|
تقبل الله طاعاتكم إن شاء الله ربنا يرزقنا زيارة الأراضي المقدسة سردك جميل جدا وسلس ما شاء الله [emoji106] sent from Galaxy Note 5 using Tabatalk |
اقتباس:
اللهم آمين يرزقكم ويرزقنا مكة لا تمل شكراا لاعجابك من ذوقك وتسلم يارب اسعدني مرورك العطر وتابعنا للآخير |
الحمد لله ع السلامة ع وصولكم الطائف طيران ناس اقتصادي ولاباس فيه مقبول للرحلات القصيره انا اخذ تذاكري منه مجاني وكم مره طلعت عليه اكل الطيارة ماعجبني وكلش بفلوس اما المبيعات اعتقد نفس اللي في الخطوط السعودية ونفس السعر تقريبا مع اختلاف شوي في بعض المعروضات السعوديين لمن ينزلو مايبصمون وشلون نبصم في ديرتنا ههههههههههه يمكن يقصدكم اذا اول مره تدخلون للسعوديه وماقد اخذو لكم بصمه حلو مبلغ التاكسي السعر مناسب جدا تقرير جميل ورائع والصور اروع والطائف اجواءه حلوه خاصة بالصيف يعطيك العافية ولسى متابعين معاك |
ياحياتي ياام حسين والله ان سردك حلو والتفاصيل احلا واحلا اما ابو حسين يقعد بجنب الشباك ظلم:13: لكن الحمدلله صورتي لنا والله تقييمك لناس كويس بحكم انه اقتصادي لكن الثلاثه ريال :24: وتنظيم المطار ممتاز ويحسب لهم اتوقع ملعب الشرايع ننتظرك:e306: |
يعطيج العافية أم حسون على الجزء الروووعة وصور الجو وعلى تقييمج للطيران جربتها سابقا وكانت الحمدالله منتظمة بالوقت متاااابعين أحلى صور للحرم |
عمرة مقبولة ي الغالية والحمدلله ع سلامتكم اهم شيء انبسطتوا .. والله حتى انا خاطري اعتمررررررر بقوة الله يكتب لنا عمرة قريبة .. متابعينك |
اجواء طايف عجيبه سبحان الله حلو الغروب :e449: اذكر لين نزلنا الميقات طلعولنا شواذي بالطريج لوول :e528: حلو سعر التاكسي تعالي بس شوفي بالحج لو انتي ع بعد ١٠ دقايق من الحرم عادي يقولج اوصلج ب ١٠٠٠ ريال وو اذا لقيتي ب١٥٠ ريال زين :59: استغلال مو طبيعي حق الحجاج |
ماشاء الله عليكي ام حسين بجد سردك جميل وشيق طيران ناس صراحة ماتوقعت انه كدا (مو سئ ) اما الشنط والله انها فكرة ونحنا بعد تلاقينا عند السير كل ماعدت شنطة نسأل بعض ها حقنا هذة طيب هذة وبعد ماتبعد الشنطة نتأكد انها لنا ونجلس نركض ورآها 😂 موضوع التاكسي والتنظيم خطوة حلوة منهم 👍🏼 ام حسين بجد مستمتعين بالتقرير وننتظر الباقي |
تقبل الله منا ومنكم صالح الأعمال عمرة مقبولة باذن الله التاكسي جابكم من طريق الهدا (الجبل) او من الطريق السريع (السيل) في انتظار تفاصيل وصولكم مكة المكرمة |
عمرة مقبولة لكم جميعاً ما شاء الله يادوب لحقت على التقرير و اعتذر عن تأخري ما انتبهت أي تقرير تكتبه أم حسين تطير الصفحات بسرعة رهيبة اختياركم للطايف موفق جداً لأن المطار ما عليه زحمة و منظم و سعر التاكسي حلو برضه خلكم عليه أفضل من جدة لأنها زحمة حالياً بسبب المشاريع متابعين معاك |
شفت الساعة وفز القلب .. ما احلى وصول مكة .. شي لا يمكن وصفه ولا شيء يعادله ... لحظات حلوة عشناها معك بسرد مفصل وقريب .. طيران ناس ماعليه مشكلة حسب وصفك ... حلوة اجواء الغروب في الطائف والمدينة مميزة بجوها وطبيعتها الخلابة... القادم اجمل "بيت الله العتيق"... |
عمره مقبوله ان شاء الله بانتظار باقي التقرير |
مستمتعين بالأجواء اما الطيران ما أفكر في اي طيران غير المحلي ما حبيت الكراسي لانها جلد اما سالفة الدريشه هاي من البيت و ضرابه منو ييلس عدالها متابعين |
وناسه يا ام حسين :e01d: الطيارة عشق وغرام وين ما تروح لو تطقني فرة بالسماء وترجعني وناسة فما بالك لو تكون لبيت الله:e32b: احنا الدريشة هواش عليها انا والعيال من قبل اختيار الكراسي ودايما اقص عليهم بالرحلات القصيرة الترانزيت وانا اخذ الرحلة الطويله عشان اجكجك عدل عند الوصول وياويله اللي يقعد منهم يم الدريشة وما يصورلي صورة زينة وحلوة:72: خخخخخخخخخ متابعين وياك اشتقت للطايف والله والجو الحلو والمندي والناس الطيبة عادة نروح له بسيارتنا الخاصة اخييييييه على صورة السوق فز قلبي احب التسوق عندي صور لتقرير من سنة 2008 وللحين ما فضيت انزله :12: |
الله عليك يا ام حسين وعلى جمال تقريرك وجمال رحلتك لبيت الله الحمد لله على سلامة وصولكم لمكه...انا بصراحه اخاف من السواقين من مكه للمدينه او العكس لانهم بيسرعو بشكل جنوني.والله بعمرة 2013 قربت اموت بالسياره دخت وصار في حاله والحمد لله اجمل منظر تراه العين عند الاشراف على مكه هي الساعه ولا يفوقه جمالا الا رؤية الكعبه المشرفه..وانا منتظرة تحكي لنا على دخولك للمسجد وقوفك امام الكعبه ..... |
اقتباس:
حلو الطيران اقتصادي حليووو الاكل أكيد بفلوس بس اشوف اسعارهم زينة وبالمستوى زوين كأنه كافيه على الطريق استراحة يعني خخخخ خوووش ببلاش أكيد شي حلوو جذيه باكل ببوفيه المطار :29: عليك بالعافية مستر فارس اهااا البصمة اعتقد عمرتنا السابقة اخذو البصمة ذكروني العيال وبعدها كم مره ندخل المملكة بسيارة للبحرين او الخفجي بالبطاقه المدنية يعني خلاص ملفنا عندكم :62: شكراا للمرور الحلوو |
اقتباس:
شفتي اشلون عقب ما طارت الطيارة يقول لي تعالي ام حسين هني قلت له لا مابي ههههه "شعقبه والله " بس لما قام قعدت مكانهم لأن مابي اسد الطريق لما بيون يدخلون مكانهم وصورت عاد لكم بالأخير التنظيم ممتاز نفس اللي باثينا التنظيم كل سايق بسيارته ولما ينادي عليه المراقب ايي الملعب مادري بوحسين والسايق قالو الوحدة ان شاءالله يعلمونا اهل مكة:35: شكراا لمرورج الحلووو وتابعي معانا |
اقتباس:
اي والله بالوقت صح مافي تأخير وما شاءالله الموظفين بمطار الطايف وايد مرتبين ومتعاونين يمكن لانهم مرتاحين مافي زحمة ان شاءالله بيكون الجزء الياي الأحلى طبعا لصور الكعبه والحرم تسلمين على المتابعه الحلووة |
اقتباس:
العمرة حلووة والله يكتبها لج ان شاءالله تشرفني متابعتج الحلووة شكراا لج لمرورج العطر |
اقتباس:
اي والله المنظر عجييب بالطبيعه احلى بس من ورا الدريشة ما طلعت عدله ما شفنا شي ظلمة طول الطريج ظلمة وانا اقول وين الشواذي ما شفنا شي اي التاكسي وايد عجبني واذكر السفيرة كانت كاتبه 300 ريال فقلت لبوحسين ترى التاكسي ب300 بس يمكن سيارتهم أكبر لان احنا سيارة كامري حق اربع اشخاص اي الحج الكل يشتغل سواقين تكاسي وايد شفنا لما نطلع من غير باص الحملة شكراا للمتابعة الحلوه |
اقتباس:
الحمدلله طيران ناس حلوو والمضيفين وايد على مستوى اي خلاص بعتمدها تصوير الشنط ومره حطيت شرايط والحمدلله ومرات نحط التعليقة اللي فيها شكل كلها تبي تصوير الشنط لان يمكن تنسين الشكل بعد كم ساعه من السفر ضحكتيني على موقف الشنط كلنا جذيه وتلاقين بوحسين يعصب علينا ههههه ماتعرفون شناطكم لان اهو ماله خص بالشناط ابدااا ويهاوش هههه يعطيج العافيه على المتابعة الجميله |
اقتباس:
التاكسي ودانا من طريق السيل طريق سريع ركبنا السيارة الساعه 5،45 تقريبا طلعنا من المسجد الطايف الساعه 6،10 مساءا ووصلنا الساعه 7،25 هذا كله من الصور اللي بالايفون الوقت والمكان مسجل فوق الصوره اشكرك للمتابعة وانتظر القادم باجر ان شاءالله انزله لكم |
اقتباس:
اختيار حلو للطايف وتجربه له المطار صغير وسرعة انهاء الدخول وحتى مطار جدة اخر مره نزلنا مطار صغير بس طبعا اكبر من مطار الطايف بشويه اما اذا مشاريع لا خلينا على الطايف والسعر والتنظيم عجبني اشوه اني ما نسيت سعر التاكسي لأن بسفرة تركيا سويت ازمة بسعر التاكسي من المطار للفندق :17: فقمت أحفظ السعر للتكاسي :7: تشرفني متابعتك يا مدير |
اقتباس:
الطايف مثل ما شفتي ما يمدي نشوف شي صار الغروب على نزولنا وبعدين الطريق كله ظلمه ياحلو المدينة ان شاءالله ارجع لها رحت لها من زمان متابعتج تسعدني يا الغلا |
اقتباس:
ان شاءالله يكون على قد المستوى المطلوب شكراا لك تسعدني متابعتك |
اقتباس:
الاجواء تحلى بتواجدكم بالتقرير احنا ما نحصل اذا بنفس الايام اي والله بس من الجلد الخفيف مو اللي يبط الجبد ويزلق لا الدريشة يعرفون اني ابيها بس ساعات من سبق لبق تسعدني متابعتج |
اقتباس:
الحمدلله انها هالمرة لمكة وتعمرنا اما الدريشه زين تسوين بس انا ما اخليهم اقول لهم ريلي بمدها من جهة الشباك لان تحت يصير اوسع هههه قاصه عليهم ريولي تعورني بس حجة وحاجة علشان التصوير :39: بعد ما يتحجون خخخخ الصور حلوه من فوق فلازم اللي بيصور يقعد عند الدريشه عليكم بالعافيه يا قصتنا المندي والوناسه لازم تحطين الصور خلينا نشوف ودي اروح بالسيارة بس تعب ودايما تصير الاجازة قصيرة مايمدي للسفر تسعدني متابعتج يا الغاليه |
اقتباس:
الله يسلمج ومن تحبين اي والله واحنا بوحسين ما يخلي السايق يسرع ويقعد يسولف معاه علشان يلهيه وما يسرع ودايما عينه على العداد يقول لهم ما ورانا شي لا تسرع واخر مره بغينا نروح فيها وعصب بوحسين على السايق ولد شباب وطاير والثاني غلط من سياره ثانيه مسرع بغى يقلبنا الحمدلله عدت على خير أكيد أحلى شي شوفة الكعبه تشرفني مشاركاتج الجميله من ذوقك تسعدني هالمتابعه |
اقتباس:
اهل مكة ادرى بشعابها مادام قال الوحدة يعني الوحدة:e219: |
اقتباس:
لازم أهل مكة هني يعلمونا الصح لأن السايق من الطايف مو من أهل مكة ....وبعد بوحسين أكد المعلومة خبير كرة هههه |
توني جاي بدخل دوانية الكويت ابقول وين تقرير مكة يا ام حسين وفجأة احصل التقرير نازل من اسبوع :(158): شلون ما انتبهت له ما ادري :dunno: الف الحمدلله على السلامة وعمرة مقبوله طيران ناس جيد من تجربة في عدة رحلات .. مواعيدهم حلوة وتعاملهم طيب وفي النهاية هو طيران اقتصادي . بخصوص الدريشة ما اعرفها ولا احب اطل معها لان معي فوبيا الاماكن المرتفعه .. ام عبدالعزيز مبسوطة عالفوبيا ولا فكرت تقول لي عالج وكل الوقت على الدريشة هههههه فكرة مطار الطائف حلوة وماشاء الله بسرعة خلصتوا اجراءاتكم حتى سعر التاكسي مناسب جدًا .. لحظات الغروب حلوة في الطائف http://www.arabtrvl.com/up/uploads/a...9590933872.jpg كلنا نشوق لباقي التقرير .. |
وعليكم السلام ورحمه الله وبركاته تقبل الله ام حسين الفندق قريب وحلو يعجبني ابوحسين قرارات سريعه ناس تطور كثير اسعار المنيو مره مناسبه قلبك كبير يوم حللتيها مطار الطائف أسهل من جده وأشرح |
[COLOR="Navy"][FONT="Simplified Arabic"][SIZE="5"] اقتباس:
وتقبل منا ومنكم صالح الدعاء اي صحيح المواعيد مضبوطه وانا عجبتني الطياره لا بأس فيها الدريشه والفوبيا مو اللي عندي بعد فيه فوبيا بس من وقت الأقلاع والهبوط بس نستقر في الجو يصير عادي الحمدلله انه تحرك وقعدت مكانه لأني ما اتحرك بالطياره لووو شنو مطار الطائف حلوو لأني أحب الاجرائات السريعه والمطارات الصغيره ماعليها زحمة التقرير ازدان بمرورك ومشاركاتك ربي يسعدك اخوي بوعبدالعزيز شكراا لك |
اقتباس:
وتقبل الله منا ومنكم صالح الأعمال الفندق قريب وحليوو بس ما يستاهل خمس نجوم ابوحسين قرارات سريعه بس على المزاج المنيو صحيح مناسب ولا استغلوا الوضع ان مافي الا هم حللتها تسلم بوخالد من ذوقك اي والله سهاله بسرعه خلصنا نورت تقريري يابو خالد حياك |
العرب المسافرون _ الحرمين الشريفين http://www.arabtrvl.com/vb/images/Sm...sel/jfvjhb.jpg اشلونكم اخواني خواتي الحلوين بس اللي يدشون على التقرير اهم الحلوين اللي ما يدش جيكر :29::29: نكمل معاكم ادري طولت عليكم بس سامحوني وصلنا مكة وقال سايق التاكسي ان مانقدر ننزل النفق لبوابة الفندق لأن الحين وقت صلاة العشاء والشرطة تسكر الطريق انا راح انزلكم قريب ....اخترعنا قلنا لايكون بعيد قال لا لا قريب ان شاءالله شوفو وين وقفنا مسافة 100 متر تقريبا او اقل العالم تصلي واللي نشوفهم يدل على الزحمة الحقيقة نزلنا جناطنا ويريناهم انا والبنات ويوحسين يحاسب السايق ومشينا والا اللي يناديني :ام حسين عطيني الجنطة قلت له :خلها عادي خفيفة قال :لا لا مابي اتعبج :e327: الله يخليه لي سحبها وراح جدامنا ودشينا بين المصلين للباب ودخلنا على السوق ومنها بالاصنصير لطابق الريسبشن للفندق قعدات اللوبي اللي تطل على السوق اساسا http://www.arabtrvl.com/up/uploads/a...9668601295.jpg ممر بين استقبال الفنادق يدخلنا على بعض صور كثيرة لمساجد اسلامية في الممرات هذا مسجد بتركيا ندخل الغرفة على يميني تكرمون باب الحمام وعلى يساري هذا المطبخ التحضيري صورته لكم من اخر الممر الصغير ثلاجة وكبت مواعين ومغسلة وادوات الشاي مع سخان كهربائي للماي ندخل تكرمون الحمام الصغير المغسلة ومقابلها الافرنجي أدوات النظافة استشوار وهذه صورة الفوط تشوفون من الصورة اشلون الحمام صغير وهذه السراير الطبيعية لمقاس الغرفة هذا بالخزانة التجوري ونكمل تصوير الغرفة بعد ادائنا للعمرة لوحة غرفتنا على الكوميدينو وهذا السرير الرابع حاطينه عند باب الكونكتد والثالث شايفينه بالمراية موجود عند الخزانة مدعسين الاربع سراير بالغرفة ام سريرين واضح هني بالغصب اصور وهذا الكورنر لميز التواليت وطاولة صغيرة وكرسيين وبعد التصوير وبعد ما سمعنا كلام موظف الأستقبال ان الحين زحمة روحوا على الساعة 12 بيكون خفيف ان شاءالله قلنا اوكي خل نروح نتعشى والبنات يبون البيك بنذوقه يعني وقلنا يلا انا اذكر انه خلف فندق التوحيد ورحنا وبوحسين يسأله بالطريج وشفنا واحد معاه اكياس البيك والطازج كان كلش قريب من التوحيد سأله بوحسين عن البيك دلانا وقال ليش تروحون دقوا علي تلفون وانا اوصل لكم للفندق قلنا صج بس الحين وصلنا بس أخذنا رقمه وخزنته عندي الظاهر الاسيوين ما يعطلون تجار بالفطرة :14: وايد كانو جذيه يوصلون للفنادق بالباطن ابراج جديدة تبنى والحرم صار ورانا المطاعم في مكان مادري نسيت اسمه اعتقد فندق بعد بس الدور الرابع كله مطاعم من ضمنهم البيك والطازج وكنتاكي رحنا لقينا الطازج المكان زحمة ما قدرت اصور البيك اللي طابور النساء اطول من طابور الرجال الطويل بعد وأحنا يواعة وبعد قالو لنا ان مافيه بروست بس فيه مسحب قلنا بلاها ما يسوى نوقف على مسحب خلاص رحنا الطازج لقينا طابور الرجال اخف وقف بوحسين وطلب لنا وهذه طلباتنا اللذيذة الكبسة انا وغنيمة فيها الصراحة جدا لذيذة طلب بوحسون حمص وشيش طاووق ودانة سندويشات ما مداني اصور الا هذه الصور من اليوع اللي فيهم عقب العشا قالت دانة ابي عصير وراحت شرت لها هالعصير ابرار هذا الطبقات بعد العشوة قالو هاا نرجع الفندق علشان نريح على ما تصير الساعة 12 والا تقول غنومة خل نروح الحين نعمر ليش نرجع وهني البوابة قريبة قلنا نبي حمام علشان "نتيدد " نتوضا يعني قالت شنو المشكلة هني في حمامات يلا نروح قلنا شورج وهداية الله وتيددنا ورحنا لباب الملك فهد وشوفوا متى دخلنا الساعة 9 مساءااا باب الملك فهد وشوفو الزحمة :15: بعد ابراج الوقف عنا ودخلنا لأحلى منظر تشوفه العيون ودايما اذا دخلت اتذكر اول مرة رحت العمرة 00 بس دخلت وشفت الكعبة والرهبة والأعجاب بالكعبة ,,,,نسيت عيالي وراي ودخلت ادعي سيداا همتجهة للكعبة 00 للحين اذكر هالموقف كل ما دخلت للكعبة ونفس الشعور سبحان الله طفنا السبع مرات وما شاءالله كان الطواف خفيف وسهل ودعيت للكل اللي اذكر اسمه ادعي له بالأسم واللي ما اذكره اشمله بالدعاء لجميع المسلمين هالنية اخذتها من السفيرة وام عزيز ربي يجزاهم خير بعد الطواف وصلاة ركعتين خلف مقام ابراهيم على فكرة اول مرة اقدر أطل بالمقام انا والبنات وبعد الصلاة وانا اصلي شدت اريولي واااي تعور وادلكها واحسن شوي واي حركة ترجع لا حول ولا قوة الا بالله راحت دانة يابت لي كرسي وما شاءالله كراسي الوقف وااايد يجزي اصحابها كل خير بعدها شربنا ماي زمزم وصورنا شوية شرب ماي زمزم بوحسين يصب لنا واحنا نشرب تصوير جسر الطواف مع ساعة مكة بوقت الراحة نصور الكعبة ما نشبع من التصوير بس الترميمات تمنعنا نصور كامل الصورة http://www.arabtrvl.com/up/uploads/a...9673887723.jpg الترميمات http://www.arabtrvl.com/up/uploads/a...9673887744.jpg http://www.arabtrvl.com/up/uploads/a...9673887765.jpg http://www.arabtrvl.com/up/uploads/a...9673887786.jpg الذهاب للمسعى وهني وصلنا لجبل الصفا لبداية السعي بين الصفا والمروة وانا هني أستأجرنا الكرسي المتحرك من المتواجدين بالحرم يلبسون الجيليه الأخضر بسعر 75 ريال سعر موحد وما شاءالله متواجدين بكثرة لخدمة زوار بيت الله وتفرقنا هني انا مع الرجل والبنات مع ابوهم وهني بعد ما انتهيت وقفت عند المروة وقصيت من شعري وقعدت انتظر اشوف ابوحسين علشان اتواعد معاهم بمكان لان اهم بعد ما خلصوا اكيد شفتهم وقالو باقي لهم السادسة والسابعة قلت لهم انتظركم عند بداية الصفا لان هو المدخل اللي بيطلعنا لباب الملك عبدالعزيز وقعدت انتظرهم على الدرج الساعه ١١ مساءاا كملنا عمرتنا ما اخذنا ساعتين الحمدلله كانت خفيفه ...ونشكر غنومه انها خلتنا نروح وما نسمع كلام موظف الاستقبال ان ننتظر للساعه ١٢ وخلصوا وقصوا شعرهم وطلعنا من هني مع حنة بوحسين ليش رجعتينا من هني مع ان هناك في باب من جهة المروة اقول له مافي يقول لا في وانا ما ادري اشرايكم ؟؟ نتابع |
ام حسين الحمدلله طلعت من الحلويين خخخخخخخ اما الغرفة الحالة صعبة فيها 4سراير في غرفة 😱 كويس ان المدة قصيرة ويازين مكة ويازين بيت الله بجد نفس شعوري اول ماشوف الكعبة احس بالرهبة وتخنقني العبره بس بشري ذوقتوا البيك وإلا بنعرف في الجزء الجاي:25: عمرة مقبولة ان شاء الله ومازلنا مستمتعين ومتشوقين للجزء القادم |
ماشاءالله تقبل الله منكم احساس كل مسلم لمن يشوف الكعبه يحس برهبه :2: عاد اتصدقين ع كثر ما اسمع بالبيك بس ولا مره فكرت اكل منه حتى لو اشوفه فاضي ما اروح :yolks00520: الله يكتب لنا عمره قريبه ان شاء الله اشتقنا لبيت الله :7: ناطرين باجي التقرير :3: |
تقبل الله اللي فيه البيك أعتقد الهيلتون الشغل بمكه فيه خير كثير ما شاءالله الله يرزقهم تقدر تشتغل أي شغله العمره سهله ولله الحمد الحلاقين فيه بنفس الوقف صوالين حلاقه اعتقد ما فيه باب |
ما شاء الله قسما بالله فز قلبي من الصور يا ام حسين يارب تسهل علينا بعد الامتحانات البيك ايهبل صراحة وخصوصا الربيان اخييييييييه ذكرتيني بالطعم عجيب ومافيه زفرة كلش :e306:عليكم بالف عافية ام حسين :e306: والحمد لله انا طلعت بعد من الجميلات اللي بتقريرك :7: |
| الساعة الآن 10:23 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO