|
اقتباس:
الله يحييك كل هذي الخدمات تطلبها من الاستقبال بالمكتب الموحد |
السلام عليكم ورحمة الله وبركاته أمس كان موعدنا بالمكتب الموحد أخذوا مني فقط كشف الحساب وتعريف بالراتب وصور التأشيرات السابقة وأول صفحة من الأبليكيشن استغربت ليش بس صفحة وحدة من اصل 11 صفحة، سألت الموظفة وقالت ما أحتاجها والصور الشمسية رجعتها بس هذا اللي طلبوه منا انقهرت على الأوراق اللي طبعتها 😂 |
اقتباس:
وعليكم السلام مبروك التقديم و عقبال الفيزا حسب الموظف او الموظفة ولا المفروض يأخذها كلها عموماً هي في السيستم و يراجعوها من السيستم بس يتأكدوا من التوقيع على الاوراق و فعلاً الصور ما صاروا يطلبوها لانهم يصوروا في المركز مع التبصيم |
السلام عليكم اعطيت مكتب يعبي لي ٦ اشخاص يوم ارسلها لين كلها اخطاء مع ان انا مجاوبه على الاسئله ! اول شي تختلف مدينه الاقامه عن مدينة العمل عند الاب وعند الاب حاط بمكان اسم العايله حاط اسم الاب و الابناء حاط لهم العايله ! و ثاني شي يختلف مدن الولاده من ابلكيشن لابلكيشن يعني ولادتي باول صفحه الرياض رابع صفحه محطوط مدينه ثانيه ! وعنوان الاقامه حاط اقامته هو بمدينه ثانيه غير اقامتنا الحقيقيه و النص الثاني منا حاط لهم اقامتنا الصدقيه ! و مكان التوقيع كاتب اسمه عند FROM COMPLETED BY : و اختي فيه خطأ بحرف باسم العايله مقدم حرف قبل حرف و ايضاً تاريخ انتهاء الجواز خطأ ! و يختلف عنوان السكن بلندن من ابلكيشن لابلكيشن يعيني الاب بفندق غير فندقنا و الام بالفندق الحقيقي ! كلمته اول مره عن كذا شي قال ما يهتمون بأي شي غير رقم الجواز حتى لو الاسم خطأ و الفندق اطبعو حقكم ومايهتمون بالابلكيشن ! مو معقول اعبي ١٢ صفحه وما يهتمون فيها ! وكلمته مره ثانيه عن اشياء ثانيه خطأ شاف كلامي وما يرد مدري وش اسوي |
اقتباس:
و الموقع فيه طريقة تعبئة النموذج اذا ما دفعتوا للموعد - عبي طلب جديد انا قدمت على فيزا دراسية وعبيت الابلكيش بنفسي وعلما هذي اول زيارة لي لبريطانيا الخطواط جدا سهلة وماتاخذ وقت |
اقتباس:
ولو اني عارفه انه بيسوي فينا كيذا عبيتها بنفسي وارتحت لكن عطيناه الفلوس وكل شي وحجز الموعد وموعدنا ايام العيد و بالاخير معاد يرد علينا مدري وش الحل |
اقتباس:
دايم نحذر من تعبئة المكاتب للنماذج لأن البعض منهم قليل اهتمام و حصل بعض المتقدمين على رفض بسببهم لكن الواحد يحرص و يبحث عن مكتب ثقة ان كان بحاجتهم الحل لاتكلمون الموظف و تواصلوا مع صاحب المكتب |
اقتباس:
حاطين هذا الرقم اللي اكلمه عليه وهو مصري ويوم كلمه ابوي مكالمه قال اللي مسويها لكم سافر ولو حصل خطأ دقو علينا وبعد مكالمة ابوي له كلمني واتس اب يقول حنا شركة محترمه لا تحملين موظيفنا اخطائك !!! لكن لا زلنا بخدمتك ! المشكله مدري ايش الاخطاء اللي يقصدها متوقع اني اجيه المكتب و امليه الجواز حرف حرف وهي عنده اصلاً ! حسسني انه مسويها لنا مجاناً ومفروض انا اللي اخدمه السؤال الآن متى يبين عندي ان الفيزا انرفضت ؟ لان ودي احجز موعد ثاني بنفسي للاحتياطي لان ما اثق فيهم موعدنا خامس العيد ١٠ يوليو و رحلتنا ١٠ اغسطس |
اقتباس:
يبين الرفض اذا استلمتوا الجواز صعب التغيير الان ولابد من الغاء الطلب و عمل موعد جديد لكن ان شاء الله الامور تمشي هذي المرة و المرة القادمة تعبين النموذج بنفسك اضمن و كل شي واضح و مشروح هنا |
السلام عليكم ورحمة الله وبركاته وكل عام وأنتوا بخير إن شاء الله عندي إستفسارين مخوفيني بصراحة أنا كان موعدي في 21 جون وقدمت أوراقي وبصمت وتصورت وأخذوا جوازي طبعاً ما وصلني منهم ولا إيميل أو رسالة بعد التقديم جاني إيميل منهم في 5 جولاي: This email is to notify you that your UK visa application is now being prepared for assessment by an Entry Clearance Officer. متى تتوقعون تطلع التأشيرة علماً إن سفري يوم السبت 16 جولاي؟؟ وهل معالجة الطلبات تتوقف وقت العطلة ولا تنحسب من أيام العمل أو إنهم يشتغلون عليها وقت العيد؟؟ لأن الإيميل جاني في يوم المفروض يكون عندهم إجازة. وكيف تنصحوني أتصرف إذا فيه شي أقدر أسويه خلال هذا الأسبوع |
| الساعة الآن 10:06 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO