|
اقتباس:
وعليكم السلام كل واحد يجهز اوراقه ولابد يحضر الكل بالطبع للتبصيم لابد الشخص المتكفل يكون قريب من الدرجة الاولى لكم جميعاً و بالطبع لابد راتبه يكون كويس و رصيد الحساب يغطي تكاليف الرحلة حسب عدد الايام وهنا مثال لطريقة الحساب التقديرية لو رحلتكم 10 أيام و انتوا 8 اشخاص والتكلفة التقديرية للشخص الواحد باليوم 100 يورو تقريباً يبقى المجموع 32000 ريال سعودي يعني لو كان بحسابه 40 الف يبقى مقبول تحسباً للطوارئ |
مرحبا قدمنا اليوم على الشنقن من فرنسا واول مرة نروح اوروبا فعندي كم سؤال الله يجزاه خير اللي يجاوب:e304: سفرنا يوم ١٠ جولاي هل يمديها الفيز تطلع قبل؟ اختي حسابها فيه مبلغ فوق ال ٣٠ الف (مدة سفرنا لمنطقة الشنقن ١٣ يوم) لكن بما انها جابت كشف حساب شهرين بدل ٣ شهور الموظفه قالت لها اخوك يكفلك عادي واظن اخوي عبى ورقة لكن هوا رصيده وراتبه اقل منها بالنص يمكن كيف يصير يكفلها؟ اخاف يرفضون فيزتها اوفيزته لهذا السبب احنا ناوين نروح فرنسا لمدة ٦ ايام ثم سلوفينيا ٨ ايام هل فيه مشكله لان زيارة الدوله الثانيه اكثر من فرنسا بيومين؟ قدمنا حجوزات فنادق لكل مدة الشنغن بس الموظفه رجعت لنا حجوزات سلوفانيا وقالت تكتفي بحقت فرنسا بس اكذت علينا انه المفروض فرنسا اطول مدة.. المشكله في الابليكيشن قدنا كتبنا اسماء الفنادق (٢ بفرنسا و ٣ بسلوفينيا بدون مانكتب التواريخ) هل عدد الفنادق بالاستمارة بيخليهم يشكون او يرفضون بسبب اننا بنجلس بسلوفينيا يومين زيادة؟ المعذرة على الاطالة :49: |
اقتباس:
اقتباس:
بالعادة الفيزة تقعد من اسبوع الى 10 ايام. ولكن اجازة العيد مقبلة فيمكن تتاخر شوي ولكن نقول ان شاء الله تطلع. السؤال الثاني هل ينزل الراتب بحساب اختك. فاذا كان كذا مع راتب وتعهد اخوك فاعتقد يمكن يكون كافي السؤال الثالث وهي اتوقع راح تواجهكم فيه مشكلة فيه لانه الفيزا لازم تطلع من الدولة الاكثر اقامة وهي بحالتكم سلوفينبا ولو انتم مصرين على دخول فرنسا اول بدون ما تغيرون فنادقكم فكان من المفروض تعملون حجز فنادق وهمي يوضح ان فرنسا الاطول مدة. |
اقتباس:
للاسف مافكرنا انه يومين بتفرق. وقلنا نلتزم الصراحه احسن عشان مستقبلا ماتنرفض لنا اي فيزا شنقن.. و عشان توها طالعة لنا البريطانيه وكانت سهالات... هل ممكن نراسل السفارة الفرنسية هنا بالحجز الوهمي لايام زيادة ولا خلاص راحت علينا؟ :( |
اقتباس:
ما تقدروا تراسلوا الآن الاشياء هذي المفروض الاهتمام فيها قبل التقديم لكن اتوقع تمشي أموركم |
يارب انها تتيسر.. شكرًا لك |
اقتباس:
الله يسهل أموركم |
ما شاء الله شرح جميل |
ماهو افضل موقع لعمل حجوزات الطيران الوهمي وكذلك الفنادق |
كل عام وانتوا بخير من العايدين والفايزين إن شاء الله وأخيرا تفرغنا للفيزا عموما انتهت فيزتي الهولندية تقريبا من 3شهور وقررت اني أرسل أوراقي للسفارة ولأني مبصمة يمكن من 5شهور ونفس الجهة فيارب إنهم مايستدعوني للتبصيم إذا تكرمتوا علموني إيش الطريقة للإرسال وطريقة الدفع وسعر التكلفة |
| الساعة الآن 07:07 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO