|
اقتباس:
اقتباس:
الحمدالله نحن كنا عارفين انه الرحله دي ممكن تنلغي وكنا حاجزين رحله تانيه وأصلا هم كانوا موفرين للمنطقه دي كم رحله زي باقي المناطق واللي عاوز يحجزلوا الرحله اللي تناسبو بيرجن جميله جدا وتستاهل الواحد يبات فيها كم يوم لو متوفرشي حلال نحن مضطرين ناكل معاهم ونحن نيتنا انه نبعد عن الحرام وكنا بنسأل عن أي حاجه فيها خنزير أو كحول واذا كان فيه حاجه نحن مانعرفهاش فده في ذمتهم وان شاءالله محللين منها اقتباس:
اقتباس:
ياعيون هداوه :3: يلا نجلب كويتي ههههههههههههههههه تعبنا ونحن نقول لأي حد نشوفه فرحان من الشمس انه نحن زعلانين وانا بلادنا حاره ومشمسه طول السنه وشبعانين :4: شفطوه تشفيط ماخلونا شي الله لاسامحهم حتى الايس كريم لحسوه لحاس :4: الله يسلمج يالغلا :e030: |
نتابع معاكم رحلة بيرجن :ger: بعد الغدا كملنا وسرنا عند منطقه فيها شلال جميل وهالشلال الميزه اللي فيه انه نمشي من وراه سبق عطيتكم معلومات عن هالشلال ، ارجعوا لبداية تقرير بيرجن :17: وصلنا المنطقه اللي فيها الشلال http://i1050.photobucket.com/albums/...psb9pzo5ak.jpg أول مانزلنا تمشينا عند مجرى الشلال ويلسنا نتصور قبل مانصعد فوق عند الشلال http://i1050.photobucket.com/albums/...ps618lnzxr.jpg http://i1050.photobucket.com/albums/...psztopdqtr.jpg عقب صعدنا فوق عند الشلال وكانوا مسوين ممر نمشي من وراه بس ماتقدرون تلمسونه ولكن يرش عليكم رذاذ منه http://i1050.photobucket.com/albums/...pswa6voycv.jpg http://i1050.photobucket.com/albums/...psvoblbvwp.jpg http://i1050.photobucket.com/albums/...psaapfmana.jpg http://i1050.photobucket.com/albums/...pslohck8xy.jpg http://i1050.photobucket.com/albums/...ps4soxrk9i.jpg http://i1050.photobucket.com/albums/...psc5ftkdvx.jpg http://i1050.photobucket.com/albums/...psqxgztosu.jpg وبعد ماخلصنا تجول وتصور عند الشلال وحواليه حان وقت العوده http://i1050.photobucket.com/albums/...psnqad1vda.jpg ولكن صارتلنا مشكله ماكانت ع البال الله يسلمكم باصنا اخترب ومارضى يشتغل ولأنه هم منظمين فعلى طول حلوا الموقف جزء منا ركبوهم في باصات ثانيه مع قروبات ثانيه كانوا معانا في نفس المكان وجزء منا ركبوهم في تكاسي وأنا وبناتي كان من نصيبنا تكسي يكفي 9 راكب :14: أنا وبناتي يلسنا أول صف بعد السايق في السياره وخلينا الاجانب ايلسون في الكراسي اللي ورا :25: وشخطها راعي التكسي ووصلنا لين السفينه في الوقت المحدد ورجعنا سفينتنا وودعنا بيرجن http://i1050.photobucket.com/albums/...ps3kol8bfd.jpg ريحنا في غرفتنا وهذا اليوم الوحيد اللي يلست فيه في البلكونه شغلت محمده عبده ويلست فوق كرسيين عشان أشوف البحر :3: كان الجو جميل ومنعش استمتعت باليلسه ع انغام فنان العرب :e022: http://i1050.photobucket.com/albums/...psq6nb93kb.jpg تخيلوني وانا يالسه فوق هالكرسيين بس بدون الطاوله اللي تحتهم:3: http://i1050.photobucket.com/albums/...ps9ifeblyw.jpg لقطات من مدينة بيرجن http://i1050.photobucket.com/albums/...psmbh1iqs7.jpg http://i1050.photobucket.com/albums/...ps0r7ubdb3.jpg http://i1050.photobucket.com/albums/...ps8gu47aj1.jpg http://i1050.photobucket.com/albums/...psh4lgbjfo.jpg http://i1050.photobucket.com/albums/...psx1vaxxb2.jpg http://i1050.photobucket.com/albums/...pskqrvfs4v.jpg http://i1050.photobucket.com/albums/...psdsf3rk11.jpg http://i1050.photobucket.com/albums/...pszbnyf2mr.jpg والساعه 9 سرنا المسرح عشان نحضر العرض ونحن يالسين ننتظر يبدأ العرض لفوا بنتين وشاب وشالين لوحه مكتوب عليها حضن مجاني :18: http://i1050.photobucket.com/albums/...psvl8sqwbg.jpg ويالسين يلفون ع الناس ويحضنون العالم :17: ومن ضمن البنتين كانت اربيعتنا المغربيه طبعا كان لنا من الحب جانب :e437: تحاضنا وياها وبسناها وهديتها علبة تمر كانت مآخذتنها ويايي المسرح كنت أفكر أدورها عشان أعطيها ياها وسبحان الله يتني عشان تحضني بدون ماتدري عقب بدأ العرض وكان من أجمل العروض رووووووووووووووعه والصور ماتعبرصح عن العرض http://i1050.photobucket.com/albums/...psfwdij2cb.jpg http://i1050.photobucket.com/albums/...psyxnadjxj.jpg http://i1050.photobucket.com/albums/...psnalqpui9.jpg http://i1050.photobucket.com/albums/...psmvxoqjyo.jpg http://i1050.photobucket.com/albums/...psx4wgqj3h.jpg والجميل في العرض انه بعض موظفين السفينه شاركوا فيه مثل وداعيه وقدموا عرض جمييييل وعرضوا حروف تكون فيه كلمة شكرا بكل اللغات http://i1050.photobucket.com/albums/...psihye6g1s.jpg الكتابه تكون مضاءه وفي الصور مايبين هالشي بس في الواقع كان جميل http://i1050.photobucket.com/albums/...psgvdeiaez.jpg ضج المسرح في هاليوم من التصفيق والتصفير والصراريخ حسينا بجو ثااااني وهداوه وبناتها متحمسين ومتفاعلين وياهم :55: وخلص العرض وكنا وايد مستانسين وفكرنا انه اليوم ختام العروض بس تفاجأنا ثاني يوم فيه عرض ثاني بس أقل جمالا من هذا بس كان جميل وسرنا عقب تعشينا وتمشينا شوي في السفينه وأخر الليل يلست هداوه يلست كيف ع صوت عبدالكريم عبدالقادر وتأملات :3: http://i1050.photobucket.com/albums/...psj09qbb3f.jpg انتظروني في اليوم الأخير في الكروز والاجراءات المهمه لمغادرة السفينه :ger: |
منطقة الشلال جدا رائعة [emoji106] المفاجآت لا بد منها ولكنها بتعمل طعم مميز للرحلة صوت محمد عبده في البلكونه في هذا الجو ليه شعور خاص [emoji7] اما "الحب المجاني" فمنتشر اخر فترة كثير. بفكر أجربه عندنا بالقرية [emoji1] sent from Galaxy Note 5 using Tabatalk |
أولا الحمد لله على سلامتك ولو متأخر لكن حسب خبرتي آلام الأرجل والعضلات أبدية حتى لو خفت :17: بصراحة أسعدني جدا قضاء ساعات في قراءة تقريريك وتجربة مشاعرك المختلفة في المواقف المختلفة وأنا أغبطك على هذه التجربة الفريدة بالنسبة لنا كسيدات خليجييات. بكل صراحة بدأت أفكر في القيام برحلة بحرية متوسطية بما أني من عشاق البحر المتوسط.. ربما في أحد الأيام بإذن الله. طبعا في انتظار المزيد عن النهايات والعودة من رحلة أعتبرها مغامرة (الحمد لله مافيش قراصنة في بحر الشمال :32: ) |
الله يسعدك أم عيسى جزء جميل عن بيرجن الجميلة بس ليه كذا مسحوا الحلى مسح و ما خلوا لكم شي :28: الشلال روعة و بعض الصور أخذتيها من قلب طالعة حلوة ماشاء الله يا زين الرذاذ اللي يجي من الشلال يرد الروح أعجبني اهتمامهم بالجانب الترفيهي و تقديمهم لعروض متميزة زين لقيتي المغربية و هديتيها التمر :58: كلك ذوق |
جزء حلو عن بريجن وتستاهل المغربية الهدية http://i1050.photobucket.com/albums/...psnqad1vda.jpg يامحلى شلال Steinsdalsfossen واحد من اجمل شلالات النرويج تسلمين ام عيسى على هذا التقرير المميز وبانتظار اليوم الأخير |
انا مو طالعين لي الصور لييييش ؟؟:( وأخر الليل يلست هداوه يلست كيف ع صوت عبدالكريم عبدالقادر خلتني ابتسم ابتسامه لاشعوريه هالجمله يابوووووووووووووي احلى شي على الصوت الجرييييح اخيييه تفهمييين الله يعطيج العافيه اي عادي لمه بلاش :) |
هذا أجمل شيء http://i1050.photobucket.com/albums/...psvoblbvwp.jpg تهادو تحابو كل الشكر لك وبانتظار الجزء القادم |
جزء جميل يا امرعيسى حسافه ليش تكنسلت قريه فلام كنت بانتظار صورها اكره شي لما الشمس تكون قويه ومافي غيم تخرب الرحله كلها من الحر |
وصلت للصفحة العاشرة وإن شاء الله راح أكمل قراءة التقرير استمتعت بالتقرير ويعطيج العافية أختـي على المعلومات الجميل متابع إن شاء الله |
مسالورد :3: وحشتوني السموحه غطيت عنكم فتره كنت في زيارة لقطر الشقيقه وأمس رجعت وان شاءالله لي عوده للردود وتكملة الجزء الأخير من التقرير :e032: |
صباح الخير عودا حميدا |
اقتباس:
صباج النور والسرور مب حلو لما أقطع التقرير فتره تلقى الافكار تشتت ويلا ارجع لملم تفكيرك وركز مره ثانيه هو حلاته ورا بعض لكن غصبن عنا حياتنا الخاصه تلهينا |
ناطرينج يا ام عيسى |
اقتباس:
اقتباس:
ههههههههههههههههههههههههههههههه حاسب تتطبقها في القريه عن ترجع عندكم قضية الثأر :e113:ههههههههههههههههههههه الصراحه ماحبيت الحركه ، يعني وهم ييلمون الناس يمكن واحد قذر أو وحده قذره أو مرضى يلمونهم لو مب المغربيه نعرفها جان مالميناها ، لمتنا غاليه ههههههههههههههههههه محمد عبده وعبدالكريم عبالقادر هاذيل يعيشوني حاله من الاسترخاء والرومانسيه الجميله اقتباس:
اقتباس:
الله يسلمج يارب ابديه:10: بشرج الله بالخير:59: وأنا أستانس اني أعرف منكم اني أقدر أوصل شعوري لكم وتحسون فيني بكل حالاتي الكروز تجربه تستحق التعني لها وأنا أتمنى أكررها مره ثانيه والله يحقق مناج يارب هههههههههههههههههه تطمني ماشي قراصنه بس يمكن يوم تسيرين انتي أيونكم :17: اقتباس:
اقتباس:
ويسعدك ربي شفت ماخلونا شي وأنا فكرت بييبون جديد بس الظاهر لما شافووا أغلب الناس كلت طنشونا كل صوره أصورها دايما من قلب واحساس هداوه :(141): صدقك حلو الرذاذ وكنت أجدم ويهي عشان اييني الرذاذ ياحليلها ياليت كان عندي شي غير التمر أهديها ياها بس للاسف ماعندي شي يستاهل اقتباس:
اقتباس:
تصدق يوم شفت هاي الصوره استغربت اني مصوره هاي الصوره الحلوه :18: شوف الرحلات مع القروب الحلو فيها انهم يودونكم الاماكن المشهوره سياحيا وهذا شي جميل ولو كان غالي شوي بس يستاهلون وأهم شي أرتحنا وأنبسطنا وأي مشاكل تعرضنا لها كانت مسؤوليتهم الله يسلمك وشكرا ع متابعتك اقتباس:
اقتباس:
هيه والله مدمنه ع سماعه من فتره عجيييب يخليج كلج قلوب :e328: طمنيني طلعوا عندج الصور ؟ الله يعافيج وتستاهلين لمه :18: اقتباس:
اقتباس:
ان شاءالله :e304: اقتباس:
حتى والله نحن كان بخاطرنا بس شي غصبن عنهم لأنه الطريج مسكر بسبب حادث يالا يمكن أرجع وأعيدها النرويج وأزور فلام اللي تمت في خاطري فعلا الغيم يعطينا شعور ثاني الاسبوع اللي طاف يوم كنت في قطر كنت أتمشى في كتارا والجو غيم وأمطار خفيفه وبروده حلوه يا ألله كيف انبسطنا ع الجو والمكان وحسينا بفرحه كبيره اقتباس:
الله يعافيك يارب وأنتظرك تخلص قرايه وتعطيني رآيك اقتباس:
ان شاءالله بحاول أنزله قريب |
ايي بينوا هداوه خووووش صوور الحمدلله على السلامه اشوه ماطافني شي يعني |
طبعا انا مااطلع صايره الا في تقاريرج :42: اولا شكرا على هالتقريرالمرتب والمعلومات الوافيه الي بتسهل على اي حد حاب يجرب تجربة السفينة والكروز و صار الاختيار وطريقة التسجيل اسهل لانج شرحتيها بالتفصيل .. وثانيا اسلوبج وطريقة كتابتج مايختلف عليها ثنين ممتعه لاقصى درجه. ثالثا وايد كسرتي خاطري بسبت ريلج يوم عورتج حسيتج ماتهنيتي ذاك اليوم. رابعا وهاي رايي في الرحله ... بالرغم من فخامة السفينه والعابها وعروضها ومطاعمها والانشطه الداخليه فيها .. الا اني كلش ماحبيت التجربه. حسيت انها فعلا كما قالت فني و الاخ مجدي مضيعه للوقت .. حسيت اغلب الوقت كنتو في السفينه ، ولو تطلعون كم ساعه وترجعون مايمديه الواحد يكتشف البلد ويستمتع فيها عدل بالذات للناس الي يحبون يعسعسون وايد مثلي خخخخ. كنت حاطه في بالي فكرة ان الكروز شي ممل ومن تقريرج وتجربتج وتخيلت انا بدالج كنت فعلا بتملل ... انا اتحلطم في البلاد من كثرة اليلسه وقلت الطلعات اخرتها في السفر بعد انحبس في السفينه خخخخ لالالا ماتصلح لح هالسالفه ... مع اني احب البحر وايد بس افضل اكون على جزيره او مدينة ساحليه على اني اكون في كروز ... هاي رايي في تجربة الكروز ... ولكن تقريرج ممتع و فيه تفاصيل جدا مفيده للي يحبون الكروزات.. ماحسيت اني شفت النرويج من تقريرج لكن بيرجن والي قبلها كانو مدن حلوه ... واعتقد الرحلات البريه في النرويج افضل للي مثلي ... اما الكروز اذا كلش كلش كلش مب اكثر من يومين هههههه ولا بتطق جبدي ومشكوره وان شاء الله تستمتعين في حياتج كلها |
الحمد لله على السلامة وعودا حميدا :e306: امطول الغيبات جايب الغنايم:1: جزء جدا جميل وبانتظار البقية والله يقويك. |
البشاره اليوم بخلص التقرير :18: اقتباس:
اقتباس:
الله يسلمج حبيبتي لا ماطافج لأني أنا متأخره وايد بس بخلص التقرير اقتباس:
اقتباس:
العفو اللهم آمين وانتي بعد :6: اقتباس:
اقتباس:
الله يسلمك يارب ان شاءالله اليوم بحاول أخلصه |
الجزء الأخير من تقريري الكروزي :hrtd: :gyjftyjc: كنت حزينه في داخلي انه الرحله بتنتهي :2: وانه الجو الجميل اللي عشته بينتهي:e023: ولكن كان في داخلي حماس لهامبورغ وللتسوق فيها:55: أحداث هاليوم قمت الصبح بدري كعادتي وسرت تريقت وبعد فتره سرت موعدي في الاسبا كنت مآخذه موعد لليوم الأخير كنت عارفه اني بكون محتاجه لهالمساج قضينا هاليوم في الاسترخاء والأكل والتسوق من السفينه وتوضيب شنطنا http://i1050.photobucket.com/albums/...psu5qawxyw.jpg http://i1050.photobucket.com/albums/...psjj0katss.jpg http://i1050.photobucket.com/albums/...psvtdtlngc.jpg http://i1050.photobucket.com/albums/...psgjsekgov.jpg http://i1050.photobucket.com/albums/...psdqio9tp0.jpg وكان فيه عرض بس اليوم اللي كان قبله كان أحلى بوايد ياليته خلوه آخر عرض بعد هذا كان حلو مثل كل عروضهم مثل هاي العروض تذاكرها غاليه لو تحضرونها برع وفي السفينه كانت مجانا فيشكرون ع عروضهم الرائعه نصيحه لاتفوتون ولاعرض http://i1050.photobucket.com/albums/...psimfnzovf.jpg http://i1050.photobucket.com/albums/...psq7emjjvc.jpg http://i1050.photobucket.com/albums/...psihw3alrn.jpg http://i1050.photobucket.com/albums/...psd3bpfrjh.jpg http://i1050.photobucket.com/albums/...psdzoxorzc.jpg http://i1050.photobucket.com/albums/...psvmcxh1ny.jpg http://i1050.photobucket.com/albums/...pstz6oetrr.jpg http://i1050.photobucket.com/albums/...psruguys77.jpg صارلنا شي في هاليوم ماتعودنا عليه طول رحلتنا هاليوم كانت الامواج وايد عاليه ورياح شديده لدرجة انه حسينا بالخوف :12: وتذكرت تايتنك ودورت منو بيكون بطلي ههههههههههه عاد نحن خفنا وايد لأنه السفينه وايد كبيره فكيف تهتز بهاي الصوره كانت تهتز بصوره مش طبيعيه وأنا تعبت وحسيت بغثيان وخذيت دواء حق هالشي بخبركم سالفة الدواء خبروني انه في الرسبشن فيه دواء يعطونا ياه حق دوار والبحر بس ممكن يرقدني ويخليني خموله وانا ما ابا جيه ، فسرت عند الصيدليه اللي في السفينه واشتريت منهم الدواء وكان عباره عن لبان ( علوج ) ونمضغه 10 دقايق وعقب نعقها وأنا يالسه في المسرح أمضغ اللبان ، أنا ما أدري انه 10 دقايق امضغها واعقها فتميت أتعلج اللبانه وبعد فتره بديت أحس انه حلجي تخدر واقول لبنتي حلجي متخدر قالت من متى تمضغينها قلتلها يمكن من نص ساعه أو أكثر :24: قالت ماما بس 10 دقايق ضحكت ع عمري وعقيتها وتميت ما أحس بحلجي وخذا وقت لين فج التخدير :1: ولما يينا بنرقد كان السرير والغرفه يهتزون بقوه وبعدني اشعر بشوي دوخه وفي نفس الوقت كنت أحاتي بناتي وكنت أطمنهم وانا من داخلي مرعوبه وعقب توكلت ع الله وتشهدت ورقدت وقلت اللي الله كاتبنه بيصير :gyjftyjc: وصلنا هامبورغ الساعه 8 طلعنا من السفينه بنظام ودفعات وايد عجبني تنظيمهم وترتيبهم وبهاي الطريقه ماتستوي زحمه أو ربكه كيف قدروا ينظمونا جيه وبدون ازدحام الله يسلمكم قبلها بيوم كانوا عاطينا استكرات للشنط وهاي الستكرات ملونه وعليها أرقام وحروف وهم مقسمينا لدفعات وكل دفعه لها لون ورقم وكل لون محددله متى يطلع من السفينه ومن أي مخرج يعني مب ع كيفكم تطلعون من أي باب ومن أي مكان شو نسوي بالاستكرات نحن كانت استكراتنا لونها أخضر http://i1050.photobucket.com/albums/...pspgz7pjji.jpg هاي الاستكرات نثبتها ع الشنط واذا فرضا الشنط كانت أكثر من عدد الاستكرات في هاي الحاله تطلبون من الرسبشن زياده قبل وصولكم بيوم بعد ماتثبتون الاستكرات ع الشنط تحطون الشنط عن باب الكبينه من برع قبل الساعه 1 فليل http://i1050.photobucket.com/albums/...psbpuehf3q.jpg نحن حطينا شنطتين كبار برع الغرفه وخلينا معانا هاندباكتين وهم مخبرينا من أمس انه اللي خروجه متأخر مايتم يسحب الشنط في الممرات انما يسير الطابق 6 ويحط الهاندباك ويعطونا كارت عشان قبل مانطلع نسير ونستلمهم شو يسوي اللي مايبا يسلمهم شنطهم اللي مايبا يحط استكرات ويحط شنطه برع يخبرهم وهو يخبرونه من أي مخرج يطلع وشو يسوي ومهما كان توقيت خروجنا من السفينه يجب ع كل الركاب انه يطلعون من الكبينه الساعه 7 ونص لما خبريتهم انه توقيتنا متأخر ممكن انه نتأخر في الغرفه قالوا لا ... لأنه فيه رحله ثانيه عقبنا ومحتاجين ينظفون الغرفه وفعلا بعد مانطلع كانت الرحله الثانيه للكروز للنرويج بتطلع بنفس برنامجنا طبعا هم يخبرونكم بالوقت ويعطونكم ورقه فيها كل التعليمات مع هاي الاستكرات مثلا نحن استكراتنا خضرا رقم 2 تجمعنا الساعه 10 وربع عند المخرج 6 شي مهم بيعطونكم كشوفات السحوبات اللي سويتوها في السفينه وانتوا هنيه تراجعونها واذا كل شي صحيح فيها توقعونها وتسلمونهم ياها في الرسبشن وعقب يسحبون من بطاقة الفيزا أما اذا فيه أي استفسار أو مشكله عندكم في هاي الحاله تراجعونهم وتتأكدون من الحسابات قبل لاتوقعونها أنا الحمداالله كنت كل كم يوم آخذ منهم كشف الحساب وأراجعه ولما ييت اليوم الأخير وشفت الكشف كامل شفت انه كل الحسابات صحيحه ووقعت ع الكشف وسلمته بدون تأخير نصيحه هالشي بيوفر عليكم وقت وجهد كبير تفاصيل اليوم الاخير في السفينه :gyjftyjc: صحينا بدري http://i1050.photobucket.com/albums/...psx0c77yu0.jpg شفت كشف الحساب حاطينه تحت الباب وحاطين نسختين وحده لي ووحده لهم أوقعها وأسلمها لهم قمنا كلنا ولبسنا وانقسمنا قسمين البنات ساروا يسلمون الهاندباك في الدور 6 وانا نزلت أسلم الكشف للرسبشن واتفقنا نتلاقى في المطعم لما نزلت الرسبشن لقيته زحمه وطوابير بس الحلو انه لقيت موظف يلف علينا ويسألنا هل بنسلم الكشف بس ولا عندنا استفسار اللي بيسلم الكشف شراتي يعطيه هو الكشف مافي داعي يوقف في الطابور واللي عنده استفسار أو مراجعه للكشف ينتظر في الطابور طبعا هالشي وفر عليه الوقت والجهد سلمته الكشف وسرت المطعم أتريق وبعدها يوني البنات وبعد هم ما أتأخروا وتريقنا ويلسنا لين الساعه 10 الا ربع http://i1050.photobucket.com/albums/...psrjlryo37.jpg http://i1050.photobucket.com/albums/...psc7bzozso.jpg وصلنا هامبورغ http://i1050.photobucket.com/albums/...psyv5cc0uo.jpg http://i1050.photobucket.com/albums/...pslokpzxhd.jpg عقب ماتريقنا سرنا ناخذ الهاندباك وسرنا صوب المخرج المحدد لنا طلعنا بسلاسه ونظام ودخلنا الترمينال وكأنه في مطار http://i1050.photobucket.com/albums/...pslopssvef.jpg http://i1050.photobucket.com/albums/...pshfsfxneg.jpg http://i1050.photobucket.com/albums/...psvrpyvnq1.jpg http://i1050.photobucket.com/albums/...psjqfdvvht.jpg http://i1050.photobucket.com/albums/...psfmo8bs2h.jpg http://i1050.photobucket.com/albums/...ps35bfvf6r.jpg بس هنيه ماشيكوا ع الجوازات وعقب نزلنا تحت نستلم شنطنا ويلسنا ندورهم بين الشنط وحصلناهم وخذيناهم وطلعنا برع القاعه عشان ناخذ تكسي يوصلنا للفندق وهنيه بدت المعاناه في انتظار تكسي هو فيه مكان مخصص للتكاسي ولكن عليه طابور طويل وزحمه والجو برع شمس http://i1050.photobucket.com/albums/...psukltzqbq.jpg http://i1050.photobucket.com/albums/...psbu1uia8p.jpg غلطتي والشي اللي مافكرت فيه اني ماحجزت من فندقنا سياره توصلنا من الميناء لين الفندق والمشكله الاكبر انه في هاليوم كان فيه سباق الدراجات ( السياكل ) في هامبورغ ومسكرين وايد شوارع كان أتعس يوم من أيام رحلتنا :2: فديتهم بناتي وقفوا في الطابور أكثر من ساعه وأنا يلست ع صوب ويالشنط أتريا ايي دورنا :23: ولما يادورنا كان من نصيبنا أخيس سواق تكسي :11: خال وروحه في خشمه ومتطفر من الحر والزحمه طيب نحن شو ذنبنا :2: http://i1050.photobucket.com/albums/...psnqbb3bej.jpg عاد أول ماركبنا ومشى شوي قال الطرق كلها مسكره والشوارع زحمه وأنا بنزلكم عند محطة القطار الرئيسيه ومن هناك سيروا فندقكم :10: الحمدالله اني سبق زايره هامبورغ وأعرف موقع فندقنا وأعرف انه المحطه بعيده وايد عنا ونحن صعب نمشي بهالشنط كلها وهاي غلطتي الثانيه اني شليت معاي وايد شنط ع الاقل أول ماوصلت هامبورغ لو أول شي تركت بعض الشنط في الفندق في الامانات لين أرجع من رحلة الكروز جان أفضللي بوايد بدال ما أشل كل شي ويايي نرجع لقصتنا مع سواق التكسي عاد يوم خبرني انه بينزلني عند محطة القطار هنيه انصعقت وقلتله نحن أول مره أني هامبورغ ومانعرف شي وما أندل أي مكان ولا أعرف كيف أوصل للفندق بليز انته ودينا ( وأنا في خاطري ودي أضربه وأقول يوم انته مالك خلق ليش تاخذ زباين وتتكس فيهم ) قلتله انته حاول تنزلنا أقرب مكان نقدر نسير مشي لين الفندق أو بعطيك رقم الفندق وكلمهم يطرشولنا سياره للمكان اللي تحدده وهم ياخذونا عقب الله هداه وسخره لنا وقال أوكي بسير المنطقه اللي فيها فندقكم وبشوف وين أقدر أنزلكم في أقرب مكان قلتله أوكي عقب قلت في خاطري الحين ماشي عندج حل ياهداوه الا تهدين هالافريقي وتكسبينه في صفج فقمت وفتحت وياه حديث ، وسألته : انته من وين قال : من غانا قلت في خاطري حلو :17: عاد أنا هنيه فتحت وياه أكثر ويلست أخبره اني زرت جنوب أفريقيا ويلست أمدح فيهم وكيف الافريقان شعب طيب ...الخ وخبرناه أنه نحن من الامارات وقاموا بناتي يسولفون وياه ترا نحن نسولف وواقفين في الشارع مايتحرك يمكن ساعه http://i1050.photobucket.com/albums/...pstlvdhtew.jpg وسويناله تلطيف جو وماوعينا بالريال الا نخ:25: وقام يسولف ويضحك وينكت ويانا وطلعنا الطيبه وخفة الدم اللي فيه وحتى عرفنا تفاصيل حياته هههههههههههههههههههههههه وعقب ماسولفنا وايد سكتنا كلنا ملينا من الرمسه وتعبنا كلنا :12: والصراحه ما الومه الجو خايس حر وشمس والشوارع بعضها مسكره وزحمه فما ينلام انه نفسه في خشمه وتمينا أكثر من ساعه في نفس الشارع وبدأ يتأفف ويتذمر وأنا خايفه يعصب مره ثانيه وينقلب مزاجه ففكرت في شي ثاني أروقه ههههههههههههههههههههههه لو ريلي ماسويتله جيه هههههههههههههههههههه فكرت أحطله أغاني وأربشه في السياره هههههههههههههههه سألته عادي أحط أغاني لازم نشاوره طويل العمر ههههههههههههه قلتله بحط عربي ، قال أوكي حطيتله راشد الماجد بس ماعيبه :17: قمت فتحت وياه موضوع ايجار السياره ليوم كامل وهنيه تحمست وفرفش وقلتله عطني رقمك بخليك تودينا الاوت ليت وكم مكان واستانس حس انه بيكد من ورانا طبعا أنا ماكنت ناويه يودينا أي مكان لأنه القطار أوفرلي بس كنت أعشمه عشان أكسبه وعقب تحرك الطريج وشاف شرطي واقف وساله اذا الطريج مفتوح لين الفندق وما أدري شو قاله الشرطي بس أخيرا تحركنا ووصلنا لمنطقه قريبه من الفندق ولين هنيه ومايقدر يسير داخل وقفنا وقال الفندق قريب وخبرنا وين اتجاهه شكرناه وحاسبناه ونسيت كم عطيته ونزلنا نمشي ونجر شنطنا ونسأل الناس وين فندقنا http://i1050.photobucket.com/albums/...psoafowqhu.jpg http://i1050.photobucket.com/albums/...psswwijvjf.jpg وماكان بعيد وايد ومن دخلنا السكه اللي فيها الفندق وشافنا الموظف من بعيد يانا يركض ويدز الشنط عنا عاد هنيه فرينا الشنط في السكه وخليناه هو اييبهم ونحن دخلنا الفندق نسوي شيك ان http://i1050.photobucket.com/albums/...psvbeg7qdt.jpg وانتهى هاليوم التعيس والمتعب وبدأت أحلى أيامنا في هامبورغ :18: ما اعتقد اني بكتب عن أيامي في هامبورغ لأني مشغوله هاي الفتره بس صدق كانت أيام جميله لدرجة مددنا فيها 3 ايام زياده بعد ماكانت 3 سويناها 6 وكان ودنا أكثر أول شي اعتدل الجو وكان يخبل كله غيوم وأمطار وبروده ثاني شي موقع فندقنا الأكثر من رائع وسط السوق وثالث شي التسوق اللي ينعشنا ويسعدنا في حياتنا وخصوصا أسواق هامبورغ وايد حلوه وقضينا أوقات غير عن الكروز وكل رحله كان لها مذاقها الخاص http://i1050.photobucket.com/albums/...psbetjfv7a.jpg وأخيرا شكرا لكم ولمتابعتكم ومشاركاتكم :e022: والسموحه عن تأخيري عليكم وان شاءالله نلتقي معاكم في بلاد جديده وتقاريري جديده بنكهة هداوه :hrtd: |
كل الشكر لك علي التقرير ومقدرين وقتك حلو تلطيف الجو بس الأحلي تركتم الشنط من التعب خخخخخخخخخ http://i1050.photobucket.com/albums/...psvbeg7qdt.jpg |
تسلمين ام عيسى على هذا التقرير الرائع واللي استمتعنا به وبتفاصيله والصور الجميلة اللي فيه بعد تقريرج هذا اعتقد ان الانظار بتتجه لرحلات الكروز للاستمتاع بها وبفعالياتها وجزاج الله خير دايما معودتنا على الجديد |
ماشاءالله تبارك الله فعلا فعلا انه تقرير :e123: والله استمتعت بكل صوره وبكل كلمه وبكل قصه تجربه جدا جميله :e33c: |
اقتباس:
اقتباس:
العفو أخويي فيصل شفت شقايل من التعب والشنط ثقال ، ع طول فريناهم في الشارع ههههه بس قول زين انه هو سار وشلهم اقتباس:
