|
رد: نامت عيوني على حسنك ؟؟ ابرار بصراحه انا صدقت قصة اللي تبكي اكيد حبيبها كويتي ههههههههههه |
رد: نامت عيوني على حسنك ؟؟ تقرير و تفاصيل روعه صور ابداااع تسلم يدك متابع |
رد: نامت عيوني على حسنك ؟؟ ماشاءالله عليك اسلوبك حلو تحمسييين :205: بسالك اختي هل الواحد يحتاج يعتمد على سيارة في كل تنقلاته ؟ |
رد: نامت عيوني على حسنك ؟؟ اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif الشلال روووووعه السياره مواقفها بفلوس صح أم تغيرت وأعتقد فيه اللاما عند المواقف والله يا بوغازي كل الشلالات اتينن شكثر مرينا على شلالات ماشاءالله .. عدل ماتغيرت بفلوس اي موجوده اقتباس: المشاركة الأصلية كتبت بواسطة الايمان http://www.arabtrvl.com/vb/traveler/...s/viewpost.gif ابرار بصراحه انا صدقت قصة اللي تبكي اكيد حبيبها كويتي ههههههههههه كااااااااااااااااااااااااااك اي حبيبها كويتي اقتباس: المشاركة الأصلية كتبت بواسطة MOBARKI http://www.arabtrvl.com/vb/traveler/...s/viewpost.gif تقرير و تفاصيل روعه صور ابداااع تسلم يدك متابع الله يسلمك مباركي اشكرك على كلامك الطيب اقتباس: المشاركة الأصلية كتبت بواسطة حريــر http://www.arabtrvl.com/vb/traveler/...s/viewpost.gif ماشاءالله عليك اسلوبك حلو تحمسييين :205: بسالك اختي هل الواحد يحتاج يعتمد على سيارة في كل تنقلاته ؟ مشكووره حرير :) اذا من منطقه لي منطقه يفضل سياره لان جمال الطبيعه لاشعوري يوقفج في اي مكان يعني لوكنت في قطار ما راح اقدر اوقف اي مكان يعجبني من جذي فضلت السياره مع اني من محبين القطارات |
رد: نامت عيوني على حسنك ؟؟ مشلكتي لما سافرت سويسرا ما خططت وطبيعتي كذا ما أخطط لنفسي كثير مطل هاردركلم صراحه ما كنت اعلم عنه شفته بتقرير فهد ابوفارس مشرف الصور أول مره ثم تقرير عاشق الخالد ثم تقريرك وكل مره أقول هالمكان روعه وكل الناس تعرفه وأنا ما طرى علي بالمره لها زياره انترلاكن ان شاءالله ونزور هاالمكان كل الشكر |
رد: نامت عيوني على حسنك ؟؟ اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif مشلكتي لما سافرت سويسرا ما خططت وطبيعتي كذا ما أخطط لنفسي كثير مطل هاردركلم صراحه ما كنت اعلم عنه شفته بتقرير فهد ابوفارس مشرف الصور أول مره ثم تقرير عاشق الخالد ثم تقريرك وكل مره أقول هالمكان روعه وكل الناس تعرفه وأنا ما طرى علي بالمره لها زياره انترلاكن ان شاءالله ونزور هاالمكان كل الشكر حسافه بوغازي انا اذا معاي قروب لازم اخطط له ولا يا كلوني بس اذا بروحي لا عادي المره اليايه ان شاءالله لازم تزوره |
رد: نامت عيوني على حسنك ؟؟ مسائكم نور ونوير اليوم الثالث والاخير من انترلاكن كالعاده قعدنا مبجر تريقنا وجهزنا اغراضنا لان ورانا سفره لمنطقة ثانيه فلازم نستغل اليوم عدل .. قلنا الساعه 9 الصبح نطلع ونحرك وفعلا تحركنا ورحنا صبينا بانزين .. المهم واحنا نصب سألت اختي قلت لها اهي قالت 91 اللي سلمتنا السياره مو تنسين وسجلنا بالورقه رقم النوع وصبينا ومشينا الى وجهتنا مشينا وتوكلنا على الله http://www.arabtrvl.com/vb/picture.p...ictureid=16245 وجهتنا كانت نمر على فوكس اوت لت وبعدها ندش منطقتنا لكن اللي حصل شي ما كان يخطر على البال .. فجأه وانا اسوق دواسه البانزين مو قاعده تدوس خففت السياره بروحها واهني كنت قاطعه مسافه ساعه وربع تقريبا يعني مو باجي شي على وصولنا الاوت لت لان اهو ياخذ وقت ساعتين و 38 دقيقه .. جان توووووقف السياره وسط الشارع وفووووووق الجبل وطريج بس حارتين رايح راد وتحتنا الوادي .. واختكم اهني ماهي عارفه شتسوي ونزل من السياره اشوف اشفيها واجيك ياربي كل شي اوكي شنو صار ارد اشغلها مافي فايده مو راضيه اجيك على الماي والمكينه والدهن كل شي تمام .. بس انا كنت شاكه في البانزين بس انا سويت اللي اهما قالوا عنه الرقم 91 .. وبدينا نعدل حركه المرور والسيارات رايحه راده علينا انا جهه وبنت عمي جهه المهم واتصل على الشركه يا انهم ما يردون او مشغوول ينيت .. لاني قاعده احاتي امي ادري اهي قاعده وساكته بس ادري انه سكرها مشلل بالعلالي والوسواس لاعب فيها .. واحاتي ابرتها ف تنرفزت مو عارفه شسوي فجأه وقف لنا اماراتي وزوجته ومسكين ماقصر معانا يحليله بس قلناله توكل على الله مانبي نعطلكم .. جان اقول بدق على الشرطة ... كلمت الشرطة جان يقول انتوا وين قلت وانا شدراني ماكو يافطات ولا شي عشان اعرف اللي اعرفه اني فوق جبل وتحتي وادي وطالعين من انتر رايحين الاوت لت جان يقول لازم اعرف انتي وين بالضبط http://www.arabtrvl.com/vb/picture.p...ictureid=16246 وقف ورانا ريال جبير مع مرته علبالهم في اشاره انتهزت الفرصه وقلت اكلمهم قبل ما اسوي لهم درب وانا اكلم الشرطي قلت لحظة الحين يقولك هذا احنا وين رحت اسألهم ولا الطيبين مايتحجون انجليزي ... ياااااليل الليل يا ابرار شتسوين جان يقولي اتعرفين الماني قلت لا الماني ولا فارسي عربي وانجليزي غيرهم مافي .. وانا اكلمهم قلت انطر واكتب لهم في العم قوقل للترجمه بالالماني وعرفوا شنو انا ابي ( قلت قول حق الشرطي احنا واقفه سيارتنا ونبي احد ياخذنا ووين واقفين اشوه فهموا بعد الترجمه وكلموا الشرطي ) بعدين سويت لهم طريج وراحوا المكان اللي احنا واقفين فيه اسمه سوستن الاسم اللي بالصوره فوق .. جان يقولي الشرطي خلاص احنا كلمنا الشركة واهما راح ايونكم .. والله ونقعد ساعه على ما وصلنا الونش جود اهني الساعه تقريبا 1 يعني راح علينا الاوت لت المهم ويشيل سيارتنا الونش وامي واختي فيها وانا وبنت عمي جدام مع السايق :)) والمنظر مخيييييف واحنا في الونش صراحه .. الحين انا استانست الونش شفته مكمل الطريج قلت زين يقص باجي الدرب ولا ياخذ فوق تحت ويردنا عايدي قلت ليييييييييييييييييش حرام وساعه وربع اللي صعدتهم والله دخت يكفي اني خايفه وانا اصعد هالجبل اللي احس ماله نهايه جان يقول نرجع شركتنا وياخذكم تاكسي يوصلكم انترلاكن عشان تاخذون سياره من اهناك قلت لااااااا مو من صجكم والله حراااااام وصلنا كراج راعي الونش واقوله شنو فيها السياره لاني شاكة انه المكينه طقت من بعد ال 91 بعد الفحص جان يقولي المكينه قلتله عشان البانزين صح جان يقول ايي لازم تصبون ديزل مو 91 قلت ادري ولان في استيكر مكان البانزين مكتوب ديزل بس مو مني لان الشركة اهما اللي قالوا لي 91 وبعدها قال خلاص الحين تدفعون تصليحها وتروحون واتناجر معاهم واكلم الشركة وقالوا لا مو منكم من موظفتنا ومادفعنا اشوه .. وصل التاكسي الساعه 2:15 الظهر وراااااح اليوم علينا يالله الحمدلله يت على جذي .. على ما وصلنا انترلاكن الا الساعه 3 وننزل واتهاوش مره ثانية قلت شلون ماتردون ادق محد يرد او مشغول خليتونا ندق على الشرطة وقعد يعتذر وقلت ليش ماتيبون سياره بديله بدال ماترجعونا جذي يروح الوقت جان يقول لا اهني نظامنا غير لازم من المكتب تاخذون المهم جيكنا على سيارتنا اليديده وتوكلنا على الله وهذي سيارتنا اليديده وكانت فولفو http://www.arabtrvl.com/vb/picture.p...ictureid=16290 قبل ما ناخذ السياره امي حنت علينا الا نروح بالقطار قلت يما ماكو الا العافيه خلينا على السياره واحنا حاجزينها وخالصين وبعدين القطار بعيد وتبديل مايسوى .. اقتنعت ومشت معانا .. ضبطنا القارمن وتوكلنا على الله ومشينا في هالجبل الى ماله نهاااااااااااااااااااااااااااايه والله كل اشوي نصعد وانا في قلبي اقول يا ابرار وين صاعدين احنا احس مافي نهايه وابي اعرف شنو راح اشوف وطبعا الطبيعه كل اشوي اتغير من تحت لي فوق من تحت الخضره اتينن وكل ما صعدنا خفت الخضره والله انا حسيت انه راسي افتر من دورة الجبل وقاعده احاتي طريج الرده انه مايصادفني جذي جبل ثاني .. وصور اسم المنطقه مره ثانية عشان ما انساها ولايمكن انسها من بعد هالموقف :)) http://www.arabtrvl.com/vb/picture.p...ictureid=16247 http://www.arabtrvl.com/vb/picture.p...ictureid=16248 المهم كانت وجهتنا نروح الاوت لت ومن بعد الاوت لت منطقتنا المقصوده واهي ميلان :)) مدينه التسوق ... بس هالصور اللي صورتهم في هاليوم من اللويه اللي صارت نسيت التصوير والله .. الطريج اخذ منا من انترلاكن الى ميلان 3 ساعات و 45 دقيقه من غير توقف وصلنا على الساعه 7 المغرب ميلان وعلى طول عالفندق وهذي صور فندقنا هذا اسم فندقنا NH Collection Milano President وهذا في بوكنغ http://www.booking.com/hotel/it/nh-collection-milano-president.en-gb.html?aid=376381;label=bookings-naam-xjlPGMQw2OEYfLOTJiaLiwS59504141833%3Apl%3Ata%3Ap1% 3Ap2594%2C000%3Aac%3Aap1t1%3Aneg;sid=b282888809d79 8d0a54ef0eee182e490;dcid=1;ucfs=1;srfid=75c431e27d 4b3601e64e5931766e6d1d29020646X2;highlight_room= الفندق ممتاز صراحه وايد حبيته شرح والغرف حلوه وسيعه ونظيفه والحمامات عزكم الله وموقعه خلف الدومو ممتاز وانصح فيه .. وهذي بعض الصور http://www.arabtrvl.com/vb/picture.p...ictureid=16249 http://www.arabtrvl.com/vb/picture.p...ictureid=16250 http://www.arabtrvl.com/vb/picture.p...ictureid=16251 وهذي غرفتنا http://www.arabtrvl.com/vb/picture.p...ictureid=16252 http://www.arabtrvl.com/vb/picture.p...ictureid=16253 http://www.arabtrvl.com/vb/picture.p...ictureid=16254 http://www.arabtrvl.com/vb/picture.p...ictureid=16255 http://www.arabtrvl.com/vb/picture.p...ictureid=16256 وهذي وانا برا واقفه بالبلكونه http://www.arabtrvl.com/vb/picture.p...ictureid=16257 الكبت http://www.arabtrvl.com/vb/picture.p...ictureid=16258 الحمام عزكم الله http://www.arabtrvl.com/vb/picture.p...ictureid=16260 http://www.arabtrvl.com/vb/picture.p...ictureid=16261 http://www.arabtrvl.com/vb/picture.p...ictureid=16262 وهذيل من البلكونه والجو الحلوووو http://www.arabtrvl.com/vb/picture.p...ictureid=16263 http://www.arabtrvl.com/vb/picture.p...ictureid=16264 صاله الريوق والبوفيه http://www.arabtrvl.com/vb/picture.p...ictureid=16265 http://www.arabtrvl.com/vb/picture.p...ictureid=16266 http://www.arabtrvl.com/vb/picture.p...ictureid=16297 http://www.arabtrvl.com/vb/picture.p...ictureid=16298 http://www.arabtrvl.com/vb/picture.p...ictureid=16299 http://www.arabtrvl.com/vb/picture.p...ictureid=16300 http://www.arabtrvl.com/vb/picture.p...ictureid=16306 http://www.arabtrvl.com/vb/picture.p...ictureid=16302 http://www.arabtrvl.com/vb/picture.p...ictureid=16303 http://www.arabtrvl.com/vb/picture.p...ictureid=16304 http://www.arabtrvl.com/vb/picture.p...ictureid=16305 طبعا اول يوم وصول وعقب اللي صار معانا ميتين من اليوع ولازم نييب شي زين حق امي ولا راح يصير زعل وملت من الاكل الامريكي والايطالي رحنا ندور مطعم ولقينا هندي بس وين مكانه ماادري وخذينا برياني وجيكن بتر وردينا الفندق وتعشينا الحمدلله .. واهني انهي معاكم اليوم الاول من ميلانو على ان القاكم في اليوم الثاني ووين رحنا .. |
رد: نامت عيوني على حسنك ؟؟ الله عليك يا مشرفتنا ما هذا الابداع فـــاتني الكثير بس الحمد الله اني لحقت الابداع متاااااابع ......... |
رد: نامت عيوني على حسنك ؟؟ ابداع ابداع سبحان الله http://www.arabtrvl.com/vb/picture.p...ictureid=13978 موقف تعطل السيارة صعب والحمدلله عدى على خير متابع تفاصيل واحداث ميلان |
| الساعة الآن 10:25 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO