|
ههههههههههه انا قبل دقايق وكأنني قرأت اسمي واسم ابرار خيوووو مافيش موضوع للمنتدى يخص الستات لانه السوشيل ميديا والسناب والانستقرام طفح وغرقان بهالسوالف الي تخص الستات عموما موضوع جميل وجيد وممتاز للشنبات وبالاخص بهالزمن الي الحين نعيشه زمن الاهتمام والشياكه والالتفات للنفس وللأسف لازال هناك بشريه لا تلتفت لنفسها من نظافه واهتمام بالمظهر والشكل والملبس نصادف اشخاص يشمئز المنظر لمجرد مشاهدتهم وغير القذاره الشخصيه بعدم اهتمامهم بالمظافه وياكثرهم في الصيف يابوي تحتاج بف باف بعد ما يمشون ياويلي وكذلك بعض البشريه اشوفها ماتهتم الا بالاعراس احلى لبس وشياكه وعطر من بعد عشرين كيلو العطر يوصل لي اخر معزوم في الصاله وفي الايام العاديه حتى مسك مايعرف له طريق والبعض في السفر تشوف الشياكه واللبس ع وحده ونص لبس اخر موديل وتحلوقه الشنبات واهتمام وكل شي وفي ديرته بلاده الله ياخذه دشداشه اسبوع فيها شماغ شهر فيه عطر يستخسر يشتريه والدينار الي بيعطيه الحلاق الصالون يستخسره ويقول اشتري فيه زقاير احسن ويخلي شنباته ولحيته ارف أرف بأرف حتى لو هو جميل ملامح حماله اختفت وانمحت مع شنباته الي حتوصل لي ركبه نحن بزمن اهتم بنفسك بنفسك وخل نفسك اول وبعدها الاخرين لاتستخسر اي دينار واي ساعه تقضيها لنفسك وعمرك ( العمر مره ) مو كل مره والساعات اذا اتتت وذهبت ماتعود مره اخرى فانتهز هذه الساعات [emoji259] الملابس حلوه والمحلات في الماركات العالميه وفي العاديه وفي الي تناسب كل الفئات والميزانيه ويقدر الشخص يعمل لنفسه كنترول وميزانيه لنفسه شهر يشتري جزم وشهر يشتري دشاديش وشهر يشتري شماغات والى اخره او يعمل كل شهرين او كل معاش راتب يشتري شي جديد لعمره ويهتم بنظافته هذا عاد مايبيله كل اسبوع او كل شهر هذا يومي وبالاخص الرجال لهم طلعات وروحات وايد وشمس وحر وخيسه يارباه الله يعينهم ويعطيهم العافيه وبالاخير الجمال والاهتمام بالنفس وبالشكل شي طيب لك ولغيرك وللجمهور العام الي هو احنا فخفو على الجمهور العام ماله ذنب تتعب عيونه ووتعور من مشاهد واشكال تجيب الحارج والجلطه والأرف احب بزمات اقنر ودشاديش الخام من كاكولي شي طيب وروعه والبحرين في مجمعات تبيع خامات للدشاديش وشماغات شي طيب واحنا في الكويت عندنا محلات وايد لبيع الاقمشه وكذلك في تركيا وتايلند وماليزيا والمانيا شفت اقمشه يعني بالسفر بعد التفت لنفسك واشتري لنفسك احيانا تصادف محلات لبيع اقمشه ممتازه وجوده العطور لها ابرستيج صيفي وشتوي يختلف ولكل موسم بريستيجه ورائحه خاصه له الفرنسي والعود ودهن العود والكريمات والبودر والمزيل للعرق الاحذيه بكل مكان في محلات الماركات العالميه والعاديه والمتوسطه مثل احذيه ال في شي خطير وكذلك بربريز وفي الي اسعارها متوسطه مثل تومي ولاكوست ودكن واي وسي كي احذيتهم حلوه وغير الاحذيه الرياضيه اسعارها متفاوته وتناسب الجميع الساعات كذلك في الرسميه وفي اليويمه والرياضيه وفي الي للبدلات والي للدشاديش وفي الي تناسب كل الملابس وماركات متفاوته اسعارها الاقنر اصبحت بمتناول الجميع وكل من اشتراها والبربريز احبها ستايلها راقي وهادي وكذلك الفندي صح غاليه بس راقيه واااايد ساعات شروتي بعد حلوه وتناسب الجميع وحق البدلات والجنز والقمصان شي راقي العطور والمسك والدهن العود والبخور وهالامور الناس اذواق وانتو وشنو تحبون وشنو يعجبكم طابت ايامكم وانفاسكم وجمالكم يحفظه ربي ويخليكم الله ولجمالكم وزينتكم وشياكتكم |
ليمونه ما شاءالله خلصتي الموضوع انتهى هههههه ما خليتي شي |
الرجل الانيق " شاركنآ " اقتباس:
هههههههه ضحكتيني ام حسين اشوه مافي رجاله يمي واسمعو ضحكتي قتلني ردج يعني امسح من تعليقي واخلي الجزء الاول بس |
موضوع حلو يعطيك العافيه عمار على هيك موضوع راجع لك ................... |
احيانا العطور الرجاليه تفرض نفسها عند الجنس اللطيف ولايمكن ان تقاوم ولاتشتريها وتقتنيها اعشق هالعطر سواء صيف شتاء لابد اني استملكه مع انه عطر رجالي http://uploads.tapatalk-cdn.com/2016...92a59b8548.jpg ماعليكم الا بالعطر والبوك بعد شبابي بس حبيته وشريته خفيف وعادي بناتي ولادي يمشي حالوووو وسعره مناسب |
موضوع حلو بالعكس المفروض ندخل ونشارك ونستفيد يعني عشان اذا حبينا نهدي ازواجنا او اخوانا زوجي وولدي يخيطوا عند سندي وتوبي للاعياد والمناسبات المهمه اما ثياب الدوام يشتري القماش من البلد الشوزات والشراقي انا مالي خبرة فيها بكن برضو الشراقي من البلد |
اقتباس:
خليهم خل نشوف ابداعهم وننصدم من مشترواتهم خلي نشوف الشنبات من يتحلطمون ع الستات من تروح وتتسوق ويتملللون ويتأففون ويقولون انتو كله تشترون وتبذرون فلوسكم ع السوق خل نشوف اهم شنو يشترون وبكم وكل متى يروحون يتسوقون |
اهلا بالجميع .. الثياب فسندي وفي لومار شبابية حيل لكن المناسبات الرسمية صعبة نلبس لمار والله ليطلعوني ربعب من المجلس ههههههههههه مرة فصلت ثوب اسود واخر الاكمام احمر خرجت من المجلس :27: |
كعادتك ياهولمز مواضيعك مميزة بما ان الموضوع للشنبات نترك التعليق لهم ليمونة جربي العطر النسائي لنفس الماركة mancera جدا حلو هولمز عاد انت شطحت اسود وأحمر يامفتري |
اقتباس:
مجربتهم كلهم الي احبهم هذا والروز فانيليا |
| الساعة الآن 08:37 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO