|
رد: أماكن سياحيه قريبه من أنترلاكن وماحواليها ماشاء الله عليك كفيت ووفيت ابداااااع تعجز الكلمات عن وصفه.. عندي بعض الاستفسارات عن سويسرا طبعا اول زياره لي باذن الله ماهي افضل قمه ثلجيه ما ابغى شي يكون بعيد مره وهل هناك رحلات سياحيه من انترلاكن الى يوروبا بارك بالباص او القطار والعوده في نفس اليومومن فين اشتري بطاقه السويس باس بعض الفنادق في انترلاكن تعمنح بطاقه مواصلات مجانا هل تغني عن السويس باس؟؟ |
رد: أماكن سياحيه قريبه من أنترلاكن وماحواليها اقتباس:
افضل قمه هي قمة جنغفرو وهي قريبه من انترلاكن بالنسبه ليوربا بارك الصراحه ماعندي فكره لانه المرات اللي زرتها كانت بسياره خاصه نحن نسوقها ولكن مر ع مكتب المعلومات السياحي واسالهم اذا متوفره هاي الخدمه واسالهم بعد اذا يستوي بالقطار بالنسبه لسويس باص تشتريها من المحطه مااتذكر انهم يعطون تذاكر مواصلات اللي اذكره كنا نحصل بطاقات خصم وعموما اذا عطوك مثل هاي البطاقه الافضل تسال الفندق عن هالموضوع لانه ماعندي فكره ااااه ذكرتني بسويسرا عشقي هاي البلد السنه اللي طافت كنت فيها واحس انه من زمان مازرتها فيها طبيعه وجمال رباني ماشفته في اي بلد ثاني الله ييسر دربكم وتسيرون وتردون بالسلامه واي استفسار انا حاضر |
رد: أماكن سياحيه قريبه من أنترلاكن وماحواليها اقتباس:
يارب الله يسعد قلبك زي اسعدتيني بسرعه ردك..اول مره اروح اوروبا ومتخوفة مره سفراتي دايما الى شرق اسيا شكلي ح اكثر عليك الاستفسارات..البطاقه اقدر اشتريها من مطار جنيف؟؟ وهل فيه قطار من مطار جنيف الى انترلاكن ؟؟ وهل يوجد مصنع جبن ووشكولاته قريب من انترلاكن؟؟ واليوربا بارك ينفع اروح لها وارجع ف نفس اليوم ولا بتكون متعب الطريق؟؟ ومن رايك افضل اجلس المده كلها في انترلاكن او اقسمها مع زيورخ او لوزرين؟؟ هل هناك الانتقالبالباصات سهل ومتوفر ؟ قمة جنغفرو ع قد ماقرات ان الطريق لها طويل ابغى مسافه قصيره.. والله يسعدك وييسر امرك ويرزقك من حيث لاتحتسبي:(114): |
رد: أماكن سياحيه قريبه من أنترلاكن وماحواليها اقتباس:
سويسرا اامن من شرق اسيا فلاتحاتين اذا تقصدين بطاقة السويس باس اخذيها من محطة القطار وماعندي فكره اذا في المطار موجوده وممكن تسالين مكتب المعلومات ما اعتقد من مطار جنيف فيه قطار اللي اعرفه من مطار ديورخ فيه ولازم تبدلين في بيرن فيه عندي تقرير ياليت تشوفينه بينفعج وايد وهو عن اماكن سياحيه قريبه من انترلاكن وحواليها وبتحصلين كاتبه عن مصنع نستله واسمه جريير للشوكولا وهو قريب من انترلاكن بس تسيروله بالقطار لما اقول قريب يعني ممشي انما بالقطار وتكون المسافه قريبه اليوربا بارك تبعد تقريبا 3 ساعات بالسياره ونحن كنا نسير ونرجع في نفس اليوم بس كانت متعبه انا ما احب زيورخ ولوزيرن جميله وتبعد عن انترلاكن ساعه بالقطار فما ادري انتي شو تفضلين عن نفسي احب ايلس في انترلاكن واروح للاماكن السياحيه وارجع تصدقين ما ادري اذا عندهم باص اعتقد ماشفت في سفراتي كنت اعتمد ع وسيلتين سياره خاصه لما اكون مع زوجي وعيالي والقطار لما اروح مع بنات بروحنا جنقفرو قريبه من انترلاكن وتسيرين لها بالقطار وفي وحده ثانيه وهي قمة تتلس وهاي ابعد وقريبه من لوزيرن بس انا افضل جنقفرو اذا تبين الثلج وخاطرج تزورينها مره وسامحيني اذا فيه اخطاء في الكتابه لاني ارد عليج من الموبايل وبتحصلين تفاصيل عنها في تقريري اللي خبرتج عنه |
رد: أماكن سياحيه قريبه من أنترلاكن وماحواليها ماقصرتي الله يسلمك ويسعد قلبك ياااارب ..طيب حلو اذا القاها في محطة القطار لاني قرات انها ماتباع في وسط سويسرا وتفعل من مطار جنيف |
تسلم ايدج هدااااوه على هالمعلوماااات قواج الله |
بارك الله فيك ونفع بك مشاركة رائعة استفدت منها |
جزاك الله خير على المجهود الرائع |
ماشاءالله موضوع متكامل الله يعطيك العافيه ويجزاك خير |
الله يجزاك خير مجهود جبار و معلومات قيمه |
| الساعة الآن 10:46 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO