|
اقتباس:
ما اقصد تأمين إضافي كان قصدي أنك تقارني مثلاً ناشيونال كار يحطون تأمين الخدمة على الطريق مجاني يمكن ما تلاقيه في موقع رينتال كار يعني الأشياء الإضافيه المجانيه غير الأساسيات صحيح هو نفسه بكتابة السعودية بدلاً من امريكا |
اقتباس:
فعلا اختي ليالي هالموقعين يعدون من أهم المواقع لحجز السكن في أمريكا ونفتقر لمعلومات تفصيلة عن التعامل معه، لكن اخونا الكريم أبوناصر المسافر ذكر لنا مشكوراً انه راح يقوم بشرح هالموقعين في القريب. |
اخي الكريم / ابو ناصر اطلعت على موقع Home Away وشاهدت الشقق ،، بعضها مناسب وبعضها غااالي وبعضها متدني المستوى .. بس الأهم من هذا كله ،، مواقعها ؟؟ عندي خوف وتردد اننا نحجز سكن يكون موقعه مو مناسب ،، مثلاً : في شوارع فرعيه او منطقه غير آمنه او نائية او او او .... هذا غير ,, صور السكن بالموقع تكون عكس الواقع وخاصةً انها شقق واكواخ لــ مالكين .. يااااريت لو تذكر لي سكن مجرب مناسب واعجبك ،، في اي منطقة معروفه ب لوس انجلوس او المدن الاخرى اكون لك من الممتنيين المقدريين |
اقتباس:
أقترح والرأي لك أنك تقري آراء الزوار review وتشوفين تعليقاتهم/تقييمهم/ ا واللي ما فيه تقييم تجنبيه وفي نفس الوقت شوفي المناطق المناسبه لك في خريطة قوقل وقارنيها بخريطة الموقع.. يععني المقارنات تفيدك كثير حتى مع مواقع أخرى وأختلاف الأذواق أيضاً يلعب دور لأن ممكن شي يعجبك ما يعجب شخص ثاني والعكس حقيقة لوس أنجلس ماني من عشاقها فعشان كذا خبرتي في مناطقها قليله نوعاً ما بكن حتى في البحث إذا تبغين منطقة معينةفي لوس انجلس بدال ما تحطين اسم المدينة تحطين المنطقه مثلا Hollywood hills حي او منطقه في لوس أنجلس تبحثين بها |
السلام عليكم ممكن للمره الثانية تقترحون علي توزيع (23) يوم بالترتيب في ( لوس انجلوس & سان دييقو & لاس فيقاس ) مع استبعاد ( سان فرانسسكو ) :11: واذا كان مناسب نقسم مدة لوس انجلوس بين الشمال والجنوب او يكفي منطقة وحده بس .. وياريت تفيدوني بسكن مجرب بالمدن الثلاث موقعه مناسب وسعره بين (1000 الى (1500 ) ريال ( سويتات او شقق فندقية ) مكون من غرفتين نوم وصاله ومطبخ عدد الاشخاص ( 3) كبار و (3 ) اطفال |
السلام عليكم نفيدكم انه تغيير خط سيرنا عن الأول وصار كالتالي : على خطوط الاتحاد من ابو ظبي الذهاب الى فرانسسكو والعوده من لوس انجلوس .. هل توزيعنا للأيام مناسب ؟؟ سان فرانسسكو ( 4 ) ايام من غير يوم الوصول .. لأن وصولنا بيكون متأخر .. سان دييغو ( 4 ) ايام لاس فيقاس (4 ) أيام لوس انجلوس ( 11 ) يوم بس جداً محتاره في مسألة تقسيم مدة ايام لوس انجلوس .. هل الافضل نقسم الايام بين الشمال والجنوب ؟ او يكفي الاستقرار في احدهم ؟ وأي المناطق تنصحوننا بالسكن فيها .. الجنوب ( انهايم او ارفاين ) والشمال ايهم افضل ( هوليود أو ويستوود أو بيفرلي هيلز او سانتا مونيكا ) ؟؟ وكيف ترتيب المدن الاقرب لبعض ؟؟ علشان يمديني بحجز السكن والسياره وغيره .. يارييت تساعدونا كما عودتمونا .. |
مقترحي لكم 4 ايام سان فرانسيسكو (والسكن قرب ساحة الاتحاد او في منطقة فيشرمان على البحر ) 3 ايام لاس فبغاس (ومن سان فرانسيسكو الى لاس فيغاس بالطيارة ) ومدة الطيران ساعه ونصف وسعر التذاكر بحدود 100 دولار او اقل على حسب تاريخ الرحلة 4 ايام ساندييجو 4 أيام ايرفاين او شاطي نيوبورت 8 أيام لوس انجلوس والسكن في سانتا مونيكا او ويست وود والسيارة تستاجرونها من لاس فيغاس وتسلمونها في لوس انجلوس |
للعلم لاس فيغاس حارة جدا في الصيف ولو تلغونها يكون افضل |
يعطيك ألف عافيه خبيرنا / مقدام تخطيط جمييل .. بس سان فرانسسكو ماتحتاج سياره للتمشيه ؟؟ وايش المواصلات البديله فيها ؟ وعلى اي خطوط نحجز من سان فرانسسكو الى لاس فيقاس ؟ ايهم افضل برأيك ؟ واطمع بكرمك استاذي الفاضل لو عندك اقتراحات للسكن في المناطق المذكوره ويفضل شقق فندقيه او سويتات بفنادق وأسعارها مناسبه ( غرفتين نوم وصاله ومطبخ ) عددنا (3 ) كبار و (4) اطفال .. اكون لك شاااااكره .. لأني بحثت في بوكينق وقليييل احصل سويتات او شقق فندقيه .. والمواقع الاخرى متخوفه من مغامرة الحجز منها .. |
دخلت موقع ( national car ) لتأجير السيارات وأشوف حجز السياره من لاس فيقاس اغلى من سان فرانسسكو ب (1550 ) ريال الفرق ؟؟؟ ليه ؟ علشان الولاية غيير ؟ |
| الساعة الآن 09:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO