المشاركة الأصلية كتبت بواسطة أمجد ناصر (المشاركة 217691)

السلام عليكم ورحمة الله وبركاته

مسائكم كل خير وحب


رسالة حب وواجب وشكر : الى كل من ساعد وابدئ رأيه ووجه وتكلم .. في هذا المنتدى والقسم الجميل

اليوم بعرض لكم تخطيط رحلتي الى ماليزيا ..



الوصول صباحا الى سيلانجور
الفندق : sunway resort - villa
ليلتين .. اليوم الثالث الخروج

الجدول :
اليوم الاول : راحه الى العصر .. بعدها ما اعرف شسوي الصراحه .. ( مجمع براميد قريب منك )
اليوم الثاني : الحب الحب القريية المائيه الى المغرب .. الليل راح اروح ٌالى مجمع الماينز الافضل تروح مديتة الاضواء لان الماينز افضل بالنهار مثل ماذكر مميزنا

بعدها نرجع الفندق ونجهز للرحلة الثانيه ف الصباح


السفر الى لنكاوي الصبح ان شاء الله
الفندق : rebak island resort الفندق مميز ورايق لكن عيبه الوحيد انك تحتاج ترجع له الساعه 8ونص لانه لاتصل له الا بالقارب واخر قارب الساعه 8ونص طبعا يوجد في الفندق توصيل مجاني من والى المطار راسلهم وبلغهم بموعد وصولك

3 ليالي .. اليوم الرابع الخروج

الجدول

اليوم الثالث : الوصول ظهرا والراحه الى العصر ( استمتع بالفندق ومرافقه وارتاح )
اليوم الرابع : رحلة المانغروف ( الصباح افضل وقت لها ويفضل تحجز الرحله من المكاتب الموجوده في مطار لانكاوي اول ماتوصل ) ( بعد العوده ممكن زيارة مجمع فير شوبينق او الذهاب الى مزارع الارز وركوب الدبابات او زيارة حديقه الفواكه )
اليوم الخامس : عالم ما تحت الماء الصباح .. العصر الشلالات السبع .. (افضل لك هذا الجدول قضاء اليوم بالقريه الشرقيه والتلفريك والفعاليات الموجوده فيه +زيارة شلالات terjun temurun بالاضافه الى الابار السبع ) ونرجع الفندق نجهز ل رحلة العباره يوم ثاني

انصحك تشيل يوم من بينانج وتضيفه الى لانكاوي وتزور فيها جبل جونانق +شلال دوريان (قريب منها قرية اير هنكت للراغبين بزيارتها ) +حديقة الفواكه+ حديقة لاجيندا+ميدان النسر

السفر الى بينناج الصبح ان شاء الله
عن طريق العباره .. عشان نغغير الجو من الطائرات
الفندق : golden sands resort
4 ليالي .. اليوم الخامس الخروج

اليوم السادس : (الراحه بعد رحلة العباره وممكن زيارة سوق الليل الموجود في شارع الفندق وزيارة المسجد العائم اخر الشارع )
اليوم السابع : ( حديقة التوابل +الفراشات + الشلالات + معارض القهوه والشوكلاته )
اليوم الثامن : ( هضبة بينانج +سد ايريتام + باص هوب اون هوب اوف وهو باص ياخذك بجولة الى اهم المعالم السياحية )
اليوم التاسع : ( قضاء اليوم في الفندق والاسترخاء والتمتع بالالعاب المائية )

بصراحه من كثر ما مدحوا لي الفندق .. وانه عالم لحاله ، ما دورت كثير اماكن سياحيه
لكن لازم نروح الاماكن الي ف بينناج .. ف ( ابغى جدول ف بينناج )


السفر الى كوالالمبور الصبح بإذن الله
الفندق : fraser residence
4 ليالي .. اليوم الخامس الخروج

الجدول
اليوم العاشر : الراحه الى المغرب .. والتسوق البسيط (الذهاب الى المناره كوالالمبور
اليوم الحادي عشر : رحلة الى جميع الحدائق
اليوم الثاني عشر : ( لا جدول )
اليوم الثالث عشر : ( لا جدول )

اليوم الحادي عشر :
باص الهوب اند هوب وجوله بالمدينه والنزول في البرجين التوأم والحديقة التابعة لها والمجمع التجاري سوريا – النافورة الراقصة وعالم تحت الماء (الاكواريوم ) (هذي الاماكن قريبه منك )
اليوم الثاني عشر:
حديقه الحيوان (حديقة الحيوان زو نيجار) +شلالات تمبر بارك +مجمع بافليون او مول ثاني
اليوم الثالث عشر :
حديقة الفراشات – الطيور – الزهور – بحيرة بردانا – القبة الفلكية :بلانيتاريوم –مسجد نيقاريا وكلها جنب بعض وفي منطقة واحد+ شارع العرب او التوجه الى التايم سكوير


( ما احب الاماكن التاريخيه والمتاحف والابراج .. مو مهم عندي كثير )

طبعا كامل الرحلة الطيران الداخي والدولي الخطوط القطرية مع سواق من وإلى المطارات والفنادق ل شخصين
ب 13،100 ديال سعودي


اتمنى منكم مساعدتي ف ما بين القوسين
،اعذروني كلمه فصحه وكلمه عاميه



وعطوني رايكم ف الجدول

طبعا في ماليزيا خصوصا بالجزر يفضل ان تكون المغرب راجع الفندق لان بشكل عام اغلب الاماكن مغلقه وبالنسبه لكوالالمبور هي اللي ممكن تتاخر


اخوكم / امجد ناصر

المشاركة الأصلية كتبت بواسطة أمجد ناصر (المشاركة 223344)

اشكرك اختي عشقي السفر .. على الجدول الجميل
وعلى مساعدتك ومساعدة الاخوان جميع

وعلى السريع بعيد الترتيب والجدول الجديد

سيلانجور : اليوم الاول \
الصبح : الوصول باذن الله
العصر : مجمع الماينز رحلة الكروز
الليل : مجمع بيراميد ( اذاا فيه مكان غير المجمع ، لان التسوق بنخليه اخر شيء )

ممتاز خلك على مجمع براميد لانه جنب الفندق لان بعد الرحله الدوليه لازم ترتاح علشان عندك يوم حافل في الغد بالمدينه المائيه من الصبح فلازم ترتاح

اليوم الثاني \
الصبح : القرية المائية
العصر : ( فاضي اذا فيه مكان جميل نروح له )
الليل : مدينة الاضواء ( اذا فيه مكان جميل نروح له )


كل مارحت القريه المائيه بدري كل ماكان افضل حتى تتجنب الزحمه وحاول يكون اليوم مو ويك اند حتى تتجنب الزحمه والقريه راح تاخذ منك وقت طوييل لان فيها حديقه حيوان والعاب غير الالعاب المائية فاحتمال ماراح تخلص منها الا العصر وارتاح بعدها لانه بعد العب بالماي الجسم يحتاج للراحه وبعدها مدينة الاضواء وفيها متحف الشمع هي الانسب بهذا الوقت






السفر الى لنكاوي : اليوم الثالث \
الظهر : الوصول ان شاء الله
العصر : الغداء والراحة ب الفندق
الليل : ( فاضي اذا فيه مكان جميل نروح له )

بشكل عام الجزر مافيها حياه بالليل يعني كل شي يسكر بدري واغلب الجولات تكون بالنهار افضل

اليوم الرابع \
الصبح : رحلة المانغروف
العصر : مزارع الارز
الليل : ( فاضي اذا فيه مكان جميل نروح له )

حط في بالك من المغرب انت بالفندق وتقضي باقي الوقت هناك وتبدا جولاتك الصباح الساعه 9 لذالك ماراح تجي 8 الا وانت تدور السرير

اليوم الخامس \
الصبح : القرية الشرقية + التلفريك ( اذا شلالات terjun + الابار السبعه قريبه من هناك بروح لها ) بنفس الوقت
العصر : ( اذا الشلالات + الابار مو ب القرية الشرقبة ، بروح لها العصر ( اذا قريبه من القرية وين الجدول العصر اذا فيه وقت )
الليل : ( فاضي اذا فيه مكان جميل نروح له )





السفر الى بينانج : اليوم السادس \
الصبح : الوصول ب اذن الله
الظهر : الغداء والراحه
العصر : في الفندق ( احتمال ازور المسجد العائم )
الليل : سوق الليل ( اذا فيه مكان جميل نروح له )

خليك على جدولك

اليوم السابع \
الصبح : رحلة الصيد وشاطئ القرود ساعة ١٠ ( شرايكم فيها ) حبيتها لان فيها صيد سمك
العصر : راحة ب الفندق
الليل : ( فاضي اذا فيه مكان نروح له )

ماعندي خلفيه عن الرحله اتمنى الخبراء يفيدونك

اليوم الثامن \
الصبح : هضبة بينناج + سد آيتيام
العصر : باخذ باص هوب آن هوب اوف
اليل : ( فاضي اذا فيه مكان جميل نروح له )

رايي تخلي باص الهوب ان هوب في الصباح واذا وصلت لهضبة بيننانج تنزل فيها وتتمتع وبعد كذا تنتظر الباص التالي وتركب وتنزل بسد ايتيام وتنزل فيه وبعد كذا تكمل الجوله مع الباض وتمر الحدايق والمحطات المختلفه كذا اوفرلك بالوقت وبالمال
ادخل الموضوع بيفيدك

http://www.arabtrvl.com/vb/t1990.html




اليوم التاسع \ فاضي

( فندق قولدن ساندس ، فيه العاب بحرية مثل ( الجتسكي ) ؟

هذي المنطقه يوجد بها الالعاب المائيه ويوجد قريب منه زيارة ادفانشير زون للاطفال اذا معاك اطفال بجانب فندق القولدن ساندس

راح اكمل الجدوال مال كوالا الليله ان شاء الله