اقتباس:
الله يسلمك يارب والحمدالله انه نال اعجابكم عيل لازم ناخذ عموله من هاي الشركه ع كل راس من ورايي نسبه ههههههههههههههههههه شكرا ع تشجيعكم وتفاعلكم ويايي ماقصرتوا اقتباس:
اقتباس:
ياهلا فيك أخويي وانا أفرح لما أشوف اعجابكم والحمدالله أخويي بغيت أسئلك عن موضوع خارج موضوعي الله يسلمك وصلني مسج عن منطقه في عمان أسمها وكان وهي تابعه لولاية نخل بغيت معلومات أكثر عنها وين أقرب مطار لها ؟ وين نسكن اذا بنزورها ؟ هل فيه مرشدين سياحيين عمانيين مع سياراتهم يودون لهالاماكن ؟ وأي وقت من السنه نقدر نزورها ونشوف الفواكهه فيها ؟ وكم يوم تكفيها ؟ وشو من المناطق أو المدن اللي حواليها ممكن نزورها وتستحق الزياره ؟ وكم تبعد صلاله عنها ؟ بكون لك شاكره لو عطيتني معلومات وافيه عنها |
الامواج العالية في وسط المحيط مرعبة وخصوصا لما تستمر لوقت طويل الله كان بعونكم الواحد حتى ما يقدر يقعد او ينام الترتيب جدا مهم بيوفر عليكم مواقف محرجه حاسس بشعوركم وانتم تنتظرون التاكسي كل هالوقت، شيء بقرف، متعب جدا وممل، وبعد ما تركبوا يكون السواق مزاجه معكر، والطرق زحمه، وبعدها تنزلوا بعيد عن الفندق وتسحبوا الشنط في الشارع. وضع لا تحسدون عليه لكن الحمد لله انه بعدها استمتعوا بوقتكم ونسيتوا احداث هذا اليوم المزعجة يعطيكي العافية على تقريرك الجميل وان شاء الله يكون معك وقت تقدري تشاركينا احداث باقي الايام تحياتي لحضرتك sent from Galaxy Note 5 using Tabatalk |
قواج الله يا هداوه على هالتقرير البحري [emoji1376][emoji1376][emoji108][emoji108] والمعلومات اللي فيه [emoji108][emoji108] قعدت اتخيل شكل الكروز مع الموي سبحان على ضخامتها بس بس الموي ما خلاها تثبت.. ههههه سالفه العلج بو نص ساعه بدعتي [emoji23][emoji23][emoji23] اشوه انج ما مابينت خوفج جدام بناتج[emoji1374] الله عانكم على طناقر الخال [emoji23][emoji23] الله يعطيج العافيه وسلمت الانامل [emoji1376][emoji1376][emoji253][emoji253][emoji253] العرب المسافرون |
الله الله الله الله عليك يأختي ام عيسي والله يبارك فيك رحلة موفقة جدا وتقرير وافي ورائع كما عودتينا والله يخليكم لبعض في رايك هل عندك استعداد تكررين التجربة ام مرة وحدة فقط ؟ |
تسلمين ام عيسى على التقرير المميز و الجميل |
ماشاء الله تقرير رائع كروعة صاحبته أستمتعت كثيراً في تقريرك ي مميزتنا يعطيكـ العافية أم عيسى |
إبداعك فضاااااااااء وتقاريرك نجوم .. تُزينه .. ( هداوة ) مَدْرسةٌ تعلمنا بصفوفها السفر والترحال على هذه الأرض .. وهانحن .. نتلقى منهجنا الجديد ( السفر والترحال وسط البحار ) .. قِلةٌ من خاض هذه المتعة وهذه الثقافة ( رحلات الكروز ) أول تقرير قرأته وكان مميزاً جداً كان لأحد الأحبة ولحظنا السيء أُغلق المنتدى قبل إكماله .. وأقولها صادقاً .. عوضنا رب العالمين خيراً بهذا التقرير الرااااااائع بقلمك .. من الأشياء الجميلة التي لفتت انتباهي .. طريقة السداد بكرت الغرفة .. البهو الرئيسي هاااائل .. دقة المواعيد وانضباطيتهم .. احترافيتهم وسرعة التجاوب لبعض المواقف الطارئة .. وكذلك مدينة بيرجن ومزاراتها .. وتلك البحيرة الحااااالمة .. ومناظر الغروب التقاطاتك لها جميلة جداً .. أقدِّر لك يا أم عيسى كل هذا الجهد وكل هذا العمل بتفصيلاته وسرده وصوره .. أكاد أجزم بأنه سيكون مرجعاً طويل الأجل لرحلات الكروز .. حفظك الله وحفظ لك أحبابك .. |
اولا اهنيج علي روح المغامره برحله علي السفينه لاول مره روعه يا اختي من تفاصيل دقيقه ومغامرات روعه بس الي ضحكني انج مره قايله اكلتي لحم خنزير بالغلط وبعدها تشكيتي ان كثر الخفايف عندهم واكهم لذيذ تشكيتي من زيادة الوزن ههههههههههههه اذا الخفايف ما شاء الله تاكل قبيله باكملها اكيد بتمتنون ههههههههههههههه عيني بارده والله الله يهنيكم فعلا بداية رحله رائعه جدا يا اختي بس خايف من تمرد النساء ههههههههههه الحين اي وحده يعتذر زوجها بالسفر معاها دايركت وسيدا وعلي طول عالكروزات ههههههههههههه رحله موفقه يا اختي اشكرج علي هذا التقرير المميز |
اقتباس:
اقتباس:
الله يعافيك يارب والف مبروك ع المركز الاول وسامحني اني ماقريت تقريرك بس ان شاءالله بقراه قريبا تستاهل كل خير أخوي مجدي وشكرا ع متابتعك لي وتشجيعك اقتباس:
اقتباس:
اقتباس:
اقتباس:
ياهلا فيك أخويي رعبوب اللهم آمين الصراحه اتمنى اعيدها بس في جهه ثانيه وعالم ثاني |
يسعدني مساكم السموحه تأخرت في الرد عليكم شاريه لاب توب يديد من ماك ومجنني وأحاول اتعود عليه وغيرت المتفصح ع فاير فوكس وانحلت مشكلتي نرجع للردود الجميله اللي أسعدتني اقتباس:
اقتباس:
اقتباس:
الله يعافيك ويسلمك آخويي وشكرا ع متابعتك اقتباس:
الله يحفظك ويحفظلك كل من تحب وأشكر من كل قلبي ع كلماتك الجميله اللي أسعدتني صراحه والحمدالله اني أنجزت شي جميل في حياتي وهي افادة الناس اتمنى من الله انه تكون في ميزان حسناتي اقتباس:
فعلا اعتبرها مغامره هاي الرحله وخصوصا اني بروحي مع بناتي لكن بعد تجربتي أقول انه الدنيا تغيرت وايد والسفر صار سهل وايد بس يباله تخطيط سليم صح نحن مانستغنى عن الرياييل بس ممكن نسافر بدونهم :24: طبعا أقصد في العموم ولا اسعى لتمرد الزوجات ههههههه مب كل الرياييل واحد ولاكل الزوجات واحد ممكن زوجه مايمانع زوجها تسافر بدونه بس هي تخاف وتحس ماتقدر وممكن فيه أزواج مايقبلون زوجاتهم يسافرون بدونهم وهكذا كل واحد بظروفه |
تابعت بكل شغف تقرير الاخ القطري ابو سعد والاخت هداوة .... ماشاءالله درتين في عقد من المعلومات المفيدة والصور الرائعة .. بارك الله فيكما وجزاكما عنا كل خير |
اقتباس:
شكلي جيت متأخره كثير ... و ما قرأت الا المقدمة لأتأكد أن هداوة بالفعل راحت رحلة كروز إلي أعرفه ان هداوة راعيت بر ،،،ما راعيت بحر ان شاء الله أكمل باقي التقرير و كلي ثقة أنه رائع كروعتك دائما |
وصلت الصفحة 20 في يوم واحد و مب قادره اكمل تعبت ما شاء الله رحله فنانه و من زمان خاطري في الكروز بس متخوفة و احس ما تناسبنا احنا العرب و الموظفة من شفت صورتها توقعت انها عربيه مغامراتج عجيبه اما سالفة المدير ضحكت من خاطري و الله يالسه بروحي اقرأ التقرير و اضحك اخاف حد يشوفني و يقول خبله و من قلتي تبانتج عورتج ذكرتيني و حسّيت فيج كانت آتيني هالحاله تخيلي و انا راقده يوم كنت حامل و تدمع عيني من الالم سلامتج و الله يعينج بكمل بأجر |
استمتعت وياج بكل جزء الرحلات و المغامرات كلها حلوه عاد انا من زمان خاطري اجرب الكروز و يفز قلبي كل ما اشوف الكروزات واقفه في ميناء راشد صوب الشندغه و اليوم صدفه فتحت تيلفوني و اشوف دناتا مطرشين إيميل عندهم عروض لرحلات الكروز أظن حسوا فيني :14: عاد يلست اسولف حق ابو عيالي و تحمس اخاف الحين يسير بروحه و يخليني :28: مشكوره وايد على ذكر تجربتج و ان شاء الله بيكون التقرير مرجع لمحبين الكروز تسلمين |
رحلة جميلة وتقرير رائع عندي سؤال يجب الالمام باللغة الانجليزية تحدثا وكتابه واستماعا وقراءة في مثل هذا النوع من السفر والا ممكن الواحد يتكلم عربي وهناك مترجمين |
العب العب تقرير بأسمك اكيد راح يكون فخم روعة وتجربة جيدة |
اقتباس:
ياهلا وسهلا فيك وان شاءالله عقب مايكمل بوسعد تقريره بيكتمل العقد وبيصير أجمل اقتباس:
هيه والله صح كلامج انا راعيت بر بس هاي الرحله خلتني أحب البحر وأغير نظرتي فيه بس اظل ما أتحمله خصوصا في القوارب الصغيره لاني أهدم يعني يصيبني غثيان اقتباس:
اتمني الحين تكونين خلصتيه كله بالعكس وايد تناسبنا ومافيها أي شي مب مناسب لنا الا صالة القمار وهالشي عادي في اوروبا ونحن كنا بدون ريال وكانت ممتازه أمان ووناسه واسترخاء شو أسوي دوم سفراتي فيها اكشنات ومواقف انا شراتج يوم كنت حامل كان يصير هالشي فجأه أقوم من النوم أصرخ بس كان يستويلي في جدم ريولي وحليله بوعيسى تخبل من كثر ما أنقزه من النوم هههههههههههه الله يسلمج حبيبتي اقتباس:
كشخه والله مطرشيلج عروضهم انزين شو كانت عروضهم ؟ الود ودي أعيد التجربه بس هاي المره اباها مع بوعيسى اقتباس:
ياهلا ومرحبا للاسف ماشي مترجمين ولازم تكونون ملمين باللغه الانجليزيه اقتباس:
ههههههههههههههههههه حبيتها العب العب :17: شكرا خيوو |
| الساعة الآن 01:37 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO