|
اناماعندي خبره عشان كذا طلبت مشورتكم وبالنسبة لسوق المسقوف مدري اذا هو نفس منطقة اميونيو قالو شعبيات المدام تبي ملابس وشنطه واناابي ساعات وجزم اعزكم الله |
استبدل جزيرة الاميرات ب بحديقة جولهانه ! خصوصا ان وقت التوليب ! ولاتل العرايس ومعها الكوفي اللي قلته لنا يازهرة نيسان ! واخر يوم ماني فاهم وش الاماكن المكتوب ! |
الي في امينونو سوق المصري وو اهو ارخص من سوق المسقف في بايزيد اول فندق في اسطنبول زيورخ موقعه في منطقة فاتح بعيد شوي المكان اغلب سكانه روس انا صراحه ما عجبني المكان |
ليش ماتروحون جزيره اميرات شهر ٤ الجو بيكون حلو مو حر حق ورد التوليب حديقه اميرجان كوروسو احلى تل العرايس في قسم الآسيوي من اسطنبول وو الكوفي اولوس بارك في اوروبا ممكن تروحون اولوس بارك وو بعدها تقعدون في اورتاكوي أخر يوم اظن يقصد سوق المطار |
مدري شفتكم تسبونها هنا ريحه ومدري |
اقتباس:
اغلبه حلويات وبهارات وقليل من الاواني والملابس ومستلزمات الحفلات السوق المسقوف جلديات واواني بس غالي جداً الافضل تشوف البياعين الي خارج السوق المسقوف ارخص بكثير اقتباس:
زي ماقالت اولقا حديقة امريجانا افضل من جولهانة جزر الاميرات انا بالنسبة لي من خلال الصور ماشفت فيها شي مميز لذلك مارحت لها مقهى اولوس بارك كل المسافرين يحرصون على زيارته وبعد مطعم نصرت وحط في بالك انا الشركة والسائق إلا من رحم ربي متعاملين مع اماكن محددة اذا جابوا لهم زبائن لهم نسبة اليوم الاخير شكلهم يقصدون مول الماركات المخفضة الي قريب من المطار والاكواريوم فيه في اسطنبول اكواريوم قديم واكواريوم جديد تأكد انهم راح يودونك للجديد الي في منطقة فلوريا قريبة من المطار |
بالنسبه للحديقه بخليها اخر يوم بدال سوق المطار ومن بعد الحديقه التوجهه للمطار رحلتنا عالساعه 16 والكوفي اللي قلتي عليه بخليه بدال جواهر مول وشرايك ! |
http://i.imgur.com/Qe7poqq.jpg والله حسيت من الجدول ان السواق هذا ماطب اسطنبول من قبل جدول ثاني يوم ايش دخل قصر دولما بهجه في الموضوع !! وحتى الاماكن كثيييره في يوم واحد ممكن في البداية تصبح على التوب كابي << بس قريت ان بوابته مرتفعه وممكن ياخذ منك جهد لان معاك بنتك (تأكد من الموضوع) السلطان أحمد محا ياخذ منك وقت كثير يادوب تصلي وتتفرج عليه وتمشي << أنا كذا سويت يمكن اللهم النافورة الي قدامه تجلس عندها شوي وتروق على فنجان شاي :(55): وتتوجه للسوق المصري تتسوق منه << انا مارحته لكن اتوقع ياخذ منكم حق 3 ساعات واذا في وقت ممكن تروح لحديقة جولهانه يقولو فيها كوفي مطل ع البسفور في آخر الحديقة هذا الي ممكن تسويه في هذا اليوم واذا حسيته بتعب من المشاوير ممكن تكنسل شي منها وتجلس في كوفي مطل ع البسفور وتستمتع بوقتك :(94): بإذن الله لي رجعه للاستفسار |
شاكر للجميع التواجد والرد تم استبدال فقط جواهر مول بكوفي اولوس بارك ومطعم نصرت واخر يوم حديقة اميرجانا بدال سوق المطار |
بنتظار رايكم ورجعه صقرة. قبل اعتمد الحدول |
اقتباس:
يعني يوم 24 راح تروح لجزر الاميرات ومصنع الشوكولاته واولوس بارك ومطعم نصرت ؟ اذا كذا اليوم مزحوم جداً وكل مكان بعيد عن الثاني وللمعلومية اسعار مطعم نصرت تعتبر مرتفعه وبالنسبة لأخر يوم الساعة كم رحلتك واي يوم؟ حديقة امريجانا بعيدة في شمال اسطنبول والمطار غرب واسطنبول زحمة خصوصاً لو كان نهاية الاسبوع استبدله بمكان يكون قريب من مكان سكنك او مكان يكون قريب من المطار بحيث تاخذ شنطك معك |
رحلتي يوم الاثنين الساعه 16 نروح للحديقه بعد الافطار مباشره ونجلس فيها ساعتين ونتوجهه للمطار مايمدي ؟ |
ومطعم نصرت دام اسعاره مرتفعه بكنسله |
اوممكن اخلي اليوم الاخير زيماهو واغير اليوم الاول استبدل تقسيم بالحديقه لان صراحه متخرف من هالشارع من كثر ماسمعت عنه ومابي بالبدايه اتعكر وتخرب علي النهايه |
مثل ما تفضل به الاخوان والاخوات حديقة اميرجان كوروسو جميلة جدا وتستحق الزيارة وتستطيع تنسيق زيارتها مع منطقة اورتاكوي يعني من بعد الظهر حديقة اميرجان ثم التوجه لاورتاكوي للاستمتاع بالغروب وأكل الكومبير. |
حديقة جولهانة جميلة ايضا ولكنها ليست بكبر حديقة اميرجان. وما يميزها وجود المقهى الجميل المطل عالبسفور في نهايتها. |
ثالث يوم خليه دولما بهجه وجولة البسفور من كاباتاش وكوفي قريب من فندقك جزيرة الاميرات كنسلها بقوة ايامك قليله في اسطنبول ماينفع تضيعها في شي مايسوى ترا مصنع الشوكولاته وجواهر مول بعيده عن بعض نرفزني الي سوا الجدول استخير الله قبل ماتروح مع هذا السواق ع العموم استبدل جزيرة الاميرات بمول استينا >>قرأت في المنتدى انه جيد وشوف كوفي قريب منه تجلس فيه بعد تعب التسوق اهم شي في الرحله الراحه وعدم تكديس الاماكن كلها في يوم واحد <<لاتسوي سواتي خخخخ |
اقتباس:
اقتباس:
كلا سليم 100% ماشاءالله عليهم |
جزيرة الاميرات كنت بكنسلها بس كثير قالوا لازم تشوفونها خصوصا وقتكم حلو الجو فقلت يلا نجربها عشان لاتجي حسره علينا �� شارع الاستقلال قلت بلغيه وبحط الحديقه وجواهر مول بلغيه وبخلي الكوفي للاسترخاء اخر شي �� وش رايكم ! |
اقتباس:
كويس الغيته يعني اول يوم الوصول بتروح لحديقة جولهانة او امريجانا ؟ اذا وصولك متأخر خليها لحديقة جولهانة والكافيه الي فيها اطلالته جميلة والعشاء او الغداء في احد المطاعم في السلطان احمد |
وصولنا باذن الله ١٤:٢٥ اقتراح اخير اجعل يوم ١٧ مكان يوم ٢٤ و٢٤ مكان ١٧ وش رايكم ؟ عشان الجو يبدا بالاعتدال قليلا وبكذا تكون جولة البسفور ممتعه اكثر عشان معي طفل وابيها تكون مكشوفه العباره امتع وجزيرة الاميرات وقتها بدري احسن اضمن مافيه شمس تصقع بالراس �� :) اللي هو يوم ١٧ |
يااخبراء تركيا اناغيرت السواق وحجزت الرحلة 15 ابريل 3 ايام اسطنبول 3 بورصه 4 اسطنبول ومنها يوم بصبنجا الفندق اخذنا بالسلطان احمد اياسور صوفيا خمس نجوم من هنا ابي ترتبون لي جدول الله يسعدكم نفس الجدول الاول يعني اول يوم اروح كذا الشي القريب من سكني فالاقرب وثاني يوم كذا تكفون طلبتكم لاتردوني ابي ازور كل شي بس موعارفين ننظم الرحلة |
|
وينكم |
. . . جدولك يا غالي يبي له تعديل شف موضوعي وبعدها قرر ما أبيك تمر إسطنبول في البداية http://www.arabtrvl.com/vb/t2466.html |
اخوي ممكن تعيد سؤال مرة ثانيه وشنو تبي بالضبط لاني ضعت شوية وان شاء الله نساعدك |
استاذ ماجد الفهد مافهمت انا مابي الشمال انامعي طفله بعمر السنه استاذي عادل ابي جدول لرحلتي بالاماكن اللي ازورها نفس الحدول حق السواق الاول مع الاخذ بنتقاذات الاعضاء هنا مثلا الوصول باذن الله الجمعة الساعه وحدة تقريبا الساعه وحدة الظهر والاقامة بفندق ايا سور صوفيا وين نتوجه بعدها ابي كل يوم اماكن محدده نروح لها بحيث نغطي كل الاماكن بس اسطنبول اما بورصة محلول امرها |
اخوي عندك متاحف وعندك مجمعات تجارية وعندك حدائق لانه الجو بوقت راح يكون مناسب وعندك ايضا بورصه وعندك سابنجا انت عاد الحين حاول تشوف كم تقرير وتقرأ وتشوف الي يناسبك ما شاء الله الاعضاء اكتبوا عن جميع الاماكن بس ترى بنتك الصغيرة راح تتعب من المشاوير فالافضل تخلي رحلة الصبح وترجع الفندق الظهر اتريح البنك والعصر تطلعون مشوار ثاني يعني حاول تروج المتاحف الصبح والحدائق العصر وتخلي الاسواق والمطاعم بالليل لانه اغلب الاماكن السياحية تفتح لـ 5 مساء |
اقتباس:
حبيب ألبي ما أحد جاب الشمال وسيرته :) شوف الموضوع اللي وضعته وراح تفهم التفاصيل أكثر وإرجع كمان لموضوع كيف تخطط لرحلة اوفر وامتع وفقك الله |
اناابي جدول زي اللي مسويه السواق قبل اذا تقدرون تكفون تساعذوني |
ان شاء الله الاخت فتاة الدمى تضع الجدول قريبا |
وينها فتاة الدمى يااارب تسوي الجدول |
اقتباس:
|
هذا جدول قديم لها وضعته في احد الردود --------------------------- أول يوم تقدر تبدأ بمنطقة السلطان أحمد (مسجد السلطان أحمد ، وخزانات المياه وقصر توب كابي ، وآيا صوفيا وجراند بازار ) ثاني يوم خليه لمنطقة تقسيم أفطر فيها وتمشى بشارع الاستقلال حتى برج غلاطة وبعدها إلى كاباتاش قصر دولما بهجة ثم رحلة البسفور وقت المغيب وختاما بمنطقة أورتاكوي ومقهى أولوس بارك ثالث يوم تقدر تخليه للجزء الآسيوي بحيب تطلع بسفينة من ميناء أمينونو المقابل لفندقك وهنا تزور تل العرائس وبرج الفتاة وتستمتع بكورنيش أسكودار وتختم بشارع بغداد وكادكوي ومنها مترو أو سفينة للجزء الأوربي رابع يوم تقدر تقضيه في برج السفير وتجربة الهيلكوبتر الإيحائية والاستمتاع بالمطل من آخر طابق في البرج على اسطنبول الجميلة وبعدها إلى منطقة أيوب وزيارة الجامع والمنطقة حواليه والصعود بالتلفريك إلى مقهر بير لوتي والعودة من هناك بباخرة إلى ميناء أمينونو خامس يوم ممكن تقضيه في أكواريوم اسطنبول ومنطقة فلوريا وتختمه بمطعم نصرت |
السلام عليكم راح أحط الجدول بناءا على الأيام اللي راح تجلسوها في اسطنبول ومجموعها 6 أيام 3 ايام اسطنبول 3 بورصه 4 اسطنبول ومنها يوم بصبنجا جدول لمدة 6 ايام في اسطنبول اليوم الأول : الوصول الى الفندق - استكشاف المنطقة حول الفندق واختياركم للفندق جميل والمنطقة حيوية - وثم التوجه إلى شارع الاستقلال وميدان تقسيم والغداء هناك ويمكن زيارة برج غالاتا والاستمتاع بمنظر اسطنبول مع الغروب والختام في كافي حافظ مصطفى وبعدها العودة للفندق اليوم الثاني : منطقة السلطان أحمد( قصر توب كابي - اياصوفيا - مسجد السلطان احمد-خزانات المياه ) زورا منها اللي تحبوا إذا لكم في الآثار والمتاحب يعني مو ضروري كلها بعدها زيارة الجراند بازار ثم التوجه إلى حديقة جولهانة والغداء هناك والاستمتاع بالتوليب اليوم الثالث: قصر دولما بهجة - التوجه إلى منطقة أورتاكوي والغداء في مطعم ومقهى بلتاش أو علي بابا أحد المطاعم الموجودة هناك وثم أخذ رحلة البسفور قبل الغروب وإذا مو حابين ترجعوا الفندق ممكن تكملوا اليوم في أولوس بارك حديقة ومقهى مطل على البسفور اليوم الرابع: أكواريوم اسطنبول وساحل فلوريا وحديقة فلوريا والغداء في مطعم البلدية التابع لها وختام اليوم في مول فيا بورت فينسيا اليوم الخامس: هذه اليوم لكم حرية الاختيار مابين قضاؤه في الجانب الآسيوي وزيارة تل العرائس وشارع بغداد وكورنيش أسكودار وأكاسيا مول أو ملاهي فيا لاند ومنطقة جامع أيوب ومقهى بير لوتي اليوم السادس : يوم حر للتسوق وشراء الهدايا (انصحك في السوق المصري والبازارات الشعبية بازار الجمعة وبازار بشكتاش ) وإذا لكم في الماركات أوت ليت أوليفيوم أفضل شي وأسعاره مناسبة لي تعليق صغير على جواهر مول أنا شخصياً أحبه بالرغم إنه عادي بس كمول متكامل وأسعاره مناسبة للشراء وغير كده أغلب ماركاته تركية بالنسبة لمطعم نصرت في مطعم ذا ماركت في أورتاكوي نفس فكرة نصرت بس أسعار أقل بشوي إذا احتجت أي استفسار أو مساعدة أنا جاهزة |
مشكوره اختي ما قصرتي |
الله يجزاكم خيرا الاستقلال وتقسيم مانبيها وغريبه مافيه جزيرة الاميرات انابنزل لكم جدول من شركة اتفقنا معها بس افكر ان الغي صبنجا احس ايام اسطنبول قليله واناابي اشوف كل شي :) جدولهم مافيه الاكواريوم ولاحدائق مع ان وقتنا توليب احتاج رايكم الله يسعدكم ماتقصرون معي Imgur: The most awesome images on the Internet شركة موصي عليها المستشار التركي طه بسنابه |
اليوم السابع مثلا نخليه حديقه جولهانه التاسع. جزيرة الاميرات ومدري وش الاقرب ونخليه معها العاشر المفروض صبنجا بس ودي الغيه واروح الاكواريوم وحديقة البلدية نفس جدولك فتاك الدمى |
اقتباس:
اوك اذا ماتبي الاستقلال وتقسيم انطلق الى ميني تورك وحديقة اميرجان وفي مطعم هناك اطلالته جميلة اتغدوا فيه وبعدها ممكن تجلسوا في مادو اطلالة ده الفرع جدا مميزة ع البسفور حيرتنا في جزر الاميرات ماشملتها لانه متردد فيها بسبب الاراء المختلفة حولها انا اشوف تستحق الزيارة لمرة وحدة بس اقتباس:
جدولهم اوك بس اليوم التاسع مثل ماقلت بدله بالاكواريوم ومنطقة فلوريا راح تعجبكم المنطقة ممكن السابع تخلوه حديقة جولهانة سبانجا ومعشوقيه روحها وارجع بنفس اليوم حلو الشلال والبحيرة ولكن هذا الخيار خلوه بعد بورصا تقدرون تقرروا هل اكتفيتوا طبيعة او لا تمنياتي لكم برحلة ممتعة |
ماقصرتي ربي يجزاك الجنه انتي ومن ساعدني هنا وباذن الله تكون سفريتنا شامله كل شي |
| الساعة الآن 02:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO