|
ياهلا ومرحبا اخوي اذا السعر اعجبك احجز في وانت مغمض وتوكل على الله ممتاز جدا وموقعه فوق الممتاز كلشي جنبك وقريب منك اوقات كثيره ماراح تحتاج المواصلات ومن الفندق الى الدام سكوير على بعد خطوات قليله جدا والدام سكوير هو مركز مدينه امسترادم والحياه كلها ههههه بالنسبه للكروز القصد منها جوله بالنهر ومشاهده امستردام من البحر والجوله في تاخذ وقت قصير في حدود نص ساعه بالنسبه لرغبتك في الاماكن ان شاء الله راح ارتب لك الجدول بس الاهم عندي حاليا تخلص حجز تذكره الطيران + الفنادق اما الجدول ماعندنا مشكله ان شاء الله وبالتوفيق يا غالي |
هلا اخوي اسف على التاخير بخصوص الفنادق تمام كل شي امسترادام فندق إن إتش أمستردام باربيزون بالاس من 3-7 بروكسل من 7-11 باريس 11-15 خلصت حجز الفنادق والطيران باقي الجدول على الأيام اللي فوق |
مسموح اخوي الغالي ماشاء الله حلووو ربي يجعلها سفره ممتعه لكم ان شاء الله بكره بالكثير راح انزل لك الجدول جاري العمل به تحياتي |
اقتباس:
بنتظار الجدول |
مرحبا اخوي الحالم السموحه يا غالي على التأخير كانت عندي مشكله بسيطه بالجهاز فرمته والحين تمام التمام وسويت نص الجدول وجاري التكمله السموحه يا غالي |
امسترادام من 6-11 الى 9-11 يوم 6 وهو يوم الوصول : محطه البدايه من فرانكفورت Frankfurt(Main)Hbf محطه الوصول في بروكسل Amsterdam Centraal للذهاب للفندق : اما تاكسي : او بالباص : من محطه الباصات العامه جنب المحطه وتنزل في محطه Amsterdam, Dam ارقام الباصات الي توصلك للفندق 355 - 357 - 359 - 361 - 363 او بالترام : من محطه CS Tram Oostzijde جنب محطه القطارات وتنزل في محطه Amsterdam, Dam ارقام الترام 4-9-16-24 طبعا الباص والترام ينزلك اما الفندق تسوي شييك ان بالفندق وترتاح وبعدها تتجول في ساحه الدام جنب الفندق وفي وسط الساحه القصر الملكي الاماكن الي تزورها اول يوم وقريبه من الفندق : 1- ساحه الدام سكوير Dam Square 2- القصر الملكي Royal Palace ( وسط الدام ) 3- De Bijenkorf مجمع تجاري امام فندقك مباشره 4- magna plaza مجمع تجاري خلف القصر الملكي مباشره في الدام 5- مونتورين Munttoren منطقه للتمشي وفيها من اقدم واشهر الابراج في هولندا طريقه الوصول لها : بالباص : الوصول لها من محطه الباصات امام الفندق باص رقم 355 و 357 و 359 و 361 و 363 تنزل في محطه Muntplein او الترام : من المحطه امام الفندق ترام رقم 4 و 9 و 16 و 24 اليوم الثاني 7-11-2015 : الذهاب الى Zaanse Schans قريه الطواحين وطريقه الذهاب : في وسائل كثيره منها السياره والقطار والباص وبالمركب لكن افضل الذهاب بالباص بالباص من تصعد من محطه الباصات جنب محطه قطارات امستردام وتاخذ باص - خط رقم 391 وتنزل في محطه Zaandam, Zaanse Schans مسافه الرحله للوصول 40 دقيقه ويوجد باص يتحرك كل 15 دقيقه راح اشرح لك كل شي عن المنطقه ان شاء الله في مشاركه لحالها وبعدها العوده الى امستردام على حسب وقت العوده اذا في عندك وقت لزياره بعض الاماكن في امستردام ممكن تختار المكان الي يناسبك من جدول يوم 8-11 اليوم الثالث 8-11-2015 1- متحف الفنان الهولندي فان كوخ Van Gogh Museum 2- متحف الالماس COSTER DIAMONDS 3- متحف ريكز للفنون Rijksmuseum الثلاث متاحف بنفس الشارع وجنب بعض وتروح لهم مشي طريقه الوصول لهم : بالباص : من محطه Dam/Raadhuisstraat وهي خلف القصر الملكي في الدام واما مجمع magna plaza التجاري وتنزل في محطه Rijksmuseum ارقام الباصات 170 و 172 و 174 و 458 و N70 بالترام : نفس اسماء محطات الباص ارقام الترام 2 و 5 بالنسبه لجوله القارب انت قلت انك ماتبغي وهي رحله ممتعه وبسيطه بالنهر اذا قررت وانت هناك ممكن تاخذ تذاكر الكروز من خلف متحف ريكز توجد شركات كثيره ومنها hop on hop off canal 4- حديقه فونديل Vondelpark وهي قريبه من المتاحف لكن يفضل الذهاب لها بالترام : من اقرب محطه للترام اما من متحف ريكز او من متحف فان كوخ وتنزل في محطه Emmastraat/Koningslaan رقم الترام الي يوصلك الحديقه 2 5- ساحه Leidsplein square منطقه للتمشي وفيها مطاعم وكوفيهات ومحلات تجاريه طريقه الوصول لها من حديقه فونديل : الترام رقم 2 من محطه Emmastraat/Koningslaan والنزول في محطه Leidseplein وبعدها العوده الى الدام سكوير من نفس المحطهLeidseplein وتنزل في محطه Dam/Raadhuisstraat بالباص : ارقام 170 و 172 و 174 و 354 و 358 و N70 بالترام : ارقام 1 و 2 و 5 اليوم الرابع 9-11-2015 وهو يوم السفر الى بروكسل ( بلجيكا ) وراجع لك لتوضيح كل مايتعلق بمدينه الطواحين وباقي جدول بروكسل وباريس تحياتي |
قريه الطواحين Zaanse Schans نفس ماقلنا ان الطريقه الافضل للذهاب هو الباص وتاخذه من محطه الباصات جنب محطه القطارات المركزيه رقم الباص الي يروح قريه الطواحين 391 يتحرك الباص من المحطه الى القريه كل ربع ساعه والمسافه من امستردام الى القريه تقريبا 40 دقيقه خارطه لمكان الوصول وتوضح ايضا اماكن المتاحف المتنوعه و اماكن الطواحين السهم الاحمر هو خط سيرك مشيا http://www.arabtrvl.com/up/uploads/a...6661675011.png رابط خريطه الموقع بتلاحظ نقط صغيره ملونه حط الماوس عليها يطلع لك اسم المكان تضغط عليها يعطونك معلومات اكثر عنها http://www.arabtrvl.com/up/uploads/a...4666211161.png http://www.dezaanseschans.nl/en/map/ هناك متاحف كثيره وبعظها منذ مئات السنين وللحين مفتوحه منها متحف الطواحين ومتحف الجبن ومتحف التحف والمخبز القديم |
انا اشهد انك ذيب يابوسعد وتخطيطك 100% ماشاء الله عليك خبير ويعتمد عليك الله يجزاك خير نص المتعه بتروح عليك يالحالم بسبب ان تنقلاتك بالقطار والباص انا انصحك تاجر سياره وانت ورغبتك وابو سعد كفى ووفى |
اقتباس:
ياهلا ومرحبا فيك اخوي الحالم السموحه منك والله انا رتبت نفسي على تأريخك القديم الي هو من 6-9 /11 في امستردام ونسيت التاريخ من 3 - 7 وفي ايضا يوم زياده راح اضيف لك بعض الاماكن لليوم الاضافي وتقدر في اليوم الي تحس منه ضغط با الاماكن الي بالجدول فوق تأجل بعظها في هذا اليوم الاضافي وبضيف لك بعضالاماكن بعد اشوي تحياتي اقتباس:
ياهلا ومرحبا مشرفنا الغالي ماعليك زود يا الغالي ويجزاك بمثله يارب شاكر لك كلامك الطيب :(114): |
مرحبا اخوي الحالم بالنسبه لليوم الاضافي ممكن تضيف ها الاماكن : 1- متحف حضارات المستعمرات الهولنديه Tropenmuseum مثل حضارات الهند الحضاره الافريقيه الحضاره اللاتينيه والكاريبي الحضاره الجنوب اسيويه حضاره غينيا الجديده وغيرهم 2- حديقه اوست بارك Oosterpark وهالحديقه خلف المتحف مباشره 3- حدسقه حيوانات ارتيس Artis Zoo قريبه ايضا من متحف المستعمرات الهولنديه فيها انواع كثيره من الحيوانات وفيها اشجار البلوط الكبيره وفيها القبه السماويه وافلام عن النجوم وفيها الفقمات وغيرها 4- مجمع كالفيرتورين التجاري Kalvertoren shopping centre موقعه خلف برج The Munttoren الي حطيته لك بالجدول اول يوم الوصول بالتوفيق ان شاء الله |
| الساعة الآن 11:10 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO