|
استاذي الكريم بغض النظر عن السعر انا لا اثق في التعاملات بهذه الطريقة لا اظلم الرجل لكن انت هل تضمن التعامل معه؟؟؟ كثير من السياح وقعوا في مشاكل بمثل هذه الطريقة لذلك دوري انا اني اوعيك وانصحك فقط والشي المهم الاخر ان السعر الذي عرضه ليس مغري بلعكس اغلى من المواقع الموثوقه لذلك افضل انك تسوي حجوزاتك بنفسك واسعار الفنادق يمكن الاطلاع عليها في بوكنق واجودا وبقية مواقع الحجز اما السواقين فهم كثر واسعارهم مثل ما قلت لك يستقبلك في المطار ويوديك بونشاك 700 الف حدود 200 ريال عليه البزين ورسوم الطرق وكل شي في بونشاك 500 الف حدود 150 ريال كل شي عليه انت ما عليك شي اما حكاية الورد والشوكولاته والرومنسية مع الاسف صاحبك جلف ما يعرف عنها شي:14::14::14: اللي اعرفة ان باقة الورد سعرها حدود 10 ريال ولو انك طلبتها في بوكنق بعض الفنادق توفرها مجاناً فندق بولمان سنتر بارك في جاكرتا ممتاز وفخم جداً ينفع للعرسان |
اقتباس:
اما حكاية الورد والشكولاته والرومانسية صاحبك رومانسي لأبعد درجة ههههههه:e329: باخذ فرة على بوكينج بشوف الفندق الي قلته الله يسعدك على المعلومات الطيب والمفيدة لي |
ارجوا من الجميع طرح وجهات النظر لتعم الفائدة للجميع |
الف مبروك الزواج والله يتمملكم على خير يارب ما أزيد على كلام الشباب كفوا ووفوا.. نصبحة أخ لا تتعامل مع مرشدين،،،، أعمل حجوزاتك بنفسك المواقع العالمية والموثوقة موجودة وبكثرة أدخل على بوكينق وشوف الفنادق الموجودة واللي تشوفها مناسبة أحجزها وانت في بيتك وأطبع الحجز وخليه معاك،، فندق بوسينا علم رائع جدا جدا أنصحك فيه جاكرتا فنادقها كثيرة ، شوف اللي تقييمه عالي وخش علبه وشوف ميزاته وأسأل الأخوان هنا ويفيدونك فيه... الطبران أحجزه من الآن وبما انكم عرسان لاتبخل وأحجز بيزنس كلاس وريح نفسك بالتوفيق يارب |
اقتباس:
طيب بالنسبة للطيران أيش أفضل خطوط طبعاً غيييير السعودية :16: |
السلام عليكم ورحمة الله وبركاته شلونكم جميعاً عساكم طيبين يا أخ أستغفر الله مبروك الزواج وعقبال الثانيه :13: أفهم قصدي عقبال مايجيكم المولود الجديد وتجددون زيارتكم الثانيه لأندنوسيا اسمع يا الامير بالنسبه لرأيي الشخصي كويس انك زرت البلد قبل كذا توكل على الله واحجز مثل ماقال الاستاذ وجدي بزنس كلاس السياحيه بتتبهذل في الرجعه طابور عند شحن الشنط ومافيه كراسي انتظار عند وصولك لمطار جاكرتا بمشيئة الله لازم تكون متفق مع سواق يستقبلك المرشد اسحب عليه بالعربي صرفه ع طول اذهب الى بنشاك من المطار ويفضل ذهابك صباحاً اذا طبيت بنشاك ابحث عن فله حلوه وجميله واذا ماتبي فلل احجز في سيروني3 فقط اذا مالقيت دور لك فله السواق لايقعد معك اكثر من يوم غيره لاتصنع معه معروف لأنه مايثمر فيهم الفله غيرها كل يومين اوثلاث ابتسم لهم حتى وانت مقفي وراي صلاة جمعه لي عوده إن شاءالله تقبل أجمل التحايا |
جزاكم الله خير على النقاش المثمر |
شوف ياحبيبي انت بالاول ادخل علئ الفنادق الي انت اخترتها وشوف اسعارها بكم والسواق ماراح تحتاجه الا في الجبل جاكرتا تكاسي رخيصه جدا اما باندونق ماراح افتي لك فيها ماسبق زرتها وانا اشوف لو تحجز امورك بنفسك صدقني بتوفر اكثر من الفين ريال وترا اندونيسيا مو الجبل بس بس تبي نصيحتي روح بالي بتنبسط فيها كثير |
وعليكم السلام ورحمة الله وبركاته اللهم بارك لهما وبارك عليهما واجمع بينهما في خير ،،، مجموع ايامك بعد التعديل 9 ليال ايجار سياره باليوم 500 الف روبيه تدفع زياده 100 الف للخطوط السريعه المجموع 4800000 روبيه فقط بالريال تقريبا 1400 ريال فندق ذا قروف ممتاز جدا ومناسب للعوائل سعره بحدود 450 ريال ،،، 1000 بالكثير ليلتين ... بيسونا علم ممتاز جدا للعوائل سعره تقريبا 300 ريال لمدة 5 ليال = 1500 ريال باندونق ماعندي فكره ،، نفترض 700 ريال ليلتين المجموع كامل سكن وسايق = 4500 ريال الاخ يقولك ستة الاف وعليها كسور !!!! احجز من مواقع النت يامكثرها وحط طلباتك من ورود وغيره قبل ماتمشي من هنا قيد حجوزات فنادقك بيدك لا تحتاج سواق ولاغيره ،،، اندونيسيا ماتحتاج مرشد هذولا سماسره يضحكوا علي المسافرين اللي ماعندهم خبرهم وحساباتهم دايما الاقيها بتويتر ،،، بالرد القادم بحط لك رابط بيسونا علم تابع حتي تجد حجز للوقت اللي تبغاه ،،، |
http://pesonaalamresort.com/ رابط فندق بيسونا علم |
| الساعة الآن 08:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO