|
موضوع رائع شخصياً انا مجرب كثير ولكن تعتمد علي مزاجك اذا كنت تحب الاطلاع والتعارف واكتشاف الثقافات ماراح تحس بالوحده. واعتقد ان البرنامج السياحي افضل بكثير من انك تكون حر وذلك من واقع تجارب ولوتلاحظو الاروبيين تعرفو السبب. |
أنا مع السفر لحالي الا في حالة اني اكون متزوج وقتها إذا أبغى اسافر لحالي لازم احدد وقت أسفر فيه زوجتي والاولاد لأنه لهم حق .. أما لو عزوبي أنا أشهد إنها أطنخ وأحلى سفرة بتكون .. لأن ما فيه شيء انت مرتبط به .. وجدولك معروف يعتمد على شروق الشمس وغروبها .. مو لازم تتضارب مع احد علشان تروح لمكان يمكن انت ما تحبه او هو ما يحبه .. لها عيوب بس الأكيد مميزاتها تغطي على عيوبها .. اهم شيء المتزوج فقط لا يسحب على عياله الا إذا سفرهم ويبغى يسافر لوحده او مع اصحابه .. أما حركات ودها عند أهلها شهر وانا بأتمشى لحالي وما علي من أحد .. حركة وسخة صراحة ههههههه. ما أدري كيف بيهنىء له السفر وهو ساحب على زوجته و أولاده.. ويا كثر ما شفت هالعيينة من البشر ههههههه .. نظامي مثل أخواني دامك عزوبي سوا كل اللي تبغاه من مصايب بس علشان لا تتزوج ويفوتك شيء :25: اما بالنسبة لشركات التنظيم للسفر والله حلوة لكن اذا الواحد يتابع التقارير بالمنتدى او بتويتر او اي مكان اكيد بيعرف يختار الوجهة والمكان اللي يحب يزوره في البلد اللي بيسافر له اما لو حس انه بيضيع فهنا تظهر فائدة الشركات هذي الله يعطيك العافية |
الموضوع فيه شقين الشق الأول التخطيط بمفردك لمسار الرحلة بالكامل، من مواقع وانشطة سياحية، فنادق وما الى ذلك. وممكن تختار بعدها شركة سياحة محلية او مرشد محلي للبلد الي انت رح تزوره لتنفيذ مخططك. وانا رحلاتي بتكون بهذه الصورة، وبنصح فيها للازواج والعائلات وحتى للافراد. واعتقد هذا افضل بكثير من رحلات الجروبات لانها بتكون مخططه حسب الشركة السياحية وما الك اي تأثير على مسار الرحلة وما رح تشعر براحة او حرية ورح تكون مقيد بقرارات المرشد. الشق الثاني السفر لوحدك تماما، بهذه الحاله انا شخصيا كنت بسافر مع حقيبة ظهر وحده، وتذكره باتجاه واحد. وبختار النزول في سكن مشترك او هوستيلز، او الاستعانه بمواقع توفر السكن والوجبات اليومية مقابل التطوع للعمل لساعات قليلة في اليوم، وهناك مواقع توفر السكن في بيوت المحليين واستئجار غرف مقابل مبالغ بسيطة. واتعرف على رحاله مثلي هناك، ونتجول بدون اي قيود. ولما اشعر انه حان وقت العوده احجز التذكرة. sent from Galaxy Note 5 using Tabatalk |
اقتباس:
أفــى ؟ عاد انا رحلتي كانت الأحد ^_^ |
كما ذكر البعض ان له ايجابيات و سلبيات بعدين انا متناقض مع الكاتب لان المكاتب السياحيــة تكون اكثر ايجابيـة مع القروبات ( المجموعات ) لاني اكاد اجزم ان اللي بيسافر لوحدهـ بيستغنــي عن المكاتب السياحيــة لانه اصلا عاوز كذا مع العولمـة والتكنلوجيـا المتطورة انا في رايي ان السياح افراد او مجموعات ما عاد صارت تهتم ( الاغلب منها ) في المكاتب السياحيــة صار الفرد يستطيع ترتيب حجوزاته وتنقلاته هو بنفسـه واشرافــه القليل من لا زال على الطريقـه التقليديــة والله اعلم حسب ما أرى في ما وصلنا اليه تحيــاتي لكم |
جربت السفر لوحدي اكثر من مره بصراحه حريه ومتعه للأخير لكن لازم فيه تعارف هناك ودردشه مع الجميع اللي اقابله اسولف معاه حتى لو كان بائع في محل ،ولكن عندي بعض النصائح للمسافرين لوحدهم اذا كانت الوجهه لبلد تقل فيه نسبة الامان اولاً بقدر المستطاع لا تستخدم التاكسي خصوصاً اذا معاك شنطة لاب توب وكاميرا استخدام المترو او الباصات افضل يعني تكون في زحمة الناس افضل من تكون لوحدك ، اعرف البعض تعرض للسرقه وهم في التاكسي خصوصاً في امريكا الجنوبيه ، والنصيحه الثانيه عدم استخدام سيارة لوحدك في الطرق البعيده تحسباً لايّ ظرف صحي او غيره او حتى السرقه... يعني بالعربي اذا كنت لوحدك خليك بين الناس |
تنوعت الاراء والافكار والاطروحات بخصوصاً هذا الموضوع ويلاحظ أن هناك من ارتحل كثيــــــــــــر لوحدة وكانت ناجحه ومميزة انا اول مرة اسافر الى الخارج السعودية للسياحة كانت لوحدي الى إيطاليا ومن بعدها كانت لي رحلات كثيــــر منفرداً واجد بها المتعة وأيضاً مع الترحال مع الاصدقاء والعائلة لها متعتها أيضاً |
جميل الموضوع ... معظم سفري لوحدي وله متعة لا توصف فعلا ومزايا رائعة وممكن تتعرف على البلد وأهلها بشكل ممتاز او تتفرغ لمكان معين حابب تستكشفه بشكل متعمق .. وبنفس الوقت السفر مع العائلة والأصدقاء جميل جدا وله مزاياه ومتعته الفائقة اذا كان البرنامج بيناسب الكل والأذواق متقاربة .. واذا كانت دفة السفر بيد شخص واحد بدون فرض رأيه لكن بدون تعارض وتضارب مستمر في كل الآراء بدون الوصول لنتيجة |
والله أنا ما أحب السفر لوحدي .. مع أن الوحده فيها حرية وكذا الخ .. عشان كذا أيام بعثتي كنت أروح دول أوروبية مع قروب مكتب سياحي عشان أكون معهم وما أزهق ،، |
اقتباس:
لأن القروبات هي اللي راح تزهق منها ؟ لأنك تكون مقيد وتقريبا جدولكم نفس الشيء ولكـن يتكرر يومياً وقتك مو ملكك ؟ وحريتك مو ملكك ؟ انا فقط اعلق على مصطلح ( علشان ما تزهق ) تحيــاتي لك |
| الساعة الآن 12:58 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO