|
صباح الخير شلونكم مع رمضان انا تعبت [emoji85][emoji87] Sent from my iPhone using Tapatalk |
مساء الخير شلووووونكم احس الشغل برمضان زااااد شي مو طبيعي من الصبح كتب واجتماعات وامس بعد الصلاة الشوارع زحمة نبي نبارك لاهلنا ماقدرنا من الزحمة |
هلا ابرار شلونج تونا اول يوم وثاني يوم ماخلص من شنو تعبتي |
مبارك عليكم الشهر يـ أهل الكويت وتقبل الله منا ومنكم صالح الاعمال سفر عامره بـ أهلها أن شاء الله ولاتبذير ولا اسراف هذا احسن شي امس اول يوم سفرتنا متروسه الواحد مايدري ايش ياكل وللاسف قمنا والسفره ماتغير فيها شيء مافيه احد اكل خليت المدام والشغالات يرتبون الاكل في صحون وقلت السواق اعزم ربعك واعطيتهم كل اللي كان السفرة حرام النعمة ترمي والله واليوم قلت لاشوف شيء غير الشوربة والسمبوسة بس للاسف المدام مبذرة كمان مسوية اصناف كثيرة وكمان عطيتها السواق بكره لو سويت كثير بخليها تاكلها لوحدها بالغصب :59::59: اللهم ادم علينا نعمتك فلك الحمد والشكر يارب نصيحة لاتسرفون في وجبة الافطار مافيه احد ياكل كثير والحمد لله لاجوع ولاعطش ليمونه مبروك نجاح اولادك الله يحفظهم يارب ويخليهم لك |
ابرار ليش تعبتي اكيد من الدوام والحر الله يعينج بو راكان احنا الفطور محد ياكل بس السحور ناكل ولله الحمد ما ظل شي اليوم قللت الاصناف |
مساء الورد الشوارع الصبح وايد زحمة للدوامات ومشكلة الاكل على الفطور كلنا نعاني منها محد ياكل ويظل الاكل للسحور الله يديمها علينا النعم |
هلا بو راكان علينا وعليك اشوه احنا هالمره اكلنا شويه وهيلثي ما نسوي وايد حرام والله لأَنِّي ما اتسحر أتم على فطوري واشبع ف مااقدر اكل للسحور من جذي اتعب لا امون اشوه احنا ماحاشتنا الزحمه اخاف طالعه عقب التراويح على طول Sent from my iPhone using Tapatalk |
مساء الخميس الونيس الحمدلله بنرتاح يومين من الدوام مافي قعده من الصبح لكن مازلنا على مشاوير التبريكات بالشهر بعد الصلاة |
هلا والله اختي ايمان انا افضل الدوام برمضان عشان اذا رجعت البيت انام واقعد حزة الفطور ويطير الوقت اما بالعطلة تقعد الساعة 12 لازم عشان الصلاة وبعدين عندك 7 ساعات على حزة الفطور صعبة اشوفها |
اي والله انا بعد أفضل الدوام يمشي الوقت عكس العطله كلش ما مشى الوقت Sent from my iPhone using Tapatalk |
الله يبارك فيك اخوي فارس |
صباح الخيرات اليوم طلعنا عقب صلاة العشا من العقيلة للروضة الحمدلله مافي زحمة على الخط السريع |
الزحمه كانت اول الرمضان بس |
دخول متأخر :34: مبارك عليكم الشهر الفضيل وبارك لنا ولكم ما تبقى منه :e306: |
علينا وعليك بوعبدالرحمن يتبارك ام حسين وليمونه الحمدلله احنا ما حاشتنا زحمه عقب الفطور كله تحوشني الصبح وقت الدوام Sent from my iPhone using Tapatalk |
وهذا أول اسبوع انتهى الله يتقبل منا ومنكم صالح الاعمال |
تقبل الله منا ومنكم صالح الأعمال يا مراقبنا عبدالرحمن مبارك عليك الشهر يابو عبدالرحمن ابرار الحمدلله ماعندي دوااام ياحلووو النومة الصبح |
اميين عبدالرحمن [emoji1374] ههههههه ليش تحريني يا ام حسين خلي اللي في القلب فالقلب [emoji174][emoji174] Sent from my iPhone using Tapatalk |
مساء ثامن يوم برمضان ام حسين ليش تحرينا والله الدوام برمضان والزحمة الصبح صداااااااااااع |
ما يكسر خاطري إلا الناس اللي تشتغل تحت الشمس :12: |
اقتباس:
اي والله الله يعينهم Sent from my iPhone using Tapatalk |
الله يعينكم والله انا العيال اييون ينافخون من الحر والزحمة بس كله بأجره ان شاءالله اللي يشتغلون بالشمس الله يعينهم فقاره |
كثير من الناس برمضان ياخذ اجازه بالصيف بعد بس الحمد لله كل مكان مكيف من البيت للسياره للمكتب لازم يحس الواحد بالحر شوي |
الله يكون بعون الجميع ان شاء الله ويسهل علينا |
اللهم آمين |
افتتاح مسجد الامام الصادق عليه السلام في دوله الكويت http://uploads.tapatalk-cdn.com/2016...12ed390374.jpg http://uploads.tapatalk-cdn.com/2016...92d242e36a.jpg http://uploads.tapatalk-cdn.com/2016...1ad0cdb932.jpg http://uploads.tapatalk-cdn.com/2016...4d6976a731.jpg ربي يحفظ الكويت وأهلها من كل مكروه Umhusoonأرسلت بواسطة بإستخدام Tapatalk |
آمين يا ام حسين |
امين يارب |
مساء عاشر يوم من رمضان الايام تركض |
اللهم اخفظ بلادنا وكل بلاد المسلمين يارب بالفعل الايام تركض ما حسينا فيها |
صباح الخميس الونيس Sent from my iPhone using Tapatalk |
مساء الكابتشينو اكثر شي اوله عليه الصبح http://uploads.tapatalk-cdn.com/2016...2c049e1eb3.jpg Sent from my SM-G925F using Tapatalk |
امووون لا تتحرشين فينا الكبتشينوووو شكله يفطر هالحزه :32::32: |
الوقت يركض والليالي مقابيل يالله عسى اللي جاي احسن من اول ياوقت يكفي حطت الحظ والشيل الليل ساري وآخر الليل طوّل :20: ( نبض الكيبورد ) |
هههههههه اميرة نبض الكيبورد مو منج من الصوم :e032: |
هههههههه صح السانج أميره اذا الصيام جذي يسوي عيل صومي طول السنه Sent from my iPhone using Tapatalk |
هههههههههههههههه |
اقتباس:
|
ام حسين مساء الخير هذي قصة الشنطه اللي ضاعت بمطار الكويت هههههههههههه بين الحلم والواقع وانا في نوم عميق يدق صوت الجوال ولأصرار ذلك المتصل على ضرورة الرد قمت متثاقله ولم ألحق على الرد فنظرت في جوالي وألا والدي الكريم قد اتصل 7 مرات نظرت الى الساعه واذ هي السادسة صباحاً والذي افزعني هو عدد الاتصالات أنما غيابه أمر طبيعي لأن طبيعة عمله لاتعرف ليل او نهار أتصلت به فوراً فأخبرني بأنه بالمطار ومن الضروري السفر للكويت لوجود مؤتمر طاريء وطلب مني تجهيز شنطة السفر وأحضارها له بالمطار وعلي أحضار جواز سفري وشنطة السفر لمرافقته وطلب الأسراع لانه لا يبقي على الرحله سوى ثلاث ساعات فقط خلال ساعه كنت بالمطار واتجهنا الى مطار الكويت عند نزولنا اتجهنا لأستلام الأمتعه فاستلمنا حقائبنا ألا شنطة والدي لم نعثر عليها واتضح أنها ليست على متن الرحله ولربما تصل لاحقاً على رحلة أخرى جميع ملابس والدي والبشت ولوازمه الشخصيه بتلك الشنطه ولم يبقى على اجتماع اللجان للتحضير للمؤتمر سوى ثمان ساعات هنا يأتي دور إدارة الأزمات وفي علم الأداره يوجد نوع من أنواع القياده يسمى ( قيادة الموقف ) فعلى سبيل المثال حدث حريق في أي مبنى وارتبك الجميع وأخذو يتخبطون فيخرج حارس المبنى ويقول أتجهو للباب >>> هنا الحارس قاد الموقف ....... فقائد الموقف هو من يصدر التوجيه الصحيح بلحضه محدده وهنا فكرت قليلاً وتمالكت أعصابي لانني رأيت والدي قد أنشل تفكيره وقلت أبي قال نعم قلت علينا الخروج من المطار فوراً ونبحث عن بدائل نظرت للسائق الذي يستقبلنا فلم أجد به ذلك الشخص الذي يوحي بالنفع فوقعت عيني على شاب كويتي يمر من أمامي وسبحان الله شعرت بأن هذا الشاب سوف يساعدني ! قلت له ياأخ لو سمحت قال نعم اختي تفضلي وشرحت له الموقف كامل وطلبت منه يدلني على المحلات اللي تبيع البشوت ومكان تفصيل الدشاديش قال لي ابشري واعتبري الموضوع منتهي وابشري انها خضرا وبأذن الله يمدينا نسوي شي واسمحولي فقط عشر دقايق وارجع قلت بارك الله فيك اخذنا نترقب له لمدة عشرون دقيقه ثم حضر قال مشينا ركبنا معاه والسائق خلفنا واتجه على الفور لمنطقه نسيت اسمها ودخلنا محل راااائع اسمه الكاكولي اشترينا قماش وفصل دشاديش بنفس السوق قماشهم رائع قال مشينا وودانا لسوق المباركيه قال بوديكم لأقدم محل بيع بشوت بالكوويت دخلنا المحل واختار بشت قماشه وبر نجفي والزري عريض مذهب بخيط فرنسي اصلي و لما فهمو المشكله قالو حاضرين بعد المغرب يكون مخبون جاهز يافرج الله انتقلنا لاماكن اخرى لشراء بعض الاحتياجات الرجاليه كانت الساعه الرابعه عصراً ووالدي لم ينم من امس قال هذا الاخ خلاص اوديكم الفندق خلي الوالد ينام لو ثلاث ساعات وانا اتولى متابعة واحضار البشت والدشاديش الساعه السابعه مساءً كانت الأغراض بالفندق بفضل من الله وبفضل هذا الأنسان الشهم الرجل كريم الأخلاق ونبيل المشاعر وسبحان الله من ذلك الموقف نشأت صداقه عميقه بين عائلتنا وعائلتهم لايمضي عام الا ويزوروننا بالمدينه ونزورهم بالكويت أسره كريمه راقيه كباقي اهل الكويت الكرام الذين يعلمون الاخرين معنى الرقي وسمو الأخلاق ذلك الموقف لن انساه لأن الوقت كان خصيمنا ونحتاج لكل دقيقه والأمر لايقبل انصاف الحلول ومن ذلك الموقف حدث عند والدي ردة فعل لايسافر أبداً ألا وبيده شنطه صغيره بها مايحتاجه من ملابس تفي وقت الضروره أو حدوث أمر طاريء من العائلات الكريمه التي استضافتنا بالكويت عائلة النائب سامي المنيس هذا العملاق والقامه الأعلاميه والثقافيه ويعتبر من رجالات الكويت عائلة ابراهيم الصلال بو خالد الله يمسيهم بالخير وعبر هذا المقال أوجه لصديقتي خالده الصلال خالص تبريكاتي برمضان الكريم الكويت بلد العز والأصاله فأطلب الله أن يحميها لشعبها وأميرها الغالي |
منوره اليوم الديوانيه باميره حياج الله في الكويت وهالمواقف اللي تصير وايد بايخه لكن الحمد لله قدرتوا تحلون المشكله ماشاءالله عليهم اهل الكويت اهل فزعه واكيد اهل الخليج كلهم ماعليهم زود حسبي حسابج مرة ثانيه نبي نشوفج |
| الساعة الآن 02:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO