|
محتاج جدول شهر عسل للندن وماجاورها من دول اوروبا (14 يوم) اول شي الف مبروك ثاني شي تبي تجمع اكثر من مدن ب يوم زحمة ويحتاج ميزانية اقترح تخليها باريس و لندن مثلا خمس ليالي باريس شاملة يوروديزني وبالقطار الى لندن تجلس فيها سبع ليالي وبعدها مانشستر ثلاثة ليالي من مانشستر تقدر تطلع للبحيرات تقريبا ساعتين بالقطار تطلع ليفربول تطلع بلاكبول يعني خل الذهاب باريس و العودة مانشستر Sent from my iPad using Tapatalk |
اقتباس:
هلا ابو عبدالله.. الله يبارك فيك ويسمع منك يارب.. أشكرك. افتني كثير في موضوع وموقع الطيران الاقتصادي.. يمديني على اساسها ابني قراراتي.. خاصة انها كذا وجهه.. تسلم حبيبي وماقصرت .. |
اقتباس:
ماشاء الله تبارك الله .. احرجتني يارجال بتعاونك الله يسعدك.. انا من النوع الي اتوه اذا تعددت الخيارات قدامي.. فما بالك لمن تكون كذا دولة وكذا فندق خخخخ. طيب بسألك كم سؤال لاهنت.. اختيارك للفنادق كان على اساس شيء معين مثلا (قرب من مترو او مطار او بعض الاماكن السياحية) عشان لو فكرت اغير الفندق لظرف ما، يصير اختار فندق قريب منه. وبالنسبة لـ 15,000 ريال كمصروف جيب، ماتعتبر كثيرة؟ ولا هي تعتمد من شخص لآخر. وبيض الله وجهك.. وماقصرت وردك هذا راح يكون مرجع لي اكيد :) |
اقتباس:
يستحق والله بجدارة ماشاء الله عليه.. طرحت الموضوع في كذا منتدى .. وللامانة محد اتفاعل مع الموضوع كثر هالمنتدى.. |
اقتباس:
اقتراحك في محله، خاصة انه الدنيا وقتها زحمة.. لكن هل فيه برامج سياحية تكفي لـ: 7 ليالي في لندن و5 ليالي في باريس اقصد مو كثيرة وتحتاج لتوزيع.. ولا يتهيألي انا ماعندي خلفية صراحة فيها، لكن حاب استغل كل الوقت ان امكن.. شاكرا لك منيره.. |
والله يابوسعد انك عن 100 عضو وبدون مجامله اقف وارفع القبعه احترام واجلالاً لك لما تقدمه من مساعدات وتخطيط كامل للاعضاء الله يجزاك خير اخوي علاء اذا دخل مشرفنا القطري في موضوع انسى وتطمن باذن الله ماراح يخيب امآلك ماشاء الله عليه راعي سفر وخبرات قله من يمتلك مثل افكاره طبعا مازود عن رأي الاخوان في اقتراحاتهم ومخططاتهم وانا كمان بشارك برأي وانت خطط واختار براحتك ومن الحين عندك وقت تقدر تقرر وانصحك من الحين واول شي تسويه تقص التذاكر عشان الاسعار بتكون مناسبه جدا في هالوقت وكمان عندك 9 اشهر تقدر تجمع ميزانيه تكفيكم للرحله والتذاكر تكون انتهيت منها وكل ماتتاخر اعرف ان سعرها بيزيد يمكن 30-40-50-% وكل ماتتاخر كل مازاد السعر وكمان ماتلقى حجز في الوقت المناسب واضف على ذلك حجز الفنادق كل مايقترب الموسم ترتفع الاسعار احيانا للضعف وانت فكر واحسبها صح اذا كنت ناوي ع السفر خلاص حاول تنهي موضوع التذاكر والفنادق وحاول تكون الفنادق يكون الحجز فيه الغاء مجاني اما اقتراحي لمخطط الرحله 5-6 ايام تكفي لندن ومنها تزور مانشستر... 3 ليالي باريس.... و3ليالي جنيف ومنها تزور الجنوب الفرنسي.... او تخليها 5 ليالي ومنها 3 ايام في انترلاكن واخر يومين في جنيف يعني ايام الرحله يا 12 يوم او 14 يوم انت حدد وممكن تزود وممكن تنقص يكون ذهابك على لندن والعوده من جنيف خيارات الطيران - السعودية -الاتحاد - الاماراتيه-القطريه-التركيه-المصريه شف افضل سعر وقص التذكره بدون تردد الميزانيه وما ادراك مالميزانية هيا تعتمد ع الشخص وكيف راح يصرف وانصحك ادخل ع هالموضوع واقراء الصفحات الاولى وراح تستفيد من تجارب الاعضاء في كيفية الصرف http://www.arabtrvl.com/vb/t12556.html وكمان فيه موضوع ثاني http://www.arabtrvl.com/vb/t2981.html انا انصحك لو قصيت التذاكر من الحين وحجزت الفنادق 20 الف راح تكفيك كمصروف يومي وللمواصلات وتذاكر الدخول للاماكن السياحية والاكل والشرب واخير اتمنى لك رحله سعيده وممتعه ياعريس والف الف :(6):مقدما اللهم بارك لهم واجمع بينهم على خير |
اقتباس:
اقتباس:
الف شكر لكم على كلامكم الطيب جزاكم الله خير واكيد اخوي شخص ثاني ماشاء الله مبدع وانت اخوي علاء ان شاء الله تستاهل كل خير وبالعكس ماسويت شي الكثير نفسي واكثر مني يحاولون يفيدون الناس بقدر استطاعتهم اللهم لك الحمد |
اقتباس:
مرحبااا مشرفنا الغالي ياخي تحرجني بكلامك الجميل نفسك والله ماعليك زود ولا الباقي قصور وجزاك بمثله يا الغالي :(125): اقتراحك ممتاز جدا وينفع لشهر العسل يا عسل بس طويل اشوي يبغيله ايام اكثر انا مخططي بعد احسه اشوي طويل على عدد ايامه هههههههه بس لان معرس جديد ويبغي يزور كذا دوله ومابغيت احصره في مكان واحد او اثنين والاكنت بخطط لباريس ولندن فقط بس اقتراحك ممتاز وفيها تنوع وخاصه الجنوب الفرنسي بصراحه ممتاز جدا عسك على القوه يا الغالي |
اقتباس:
ياهلا ومرحبا فيك اخوي علاء منور المنتدى ونكون سعداء بتواجدك معانا والكل ماراح يقصر معك فيهم الخير والبركه ان شاء الله بالنسبه للمصروف 15000 ممتاز جدا وهالمبلغ يمكن يطفيك ويمكن يزيد طبعا لازم تحط معك زياده احتياط مب شرط المبلغ المتوفر هو الي لازم تصرفه بالنسبه لأختيار الفنادق على حسب الشخص وحسب الميزانيه لها كذا اعتبار عندي منها اذا كانت البلاد فنادقها با الاصل غاليه الاعتبار الاول يكون للنظافه والسعر وليس المكان لكن ايضا المكان مهم اذا بمكان الفنادق اسعارها اقل راح تكون للنظافه وموقعها ومحطات المترو وامور واعتبارات كثيره راح اعطيك مميزات كل فندق ان شا الله اذا تبغي مخطط اخف ونفس اقتراح مشرفتنا منيره وجزء من اقتراح مشرفنا فارس انك تنزل على مطار مانشستر ومنها للبحيرات وبعدها لندن واخيرا باريس لك الخيار في الاختيار قرر عشان نلخص لك الجدول ونتكلم في باقي الامور بالتوفيق ان شاء الله |
اقتباس:
اقتباس:
اولا: الله يبارك في عمرك يالفارس.. والله يسمع منك يارب.. وعقبال من تحب.. والشكر لكم جميعا على تعاونكم وتجاوبكم الفعال معي. واعتذر عن تأخري في التعقيب على ردودكم لانشغالي.. تقريبا تقريبا بانت الوجهة الوجهات الاساسية بشكل عام بعد افادتكم والقراءة.. وهي: لندن - باريس - جنيف 5 - 5 - 4 أيام على التوالي تتخللها بعض الزيارات الفرعية: البحيرات مع لندن. ديزني لاند مع باريس انترلاكن مع جنيف * انا ماودي اكثر في التفرعات، حتى ما احس اني جالس اجري طول الرحلة عشان الحق كل شيء.. عشان كذا اخترت وجهة فرعية لكل وجهة أساسية.. فتصير 6 وجهات.. اذا كان التوزيع سليم فجدا ممتاز.. او لا .. فما نستغني عن اقتراحاتكم.. بالنسبة لموضوع تجارب الاعضاء في الميزانية، فجدا فادني الله يعطيك العافية.. وكتبتلي شوية توصيات منها.. شكرا لكم جميعا من القلب :) |
| الساعة الآن 07:10 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO