شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة فرنسا (https://www.arabtrvl.com/vb/f147.html)
-   -   الريفيرا الفرنسية (https://www.arabtrvl.com/vb/t12240.html)

فارس من خيال 16-11-2015 02:12 PM

اشم ريحة العطور الفرنسية من الرياض يازين فرنسا وغراس
جزئين رائعين غراس وكان تستحق الزيارة تسلم اياديك اموون
وماشاء الصور جميلة جدا وصافية >> احترفتي التصوير
يعطيك العافية لا زلنا متابعين

الايمان 16-11-2015 10:47 PM

اقتباس:

المشاركة الأصلية كتبت بواسطة ابوتالين (المشاركة 173314)
ابداع في السرد والتقاطات الصورة أجمل


وجودك ومشاركتك بالتقرير هي الاجمل


Sent from my iPhone using Tapatalk

الايمان 17-11-2015 08:46 AM

اقتباس:

المشاركة الأصلية كتبت بواسطة fanda (المشاركة 173484)
مصنع العطور يستحق الزيارة
توقيتكم حلو انه لحقتوا على مهرجان كان
عليج بالعافية المشتريات وناطرين المفاجئة


اختيارنا للوقت وايد حلو الجو بارد ومافي زحمه ومهرجان
ان شاءالله قرب يوم المفاجأه


Sent from my iPhone using Tapatalk

الايمان 17-11-2015 08:48 AM

اقتباس:

المشاركة الأصلية كتبت بواسطة q8ya metnaqla (المشاركة 173463)
ياسلاااام شنو هالتقرير الحلو عن الريفيرا
تسلم ايدج امووون
هههههههه ردينا على القهوه شكرًا عالاهداء ☕️
ياأختي تخيل من اشرب قهوه انام ���� وما تعجبني لانها ماتسحن الچبد ������مثل اللي قلبي يحبه
لاتقلبين المواجع اموووون������������
مصنع العطووور عجيييب وصور نيس وايد حلوه والفندق ممتاز ��������
چان نطرتي الممثلين صورتي جم واحد
انا راضية بطراد ماابي يخت وراضية بغرفه ماابي شقه 😖💔
عليكم بالعافيه وناطرين مفاجأة راشد ( يمكن يوديج مطعم مثل مطعم رامسي ) ������

بهديج القهوة لما تحبينها

بس شفت صورة ذكرتج وحقدت عليه:(7):
المصنع روعه شي مايتطوف
الله يرزقنا بيخت ونتمشى فيه عند المارينا
بتنصدمين اذا عرفتي مفاجأه راشد:(34):

الايمان 17-11-2015 08:55 AM

اقتباس:

المشاركة الأصلية كتبت بواسطة توبليرون (المشاركة 173711)
روووعه اموون الصور المليونيريه
لان المكان لاغنياء العالم
ياحلات اليخووووت وخاصه اللي فيهم طاولة الاكل واللي فيه بعد حمام سباحة
والمهرجان حلوو بس ما صورتي لنا الممثلين
ما شفتي بروس ويليس ؟؟
عليكم بالعافيه المكان كله حلووو والاكل شكله لذيذ
غير الحلويات والكريب شوقتينا
بالعافيه مشتراج من شانيل
بس انزين شنو شريتي من شانيل ؟؟
وننطر المفاجأة معاج

يازين اليخوت ام حسين كان ودي اصور اكثر لكن الحراس وايد واستحيت
الممثلين لهم وقت يطلعون فيه ويسكرون الشارع وتصير زخمة وايد وانتي عارفه اللي خبرج مايحب هالسوالف:yolks00800:
كل شي بالريفيرا حلو اكلهم وجوهم وحلوهم

شريت بروش من شانيل وكنت بصور لكن البياعه النحيسة قالت ممنوع

هههههههههههه نطري المفاجأه

الايمان 17-11-2015 09:19 AM

صباح / مساء المفاجأة:(89):
ان شاءالله بكمل معاكم الجزء الرابع لليوم الرابع من رحلتنا
هذا اليوم كنت متحمسه وايد لانه بنروح الى مونت كارلو
وزوجي من الكويت قايللي بسويلي مفاجأة في مونت كارلو
نبذة بسيطة عن مونت كارلو
مونت كارلو أو مونتي كارلو (بالفرنسية:Monte Carlo) هي إحدى المناطق الإدارية الموجودة في إمارة موناكو على ساحل البحر المتوسط.[1] العاصمة الرسمية لموناكو هي موناكو فيل "Monaco-Ville".
تعتبر مونت كارلو واحدة من أهم وأفخم المنتجعات السياحية العالمية. وتشتهر مونت كارلو بكازينوهاتها الشهيرة، كما تعرف بالمقامرة وكذلك بالحياة المترفة، وتوافد الأثرياء والمشاهير إليها من أماكن مختلفة حول العالم.
يقدر عدد السكان المقيمين بشكل مستمر في دائرة "حي" مونتي كارلو بنحو 3500 نسمة. مونت كارلو لاتحوي فقط الكازينو الكبير "كازينو مونتي كارلو" ولكن تحوي أحياء مثل سان ميشيل وسان رومان إضافة للارفوتو تيرانو.
تأسست مونت كارلو في العام 1866 ومعنى الاسم بالإيطالية "جبل كارلو" والذي سمي تيمنا باسم شارل الثالث أمير موناكو بين عامي 1856 - 1889. والجبل يقع على حافة سلسلة جبال الألب البحرية حيث تقع المدينة.
تعتبر مونت كارلو مقر جميع مراحل سباقات حلبة موناكو "Circuit de Monaco"، حيث تقام سباقات الفورملا ون لجائزة موناكو الكبرى، كذلك رالي مونتي كارلو الذي يعتبر أولى السباقات السنوية للراليات العالمية. كما تستضيف المدينة كذلك مباريات دولية في الملاكمة وكذلك بطولات مونتي كارلو للماسترز وبطولات جولة البوكر الأوروبية، إضافة لعروض أزياء ونشاطات أخرى.
مربع مونت كارلو الإداري كان مربوطا بشبكة ترام مدينة نيس الفرنسية بين عامي 1900 حتى 1953.
المصدر ويكيبيريا

************************************************** **


كالعادة الصبح لازم أطل من البلكونه وأشيك على الجو
وانصدمت الجو كان برد وايد ومطر وغيم
لو هالاجواء بالكويت كان فرحت لكن اليوم بالذات ورانا رحلة طويلة لمونت كارلو
ومثل ماذكرت بالمقدمة مونت كارلو منطقة جبليه تقع في جبال الالب
وهذا المنظر من البلكونه
لاحظوا مافي احد بالشارع
*
ماطلبنا الفطور بالبلكونه نزلنا تحت نتريق
*
*
*
*
*


الايمان 17-11-2015 09:31 AM

بعد الفطور قررنا نمشي على المخطط
وان شاءالله يوقف المطر
توكلنا على الله ورحنا مونت كارلو
صور من الطريق الجبلي الرووووعه
*
قرى صغيره بالطريق في جبال الالب:yolks00310:
*
*
*
شوفوا الارتفاع اللي وصلنا له شي يخوع ومن المطر الشوارع
كلها ماي
*
*
*
*
*
*
أخيراااااااااا بينت مونت كارلو:(89)::(89):
لاحظوا شلون انها جبليه وبيوتها مبنية على الجبال
وقربت المفاجأه :(127)::(127)::(127):
*
*

الايمان 17-11-2015 10:11 AM

الحمدلله وصلنا بعد الرحلة الجبلية الجميلة والمتعبه بنفس الوقت
وعلى طول زوجي راح يسأل وانا موعارفه شنو اللي يدور عليه
طلعت المفاجأه تذكرتين
formula 1
بصراحه عمري ماتابعتهم ولاشفتهم
ولكن زوجي له اهتمامات بهذا السباق ويعرف المشتركين فيه
لكن تجربه جديدة بشوفها
*
زاد المطر واااايد ورحنا نشتري شمسية
*
ولما رحنا حلبة السباق
حطونا كلنا في مكان واحد مظلل عن المطر وقالولنا في حادث :yolks00800::yolks00800::yolks00800:
ومسكرين الحلبة كلها
وطلعونا لغايه مايسعفون اللي بالحادث
*
خلال هذه الفتره طلعنا ورحنا ندور على مطعم نتغدا
*
وزااااااااااد المطر
*
بيتزا مكعبات ضيافة من المطعم
*
*
*
*
حان موعد السباق ورجعنا للحلبه مرة ثانية
لكن المطر ماوقف
اخترنا مكان مظلل لانه غرقنا من المطر
يجهزون نفسهم للسباق
*
*
*
*
السباق روووعه وصوت السيارات وايد عالي
وفجأه صار حادث ثاني
الظاهر من المطر السيارات تزلق ويتداعمون
وطلبوا الاسعاف والدكتور :yolks00400::yolks00400:
*
*
*
*
*
للاسف وقفوا السباق وطلعونا كلنا

الايمان 17-11-2015 10:26 AM

بعد ماطلعونا من السباق بسبب الحادث
رحنا ندور على كافيه

http://www.arabtrvl.com/up/uploads/a...7580380832.jpg

*
*
وانا بالكافيه شفت جيب بورش كايين تاكسي
صورته وديزت الصوره لاختي بالكويت وقلت لها شوفي سيارتج تاكسي في مونت كارلو:yolks00250:
*
وبعدها رحنا للمول الوحيد في مونت كارلو
*
*
*
*
وبصراحه الجو وايد مطر وبرد مايساعد على المشي
قررنا نرجع نيس ونتعشا في القرى الصغيره اللي شفناها بالطريق


الايمان 17-11-2015 10:47 AM

بالطريق الى القرية
*
*
*
*
*
*
وصلنا القرية واخترنا مطعم مطل على جبال الالب
قرية هادية وجميلة
*
*
المطعم من الخارج
*
اخترنا الطاوله اللي على الزاوية
*
*
المنظر من المطعم روووووووعه
*
*
*
*
ابرار الستيك مثل ماتحبينه :(111)::(111)::(111):
وطلع لنا صاحب المطعم اصله فرنسي وسألنا انتو من وين ؟؟؟
وقلنا له احنا من الكويت
وكان حبوب واااايد ورحب فينا
وقالنا انهم مشهورين بالكريم كاراميل
شي لذييييييييييييذ
*
ولازم القهوة
*
الفاتورة
بدا الجو يتغيير وزاد الهوا والمطر
*
*
*
أحلى وأجمل غروب
وانتهى يومنا الرابع
وان شاءالله الجزء القادم راح يكون الجزء الاخير


الساعة الآن 04:45 AM

Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO