت المكان عدل أعتقد المكان يباله زياره قبل المغيب وعقبه عشان تستمتعون بالمناظر بالاضافه انه المبنى فيه الكثير بس نحن ماشفنا شي وحليلهم البنات من دخلوا المبنى انشغلوا فيني وماتمشوا فيه وبعد مابركن الباص في المكان المخصص لهم والقريب من السفينه قالتلي المسؤوله تبين كرسي متحرك يا الله ماتتصورون كيف فرحت بهالاقتراح قلتلها ياليت وانتظرت لين ماطرشولي من السفينه موظف معاه الكرسي ركبوني فيه ودزاني لين باب الغرفه في السفينه وكانت معانا مسؤوله من السفينه في البدايه كنا نبا نسير العياده في السفينه ولكنها مسكره في هالوقت وقلتلهم خلاص باجر الصبح بسير وأول ماوصلت الغرفه طلبت ثلج لرولي وشرحتلهم ليش ابا ثلج عشان اييبولي كميه فلقيتهم يايبين لي ثلج محطوط في كيس وجاهز للكماده ويلست فتره أسوي كمادات بالثلج وعقب خذيت حبه للعضلات مع مرهم خاص للعضلات وكنت أفكر كيف بتكون حالتي باجر وكيف بقدر استانس باقي الايام تابعوني وبتعرفون شو صار في ريلي وكيف قضيت باقي رحلاتنا في اليوم 6 :gyjftyjc: |
الف سلامة عليك هداوة وان شاء الله تكونين خفيتي بعد الثلج وبانتظار الاجزاء الجاية |
كاني موجوده بس بالويكند كان علي غياب :) عليكم بالعافيييه عجيبه هالرحلة الصور اتيين والطبيعه شحلوهااا وسلاماااات ماتشوفين شر هذا الم البطه اتوقع شد عضلي كان حايشج وان شاءالله ما عكر باجي رحلتكم |
سلامات والله الموقف صعب بس ماشاء الله عليك مشيتي حتى وصلتي |
متابعين هالتقرير الرائع والمشوق واحسنو التصرف بكل صراحه في الكرسي المتحرك وهنا يعكس للجميع مدى حرصهم على خدمة مسافرينهم ننتظر بقيه المغامرات والرحله الرائعه |
ماتشوفين شر يا ام عيسى اتوقع هذا شد عضلي لان احنا مانتحرك وبالسفر نمشي وايد فتشد العضله جزء رائع والمناظر خيال |
الف سلامة عليكي ما تشوفي شر... اجزاء حلوة بالباص والمطل رائع والمكان خيالي للتصوير وبالفعل لو كان قبل الغروب رح يكون اجمل ... بانتظار جولاتك المقبلة... |
جزء جميع ومليان اكشن وصفك الدقيق لكل التفاصيل يجعلنا نعيش معك لحظة بلحظة وللأسف اصعب شيئ في أي رحلة ان يتعرض الشخص لمثل هذه المواقف وفعلا مكان الإصابة مؤلم جدا واعلم هذا كوني طبيب استغربت عدم وجود نقطة طبية في النورد كيب كان من الممكن ان يتم اجراء اسعافات أولية او على الأقل وجود كرسي متحرك حتى تتابعي الرحلة بانتظار تتمة الرحلة لنعرف التفاصيل |
جميل النورث كيب و فعلا لو وصلتوا قبل المنظر بيكون أجمل 1000 لابأس عليك شد عضلي و الثلج يخففه كثير و ما قصروا جابوا لك كرسي يساعدك كثير جزء أليم بس عدى على خير |
اقتباس:
الله يسلمك يارب اليوم ان شاءالله ابشروا بجزء يديد ان شاءالله فيه وايد احداث ومواقف |
اقتباس:
ايه كنتي غايبه ولما تغيبين افتقدج الله يعافيج يارب المكان جدا جميل بس ماستانست فيه اعتقد صار عندي تمزق تابعيني وبتعرفين واليوم فيه يديد اقتباس:
الله يسلمك شفت كيف انا مناضله :(127): بس للاسف ماقدرت اوصل للنهايه كان الالم اقوى مني اقتباس:
اقتباس:
الله لايحرمني من متابعتكم الجميله كان لابد منه بس انا مافكرت اسألهم هم اللي سألوني فعلا كان اهتمامهم فيني كبير ان شاءالله اليوم اقتباس:
اقتباس:
الشر يعداج حبيبتي كان شد عضلي وعقب صار تمزق انا سعيده انه عجبكم |
ماتفقدين غالي حبيبتي [emoji173][emoji173] سلامتج [emoji253] ان شاءالله ناطره الجزء اليديد Sent from my iPhone using Tapatalk |
شكرا |
اقتباس:
اقتباس:
اللهم آمين اقل من ساعه وانزله ان شاءالله اقتباس:
اقتباس:
فديتج كلج ذوق ويكفيني حبكم ومشاركاتكم ويايي |
الجزء 6 واليوم السادس :dfvd: اليوم بنزور مدينه أسمها ترومسو Tromso معلومات عنها المعلومات جمعتها من أخونا elr7al من الانستا تقع ترومسو في منتصف منطقة الشفق القطبي ( أضواء الشمال ) وأفضل وقت تشوفونه بوضوح بيكون في ( 12 و 1 ) ويستمر الى شهر ابريل بالليل تتزين المدينه بالانوار ولاتجد بيت واحد يطفئ الكهرباء في بيته تتوفر في المدينه محلات المسلمين واللي يبيعون لحوم مذبوحه ع الطريقه الاسلاميه وفيها مسجد ومركز اسلامي من الامور المهمه اللي لازم نعرفها انه الشمس تختفي من 26 نوفمبر الى 15 يناير وفي الصيف لاتغرب الشمس عنها أبدا من 18 مايو حتى 26 يوليو وتسمى بظاهرة الشمس منتصف الليل وتكثر في المدينه الكثير من الفعاليات ومن هاي الفعاليات : * ركوب زلاجات كلاب الهاكسي وتسمى Lapland * ركوب زلاجات حيوان الرنه وهو من فصيلة الغزلان * مشاهدة الحيتان في المحيط أو البحر النرويجي * ركوب الهليكوبتر ومشاهدة ترومسو من أعلى * ركوب طائره صغيره تاخذ جوله في سماء المناطق المجاوره والجزر * جوله في المحيط لصيد الاسماك * جوله في البحيرات المتجمده وممكن عمل دائره في وسط البحيره وتنزل خيط فيها وتصيد سمك * فيها متاحف وممكن زيارة الجامعه التي فيها صاله كبيره تستطيع من خلالها انك تشوف الشفق بالضبط اذا ماشفت الشفق بعينك * استئجار الدرجات الثلجيه في وديان منطقة Lapland * ركوب التلفريك ومنه تشوف مدينة ترومسو * ركوب الخيل سلبيات ترومسو .. * غلاء المطاعم فيها * برد شديد لأنها في القطب الشمالي بالنسبه للسكن فيها المدينه فيها فنادق 5 نجوم وأكواخ جميله وراقيه وأسعارها تبدأ من 400 درهم الى 900 درهم باليوم ممكن من هالموقع تشوفون أنواع الاكواخ ومعلومات عنها Hjem - Tromsأ¸ Camping بالنسبه للمواصلات فيها .. الافضل انك تستأجر سياره فيها ولو ما أستأجرت فعندهم مواصلات متوفره وممكن ياخذونك للانشطه اللي فيها تفاصيل هاليوم :dfvd: تذكرون أمس يوم رقدت وانا كنت أتألم من ريولي اليوم صحيت متأخره خصوصا انه أمس راقدين متأخر ولكن ولله الحمد اشعر بتحسن كبير في ريولي اعتقد كمادات الثلج لها تأثير كبير في علاج تمزق الاربطه او العضله اللي في ريولي بالاضافه للمرهم والحبه الخاصه لآلام العضلات أصبحت أفضل ولكن ظليت أعري وانا أمشي وانا سايره المطعم الصبح شافني الموظف اللي ينظف الغرف في القسم الثاني وهوهندي وسألني عن حالتي وليش أعري وخبرته اني أتألم منها قاللي انا بيبلج فكس فركي ريولج منه قلتله أوكي وشكرته وفعلا عقب شاف بنتي وعطاها ياه وحطيت منه ورجعته له قبل بيوم من نهاية الرحله وصلنا مدينة ترومسو الساعه 1 الظهر للاسف اني مارتبت اي رحله مع القروب ولعدة أسباب اولها اني شفت فيها وايد انشطه وفكرت اني بنقدر نسير بروحنا وبيكون أوفر علينا ولكن كنت غلطانه والسبب الثاني انه الرحلات المقترحه اغلبها ماعجبتنا واللي عجبتنا كانت فل وماحاولت فيها السفينه رست في منطقه بعيده عن سنتر المدينه بـ 4 كيلو ولكن الحلو فيهم ولأنهم جدا منظمين كانوا موفرين شاتل يوصل للسنتر برسوم 16 يورو للشخص وموفرين وايد باصات واعتقد كل ربع ساعه يتحرك شاتل ومحددين لنا انه آخر شاتل للعوده بيكون الساعه 7 ونص ياويله اللي بيتأخر :(56): آآآه ع جو هاليوم تعيييييس :busted_red: شمس وحر http://i1050.photobucket.com/albums/...psdjm2jqps.jpg في الاحوال الجويه مكتوب انه مشمسه جزئيا أي جزئيا الا شمس تسطع ع خمرت راسنا لين نضينا منها :(111): استغفرالله مب نحاسه فينا تصدقون هاي المنطقه صوب القطب الشمالي والحر مايعرفونه والشمس اذا تطلع في اشهر معينه ومعروفه هالمنطقه بشدة البروده بس عشان نحن ييناهم انقلبت الاحوال عندهم حر وشمس من صوب وريولي متعطله من صوب ثاني صدق الحاله تعيسه والياي أتعس ركبنا الشاتل ونزلنا في السنتر وهالمكان اللي نزلنا فيه هو مكان مواقف الباصات ( الشاتل ) أول مانزلنا سرنا المكتب السياحي عشان نسأل عن الرحلات اللي نباها في هالمبنى الابيض المكتب السياحي http://i1050.photobucket.com/albums/...psizbybqxx.jpg وكان مزدحم http://i1050.photobucket.com/albums/...psugycm7ns.jpg لما وصلنا الدور سألناهم عن رحلتين نبا نسيرلهم الاولى رحلة لحيوان الرنه وهناك فيه خيم وممكن نيلس في الخيم ويقدمولنا وجبه من لحم الرنه والرحله الثانيه المزالج اللي تجرها الكلاب واعتقد في الصيف حسب ماخبرتنا الموظفه مانقدر نركب هاي المزالج بس نسير ونشوفهم وفي الشتاء بس نقدر نركبها النحاسه انه هالرحلتين ممتوفرات وطلعوا بدري وقالت ليش ماخذيتوها مع القروب من السفينه وعقب دلتنا ع مكتب وقالت جربوا يمكن تلحقون عليهم قبل لايسيرون ونركض لين المكتب الثاني وشفناه مسكر وشفنا باص واقف ونركض عندهم وسألناهم عن الرحله اللي نباها وقالوا نحن آخر باص يطلع وتاسفوا انه فل ورجعنا المكتب السياحيوسألناهم اذا نبا نسير القمه بالكيبل كار لانه ماعندنا اختيار ثاني خبرونا انه نقدر نشتري تذكرة الباص حق يوم كامل ونتنقل فيها قلنا بنشتري التذكره وبنسير القمه بالكيبل كار وعقب بنتجول بالباص في المدينه وممكن نوقف في مكان ثاني ننزل فيه هاي تذكرة الباص http://i1050.photobucket.com/albums/...psncm15fil.jpg كانت قيمة التذكره بـ 90 كرونا للشخص ورقم الباص اللي بيودينا للكيبل كار كان رقم 26 سرنا وين مكان توقف الباص ومشينا لين السنتر وعرفنا الموقف والجو خايس http://i1050.photobucket.com/albums/...psl0lcleua.jpg وصل الباص وركبنا فيه وركبوا معانا ناس بيسيرون نفس المكان وأعتقد انه فيه منهم من كروزنا http://i1050.photobucket.com/albums/...psq3vidazi.jpg نزلنا الباص قريب من الكيبل الكار هنيه صارلي موقف عنصري ونحن في الباص كانت في وحده كارهتنا يمكن عشان نحن عرب ومسلمين لما نزلنا من الباص نزلوا معانا معظم اللي في الباص ومن بينهم هاي البنت وكنا نمشي مع الناس اللي نزلوا وسايرين صوب الكيبل وأنا أمشي مع بناتي وماسكه فوني فجأه طاح عني في الارض فقمت التقطته بسرعه وحطيته في شنطتي جان اتيني البنت ومدت ايدها تبا الفون في البدايه مافهمت شو تقول واتحسب ترمس عشان فوني طاح وعقب فهمت منها انها تقوللي انه هالفون مب فونج فقلتها فوني وقالت حق وحده تمشي قريب منا انه هذا فونج عندها ردت هاذيج وهي مستغربه وقالت هذا مب فوني قفطت هاي الخايسه وراحت بدون حتى ماتعتذر وانا مثل الهبله مب فاهمه شو السالفه وعقب فهمت انه في وحده مضيعه فونها وهاي الخايسه لما شافت فوني طاح وانا شلته بسرعه فكرته انه فون الحرمه وأنا سارقتنه:(111): عاد اللي قهرني مب عشان بس ظنت فيني سوء وهو مايخصها انما ما اعتذرت ومشت ولا كأنه صار شي صحيح هي انحرجت جدام الجميع بس كانت صدق حقيره يمكن حد يسأل : ليش ماسويتلها مشكله وسكت باختصار الشي اللي أقدر أطنشه أطنشه مب كل موقف بوقف عنده وبتضارب لا أنا في بلدي ولاعندي وقت أضيعه مع هالاشكال بالاضافه انه نحن بروحنا صبايا وما ابا مشاكل مع حد نرجع لتفاصيل هاليوم وصلنا عند الكبل كار وكان الجو شمس وحر ويلوع بالجبد والاخيس انه الطابور طويييل لين شباك التذاكر http://i1050.photobucket.com/albums/...psbjfgncve.jpg فديتهم بناتي كانوا هم واقفين في الطابور وانا يلست ع الكرسي بسبب ريلي والناس اصلا تشوفني أعري ( أعرج ) وانا أمشي هذا من غير انه وحده من بناتي فيها احتقان وتعبانه شوي http://i1050.photobucket.com/albums/...psi4dmnpos.jpg تقريبا انتظرنا ساعه ونحن فطسانين من الحر ونبا نشرب ماي ومافي حد عدالنا يبيع ماي وعقب وصل دورنا وحجزنا التذاكر وكان الشخص ب 150 كرونا http://i1050.photobucket.com/albums/...psvxxy1bxj.jpg عقب ماحجزنا كنا واقفين في الطابور بعدنا مادخلنا داخل المدخل فصار هنيه موقف جميل ومعاكس للأولي ونحن واقفين كانوا جدامنا عائله وحده مع زوجها وعيالها لما شافتني واقفه قالتلي تعالي ادخلي داخل يعني خلتني اتجاوز الطابور لما طليت من الباب لقيت مثل يلسه واستراحه قبل الدخول للكيبل شكرتها ودخلت ويلست مسكينه كسرت خاطرها اني واقفه وهم يشوفوني اسحب اريولي فجدمتني ودخلتني وعقب بناتي دخلوا ويلسنا ننتظر موعد وصول الكيبل ودورنا حد يبيع ماي أو مكينه اللي فيها بارد اوماي وللاسف ماحصلنا لو ندري الوضع بيكون جيه كنا أشترينا قبل لانركب الباص كنت كارهه نفسي وكارهه الرحله وودي كنت أرجع للسفينه وصل الكيبل وركبنا الحمدالله بعد معاناه http://i1050.photobucket.com/albums/...psc4iadw3n.jpg http://i1050.photobucket.com/albums/...ps4okjsnr1.jpg http://i1050.photobucket.com/albums/...psacs8wca5.jpg http://i1050.photobucket.com/albums/...psaxnc4gag.jpg http://i1050.photobucket.com/albums/...pstjnzi5lh.jpg وصلنا القمه وشفنا جدامنا كوفي ويلسات من التعب اول شي يلسنا في الكوفي وساروا البنات يشترون ماي وغيره الغريبه انه كانوا حاطين جيك في ماي وكاسات بلاستيك ويقدمون الماي مجانا في وقتها استغربت ممتعوده من الاجانب ع المجان كل شي عندهم بفلوس المهم بنتي صبتلي ماي وشربته وكان باااارد ولذيذ أول مره أشرب ماي طعمه حلو جيه تحسون انه ماتشبعون منه ممثل ماينا من كاس واحد انتفخ بطنا شربت يمكن 3 كاسات وخلص الجيك وعقب سرت بروحي أكلم الحرمه عشان تصبلي ماي وكانت الصدمه فتحت الحنفيه وصبت ماي :(158): وانا أقول في خاطري معقوله هذا ماي اللولب جيه لذيذ وحلو ويسرسح مابتصدقون خليتها تترس الجيك مرتين وما أدري كم كاس شربت يمكن 10 من عطشي ومن حلاته وردت الروح فيني وقررنا نطلع من المبنى ونتفرج ع المدينه ترومسو من فوق في ناس يالسه برع فرحانه بالشمس أصلا محد يلس داخل غيرنا ههههههههههههههه متشبعين من الشمس http://i1050.photobucket.com/albums/...pstmehufrz.jpg http://i1050.photobucket.com/albums/...psasssuyrw.jpg في البدايه مشيت مع البنات وعقب هم اتجدموا عشان يصورون ويتصورون وأنا تمشيت ع راحتي أصور الصراحه المكان جميل لو الجو غير مدينة ترومسو http://i1050.photobucket.com/albums/...ps8bhzhwt9.jpg http://i1050.photobucket.com/albums/...ps4da4vh2e.jpg http://i1050.photobucket.com/albums/...pscxwrvdsg.jpg http://i1050.photobucket.com/albums/...ps4f41hqyz.jpg http://i1050.photobucket.com/albums/...pstqhgtqay.jpg فيه ناس تروح تمشي وما أدري شو في الجهه الثانيه لا أنا قادره أسير ولا أقدر أخلي بناتي يروحون وأنا ما أعرف شو في هالمكان http://i1050.photobucket.com/albums/...ps9jpt70om.jpg حق كتاكيتكم أنا كتاكيتي كبروا ربي يحفظهم http://i1050.photobucket.com/albums/...pssjitdsej.jpg http://i1050.photobucket.com/albums/...ps9ew7p5er.jpg هذا هو المبنى اللي وقف فيه الكيبل وفيه الكوفي http://i1050.photobucket.com/albums/...psyqg67ijx.jpg وهاي الحافه وقفنا عندها وصورنا وتصورنا وفيه سياج للحمايه http://i1050.photobucket.com/albums/...psx9mycjgd.jpg http://i1050.photobucket.com/albums/...psksgvwwnr.jpg http://i1050.photobucket.com/albums/...psn5f9mthq.jpg http://i1050.photobucket.com/albums/...pspo5t0ckr.jpg http://i1050.photobucket.com/albums/...pswxyymlhd.jpg http://i1050.photobucket.com/albums/...pscsfyptmc.jpg http://i1050.photobucket.com/albums/...psb4knq5e2.jpg شوفوا قمم الجبال لازال عليها بقايا ثلوج http://i1050.photobucket.com/albums/...pswnh5bzwd.jpg http://i1050.photobucket.com/albums/...psgdtvgvgq.jpg عقب ماخلصنا نزلنا http://i1050.photobucket.com/albums/...psasaleg2x.jpg وعقب رجعنا بالباص لين تجمع الباصات http://i1050.photobucket.com/albums/...psr3lvs3nq.jpg عقب رجعنا السفينه بالشاتل في الوقت المحدد سرنا غرفتنا وشفنا هالهديه الحلوه من الهندي اللي ينظف غرفتنا http://i1050.photobucket.com/albums/...ps8iuokxbm.jpg ريحنا شويه وعقب سرنا حضرنا العرض في المسرح http://i1050.photobucket.com/albums/...pstozzwtwe.jpg http://i1050.photobucket.com/albums/...pslxazmgf3.jpg http://i1050.photobucket.com/albums/...psll8wizpq.jpg http://i1050.photobucket.com/albums/...psblpqqhzw.jpg http://i1050.photobucket.com/albums/...pscr3bnh1d.jpg http://i1050.photobucket.com/albums/...ps9qiuy0sr.jpg http://i1050.photobucket.com/albums/...psfu8ihoyt.jpg طبعا عروضهم جميله وماتتفوت عقب ماخلص العرض سرنا تعشينا http://i1050.photobucket.com/albums/...psk35qlgen.jpg http://i1050.photobucket.com/albums/...psx3hm1l9r.jpg http://i1050.photobucket.com/albums/...psaavgpva8.jpg وفليل يلسنا في المطعم نلعب ورقه http://i1050.photobucket.com/albums/...psa4ht6ial.jpg وانتهى هاليوم اللي كان أحلى شي فيه هي يلستنا في السفينه حسيت ردتلي روحي تابعوني في اليوم 7 وأحداثه :dfvd: |
مناظر رائعة شوقتينا ان نتذوق المياه العذبة مياه القطب الشمالي اعتقد حتى الهواء نظيف ومنعش فهذه المناطق طبيعتها بكر ونسب التلوث شبه معدومة ولكن اجمل مافي الرحلة هي لمة العائلة في نهاية يوم شاق ومتعب |
اليوم حلووو بس للاسف الرحلات اللي تبونهم مافي.. عاد شكلهم يشوقون متابعين Sent from my iPhone using Tapatalk |
اقتباس:
حتى أنا اشتقت لهاي المياه العذبه هيه والله وخصوصا بعد يوم مشمس حار اقتباس:
اقتباس:
من الحر والشمس ماكان فيه شي مشوقني |
خبر مهم وأنا أراجع الاجزاء اكتشفت انه الجزء الخامس نزل ناقص والحمدالله اني مخزنته رجعت نزلت التكمله كلها الصراحه انا بروحي مستغربه كيف ماشفتها ناقصه قبل مب فاهمه ؟ عموما شوفوها وانتوا خبرونا كنتوا شايفين هالجزء كله ولا شفتوه ناقص شراتي |
ماشاء الله تبارك الله. .. تقرير روعه معلومات ممتازه سرد بأسلوب أنيق. .. مبروك مقدما على جايزة المنتدى لااحلى تقرير. . أعجبني جدا تعاملكي مع موقف الجوال لأن واثق الخطوه دوم يمشي ملك. في إنتظار المزيد من جمال هذا التقرير |
فعلا كان في نقص ومعلومات جميلة كانت ناقصة مشكورة على الإضافة |
صباح الخير ما اشوفه ناقصه الجزء الخامس غريبه طلب الرخصه للدبابات حلو المقهي الثلجي الحمدلله كذا الدنيا مش علي الكيف بس النسيان حلو استمتعي حلوه الرحله والاحلي الأكل المشي مهم واذا منعت منهم راح تفقد المتعه بالسفر اسال الله لك الشفاء المكان حلو تصوير منه وقت الغروب ما كان متعب الرحلتين مع بعض هل ترومسو الأكل يعني كم سعره بيوصل اشوف السعر مناسب اذا المتوسط 600 |
اقتباس:
اقتباس:
الحمدالله انه عجبكم مافهمت ع الشو تباركلي أنا ما أشتركت في المسابقه وماعندي فكره عن شي ثاني ؟ كلامك جميل وخليتني أحس بثقه وفخر اليوم ان شاءالله بينزل الجديد اقتباس:
الحمدالله اني انتبهت عليه وعدلته اقتباس:
اقتباس:
مسالنور كان ناقص وعدلته حتى نحن استغربنا بس اللي يبا يسوق دراجات لازم يكون عنده رخصه حلو بس صغير اللهم آمين الله يعافيني ويعافي الجميع لا ماكان متعب وبالعكس ممتع لولا بس انا اللي تعطلت بسبب ريولي آخر كلامك عن ترومسو مافهمته ؟ |
نتابع معاكم .. الجزء السادس في .. اليوم 7 و 8 :sefs: تاريخ 18 / 8 بنقضيه في البحر تاريخ 19 / 8 بنوصل الى منطقة Molde Fjord, Norway 08:00 18:00 المده 10 ساعات بنقضيه فيها معلومات عن عن مولد :sefs: هي مدينه وبلديه نرويجيه في مقاطعة موره ورومسدال ، وتعد المركز التجاري سنتر المدينه بسيط وجميل وهي بالاساس ليست مدينه ذات فعاليات كثيره من الاماكن السياحيه في هاي المنطقه والمشهوره فيها هو اتلانتك أوشن هو طريق المحيط الاطلسي وهو طريق يصل طوله لـ 8.3 كيلومتر عنوانه 6530 Averø وهذا فيديو عنه ، شوفوه كله مكان مهيب ورهيب وأتخيل لو كنا عبرناه بهاي الاجواء جان بنعيش لحظات من الاثاره الحقيقيه https://www.youtube.com/watch?v=__AhijdLmaE ولكن اللي شفناه وعشناه شي غير كان شي اقل من عادي وبتعرفون هالشي من تفاصيل هاليوم رحلات ممكن القيام فيها في مولد :sefs: * صيد السمك اسم المزار Fishing trip on the fjord عنوانه Årønes Gård 6421 Molde *زيارة لعدة كهوف في مولدي ومناطقها القريبة أسم المزار Caving in the Romsdal area عنوانه Torget 4 6413 Molde أنصح بفندق (MoldeFjordstuer) حيث يتميز بإطلالة فريدة متميزة عنوان الفندق : Julsundvegen 6, 6412 Molde ( المعلومات السابقه جمعتها من الاعضاء ومن أخونا رحال ) :sefs: تاريخ 18 وهو اليوم السابع قضيناه في البحر راحه واسترخاء وأكل ولعب كالعاده واليوم اللي عقبه وصلنا لمدينة مولدي الساعه 8 الصبح ولازم نرجع السفينه الساعه 5ونص والساعه 6 بتتحرك السفينه اليوم مرتبين رحلتنا مع القروب واخترنا نزور اتلانتك أوشن اشهر مكان عندهم في هالمنطقه تكلفة الكبير = 79.90 يورو والصغير = 55.90 يورو ومدتها 4 ساعات كل يوم في مكتب الرحلات موجوده قايمه بالرحلات لكل منطقه بالتفاصيل http://i1050.photobucket.com/albums/...pspma9uov4.jpg بناخذ جوله في المنطقه وعقب بنسير هالشارع اليوم الجو مشمس وحار شوي والامواج هاديه http://i1050.photobucket.com/albums/...psotppp0dn.jpg مثل كل مره يخبرونا وين نتجمع ويعطونا استكرات وعقبها نسير للباص ونبدأ رحلتنا http://i1050.photobucket.com/albums/...pshdf4d2xt.jpg نسيت ليش صورت هالمبنى والشو هو بالضبط http://i1050.photobucket.com/albums/...psdqrljb83.jpg تجولنا في المنطقه وما أذكرها ولا أتذكر شو شفت فيها http://i1050.photobucket.com/albums/...psjz4n7gp6.jpg عقب وصلنا لمرتفع او مطل ونزلنا الباص عنده واعتقد كان فيه مبنى تاريخي http://i1050.photobucket.com/albums/...psnjlso50r.jpg http://i1050.photobucket.com/albums/...psa12omhet.jpg الباصات نزلوا تحت وبركنوا http://i1050.photobucket.com/albums/...psy6grbru1.jpg http://i1050.photobucket.com/albums/...ps2wwot1dv.jpg http://i1050.photobucket.com/albums/...ps2wwot1dv.jpg نزلنا عند الباصات http://i1050.photobucket.com/albums/...pshjtvmild.jpg http://i1050.photobucket.com/albums/...psfikofuch.jpg http://i1050.photobucket.com/albums/...ps44wqjdjz.jpg عقب كملنا الى أتلانتك اوشن http://i1050.photobucket.com/albums/...psdhgrskrr.jpg وصلنا للمكان المطلوب ولكن الجو شمس وماشي أمواج اذا ماشي متعه أبدا والشارع هذا حاله حال اي شارع ثاني نزلنا نتمشى وعطونا مده قصيره ، ويادوب تصورنا وماحصلنا وقت نتيلس في الكوفي اللي عداله ورجعنا الباص وماحسينا فيه بشي مميز مع انه مميز بس يباله أجواء معينه صور متنوعه للمكان http://i1050.photobucket.com/albums/...psudr41sot.jpg http://i1050.photobucket.com/albums/...psu6b44gww.jpg http://i1050.photobucket.com/albums/...psgpb9ahja.jpg http://i1050.photobucket.com/albums/...ps2pm6sdqy.jpg http://i1050.photobucket.com/albums/...psfviuuqqe.jpg http://i1050.photobucket.com/albums/...pstvb0qoyk.jpg http://i1050.photobucket.com/albums/...ps6ozjhwvk.jpg http://i1050.photobucket.com/albums/...ps81gpdfi6.jpg http://i1050.photobucket.com/albums/...psrdq80niq.jpg http://i1050.photobucket.com/albums/...psjcpc9hso.jpg http://i1050.photobucket.com/albums/...psteds4tpq.jpg http://i1050.photobucket.com/albums/...psteds4tpq.jpg http://i1050.photobucket.com/albums/...psdcijan40.jpg بعدها رجعنا السفينه وريحنا شويه وعقب سرنا أجرنا العاب ويلسنا نلعب http://i1050.photobucket.com/albums/...psctus2qqa.jpg http://i1050.photobucket.com/albums/...ps5a8edmke.jpg وعقب سرنا حضرنا العروض في المسرح http://i1050.photobucket.com/albums/...psk6arx0ei.jpg http://i1050.photobucket.com/albums/...pslopm5t4f.jpg http://i1050.photobucket.com/albums/...psbx3hll4g.jpg http://i1050.photobucket.com/albums/...psyx3q5ebv.jpg وانتهى هاليوم واللي أعتبره يوم مافيه شي مميز تابعوني في اليوم 9 في جرنجير :sefs: |
آسف مسحت وعدلت ..كم أسعار الوجبات ...حسيت من كلامك أنه غالي مع أطيب الأمنيات.......فيصل |
مساكم الله بالخير ياليت حد من الاداره يعدلي هالجزء كل ما أييبه في الوسط يفتر ع صوب اباه كله في الوسط لو سمحتوا |
| الساعة الآن 03:23 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO