|
اقتباس:
والله اليوم كل من يدش البيت رادين من الدوامات يقول حررر |
السلام عليكم ورحمة الله وبركاته أهل الكويت الحبيبة عمتم مساءً لدي رغبة خفية و أمنية لزيارة الكويت الغالية على قلوبنا جميعاً لكني آثرت تأجيلها إلى منتصف اكتوبر أو نهايته. أم حسين والرائعة الإيمان ما شاء الله عليكم لو تساعدون أخوكم في جدول سياحي خفيف للويكند ( عائلة صغيرة جداً).. فأكون لكم من الشاكرين. حفظك الله ورعاك |
مساكم الله بالخير جميعا تنورنا اخوي بديرتك والخوات م راح يقصرون معاك اكيد شلون الديوانية .. ايمان ريحة الجو عندج واصلتلي من الفون والله [emoji76] أرسلت بواسطة iPhone بإستخدام Tapatalk |
اقتباس:
راح نضبط لك جدول باذن الله |
هذا جدول ان شاءالله يعجبك جدول الكويت خلي اول يوم المباركيه تغدوا او تعشوا هناك في مطعم فريج صويلح او مطعم الشمم وبعدها تمشوا بالسوق سوق المباركيه وايد حلو وشعبي وبتستانسون فيه وبعد ما تخلصون السوق روحوا تمشوا في حديقة الشهيد في مرحلتين المرحله الاولى فيها مطاعم والمرحله الثانيه حلوه فيها نافورة ونماذج لمعالم الكويت هذا اليوم الاول ☝�� اليوم الثاني بيكون الجمعه اكيد بتطلعون بعد صلاة الجمعه وصلاة الجمعه بكل المساجد ممتازه ولكن اذا ودكم بزيارة المسجد الكبير فيه زيارات بجولات فيه بس ماني عارفه توقيتهم بعد الصلاة انصحكم اذا حابين تتمشون الظهر تروحون الافنيوز مول الافنيوز كبير جدا وتقدرون تتمشون وتتسوقون وفيه مصليات بعد اذا تبون للعصر والمغرب اذا حابين اكل كويتي بعد او تركي او هندي يعني رز وجذيه روحو منطقة "السوق " هذا قسم بالافنيوز كأنه سوق قديم وفيه مطاعم وجلسات المطاعم هني كلها اكلات حلوة ارشح لك مطعم الدروازه ...ومطعم كافيه بزه ...او سوتيش التركي تقدر تطلب منهم القهوة العربيه او تتقهون بمطعم "حليب وهيل " وتحلون بالحلويات الكويتيه واعتقد بتلاقونها بالمطاعم نفسها هنا بعد الافنييوز في اماكن بالكويت حلوه افتحوها مطاعم وتمشي ١- مركز جابر الاحمد الثقافي ٢-حديقة البوليفارد السالميه ٣-مارينا كريسنت حلو المكان على المرسى للمراكب واليخوت والمكان مطاعم وجلسات فيه عندهم مراكب او مثل ما تقول تاكسي بحري ياخذكم بجوله بالبحر قريب من الشاطئ تصورون المدينه منها بعد ما تخلصون من جولة البحر روحوا المركز العلمي فيه اكواريوم ومكان حلو للاطفال وكافيه في مطعم بابل على البحر حلو بس غالي شوي بس وايد حلوة قعدته تلاقيه مبنى لحاله على البحر جميل وقعدته جميله اليوم الثالث اذا حابين تتسوقون للدراريع تلاقون في المباركية سوق الصفاة هذا يكون عندهم دراريع جاهزه وحلوة بعدها روحوا مول ٣٦٠ مجمع تمشوا هناك " المروج مجمع مطاعم وايد حلو المكان ومزدحم بالناس يعني روحو مبجر انصحكم بالمكان مميز بالمطاعم والجلسات اللي فيه وان شاءالله اذا حابين شي ثاني احنا بالخدمة على فكره اذا تبون السينما موجوده بكل المولات الافنيوز و٣٦٠ والمارينا المولات الماركات الغاليه مجمع الصالحية برج الحمرا مجمع الرايه عندك بعد مجمعات بالعقيله بس ما انصحك بالويكند لانها زحمة وتاخذ وقت بس علشان تطلع من الشارع المولات هي مجمع الغيت والبيرق ومجمعات فيها العبايات واسواق الملابس الخفيفه وسلامتك واذا ودكم بشي ثاني احنا حاضرين |
اقتباس:
ما شاء الله عليك جدول جَميل جداً أختي الكَريمة أنا حفظت الجدول لدي في مفضلتي. وبإذن الله أزور الأماكن هذي كلها. والنور نوركم ربي يحفظكم. اسعدك الله أختي الكَريمة :e030: |
مساء الخير ما قصرت أم حسين |
اقتباس:
تنورونا وتتهنون ان شاءالله واحنا حاضرين لاي استفسار |
اقتباس:
|
مساكم الله بالخير والسرور شلونكم يا ريع الديوانيه |
| الساعة الآن 01:42 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO