شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   البوابة العامة (https://www.arabtrvl.com/vb/f15.html)
-   -   موقف طريف فى السفر .. كلما طريته ضحكت !!! (https://www.arabtrvl.com/vb/t1152.html)

قصة حب 07-02-2015 12:16 PM

رد: موقف طريف فى السفر .. كلما طريته ضحكت !!!
 
اقتباس:

المشاركة الأصلية كتبت بواسطة أبوعبدالله (الاسفار ) (المشاركة 37436)
الفالح هههههههه ما فيك حيلة :(89):


لو منك اخذت حصة انجليزيى على حساب الهندى.... احرجتنى قدام المدام :(48):


الفيسات هم مو شغالة عندى :yolks00800:


انا اعملها ( سحب ) و حطها بالموضوع ... جرب


تسلم على هذاالموقف الظريف


اخي الكريم بو عبدالله

اختار من لوحه التحكم
لوحه تنسيق النصوص القياسيه
وبيضبط عندك كل شي
انا كنت مثلك

قصة حب 07-02-2015 12:39 PM

رد: موقف طريف فى السفر .. كلما طريته ضحكت !!!
 
اقتباس:

المشاركة الأصلية كتبت بواسطة توبليرون (المشاركة 35914)
روووووعه المواقف كلهاااااا
وسلامة الكل اللي طاحوا واللي اغرقوا بالماي

اما اخوي القطري ذكرتني بسالفه

سنة من بدايات الفين ايام الفقع اللي طلع بكثرة في بر السعوديه
طلعنا كلنا عوايل اخواني والوالده واحنا معاهم
شرينا لنا خيمة صغيرونه للنوم انا وبناتي وبوحسين
والعيال مع الشباب كانوا ينامون
المهم
وصلنا بالليل وتم نصب الخيام بالليل ظلمة خرمس
ونصبوا الخيام على ليتات السيارات
وصارت خيمتنا مطرفه شوي
ونسمع من بعيد صوت ذيابة
واحنا من زمان على نومة البر .....
وكنت ما احاتي الا الخنافس ههههه عندي فوبيا من الحشرات
المهم صار وقت النوم وانا مو يايني نوم ابداااا
والكل نام وخايفه على البنات صغار مع انهم ناموااا وبوحسين نااام
اخيرااا نعست وغفيت شوي
ما احس الا اللي يمسك قدمي من جهة الاصابع وانا على صرخة وحدة يماااااااااااااا
والا بوحسين بسم الله عليج اشفيج انا انا مسكت ريولج علشان تعدلين نفسج تشخرين
:yolks0060::yolks0060::yolks0060:
قلت له انا نمت علشان اشخر حرررام عليك هههههه
للحين بوحسين يسولف السالفه على عياله

ههههههههههههههههههههههههههههههههههاي
ام حسين الله يغربل ابليسك مت من الضحك :(34):
ذكرتيني باللي نسويه بريلي ان وعيالي :(35):
اذا غفى وقام يشخر يا نسحب اللحاف والا نطق الكبت والا نكح عشان يعدل نفسه

انت من الخوف غفيتي بس فعليا انت عقلك صاحي يفكر وخايف

يازينك وزين سوالفك:(149):

توبليرون 07-02-2015 02:09 PM

رد: موقف طريف فى السفر .. كلما طريته ضحكت !!!
 
تسلمين يا العسل
ههههه اي والله ما نام مخي :busted_red:

خالة أم معن 07-02-2015 02:38 PM

رد: موقف طريف فى السفر .. كلما طريته ضحكت !!!
 
تسلم ايديك أبو عبدالله على الموضوع الخفيف على القلب والروح


موتوني ضحك الله يرضى عليكم كلكم


بس كله كوم وموقف أبو عبدالاله كوم :yolks00250::yolks00250::yolks00250:

الإماراتي 11-02-2015 10:09 AM

رد: موقف طريف فى السفر .. كلما طريته ضحكت !!!
 

موضوع حلو وشيق بالنسبة لي كنا مره مسافرين من دبي الى سنغافورة وكان أعضاء الرحلة

الوالدة وخالتي واختي الأصغر مني المهم طارت الطيارة عنا وكنا وقتها في قاعة طيران

الإمارات حاولنا نسافر على نفس الرحلة بس مافي فايده المهم دفعنا فلوس على أساس

نروح على الرحلة اللي بعدها طبعا رجعنا مرة ثانية للقاعة ننتظر رحلتنا وأخذنا كرسي متحرك

للوالدة بعد احساسها بالتعب وفي الطريق أختي تمشي و تضحك تقول اتخيل الموظفين

الموجودين في الأستقبال يشوفونا مره ثانية ويقولون سبحان الله كانت عائلة قبلهم تشبهم

بالضبط بس هالمره امهم قاعدة على الكرسي المتحرك طبعا ضحكنا ضحك مش طبيعي.:200:

أبوعبدالله (الاسفار ) 08-03-2015 09:15 AM

رد: موقف طريف فى السفر .. كلما طريته ضحكت !!!
 
شكرا للاخوة و الاخوات على كتابة هذه المواقف الظريفة و اللطيفة و قد تكون المحرجة لهم فى مناسبات و ظروف السفر

اتمنى اقرأ المزيد من المواقف او المطبات ... مو المطبات الهوائية ... !!!

فى انتظاركم

( الاسفار )

وليد عنبه 10-03-2015 03:11 AM

رد: موقف طريف فى السفر .. كلما طريته ضحكت !!!
 
حمدا لله على السلامه

العقرب 10-03-2015 01:24 PM

رد: موقف طريف فى السفر .. كلما طريته ضحكت !!!
 
مواقف روووعه والله ضحكت من قلبي

المواقف كثيرة لكن في موقفين صاروا لي في شهر العسل في ماليزيا لين اليوم اذكرهم
والغريب ان الموقفين صاروا في يوم واحد سبحان الله كان يوم الاحراج العالمي
وانت بشهر عسل وبعدك ما اخذت علي المدام واقل شي يحرجك جدامها

المهم الموقف الاول كنا في سنتر في كوالالمبور علي ما اذكر انة برجيا تايم سكوير
وكنا في محل كبير فية ملابس واكسسوارات والعاب نفس السنتر بوينت قلت للمدام ثواني وبرجع لك
رحت جبت غرض بسرعة وما تأخرت رجعت لنفس الموقع الى كانت فية
شفت المدام تسحب عربة التسوق ممزورة اغراض قبل شوي كانت فيها اغراض قليلة !! :yolks00590:
ما حبيت اعلق تقول عني بخيل قلت بسوي نفسي ظريف
حطيت الغرض الي في ايدي في العربة وقلت لها اجيب عربة ثانية
هذه شكلها ما بتكفي (خف علينا ياحاتم الطائي )
اشوفها اطالعني وتسحب العربة وما تتكلم
قلت بسوي فيها اتكيت قلت لها خلي عنك انا بسحب العربة
ما طاعت تعطينى واطالعني وما تتكلم !!
وانا مستغرب ومو عارف السالفة الا اشوف وحدة منقبة ثانية تسحبني من ايدي
تقول لى تعال تعال :yolks00590::yolks00780:
عرفت انى مخربط مو هذه حرمتي زين ما طب علي زوجها
كنت بشوف انواع البوكوس في ويهي :yolks00480:

المهم خلصنا الموقف وخذيناه بروح رياضية وضحك وسوالف وصلنا الفندق
وانا شكلي بعدني مرتبك من الموقف الي استوي
نحن ساكنين في الطابق 21 وانا بالغلط ضغط 20
فتح باب المصعد وطلعنا طبعا ممرات الطوابق كلها تتشابة
وقفت عند باب غرفتي و جيت أفتح الباب بالبطاقه ما طاع يفتح
قلت يمكن البطاقه يحتاجلها أعادة برمجه،
قلت للمدام أنتظريني عند باب الغرفه وخل الاغراض وياج
ونزلت الاستقبال وقاموا بأعادة برمجه للبطاقة ورجعت الى الغرفه
ولكن.!!!!! وين المدام ؟؟؟ ما في احد !!! :yolks00480:

قلت يمكن عامل النظافة مر من هنا وفتح لها الباب
فتحت الباب البطاقة شغالة وكل شي تمام لكن مافي احد في الغرفة
الحين شو السالفة دور يمين يسار مافي :(158):
قمت أدور مثل المجنون في الفندق رحت الاستقبال قالوا لي ما شفنها
قلت لهم هاتوا لي مدير الامن ومدير الفندق ابا زوجتي
في هاللحظة كنت أشوف صورة عمي أبو المدام لما أرجع وأقوله أني ضيعت بنتك:yolks00480:
صار حالة أستنفار وجابوا لي مسؤل الامن ومسؤول العلاقات العامة
ومر يمكن ساعة وبعدين قالوا لي تعال
ركبنا المصعد ورحنا الطابق 20 حصلت المدام واقفة مع اغراضها مكان ما خليتها :yolks00190:
ما عرفت شو اقول جان اقولها انتي وين رحتي هههههههههههههههههههههه
احلي شي الموظفين في الفندق لما يشوفوني كانوا يقولوا لي أها أنتبيه علي المدام .... والله تفشلت :yolks00770:

أبوعبدالله (الاسفار ) 10-03-2015 01:43 PM

رد: موقف طريف فى السفر .. كلما طريته ضحكت !!!
 
ههههههه العقرب مالك حل !!!

فطست من الضحك هههههههه

اضحك الله سنك

المدام كل الحالتين ما عرفت ايش الدعوة !!!!

**نونا** 10-03-2015 06:26 PM

رد: موقف طريف فى السفر .. كلما طريته ضحكت !!!
 
[QUOTEحن ساكنين في الطابق 21 وانا بالغلط ضغط 20
فتح باب المصعد وطلعنا طبعا ممرات الطوابق كلها تتشابة
وقفت عند باب غرفتي و جيت أفتح الباب بالبطاقه ما طاع يفتح
قلت يمكن البطاقه يحتاجلها أعادة برمجه،
قلت للمدام أنتظريني عند باب الغرفه وخل الاغراض وياج
ونزلت الاستقبال وقاموا بأعادة برمجه للبطاقة ورجعت الى الغرفه ] [/QUOTE]


موقف اخوي العقرب نفس موقفي بس بدبي
معي كرت الدخول للغرفة 550 وطالعة للغرفة 450
وافوت الكرت مايفتح واعلق على الجرس محد يرد
وانا معصبة واتمتم واحرق الجرس..شي لفت نظري
الا اشوف اني في الدور الرابع..
وووووووووووووووووون احط رجلي وادعي ربي ماطلع
لي واحد بكسني ..طلعت للي فوق وكملت عليهم..
:yolks0
010:


الساعة الآن 11:35 PM

Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO