|
رد: اول مره ومتردده مرحبا اختي انا بابدأ معاج الحين وان شاء الله ام ريم تخلص شغلها وتكون معانا وبخصوص بروكسل لاتشيلين همها بعطيج المختصر المفيد فيها ان شاء الله بس بعد مانخلص من باريس خيارات السكن في الشانز : 1- فندق الماريوت على شارع الشانز Booking.com: ظپظ†ط¯ظ‚ ظ…ط§ط±ظٹظˆطھ ط¨ط§ط±ظٹط³ ط´ط§ظ†ط²ظ„ظٹط²ظٹظ‡ - ط¨ط§ط±ظٹط³, ظپط±ظ†ط³ط§ 2- كلاريدج مكانه على الشانز جنب فندق الماريوت نظام السكن فيه سويتات وشقق ماعندهم غرف Booking.com: ظپظ†ط¯ظ‚ ظƒط§ظ„ظٹظپظˆط±ظ†ظٹط§ ط´ط§ظ†ط²ظ„ظٹط²ظٹظ‡ - ط¨ط§ط±ظٹط³, ظپط±ظ†ط³ط§ 3- فندق ووريك جنب شارع الشانز Booking.com: ظˆظˆط±ظٹظƒ ط´ط§ظ†ط²ظ„ظٹط²ظٹظ‡ - ط¨ط§ط±ظٹط³, ظپط±ظ†ط³ط§ اذا تبغين صوب ايفل Booking.com: ظپظ†ط§ط¯ظ‚ ظ…ظٹط±ظƒظٹظˆط± ط¨ط§ط±ظٹط³ ط³ظ†طھط± ط¨ط±ط¬ ط¥ظٹظپظ„ - ط¨ط§ط±ظٹط³, ظپط±ظ†ط³ط§ هذي الفنادق مجربه وحلوه واماكنها زينه اذا مناسبج شي منهم نشوف لج غيرهم او اذا سعرهم مايناسب نشوف اقل بالنسبه للأماكن السياحيه في باريس 1- اليوم الاول الشانز - الصعود قوس النصر - ساحه الكونكورد - حديقه تويليريس - محلات التحف والقطع - ساحه فيندوم Place Vendôme http://up.arabseyes.com/uploads2013/...8052884921.png العاب 2- اليوم الثاني : برج ايفل وحديقه ايفل - الحي اللاتيني - حديقه لوكمسبورغ http://up.arabseyes.com/uploads2013/...8374028741.png العاب 3- اليوم الثالث التجول في الشانز وشارع الماركات free ( جدول دايت هههه ) يعني هاليوم راحه تتجولون بنفس المنطقه وكوفي شوب وقعدات وجوله في نهر السين اذا تبغون http://up.arabseyes.com/uploads2013/...8460177741.png العاب 4- اليوم الرابع : ساحه الاوبرا - جاليري لافاييت - هضبه مونمارت http://up.arabseyes.com/uploads2013/...8515976411.png العاب 5- اليوم الخامس اللاديفانس + ومجمع temps التجاري + حديقه بولونيا http://up.arabseyes.com/uploads2013/...8556963551.png العاب 6- اليوم السادس مجمع Centre commercial Créteil Soleil التجاري ( كارفور + بريمارك + محلات تجاريه ) و قريه بيرسي ( Cour Saint Emillion) http://up.arabseyes.com/uploads2013/...8610452481.png العاب هذا الجدو لـــ 6 ايام على اساس نحسب يوم للوصول او السفر حاولت احط الاماكن القريبه من بعض بيوم واحد اسهل للتنقل هذا الجدول قابل للتعديل والتنقيح من الخبراء واخواني المشرفين يعني نقدر نلغي ونضيف حاولت اني اضيف فقط تسوق وتمشي وحدايق على طلبج بدون متاحف ولو ان لو حابين تشوفون لوحه الموناليزا الاصليه في متحف اللوفر !! تحياتي |
رد: اول مره ومتردده مدري شلون اشكركم :(60): المشرفين هم الي يجاوبون الله يوفقكم بردودكم والله فرحت الجدول حلو ولو اني اغلب الاماكن اول مره اسمعها هههههههه السكن هو المشكله :yolks0080: اي فندق ترشح من الي ذكرتهن نبي فندق حلو وخدمه زينه ومايكون كئيب :fish: التنقل بباريس مترو صح والا غلطانه اختي فاندا تسلمين تقرير توبليرون هو الي خلاني افكر بباريس :(127): السكن بديزني ايش الفنادق المرشحه ان شاء الله ماطفشتكم :(60): |
رد: اول مره ومتردده الله يجزاهم خير يستحقون الدعاء بظهر الغيب وشاكرين لك اقتباس: المشاركة الأصلية كتبت بواسطة india http://www.arabtrvl.com/vb/traveler/...s/viewpost.gif بكل امانة وصراحة الف مليون ترليون شكر للاخوان قطر 911 والاخت فاندا والاخ فيصل صارلي ساعة تقريبا احب الف واقرا عن مواضيع باريس والاخوان ماقصرو مع اي عضو ولاننسى الاخوان الاخرين الشكر واجب والدعاء لكم ان ربي يوفقكم ويكثر من امثالكم واسف على خروجي عن مسار الموضوع بس ماقدرت اصبر عن شكر هالناس الي تحب الخير للناس |
رد: اول مره ومتردده كم ميزانيتكم وكمم العدد حتي يكون الاختيار مناسب فيه شقق قريبه الشانز لكن العوائل تذهب الي لاديفانس حسب ميزانيتها |
رد: اول مره ومتردده ما قصر مشرفنا قطر كفى ووفى السكن اختياره يعتمد على عددكم والميزانيه قريب الشانز خيار ممتاز للسكن للي يحب الصخب الشارع عامر لوقت متاخر في الليل وقريب منه كل الي تحتاجونه بس في المقابل اسعار السكن اغلى ...كل ما قربتوا من الشانز يزيد السعر وبالمثل كل ما قربتوا من ايفل لاديفانس امنه ومناسبة للعوائل واسعارها ارخص . الجدول المقترح ممتاز من حيث القرب شوفي الي يعجبك من اضافه وحذف ونرجع نرتبه معاج (مثلا قصر فرساي ) غابة بولونيا عليها الكثير من التحذيرات في الليل اذا حابين تزورونها خلوها اول شي الصبح دائما وانت ترتبين جدولك مع الايام حطي في بالك انه : قصر فرساي يغلق الاثنين متحف اللوفر يغلق الثلاثاء الاسواق اغلبها مغلق الاحد الاحد الاول من كل شهر اغلب المتاحف الدخول لها مجاني يعني زحمة زياده |
رد: اول مره ومتردده اقتباس:
ياهلا ومرحبا اخوي العفووووو والف تحيه على اطراء الجميع والتوجه بالشكر وانتو تستاهلون كل خير ان شاء الله اكيد كل من في الاداره والمراقبين والمشرفين والاعضاء يدهم بيد بعض للوصول الى افضل مايحتاجه المسافر تحياتي وتقديري لك اخوي |
رد: اول مره ومتردده بالنسبة لديزني ٣ ايام ممتازة اذا معاكم أطفال او تحبون الألعاب يوم البارك يوم الاستوديو ويوم للتسوق من الآوت لت والمول القريب منه السكن ممكن فلل الماريوت مناسبه للعوائل Marriott's Village d'Ile-de-France, Bailly-Romainvilliers, France - Booking.com دريم كاسل مجرب من كثير أعضاء وانه مجربته شخصيا dream castle hotel & spa, Magny-le-Hongre, France - Booking.com مجك سيركس بعد وايد مجرب وأم حسين ذكرت تجربتها فيها Magic Circus Hotel, Paris, Magny-le-Hongre, France - Booking.com قريب الآوت لت وجيد جدا Hotel L'Elysee Val d'Europe, Serris, France - Booking.com |
رد: اول مره ومتردده ماقصرت مشرفتنا ام ريم بيض الله وجهها بعض الملاحظات 1-يفضل شراء التذاكر من محل دزني في الشانز تجنبا للحوسه والزحمه ان وجدت 2- اول ماتدخلين دزني لاند ( البارك ) بتحصلين محلات يمينج ويسارج وبالنص شارع هنا يقام العرض قبل لاتسكر الملاهي احرصي على اختيار مكان حلوووو قبل العرض الي يقام تقريبا الساعه 9 مساء وقبله في عرض صغير الساعه 6 تقريبا بس احتمال الوقت الي بتروحونه يكون في عرض واحد واذا تبغين تشوفين احلى لاتوقفين قريب من بوابه الدخول ادخلي اكثر قريب قصر سندريلا عشان تكون الالعاب الناريه وعرض مقطع دزني يكون بالقصر احسن حق التصوير 3- منطقه الالعاب زحمه وطوابير طويله يمكن نص ساعه للعبه الواحده بالطابور لو الميزانيه مناسبه عندك ادفعو للقايد هناك موظف يكون معاكم يدخلكم VIP بس الي سمعته من احد الاخوان هنا يقول الحين بطاقه VIP وكل ساعتين لعبه تدخل فيها وبين الساعتين تصفون بالدور عادي 4- اذا عندكم اغراض مهمه اطلبو صندوق امانات لحفظ اغراضكم هناك والصناديق تكون مع بوابه الدخول 5- عند بوابه الدخول جنب صناديق الامانات بتحصلون خرايط لالعاب دزني يفضل كل واحد منكم ياخذ نسخه عشان لو قدر الله وضاع يعرف هو مكانه الحالي وين هذي ابرز النصايح والتنبيهات وسفره سعيده وان شاء الله راجع لج حق بروكسل بلد الشكولاته :(127): |
رد: اول مره ومتردده مشرفنا مرات الشراء من النت أرخص بكثير أم حسين بتقريرها سكنت بفندق وعطوهم سعر لديزني مره مغري ما أفضل من لشانز الشراء الا اذا هو مضطر ووقت ويكند يخشون يلقون زحمه هناك |
رد: اول مره ومتردده اقتباس:
مديرنا في بعض الفنادق تقدم ضمن السكن تذاكر دزني نفس الفنادق الي داخل الملاهي وبعض الفنادق تقدم خصومات للتذاكر وفعلا ترا يمكن يكون عن طريق الموقع ارخص بس المقصد لما تروح هناك كأول مره تشوف عندهم الخارطه ويشروحون لها وتاخذ حسب رغبتها يمكن تختار البارك او تختارها مع الاستديو وحسب ظروفها يمكن تغيير رايها بشي لو بتحجز من النت الافضل تكون عارفه التاريخ الي بتروحه اكيد عشان تحصل سعر ارخص بحاول اشرح شرح بسيط مثلا بتروح يوم واحد للحديقتين بيطلع السعر للشخص الواحد 99 يورو ( تذكره مرنه لمده سنه تختار اي تاريخ براحتها ) وسعر الطفل من عمر 3 الى 11 ( 80 يورو ) لو بتحجزها بالنت للحديقتين وحاطه (تاريخ محدد )ماتغير تغيره السهر للشخص الواحد 80 يورو وسعر الطفل من عمر 3 الى 11 (74 يورو ) واذا بتروح يومين ورى بعض وتبغي تستفيد من الخصم تحجز كل يوم منفصل عن الثاني |
| الساعة الآن 04:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO