|
والله قبل أحلي المطاعم برمضان ما أحبها حتي البوفيه بالغصب أروح مره علشان العمل افطار عمل |
اي والله قبل احلى انا المطاعم ما احبها برمضان بس شنسوي حق العيال لازم يروحون بس مو فطور الفطور دايما بالبيت |
صباح الخميس الجميل مثلكم Sent from my iPhone using Tapatalk |
عطلة نهاية اسبوع سعيدة للكل ان شاء الله |
مستحيل اتفطر بمطعم برمضان استغرب من الناس اللي تتفطر بره الواحد بعد الفطور يريح ويجهز نفسه لصلاه التراويح |
الحمدالله بفضل الله تم اختياري من قبل الادارة للاشراف على بوابة تركيا |
تستاهل يا عادل كل خير انضميت لنا بالاشراف الله يعينك على تحمل المسئوليه ولاتقصر معاهم ترى مالنا غنى عن المنتدى على فكره انا باركت لكم بالبوابه العامه Sent from my iPhone using Tapatalk |
بالبركة يا مشرفنا عادل تستاهل على جهودك وتميزك بالبوابه التركيه واللي تقدمونه في الرد على الاستفسارات وتسهيل الامور للاعضاء بيكون له أجر كبير عند رب العالمين امون وانا مثلج ما احب المطاعم وقت الفطور اقول وين يصلون المغرب والا ياخرونها عاد برمضان بس يأذن تفطرين بتمرة وماي وبعدها الصلاة الله يعينا على طول وقت الصوم |
بالبركه عااادل تستاهل ما شاءالله على حضورك وجهودك والله يكتب لكم الأجر في اللي تقدمونه Sent from my iPhone using Tapatalk |
صباح الخير مبروك اخ عادل و تستاهل كل خير و انا مثلكم ما أحب المطاعم في رمضان و لا حتى التسوق قبل رمضان اجهز أغراض العيد لي و لعيالي الله يبلغنا و اياكم |
مساءالخير آخر الليل :13: اليوم دخلت المطبخ وطلعت اللي بالكبتات كلها وترتيب المواعين وقط غيرهم وقط منتجات منتهية الصلاحية لا وتدرون شنو لقيت بعد شاي بالليمون وشاي بالرمان بجياستهم المسكره مو مفتوحه شاريتهم من تركيا بالسفرة الصيفية الحمدلله والشكر اني ما اشتري وايد والله اسراف نشتري ونقط ليش مادري غراش باربيكو وشاي انواع ولا بعد ماي مرقدوش وزموته وماي هيل علب كامله منتهيه الصلاحيه الله يعين بشتري مره ثانيه علبه علبه واصير بخيله ولا يتيمعون وينقطون بس الترتيب حلووو حسيت براحة مع ان باجر دور الثلاجات والمخزن جررد قبل رمضان وقبل لا تيي عليا هههههه |
السلام عليكم شخباركم الف مبروك اخوي عادل ع الاشراف تستاهل كل خير ام حسين يعطيك العافيه انا عندي شاي تركيا من اول العام بس عادي مايصير فيه شي امبييه انا بالسفر اي شي اشتري [emoji257][emoji257][emoji257] انا ناطره اتشافى شوي واسوي الجرد الحمد لله ع كل حال [emoji257][emoji257][emoji257] وابشركم وليدي ناجح باقي البنوته بعدها تمتحن يارب توفق كل العيال ويفرحنا بنجاحهم [emoji322][emoji322] [emoji177]قصة حب[emoji177] |
الــديــــوانيـــــــــــة مبروووووك قصه وان شاءالله تفرحين في البنوته [emoji1374] سلامات ماتشوفين شر هههههههههه ام حسين الله يعينكم عالجرد انا اموت على الجرد لان كل شي اقطه [emoji23][emoji23] Sent from my iPhone using Tapatalk |
الله يسلمك ويعافيك من الشر تشكرات الله يبارك فيك صاجه الجرد وناسه بس انا مايهون علي اقط مواعين قديمه احبها مثلا خخخ بس الاشياء الثانيه عااادي [emoji177]قصة حب[emoji177] |
ابرار ههههه انا ما خليت شي بس اتحسف صج خخخخ قصتنا الف الف مبروك على نجاح وليدج والفال للبنوته وباقي الطلبة اما الجرد للمواعين ما اقط اتحسف بس شسوي ايمعهم واخليهم للخدم يستانسون عليهم حق استعمالهم عندنا عطيتهم طقم ههههه والا بوزع للي بنتنقص لهم فطور من اهل المسجد والا العمال اللي حوالينا علشان حتى لو ما ارجعوا ما اتحسف عليهم والا الشاي والبهارات اللي قطيتهم حتى لويظلون ما راح يشربونه خليه اقطه دامه منتهي الله يعين |
قصه مبرووووك نجاح ولدج والفال لعيالكم كلهم ام حسين انا تعلمت اني مااشتري وايد بالسفر حسافه اغلبه ينقط كنت اشتري ادويه وبهارات وتنتهي صلاحيتها وتنقط الحين تعلمت اشتري على قدي |
يعيطكم العافيه ربات البيت السنعات هلا هلا بالاكلات الحلوه برمضان احنا الرياييل بس ناكل ونقول مو عاجبنا :e419: الله يبارك فيج اختي قصة والف مبروك على نجاح ولدج انا الحمدالله بنتي متفوقة وناجحه بس توها 2 ابتدائئ وراها مشوار |
هههههههه الاكلات بنحطهم قبل الفطور ان شاءالله [emoji23][emoji56] بالبركه عادل وان شاءالله تشوفها متفوقه ومتخرجه من الجامعه[emoji1374] امون انا نفسج اشتري على قد الحاجه لان ادري بالاخير ينقط Sent from my iPhone using Tapatalk |
ايه هذي السناعه كفو ام حسين أجل ناويه تطبخ أم تقزرينها مطاعم مبروك نجاح الولد قصه يسعد لي مسائكم |
حي الله الربع والجماعه اشلونكم امون وابرار وقصتنا وعادل مبروك نجاح وتفوق البنوته يا عادل تشوف تخرجها من الجامعه يارب امون خلاص ماقمت اشتري وايد حرمت خخخ يابو خالد انا مااحب المطاعم برمضان الا خفايف السحور اليوم سويت جرد على الثلاجات الحمدلله مافي شي منتهي بس نظفنت ورتبت سلال الخضروات وباجر ناويه على المخزن والله يعين بس بعد التعب احس بالانتعاش :7: الحين عرفت شنو ابي من ماجلة حق رمضان وشنو ما ابي والله كريم |
:e030: يسعد صباحكم يارب جميعا شكرا لكم على التهنئة وربي يبارك فيكم وبذريتكم اخوي عادل مبروك تفوق البنوته الله يعينها وراها درب درب طوييييييييييييييييييييييل الله يسهل علي كل الطلاب يارب تعب تعب ودي باجازة بمكان هادئ وجزيرة حلوة والجو جميل مو حر :e01c: واركض بالوادي بعدين مثل فلونه والله ودي اعيش شوي مثل اللي كنا نشوفه في البابايات ( الكرتون) :e335: :e335: |
اختي قصة نصيحة عليج باوزنجول شوفي موضوعي والصور الي فيه |
اه ياقصه ودي اروح معاج |
هههههههه قصه ضحكتيني مثل فلونه وهايدي بعد [emoji23][emoji23][emoji23] مممم والله اوزنجول حلوووه يبيلج الريف الفرنسي [emoji19][emoji19] Sent from my iPhone using Tapatalk |
يالله حياكم اللي بتروح معاي تجهز الجنطة طيارة خاصة لنا بسسسسسسسسسسسسس:57: |
كلنا وودنا نروح :56::e11e::e11e: |
مساء الخييييييير اسمع طاري سفر :2: محد وده يسافر كثري اكثر وحده محتاجه اجازه من البيت الله يوفق الجميع و يرزقكم كل ما تتمنون |
ياحلووو السفر وطواريه :13::13::13::13::13: نسيت اصبح عليكم من حب السفر صبحكم الله بالخير قصة انا اقول قبل ودي اعيش نفس فلونه وسوي كل شي بايدنا نفسهم خخخخ حتى تكرمين النعل سوووهم ههههه في بدزني باريس شجرة فلونه للاسف ما قدرت اصعد ادخل اللعبه من التعب والتلفلف بس العيال راحوا لها |
مساء الورد الظاهر حراره الجو اثرت علينا وودنا كلنا نسافر ام علي حياج الله في طيارة قصه الخاصه بتودينا مكان نعيش مثل فلونه |
حياكم حياكم طيارتي كبيره تشيل كل الحبايب :55: وراح نطبخ على الحطب :1: |
اقتباس:
يا صباح القشطة والعسل اخيييييييييييييييييه على الطيارة وشوفتها تصير الابتسامة من هالخد ليه هالخد :1::e310::1: |
مسا الفل للناس الكمل وين الربع لايكون سافرتوا وخليتووي حايسه بالطباخ والحروق هههههه من السرعة كل يوم حرق :e11d: الحمدلله على كل حال |
مساء الورد لا موجودين بس نشوف لنا اسفيره عالبحرين ههههه سلامات دربالج ام حسين Sent from my iPhone using Tapatalk |
قاعدين ام حسين ماسافرنا نجهز عبايه ودراريع رمضان الطبخ برمضان مالي شغل فيه فطوري ان شاءالله كل يوم من بيت الوالد كافي علي الدوام |
يسعد صباحكم يا حلوين اموووووووووووونه عليك بالعافيه انا للحين ما سويت شي حتى الكبه ما لفيتها ممكن تتبنوني برمضان اصير اختكم هالسنة كلش مالي خلق اطبخ :28: الله يعوده علينا وعليكم بصحة وعافية يارب:e328: |
اقتباس:
ديري بالك |
مساء الخير من أمس بدينا نتعود علي السمبوسه مبطين عنها السفر يبيلها خمس أيام قبل رمضان مع رمضان أن شاء الله ليلتين بمكه وجده |
الله يسلمكم يارب قولو بس ان شاءالله تيي عليا وتفكني خخخ اهم شي تجهز لي وانا مستعدة أكمل الباقي فيصل عليك بالعافية السمبوسك شوف وصفتي بالسمبوسك الجبن قبل لا نقليها اغمسها بالبيض شويه ونغلفها بعدها بالزعتر ونثلجها وقبل الأكل نقليها وتعال أكل ما راح تسك وحلووة العمرة اتمنى اروح برمضان ماقط رحت برمضان عليكم بالعافية |
ام حسين سمبوسة بالبيض والزعتر هذي يديد لازم اجربها ، متى؟:1: بالعافيه عليكم |
حياك هذه وصفة العايله مالتنا خخخخخ لازم سمبوسك جبن كرافت قواطي وبعد اذا تزيد عليها هلابينو بتصير الذ بعد حياك بس لما تيي عليا ههههه |
| الساعة الآن 01:29 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO