|
الله يعطيك العافيه حبيبنا هاي مزمز تحياتي |
اقتباس:
سألت العسكري عن رحلتنا ووجهنا لشخص يطبع لنا أشرطة الشناط توقعت إنه موظف بالمطار شوي جاء شخص ثاني ويضحكون ويتكلمون عربي بشكل جيد وبعد ماركب لشنطتين قال أبي فلوس رفضت قال هديه ورفضت رموا باقي الأشرطة وهم ينافخون وودهم يذبحوني ونفس الموقف بالمغادرة من كوالالمبور الى الرياض ماوقف التاكسي الا شخصين بعربيتهم عن شنطة السياره ينتظرون نفتحها وشالوا بسرعة الشناط ورفضت وأنفخ عليهم ولا همهم يوم اصريت رموا الشناط وهم ينافخون ...... وقدامي اجانب وغربيين ولا شخص راح لهم يشيل شناطهم هم يشوفون الخليجي ينطون بوجه |
لاهنت يا خوي صراحه استفدت من الموضوع وسجلت بعض ملاحظات الشباب حتى استفيد اكثر |
الحذر ثم الحذر ثم الحذر النصيحة الاولى/ التعامل مع العرب المهاجرين، ونصيحتي خصوصا لاخواننا الخليجيين، النصيحة الثانية، استخدم التاكسي لأماكن الزيارات بدلا من ان تأخذ تاكسي بسائق خاص (200 او 300 او أيا كان) على قد مشوارك ادفع للتاكسي، هذي نصيحة مجرب. النصيحة الثالثة/ اشتري تذاكر دخولك للأماكن من المطار ان أمكن لا تأخذها نهائيا من المكاتب السياحية ولا من عرض السائقين نهائيا (مثلا - رحلة المنغروف شيرنق في لنكاوي 2 بالغين و طفل و رضيع اخذتها من مطار لنكاوي ب 200 رنقت للجميع *ليست للشخص الواحد* شاملة الغداء ومدتها 3 ساعات) مكاتب النصب خارج المطار عرضهم ب 600-500 رنقت على الأقل و شيرنق (يعني فيه ناس معك في البوت). اي نصيحة تخص ماليزيا بشكل عام انا حاضر. |
عنوان مكتب التأجير Jalan Pantai Chenang Kedawang, Perlis Malaysia مكان تأجير دبابات كفرين جديدة لنكاوي Happy Market هبي ماركة سعر اليوم كامل ٣٥ رنقت ينفع للعزابية والمتزوجين (الزوج و زوجته المغامرين) |
دائما أتجنب الذهاب الى المطاعم العربية في الخارج لان فيها نصب على الدقون ان صح التعبير، ما لاحظته هو عدم اضافة التسعيرة في قائمة الطعام والمستهدف طبيعي هو المسافر الخليجي يدفع ماعنده مشكله ((كاش الاخ)) مطعم عربي ما على المنيو تسعيرة الأفضل الابتعاد عنه ،.. |
السلام عليكم وصلنا السايق الى مطار كوالا وبدينا ننزل الشنط شوي والا اثنين شكلهم من الهنود او باكستانيين باخذوا شنطنا وحملوها على العربات سمعت أخوي يسأل السايق هالاشهخاص تبعك ؟؟ من قالهم ياخذون شنطنا بدون اذنا فبسرعه البرق السايق شخط فيهم وقالهم تركوا الشنط وحذفوا الشنط على الأرض والشرار يتطاير من عيونهم قلت لهم من طلب مساعدتكم ؟؟؟ انا طبعا عندي فكرة عن هالنوعيه من النصابين ادري بيطيرون بالشنط للكاونتر وبعدها يطلبون فلوس |
الابتعاد عن أي شخص يحاول يستفر بشكل مريب او يطلب منك مال حصل لاخوي موقف باكستاني مع زوجته سحره وكانوا ناوين على أخوي ...كانوا على بالهم يستفسرون عن عملتنا في اللحطة الأخيره انتبهت زوجته له ونبهته ومشى وتركهم |
شكرا على الموضوع الرائع وددت ان اضيف نقاط مهمة جدا بهذا الشان 1-اغلب شراىح Sim كارد شركات اتصالات تكون مسعرة عادة ويكتب السعر في غلاف بطاقه بشكل واضح 2- ارجو الانتباه ثم الانتباه من المحتالين في فروع شركات الاتصال خاصة في مطارات اذا ان بعضهم يعطيك سعر مضاعف اضعاف سعر بطاقه وبطاقات شحن اضافيةلذا وجب التنبيه وهذا موقف حصل لي اكثر من مرة لولا الله ثم انتباهي لها نرجو الانتباه ياا خواتي وشكرا مودكم رعد |
لما تشوف زحمة وطابور طويل في مطار كوالا عند شحن الشنط يوجد مسار خاص لمن معه اطفال .. اسأل الموظف المسؤول عن المسار وهو راح يوضح لك وبكدا تشحن شنطك في دقائق بدل الانتظار اكثر من نصف ساعة ونفس الشي في صالة الانتظار عند دخولك للطائرة بوجود عربات اطفال استخدم تطبيق جراب تاكسي او اوبر(اوبر ارخص) للذهاب للمعالم السياحية او اي مشوار اشتري التذاكر من النت قدر الامكان (توفير اكثر) قبل الذهاب لاي معلم سياحي خذ فكرة عنه قبل الذهاب له بيوم منها تعرف مواعيده والفعاليات المقامة فيه وخريطة المكان حتى تدخل وتذهب للشي اللي تبغاه وتختصر الوقت كاسر ثم كاسر ثم كاسر بإبتسامة هولييود خاصة عند الباعة الجوالين بالشوارع وفي رحلات المانغروف والالعاب البحرية ودبابات الدفع الرباعي واستئجار السيارات احترم وابتسم في وجه اي عامل بغض النظر عن جنسيته فراح تحس بمعاملة طيبة او نظامية على الاقل حذاري من المطاعم الشعبية وخاصة العربية (قذارة من خلف الكواليس) بعيني فئران تمشي وتمرح في المطعم الضيق ... معلم الشاورما يدخن سيجارة وعادي يسوي السندويتش بيده الملطخة برائحة السيجارة بقالة سفن الفن و ماي نيوس دوت كوم المنتشرة هناك ايعارها غالية مقارنة بالسوبرماركت والبقالات العادية منتجات لنكاوي وخاصة الجلود ماراح تجدها في كوالا وغيرها .. فلو عجبك شي اشتريه على طول |
| الساعة الآن 08:38 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO