ب شهر ٦ هجري

طيب من كوالا لين بيننغً كم المسافه

وصرف العمله وين أفضل شي

والله مدري كم ب الضبط لاكن اعتقد اقل من بينانق

لا تستعجل وخذ امورك حبه حبه
خلص من توزيع الايام اول

يومين ب سلانجور و ثلاث ايام ي ب ببيينغ او لينكاو و و ثلاث ايام ب كوالا شو رأيكم :e419:

شوف وانا اخوك اولا الف مبروك ياعريس وفقت بأختيار ماليزيا لشهر العسل سفرتي السابقة كانت بشهر 6 هجري قبل سنتين وسفرتي الثانية معك بشهر 6 هجري بعد شهرين وبما انك عريس مثل مايقولون كلنا عيال قرية عارفين ضغط الزواج ومصاريفة ولو ان 9 ايام قليلة لكن مايمنع عموما جدول مختصر رخيص :

يومين سيلانجور ومن مطار كوالالمبور الى لنكاوي طيران الى لنكاوي بحكم انك عريس ما انصحك ببينانج ابدا
4 ايام لنكاوي صدقني قليلة فيها بعد لكن جدولك ايامه قليله ومن مطار لنكاوي الى كوالالمبور
يومين كوالابمبور

نصائح لك اخي العزيز

حاول قدر المستطاع الابتعاد عن مكاتب السياحة احجز بنفسك ولو ماتعرف مابنقصر معك

التكاسي زي الرز زي مايقولون ف لاترتبط بشخص ولو حاب يكون معك سايق من 15 الى 20 رينجت بالساعه بلنكاوي اما كوالا وسيلانجور ماتحتاج التكاسي متوفرة

ولو حاب مساعدة باسماء فنادق او منتجعات او حتى ارقام سائقين بلنكاوي مابنقصر معك

واي استفسارات ثانية بالخدمة ياعريس وربي يوفقك

جزاك الله خير ومنتم مقصرين ي اخوان:e032:

لنكاوي افضل من بيننغً كونك عريس جديد

وصرف العملة يفضل من البلدك عن تجربة

ولا ترتكب نفس الغلط اللي انا وقعت فيه اخذت معاي دولارات وبكذا اخسر كثير في الشرا و البيع خذ معاك العملة الماليزيه و عملة بلدك

انا بعطيك الامكان اللي تستحق الزيارة في لنكاوي و ان شاءالله تستفيد

عالم تحت البحر
UNDERWATER WORLD
تقريبا سعر الدخول لشخص الواحد 38 رينجت

التلفريك
CABEL CAR

حديقة الطيور
BIRD PARADISE

حديقة التماسح
CROCODILE FARM

رحلة المانقروف يمكن سعر التذكره كان 280 رينجت
Mangrov Sea Tour

الرحلة البحرية لزيارة الجزر الثلاث
Three Islands Sea Trip

نصب النسر
LANG SQUARE

الشلالات
1-TEMURUN

2- DURIAN

الآبار السبعه
Seven Wells


ومبارك لك الزواج ان شاءالله و الله يرزقكم الذرية الصالحه


اتمنى اني افدتك ولو بشي البسيط

في شهر 6 هجري

الله لايهينك يبن السلطنة وبيض الله وجهك

الله يوفقك اخوي ويبارك لك ويرزقك الذريه الصالحه انا من راي الاخوان لكن ياليت تحط لنا ميزانيتك هنا علشان نوجهك صح وهل حجزت طيران دولي لانه لازم تحجز بدري حتى تحصل سعر مناسب كل ماتاخرت كل ماكان عليك السعر اكثر
على العموم التوزيع كذا

2 يوم سيلانجور في فندق براميد صنواي 300 لليله الواحده شامله الفطور والضريبه
4 لانكاوي (بنسبه لك عريس افضل من بينانج بكثير )في منتجع وسبا ذا فرانغيباني لانكاوي( الليله الواحده مع الضريبه والفطور 500 ريال ) او منتجع شاطئ وسبا هوليداي فيلا لانكاوي( الليله الواحده 450 من غير فطور مع الضريبه ) بما انك عريس الافضل تاخذ منتجع له شاطئ وتتمتع
3 كوالالمبور في فندق ذا رويال شولان كوالالمبور سعر الليله الوااحده 340 من غير فطور و 380 مع الفطور طبعا مع الضرايب
كذا السكن بيكون 3500 ريال سعودي اذا حجزت من بوكينج طبعا الحجز الغاء مجاني يعني لقدر اله وحدث ضرف او تاجيل تقدر تسترد فلوسك ولاتضيع عليك ونصيحه لاتحجز الا حجز قابل لللاسترجاع
واذا على التنقلات الطيران الداخلي الاقتصادي تقريبا لازم تلاحض عند الحجز ان في درجات رخيصه لكن من غير شنط يعني يوزنون العفش وتدفع عليه مبلغ لذالك احجز الدرجه الى معاها وزن مجاني اوفر وغير كذا الحجز اذا كان في الصباح بدري اوفر لكن تسجيل الدخول للفندق الساعه 12 وين بتروح خلال هالوقت ونفس الشي رحلة المغرب ارخص لكن بيروح يومك من غير فايده افضل وقت هو رحلة الظهر والفرق بسيط
1-رحله من كوالمبور (سيلانجور نفس المطار قراب من بعض ) الى لانكاوي
2-والرحله الثانيه من لانكاوي الى كوالالمبور
التكلفه تقريبا 800 ريال لجميع الرحلات

يعني السكن والطيران الداخلي 4300 ريال والمصاريف اليوميه حسب صرفك تقريبا في حدود 500 ريال اليوم تقل وتزيد حسب المطاعم اللي بتزورونها والاماكن اللي بتدخلونها

يعني السكن والطيران الداخلي والمصاريف 4300+4500= 8800 ريال وباقي لك الطيران الخارجي بما انك من الرياض احجز على الخطوط السعوديه رحله مباشره اريح لك


وبعد عن المكاتب السياحيه لانهي بتاخذ اضعاف المبلغ اذا حجزت بنفسك وراح نكون معاك خطوه بخطوه اولا لازم تحجز من الان لان كل مابكرت كل ماكان اوفر
عطنا التاريخ وراح نساعدك بالفنادق وحجز الطيران الداخلي والكل بيساعدك

اول خطوه تسويها طلع فيزه التسوق (بما معناه اللي تقدر تعبيها وبكذا حتى صرف العمله ماراح تحتاج تصرف كل يوم او يومين اسحب بالفيزا المبلغ اللي يناسبك وخله عندك وبياخذ عموله قريبه جدا من الصرف هنا اولا راح تحفظ فلوسك وماتخاف من انهي تضيع او تنسرق بحيث انك تتنقل بمبلغ كبير او تتركه بالفندق ونفس الخوف بيكون معاك

وبعد ماتخلص الحجوزات راح نساعدك ترتب جدول لك

الله لايهينك شرح وافي

رحلتي ب تاريخ ٢١ / ٣
العودة ب ٣١ / ٣
الوصول الساعه التاسعة مساء إنشاءالله
اول ليلتين ب سلانجور
٤ ليال بلنكاوي
٤ ليل كوالا