|
صباحكم فل يا قشطة يالله هانت السنه طارت ما شاء الله والفاينل على الابواب ربي يوفق عيالي وعيالكم يارب اقتباس:
سلامات والله اخييييييييييييييييه انا من مرضى الضغط العالي المستمر تعالي ساليني عن المعاناه الحمد لله على الصحة والعافية ديري بالك حبيبتي لازم تراجعين على طول ولا تهملين ابدا وابعدي عن اي تنشن او زعل والجو الحار والملح الزايد وامشي على الاقل يوم وترك ترا ترتاحين حييييييييييل ربي يشفيك ويشفى كل مريض يارب:18: |
انا من البارحة ضعطي مرتفع والله يعين امون زين سويتي اخذي اجازة وريحي شوي |
سلامات ام حسين ترا الضغط العالي الحين بالكويت صار سمة مميزة ولا نعلم السبب |
لو عرف السبب بطل العجب ضغطي رحت بعالجه بمعرض الدراريع اللي بالراية اوووووه زحمممه وغلاء مبالغ فيه حيييل اشدعوه الدراعة ب ١٥٠ وطالع ... كاهي بالبلوكات ب١٥ دينار كلش كلش ٣٠ دينار اغلى دراعه بالبلوكات نفس الخام ونفس الموديلات بس زادتها كسره جدام والا دانتيل مو من صجهم والله يعني الخام ماركة اشتريها بهالسعر لا يبه مستعده اشتري ب١٠٠ و٢٠٠ بس يضمنون لي ان الخام من البوتيكات المشهوره ههههه الحمدلله بخلي فليساتي للسفر وباخذ الدراعه الحلو اللي تستاهل سعرها وموديلها ارتفع ضغطي أكثر هههههه استغلال بس رد صار طبيعي بعد ماشفت مديرتي السابقه وسولفنا مع بعض رؤية الاصدقاء القدامى شي جميل وينشط الذاكرة وكملت علاج الضغط و رحت مطعم باجر احط لكم صوره اذا الله راد ومن بعده زيونه اذا خلتني :40: تصبحون على خير |
ام حسين الصراحة ما الومك اوافق الرأي 100\100 اشهالجنووووووووون واللي بط جبدي وحدة من الفاشنستااااااااااات بالسناب تقول تعالوا الاسعار رخيصة حدها وصورت دراعه عاديه جدا وبسعر رخيص تعالوا 20 دينار بس:10: والله العظيم هذخ بالسوق يمكن ما توصل 5 دنانير اذا ذبحت عمرها هالراعة جنننننننننننون وملاقه وهبة ماصخة والناس يشترون ورزق ال__ على المجانين اللي يدفعون هالمبالغ الوايدة عندي استعداد ادفع مبلغ وقدره بس على شي يستاهل فعلا متى نفتك من هالهبه والفاشنستات اللي يجننوا الحريم :21: وسلامتك وعوافي ما كليتي بالمطعم |
مساءالورد الله يسلمج قصة حبيبتي ام حسون انا اصلا ماافكر اروح هالمعارض لاني انغشيت وانقرصت منهم مره شريت دراعه ب180 دينار ولقيت نفسها بالعربيد مت من القهر وتووووووووووبه مااروح هالمعارض والله كان ارتفع ضغطي وانفجرت |
مساء الخير الخير عندنا و عندكم المعارض دايما مبالغ فيها انا صرت ما احب المعارض بسبة الغلاء الفاحش و صدق يعني مرات القطعه ما تسوى تلقينها بالسعر الفلاني عندي محلاتي المعروفة ادفع فيهم آلاف و انا عارفه عنهم من الألف إلى الياء احسن من المعارض اللي تشوفين خاماتهم من السوق و لونهم يتغير بعد كم غسله |
اي والله جنون وما يسوى الدقة اني كنت رايحة السبت البلوكات وشايفه الخامات والدراريع جاهزة نفس الموديلات باضافه بسيطه عندهم دانتيلا او شريطه وبالبلوكات على ١٥ الى ٣٠ حدهم اشدعوة عليهم الله يعافيج قصتنا الحبوبه امون صاجة قبل انا نفسج مينونه اروح واتشرى بالشي الفلاني .. يوم تعرفت على البلوكات والفروانية قلت لا بعد ماكو قص علينا خلاص الحين طلبت قطعة خام وبفصلها بتصميمي |
من صجكم تروحون معارض خو الفاشينيتا عادي عندها العشرين صارت ولا شي بالنسبة للي تحصله من اعلاناتها عمري ما شريت من معارض من عمر وانا الله يخلي البلوكات والحين بالعقيله بعد شحلوهم اذبحوا عمرهم ثلاثين مو المعارض النصب وهالسنه هابين بالتور أشوفهم .. انا يكسرون خاطري اللي يتابعون الفاشينستات وخصوصا خواتي الخليجيات ايون مساكين وياخذون بالاسعار النار واهي بالأصل أرخص بوايد ومساكم خير [emoji23] Sent from my iPhone using Tapatalk |
صاجة ابرار والله انا بعد اقول نفس كلامج وعلشان جذيه حطيت ذيج السنة عن البلوكات هني بالمنتدى ابرار بالواتس عطيني اسم المحلات اللي بالعقيلة امس سمعت عنهم بعد ان شاءالله نخلص من فرارة الدراريع |
| الساعة الآن 11:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO