|
|
حتى انا مو جدول لكن على الاقل اكون راسمة خطة براسي وعارفة الاماكن يعطيكم العاااافية الملاهي حماااااس |
مرحبا يصبحكم الله بالخير وين وصلنا :e142: |
هلا بك قطري كذا الفنادق اوكي القطارات بدري عليها اذا عندك مقترحات وافكار اعطينا |
نبدأ بمانشستر |
صباح الخير لا ابد ماعندي مقترحات فقط الجدول الي رتبناه وبعدها ومع ترتيب الجدول ان شاء الله بذكر لج بعض النقاط او اي ملاحظات اشوفها قدامي ان شاء الله اشفيها مانشستر حد مزعلها :23: شنو تبغين تعرفين عن مانسشتر |
كل شي الاماكن الحلوة فيها الاماكن القريبة منها مطاعمها سنترها |
السلام عليكم ماشاءالله زاد عدد افراد الرحلة بحيث اصبحنا ٦بالغين وطفلين ولان الوالد من اعداء التنقل قررنا نلفي اسكتلاند وايامها تضاف للمعشوقة لندن بحيث ٥مانشستر ٣البحيرات ١٤لندن المشكلة شقتنا بلندن صغيرة غرفتين وراح الغيها واحجز بشقق ثانية |
ابغى رايكم شقق بارك لين شاوهاوس بلندن |
Booking.com: ط´ظ‚ظ‚ ط¨ط§ط±ظƒ ظ„ظٹظ†/ ط´ط§ظˆظ‡ط§ظˆط³ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھطط¯ط© ممتازه وموقع مميز جدا اذا لقيتوها بسعر زين توكل على الله وخذها |
فارس الجبيل والله كل شي فيها ممتاز الا سعرها طيب شقق شارع بوند الحديثة سعرها ممتاز لكن ابغى فكرة عن موقعها |
الحمدلله حجزت في اجنحة بادنغتون جزى الله القطري كل خير |
الان نجي للتنقل مانشستر وندر مير لندن الفكرة الاولى سيارة بآخر يوم بمانشستر ونسلمها اول مانوصل لندن الفكرة الثانية قطارات عددنا ٦بالغين وطفلين الحقائب ممكن توصل ل٧ ايش رايكم الافضل والاسهل اتوقع الاوفر ماديا السيارة |
ويجزاج بمثله اختي طوق اي انا اشوف سياره كبيره افضل بكثير 7 شنط وقطار مشكله التحميل ومشكله مكان الشنط داخل القطار |
طيب كيف احدد اقرب فرع لشقق مانشستر ولندن وكم ممكن سعر السيارة من ٢٨يوليو الى ١اوغس عددنا ٨ اشخاص والحقائب ٧او ٨ |
صباحووووو وطابت جمعتكم وجمعكم شنووو صار على الجدول يا حلوين السيارة احنا اللي عندي مستحيل يسوقون بره هل في سيارة اجرة او فان كبير ينقلنا من مانشستر للندن ؟؟ وبكم سعرها برايكم ونبيها من الباب للباب اذا عندكم فكرة باسماء الشركات المضمونه والأسعار ياريت تذكرونها لنا هني لأن للحين ماحجزنا قطارات لانها ما يفتح الحجز الا قبل الموعد بثلاث أشهر والسيارة أفضل على الاقل يمكن نوقف بالطريج وبس ،،،:e008: |
العام تعاملنا مع سواق عراقي ممتاز لكن الاسعار غالية برسلك المعلومات لكن اخذها من زوجي وابشري |
ام حسين ارسله لك برايفت |
شكراا ياطوق وانا ارسلت لج رايي |
وصل ام حسين |
عسى القطري بخير فاقدينه طيب عندي ٣ليالي بوندرمير ابغالها جدول حلو واهم شي ابغى اشوف واستمتع بالريف الانجليزي |
ماتفقدين غالي ان شاء الله موجود ابوسعد وطيب وبخير ابشرك ونديرمير مايبغالها جدول هو سنتر المدينة الي عن فندق ماكدونلد ماادي عن الاسم والله ناسيه مادري هو اسمه كذا الفندق او انا جيعان :e33f:وطرى ماكدونالدز المهم هذا سنتر المدينة على قولتهم ومحلات متناثره في المدينة ومايبيلها جدول شبه روتينية فيها الحياة بحيرة وخضار ومجموعة بط وناس رايحة وجايه والجلسات اغلبها تتمحور كلها حول البحيرة من ركوب قوارب واسترخاء |
فارس الجبيل جزاك الله خير كأنك سديت نفسي عن ونديرمير :31::31: امزح ابغى يوم ازور فيه منطقة ريفيه بحته مثلا مزرعة او قرية صغيرة اذا في شي قريب اذا في فعاليات للاطفال والكبار |
هههههههههههههه ماادري ليه الناس هابة فيها تبين الصراحة رحت لها مره وحرمت ولاعاد افكر اطلع اصلا من لندن انا رايح اشوف الحياة والناس وانبسط مع الخلق لو رايح اشاهد بط وكم قارب الطبيعة في كل محل بلندن او خارج لندن لكن هناك اجواء رومانسية ومشاهد منظر الغروب والشروق لكن بالنسبة لي شبعان رومانسية طول ايامنا ماحبكت يعني في هالكم يوم اجازة اقضيها اشاهد بط وشط ابي العجئة والناس هذا رايي طبعا وكلن يختلف ميولة وذوقة وان جينا للجد ماعنده سالفه الي يدور طبيعة في لندن ويخلي جبال الالب وضواحيها في اوروبا هناك الطبيعة اما في بريطانيا انشد عن الحضارة والتاريخ فقط عموما يوجد ارياف قريبة من لندن وربما تزيد وتضاهي البحيرات واجمل منها مثل وندسور رائعة لكن عن قولة انك ماجيتيها روحي لها كم يوم عن خاطركم |
فعاليات للأطفال عندك ملاهي التون تاور او الثورب بارك او سفاري وارشح لكم الثورب بارك لانها قريبة من لندن التون تاور جنب مانشيستر اقرب من لندن |
فعلاً انا ماتستهويني الاماكن الريفية والهادئة لكن الرحلة طويلة نوعاً ما فقلنا نجرب الريف الانجليزي من خلال ونديرمير بخصوص مدن الملاهي ابغى افضل ملاهي ازورها من لندن وايش رايكم بالسفاري أزوره من لندن ولا مايستاهل أضيع يوم كمان بمانشستر أبغى ازور مدينة ساحلية ايش ترشحون لي |
التون تاور احل ملاهي واكبر مساحة لكن بعيده شوي عن لندن اقرب لمانشيستر منها للندن يعني خلوا روحتكم لها اذا رحتو مانشيستر الثورب بارك جميلة واغلب العابها مائية اذا عندكم اطفال مثلا يحبون الغلغه والمياهه تصلح لهم وقريبه من لندن يعني بساره خاصه تقدرون تروحون لها السفاري بارك تبعد عن لندن 45 دقيقه بالسياره وحلاتها تاخذون سياره خاصه لتشاهدون الحيوانات عزك الله على الطبيعه وتقدرين تشوفين اليوتيوب مقاطع عنها وتقررون تستاهل لو لا هي حديقة حيوان تفرها بالسياره والحيوانات مهددوده يعني تشوفين خشة الاسد عند خشتك ههههه عند دريشتك وانتي ماره بالسياره |
بلاك بول مافي مثلها جميلة وتستاهل الزياره ساحيلة وفيها ملاهي وجميل الواحد يقضي يوم فيها ليش لا وفيه بعض التقارير تحكي عنها بالمنتدى واذكر اختنا ام حسين توبليرون تحب هالمدينة وزارتها اذا زارت التقرير تفيدك عنهااكثر مني وقريبه من مانشيستر وروحي البحيرات العن ابو الفقر لاتخلينها بخاطرك مافيه حد ماراح لها يوم جيتي انتي تروحين نقز لك ابوعبود وكسر عزومك ههههههه افا عليك روحي وانبسطي وكاكي مع البط بعد :24: فليها ههههههه |
جزاك الله خير معلومات استفدت منها كثير شكرا |
مرحبا بالجميع السموحه من الجميع شكرا لج اختي لج طوق على الاطراء والف شكر لك يا مشرفنا بوعبدالله جزاك الله خير على المعلومات الجميله انا بخير وانتو شخباركم عساكم طيبين راجع لج اختي طوق اقرا الردود واشوف وين وصلتو |
اقتباس:
ام حسين تروح بلاك بول حق لعبه البيبسي هههههههههه |
اختي طوق ايش استقريتي عليه !! |
الحمد لله انك بخير |
استفسار اذا بأخذ قطار من وندرمير الى لندن هل ممكن ينزل القطار بمحطة بادنغتون او لا واي محطة ينزل قطار وندرمير رحلتي من وندرمير يوم ١/اوغس للان ماحجزنا ابغى سيارة كبيرة٨اشخاص استلمها من مانشستر يوم٢٨/يوليو واسلمها يوم ٣١/في وندرمير وماني محصله شي ابغى تساعدوني |
مرحبا اختي طوق القطار الي رايح من ويندرمير الى لندن راح ينزلج في محطه قطارات London Euston هالقطار جنب حديقه ريجنت بارك - بنفس خط متحف مدام توسو - قريب من بيكر ستريت بالنسبه للسياره الحين اشوف لج |
اختي طوق بخصوص السياره مب مشكله السياره المشكله مافي فروع قريبه قريبه من ويندرمير اقرب الفروع تقريبا 45 كيلو لكن اقرب فرع في منطقه كيندال 14 كيلو عن ويندرمير وفيها شركتين : 1- ايفيس مادري شسالفه مايحجزون من هناك برجع اشوف سالفتهم 2- انتر برايس بعد في منطقه كيندال حصلت عندهم بنفس التاريخ لكن السيارات الكبيره كلها محجوزه اكبر سياره حصلتها هي لــ 7 ركاب واذا 7 ركاب راح تواجهون مشكله بالشنط https://www.enterprise.com/en/reserve.html#commit يمكن في حل ان نكلم ونراسل شركات التأجير ونشوف اذا عندهم خدمه استلام السياره من اي مكان مب شرط بالفرع واكيد راح ياخذون عليكم مبلغ على هالخدمه ايش رايج |
وفي حل اخر ان الرحلات نفس ماقلت لج قبل من ويندرمير الى لندن فيها تبديل قطار اما في منطقه اوكسنهولم او في مدينه لانكستر تقدرين تحجزين القطار فقط من مدينه لانكستر دايركت الى لندن وتطلعين بالسياره من ويندرمير الى لانكستر تقريبا 45 كيلو تسلمين السياره وتطلعين على القطار دايركت الى لندن |
حل حلو افضل من التبديل طيب الاقي سيارة كيف:2: |
تجربة جميلة وخط رائع الى ونديرمير من ( مانشيستر وقريبه ساعتين تقريبا من السياره ) يعني يابوسعد كانك رايح الحسا :17: هههههه انا خذذيتها من مانشيستر وبتمرون لانكستر وبريستون علما انها ثاني تجربة لي للقيادة في بريطانيا ومتخوف من الدركسون يمين لكن ربك سهلها والعقل سبحان الله بيتبرمج من نفسه من اول نص ساعه قيادة والامور سهالات روحوا لاقرب مكتب اجار ومتاكد بتلقون الي تبون باسهل مايكون واسعار جدا مناسبة جربوا مكتب هيرتز الي في وسط المدينة Hertz - Manchester - Piccadilly Railway Station |
فارس المشكلة بالعدد لو سيارة صغيرة سهل موضوعها لكن نبغاها 8 اشخاص |
| الساعة الآن 09:36 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO