شبكة و منتديات العرب المسافرون - سكة سفر..لدولة قطر(2016)

- بوابة قطر (https://www.arabtrvl.com/vb/f73.html)

- - سكة سفر..لدولة قطر(2016) (https://www.arabtrvl.com/vb/t15745.html)

اقتباس:

المشاركة الأصلية كتبت بواسطة qa6ar911 (المشاركة 211835)

لالالالا مانقدر على هالتقرير السفن ستار
بصراحه استمتعت فيه ابدعتي وتفننتي فيه
وقطر بعدستج احلى بكثير وزانت بها

حياكم الله وبياكم في بلدكم الثاني قطر
نورتونا ونورت قطر بطلتكم عليها
انتو واخواننا السعوديين ماشاء الله
قبل يومين كنت في فيلاجيو
بصراحه تفجأت العدد الكبير القادمين لبلادهم وبين أهلهم في قطر

ولازم اقرا التقرير براحتي عشان اقدر اعطيه جزء من حقه
وارد عليه ان شاء الله

الله يسعدج يارب اختي ملاك

ياهلا والله بقطر وريحة قطر
الله يسعدك كلام كبير على قطر حلوه وتستاهل العنوه وبالعكس تصويري ظالمها
بجد أتمنيت تكون عندي كاميرا إحترافية علشان أتفنن وأتغزل بجمالها
الله يحييك ويسلمك والشكر لكم على كرم الضيافة وعلى الأيام الجميلة اللي قضيناها بينكم ويديم عليكم النعم والأمن والأمان ومن تقدم لتقدم ونعيش ونجيكم ونزاحمكم:25:

اقتباس:

المشاركة الأصلية كتبت بواسطة مجدي (المشاركة 211839)

يا هلا وغلا .. على قولتكم ههه
ولا انا غلطان ؟

شو السيرة 11 ساعه بالسيارة ؟؟؟؟!!!!!
هذا عذاااااب

فندق جنب السوق من جهة قريب من المنطقة السياحية المحلات وغيرها، لكن من جهة ثانية ممكن يكون ازعاج ولا لا ؟

لاحظت انك ذكرتي انه هادئ
اذا هيك يبقى ممتاز
لكن حركة الفطور خارج الفندق وما في مسبح وغرفة صغيرة برغم انك دافعة مبلغ كبير هذه حركة جدا غريبة وسيئة

بس ام حسين ذكرت شيء لازم اتوقف عنده
"اذكري أحاسيس ومشاعر الشاعر بهذا البيت" ؟؟!!!
شو هالسؤال العجيب
ليش واحنا شو عرفنا شو كانت مشاعر الشاعر وقتها
يمكن نعسان ولا تعبان ولا زحمان ولا عطشان ولا جعان ولا يأسان ولا ولهان. او يمكن بتفلسف علينا
الله اعلم ههههه

يا جمال السوق شيء ممتع
وتزلج كمان

حديقة اسباير جميلة ما شاء الله

واضح انه كتارا منطقة مميزة وسياحية
وكذلك مطعم سكر باشا شكل اكله طيب
شهتيني عالاكل ههه

رائع اليوم الرابع ما شاء الله

مستمر معك بالمتابعة
يعطيكي العافية

sent from Galaxy Note 5 using Tabatalk

هلا وغلا
هلا وسهلا
هلا ومرحبًا
مرحبتين لا هذا مو حقنا هههه
اي والله 11ساعة علشان إجازة الربيع عندنا أسبوع الناس تبغى تلحق
الفندق هادئ جدا ماتسمع شي
هههههههههه ضحكتني على أحساس الشاعر ايه لازم نحس فيهم ونعرف بشو يفكرون بعد:34:
سكر باشاايه أكله كتير زاكي (حتى نحنا نعرف لغات ):29:
شكرًا إلك مجدي على المتابعة وأسعدتني بحضورك

هذه البلاليط
الشعريه

http://uploads.tapatalk-cdn.com/2016...cbea586e93.jpg

http://uploads.tapatalk-cdn.com/2016...6702224898.jpg

المقادير :

نص جيس شعريه مكسره باليد

كوب ونص شكر

ماي ساخن يغطي الشعريه

جم حبه هيل عدل

هيل ناعم وزعفران منقوع حسب الرغبه

قفشتين كبار زبده او حسب الرغبه

قروص بيض ( بيض مخلوط مع ملح وفلفل اسود ورشه هيل نحطه بمقله حاره ويفضل تيفال )

الطريقه :

ناخذ جزء من الشعريه ونحمرها بالزيت لين تتحمر

نذوب كوب الشكر بالماي ونضيف له الهيل ونوعين الشعربه ونتركه يفوح ويقلب قلبتين ونشخله ( ما نطول عشان لا يلجج )

نذوب الزبده بالجدر ونضيف لها الشعريه وباجي الشكر والزعفران والهيل الناعم ونخلطهم كلهم مع بعض ونتركه على نار خفيفه لما يتسكر .. واذا احتاج زبده على الزيده نضيف لها

نقدمه وفوقه قرص البيض ونرشه بالهيل الناعم على الويه ويقدم بالف عافيه

Umhusoon
ارسلت بواسطة Tapatalk

اقتباس:

المشاركة الأصلية كتبت بواسطة عشقي السفر (المشاركة 211894)

يعطيك العافيه اختي ملاك

جدا جميل زرت كتارا مرتين لكن الى لان احس ان في اماكن ماشفتها فيها احس اضيع هناك مااعرف وين اروح مثل مكات الجي سكي واليخوت مااعرف من وين اروحه كل اللي اشوفه هو الشاطئ والمطاعم والمسرح الروماني

يعطيك العافيه ياليت ترسلين لي ارقام الفندق لي نيه اجرب واحد فيهم بزيارتي القادمه باذن الله

ولك الشكر مقدما

الله يعافيك ويسعدك
هو نفس إحساسي ماشاء الله كبيرة تتوهين فيها وفي أماكن ناحية المواقف ماصورتها ولا جينا ناحيتها لازم زيارة ثانية :17:
أبشري راح أرسلك الرقم

اقتباس:

المشاركة الأصلية كتبت بواسطة هاوية الاسفار (المشاركة 211938)

عليكم بالعافيه
حلوه كتارا من زمان انتظر تقرير شامل عنها
بصراحه كفيتي و وفيتي ما قصرتي وَيَانا
تسلمين على المعلومات و شكرًا مره اخرى
متابعين

الله يعافيك ويسعدك
والله مانجي شي جنب اللي تقدّموه
وتستاهلون أكثر ربي يسلمك ويرضى عنك
ان شاء الله جزئين وأخلص
والشكر لك على متابعتك الدائمة

اقتباس:

المشاركة الأصلية كتبت بواسطة فارس من خيال (المشاركة 211963)

ماشاء الله كل يوم الفطور في فندق عليكم بالعافيه اشوف الفطور في الفندق اللي في الجزء السابق احسن
ملاك ما عرفت نخي والمشبك بعد تبين اعرف البلاليط هههههههه
ممكن اتصل بصديق >> ام حسين :32:
صدق ايش هيا البلاليط

اسعار الجولات البحرية احس ان مبُالغ فيها طيب اذا كنت انا وزوجتي ونبي نركب اليخت ادفع عن كل واحد 1700:59: وش اللي باشوفه يعني
في البرازيل طلعت رحله بمبلغ مايقارب 500ريال سعودي يوم كامل مع وجبتين وشفت أحلى المناظر والجزر اللي تفتح النفس غير استراليا وسويسرا والنمسا .. الخ وكمان ماوصلت لنص هالمبلغ :31:
مطعم سكر ماشاء الله من صور الاكل مبين انو يستاهل واكيد ربعنا سبب الزحمه :32:
http://uploads.tapatalk-cdn.com/2016...6fe9e1757c.jpg

هالصوره رائعه جدا ولو اخذتي معاك كام عادي احسن من الجوال او خلي تصويرك بالعرض من الجوال تطلع الصوره احسن

اشتقنا لقطر بس متى تسمح لنا الظروف ونكرر زيارتها

شكرا ع التقرير الجميل ومتابعين للاخر

أهلا وسهلا
فعلا فطور فندق البدع أحلى علشان المكان شريح ونوير
ههههههههههه ان شاء الله بس يخلص التقرير بتصير شيف ئد الدنيا
ام حسين تقريري بينفعني في رمضان :32: الله يعافيك وشكرا مرة ثانية على البلاليط
اما اسعار الرحلات مادري شقول عنها بس انت وزوجتك لاتطلعو اليخت خلكم على الجندول أرخص ولا خلهم كلهم وروح الكورنيش وأطلع المركب نص ساعة 150 ريال رخيص وابن حلال:24:
أكيد ربعنا ماغيرهم
اما الكاميراكان عندنا كاميرا وبعض الناس الله يستر عليهم ضيعوها في مطار الدوحة وجلسو يصيحون عرفتوهم وان شاء الله بعمل في نصيحتك ونجرب نصور بالعرض
وان شاء الله في أقرب فرصة تسافر قطر وتستمتع فيها وتصورلنا أحلى صور
كل الشكر لك على حسن المتابعة

اقتباس:

المشاركة الأصلية كتبت بواسطة كتكات783 (المشاركة 212001)

ماشاء الله ...

جميل جداً جزء الكاتارا ... أتذكر فيه عند المواقف كشك صغير للكرك والجباتي

وكان عليه زحمة من الإخوة القطريين .. طبعاً جربته وكان يستحق تلك الزحمة ..

تصويرك للأبراج راااااااااائع .. أشك بأنه تصوير هواتف ذكية ..

لفت انتباهي تطور جميل على شاطيء الكاتارا .. لم يكن موجوداً من قبل ..

ياهلا وسهلا أخوي كتكات
صح كلامك موجود محل كرك وجباتي بس نحنا ماجينا صوبه هذة المرة
كتارا حلوة وجالسين يضيفون محلات وأكشاك عالشاطئ أعطت حركة وجو للمكان
اما التصوير هو الرك على اللي يصور :7:
الله يسعدك وشكرا على كرم المتابعة

ههههههه بنفتح تقريرج برمضان
عاد احنا البلاليط لازم تكون على السفره يوميا في رمضان

افتحوا المعجم عشان البلاليط. :14:
تقريري عن الكويت و قطر حطيت صور البلاليط و بعد كانوا يسألون
شو هو البلاليط و جاوبناهم كم مره
و النخي هو الحمص ( البليله )
سوالي لأهل السعودية هل الاكله هاي جديده عليكم؟؟
مع انه دول الخليج كلهم يسوونها

ملاك لو قلتي شعيريه كان عرفنا ع طول

ام حسين حتى حنا الشعيرية شبة يومي ع السفره بس مانحط عليها بيض

اقتباس:

المشاركة الأصلية كتبت بواسطة هاوية الاسفار (المشاركة 212294)

فتحوا المعجم عشان البلاليط. :14:
تقريري عن الكويت و قطر حطيت صور البلاليط و بعد كانوا يسألون
شو هو البلاليط و جاوبناهم كم مره
و النخي هو الحمص ( البليله )
سوالي لأهل السعودية هل الاكله هاي جديده عليكم؟؟
مع انه دول الخليج كلهم يسوونها

ايه يام علي موجوده الشعيرية من زمان واكثر شي ياكلونها الناس في رمضان بس مشهوره باسم الشعيرية مدري انتم من وين جبتو اسم بلاليط هههههههه>> حتى الكرتون حقها مكتوب عليه شعيرية على كيفكم تسمون بلاليط :28: