اليوم التالت و الأخير في باريس يوم العجائب [emoji1]

طيارتى لفينيسيا الساعة 11 صباحا من مطار beauvais بحثت عنه فى جوجل طلع لى Beauvais shuttle Airport .

خدت شنطتى و عملت check out من الفندق و سألت موظفة الفندق قبل الخروج هل مكان المطار كده صحيح زى ما جوجل يوضح فأكدت لى صحة المسار اللى على جوجل.

وصلت محطة Passay وكان كده مر يومين على التيكت و مش عارف أقدر استخدمها ولا لأ سألت موظف الاستعلامات فقال لي اليوم الأحد و غدا الاتنين المواصلات free [emoji3] [emoji15]

سرت على الطريق اللى دلنى عليه ال GPS و نزلت محطة la mutte على ما أتذكر مش فاكر قوى إسم المحطة و كان اللى شايفه فقط باصات ولا يمكن يكون في مطار فى المنطقة دى. أكثر من نصف ساعة الف و ال GPS مصمم إنى وصلت فاصطريت أسأل دلونى الناس على مكان الباصات . كيف يعنى فين الطيارة [emoji4]
قالوا روح عند البوكس اللى خلف الباصات و سألت هناك قالوا لى اقطع تيكت ب 17 يورو عشان تركب الباص ده يوصلك مطار beauvais جبت التيكت ووريت الموظف تذكرة السفر لأن الساعة بقت 9:40 و معاد الطيارة 11:00 فقالوا لى كده مش حتلحق الطيارة كيف،؟ لأن الباص ياخد ساعة و ربع الصراحة صعقت لأن عندى حجز اوتيل كمان فى فينيسيا و مش عارف أعمل إيه . الفرنسيين ودودين جدا و helpful قوى الموظفين و بعض المسافرين عملوا consulting على حالتى [emoji23] و قالوا لى لو خدت تاكسي ممكن يكلف 160 يورو هههههههه هم يبكى و هم يضحك تيكت الطيارة ب 36 يورو [emoji15] قالوا اركب و روح يمكن يوافقوا تركب متأخر . وصلت قبل إقلاع الطيارة بربع ساعة [emoji17] .
طبعا ال check in و البوردينج انتهى و رفضوا اطلع الرحلة . روحت لمسؤول التذاكر فى شركة Ryanair قالى ممكن تطلع بكره في نفس المعاد و تدفع 50 يورو طبعا مستحيل لأنى عملت check out بالفعل من الفندق فى باريس و عندى حجز فندق في فينسيا حيضيع على.

الخيار التانى من الموظف إنى ادفع 100 يورو و اطلع أى مطار أخر فى إيطاليا برده صعب لأنى حاحتاج مواصلات لفينيسيا و مش عارف الطرق و التكلفة و حأتوه .

قعدت شوية أفكر مع نفسى وعملت بحث فى النت لقيت تيكت على شركة transavia ب 82 يورو لفينيسيا بعد 5 ساعات من مطار أورلى حجزت بالكرديت و رجعت الباص عشان اركب و ارجع لباريس لكن التيكت بتاع الباص ذهاب بس فقطعت تيكت تانى ب 17 يورو [emoji17]
تيكت الرحلة اللى فاتتنى كان 36 يورو و دفعت نفس المبلغ عشان أروح للمطار و أرجع بخفى حنين لكن الصراحة الطريق من و إلى المطار كأنه قطعة من الجنة ويستاهل المبلغ .
رجعت لمحطة la mutte و منها ركبت لمحطة Charles de Gaule Etoile فضلت الف على الباص اللى بيروح مطار أورلى لحد ما لقيته أخيرا ب 12 يورو و أثناء ما بدور على الباص راح منى الجوانتى و أنا مستغرب من الظروف المعاكسة اللى بتحصل دى [emoji17]

ركبت الباص و عملت check in online و نزلت ال boarding pass mobile version على تليفونى الطريق اخد حوالى ساعة للوصول لمطار أورلى غير ساعة ونص للعودة من مطار beauvais لباريس .

دخلت مطار أورلى قبل معاد الطيارة بساعتين و نصف الحمدلله و سألت موظف السيكيوريتى انا معايا البوردينج على الموبايل هل حاحتاج نسخة مطبوعة قال لأ إذا ما كان معاك غير الهاندباج روح على gate 9 و قالى 9 بالفرنسية و انا كنت خلاص مش فاكر إسمى عديت الأرقام بالفرنسية على صوابع إيدى أن دو تروا كاتر سانج سيس سيت ويت نيف ههههههههههه [emoji23] بوابة 9 جرى على هناك . اشتريت شوية حاجات من المنطقة الحرة و لأول مرة أقابل شخص ما يعرف انجليزى الكاشير لكن المبلغ يظهر على الماكينة [emoji3]


على سير الشنط طلبوا تفتيش الشنطة . ملحوظة هامة اذا معاك برفانات أو أدوية خليها بره عند مرور الشنطة على سير الفحص و نقطة أخرى مهمة بعض ال souvenirs عبارة عن معالم سياحية داخل كريستالة مملؤة بسائل ممكن يفتشوا الشنطة بسببها لأن سوائل أكتر من 100 ملى غير مسموح بيها على الطيارة فى باريس ما سألوا عليها لكن فى مطار ايندهوفن فتشوا الهاندباج بسببها.

خلصت كل الإجراءات و قعدت ارتاح من الضغط العصبي اللى مريت بيه طول اليوم الصعب. خسائر حوالى 200 يورو لكن الصراحة استمتعت بالمغامرة و الحمد لله كان عندى حسن تصرف [emoji41] . عملوا سكان للبوردينج من على الموبايل و توجهت للطيارة أخيرا بإتجاه فينيسيا. و كده انتهت أيامى في مدينة النور باريس. ما لقيت فيها إلا كل ود و ترحاب شعب ودود جدا و مرح و متعاون و حسبى الله و نعم الوكيل فيمن قاموا بالأعمال الإرهابية والدين برئ منهم .

https://uploads.tapatalk-cdn.com/201...f70cd05f99.jpg

https://uploads.tapatalk-cdn.com/201...41e97ab910.jpg

https://uploads.tapatalk-cdn.com/201...4e2e83412a.jpg

https://uploads.tapatalk-cdn.com/201...42a6247b98.jpg

https://uploads.tapatalk-cdn.com/201...d0e6b733b8.jpg

https://uploads.tapatalk-cdn.com/201...5364f0a813.jpg

https://uploads.tapatalk-cdn.com/201...0999c37762.jpg

https://uploads.tapatalk-cdn.com/201...35efb17e16.jpg

https://uploads.tapatalk-cdn.com/201...3f7310de6b.jpg

Sent from my SM-N915F using Tapatalk

تحبوا تسمعوا باقى تفاصيل الرحلة فى الدول الأخرى [emoji41]

Sent from my SM-N915F using Tapatalk

كده تبقى المشكلة في فينيسيا [emoji5]
لا شكر على واجب. و إن شاء بأكمل تفاصيل الرحلة فى باقى الدول قريبا لأنى الأن عاوز أقدم على تأشيرة الولايات المتحدة إن شاء الله و بحاول أرتب أوراقى


Sent from my SM-N915F using Tapatalk

يا ألف أهلا وسهلا بكل مشجعين الزمالك الحبيب [emoji1]

للأسف تم تقليل أيام الإقامة في فرنسا و كدت الغى فرنسا أو الرحلة بالكامل بناء على الأخبار اللى تلت أحداث باريس و اللى ثبت إنها كانت كاذبة. الرحلة استمرت فى أوربا 12 يوم من كل بستان زهرة [emoji5]

Sent from my SM-N915F using Tapatalk

اخي الكريم باسالك بالنسبة لمترو المطار يوصل لمحطة باريس نورد والمحطات الاخرى

ويا ليت موقع حجز برج ايفل اللي حجزت منه
جزاك الله خير

نعم بيوصلك مباشرة لمحطة باريس نورد أما باقى المحطات على حسب مكانها ممكن مباشرة أو بتغير حط المترو فى أى محطة .

تقدر تحجز التيكت من اللينك ده

http://ticket.toureiffel.fr/index-cs...-pg1-lgen.html

و كل ماتحجز بدرى أفضل عشان تلاقى فى الأيام و المواعيد اللى تفضلها

يوجد أيضا Mobile application على جوجل بلاى و آبل
https://play.google.com/store/apps/d...sete.Eiffel_fr




Sent from my SM-N915F using Tapatalk

جزاك الله خير

طيب هل يحتاج احجز من النت ولا انزل المطار وين اروح عشان احجز الى باريس نورد

لان عندي رحلة الى بروكسل من باريس نورد