|
رد: لا حرمني الله سمائك تركيا الحلقة العاشرة والأخيرة أظني بتتذكروا أبو مصطفى، و اللي مش عارف مين هو أبو مصطفى هو ذلك السائق الرائع والمحترم جدا جدا اللي تعاملنا معه السنة الماضية من أول ما وصلنا تركيا اتصلنا فيه وخبرناه انه بدنا ياخدنا على سابنجا فى اليوم الأخير النا فى اسطنبول فاعتذر لأنه رح يكون مشغول فى هذه الأيام رح يجي مسافر كويتي ورح يكون معه طول الأيام، وصرنا نبحث عن شخص مناسب وللأسف ما حصلنا حد. كانت فكرتنا انه نعمل شيك آوت بكير ونطلع على سابنجا ومنها نرجع على مطار صبيحة لأنه طيارتنا الساعة وحده بعد نص الليل. وسبحان الله رجع اتصل فينا وخبرنا انه الرجال الكويتي مش رح يجي (الحمد لله :yolks00250:) واتفقنا معه انه يجينا الساعة 10 صباحا. أبو مصطفى معه سيارة مرسيدس بتوسع 8 أشخاص وبياخد 150 ليوم كامل داخل اسطنبول و 250 دولار خارج اسطنبول. ترى أبو مصطفى مش قليل طلع عنده انستغرام وحركات ... لقيت واتس اب من بنتي فى نيوزلندا بتقولي انه صاحبتها وبنتها اجوا على اسطنبول ورح تتصل فينا. وسبحان الله شوي ولقيت صاحبة بنتي بتحكي معي واتفقنا نتلاقى خلال نص ساعة ولمدة نص ساعة علشان لازم نطلع. كان لقاء مش قادره أحكيلكم عنه، فجأة لقيت حد من ريحة بنتي عندي وكمان معها بنتها ديما اللي هي صاحبة حفيدتاتي ليلي ومايا حضنتهم وكأنهم بنتي وحفيداتي :(149): قعدنا فى مادو لأنه كان نفسها تاكل كنافة وتحدثنا كتير كتير... ما سكتنا ولا ثانية واجى وقت الوداع حسيت كأني بودع بنتي هلأ حسيت كأنه ليلي بين ايدي ومايا عم تحضني حضنتهم وحضنتهم وحضنتهم وقلتلهم احضونهم وبوسوهم وقولولهم هدول من تيتا وجدو احضنوهم وقولولهم اشتقنالهم كتير ديما قولي لليلي تيتا اشتقاتلك كتير كتير كتير يارب وفقهم لما تحب وترضى يارب نجحهم فى دينهم ودنياهم وعلمهم وعملهم ورجعهم بأعلى الانجازات واجمعنا فيهم عاجلا وليس آجلا يارب يارب يسر عليهم كل أمورهم يارب ووقفلهم الصحبة الصالحة يا الله سامحوني بس الشوق غلبني رجعنا على فندقنا الرائع ونزلنا أغراضنا على مكتب الاستقبال ولقينا أبو مصطفى عم يستنى فينا. اجينا بدنا ندفع بالبطاقة الائتمانية ما لقيناها لالالالالا ندور وندور وندور ، فتحنا الشنط ، دورنا بالمحافظ، دورنا بجيوب البلاطين وأبدا ما فى أمل قلبي كان حيوقف من الخوف طلعنا وأنا والموظفة الرائعة على الغرفة وطلعت معنا فى المصعد ست أمريكية فقالتي مالك؟ قلتلها مش ملاقية الكردت كارد... ايش تتخيلوا ردت علي... Just have faith in ALLAH and you will find it, don’t worry خلي عندك ايمان بالله ورح تلاقيه ما تقلقي أنا طبعا عيوني طلعت لبرا أولا انه وحده شكلها لايوحي بأنها مسلمة بتحكيلي هيك جملة وثانيا لأنها استخدمت لفظ الجلالة ALLAH مش كلمة God وبنفس الثانية حسيت ربنا عم يبعتلي رسالة وبقولي أنا معك ما يهمك. لقيت نفسي ببتسم وبقولها الحمد لله أنا يقيني بالله يقيني may faith in ALLAH will protect me دخلنا الغرفة وصرنا ندور فى كل مكان وأبدا ما لقينا الكرت كل هذا وأبو معن هادىء ويحاول يهديني ويقول اصبري أكيد بنلاقي حل طبعا أنا كنت ميته خوف لأنه احنا ما استخدمنا الكرت الا للفنادق والطيران وقبل بيوم فى مطعم المدينة ووقتها أبو معن قالي خليه معك فرحت أنا الشاطرة حطيته بجيبة البنطلون لأنه أصلا ما كنت حامله شنطة علشان الحرامية ما يفكروا يقربوا علينا. وشكله لما اشترينا من محل الشنط أنا حطيت الكرت بشنطتي الجديدة والله أعلم انه وقع مني أو حد سرقه. المشكلة انوا احنا خايفين حد استخدم الكرت وخايفين لانه ما معنا فلوس كفاية ندفع للفندق كامل القيمة. صارت الموظفة تخفف علي وتقولي ما تخافي احنا بنحل المشكلة. وأول شىء عملته اتصلت على بنكنا اللي مصدر البطاقة فى الامارات وخلتنا نحكي معهم والحمد لله وقفوا الكرت والحمد لله ما حدا استخدمه. طيب كيف بدنا ندفع للفندق فقام أبو مصطفى وقال أنا بدفع عنكم وانتوا ابعتولي مو مشكلة فعلا ان خليت بليت، هذا أبو مصطفى مثال للمسلم التركي الحقيقي والحمد لله احنا دائما بنخلي معانا فلوس فى خزنة الفندق لانستخدمها الا للطوارىء و للضرورة القصوى يعني ما بتكون من ضمن ميزانية الرحلة. أبو معن شكر أبو مصطفى وقاله مومشكله أنا معاي دراهم اماراتي خلينا نروح نصرفهم وفعلا صرفهم أبو معن ورجع دفع للفندق والحمد لله. ودعناهم وشكرناهم شكر جزيل جدا جدا على استضافتهم الرائعة وعلى حسن تعاملهم الانساني والمهني، بصراحة ما توقعت أبدا انهم يتصلوا على الامارات عشان يسهلوا امورنا. بتعرفوا رح أحكيلكم سر طول ما احنا فى الشمال وكنا نقدم ما نستطيع تقديمه لمن يستحق باذن الله فكان الجزاء من رب العباد أنه أنقذنا من السرقة ومن المواقف الصعبة الحمد لله الحمد لله انه ربنا معنا فى كل وقت وفى كل زمان و فى كل مكان |
رد: لا حرمني الله سمائك تركيا توكلنا على رب العالمين وودعنا اسطنبول ملكة ملكات المدن وودعنا على طريقنا بوسفورنا الجميل واورتاكوي الرائعة http://www10.0zz0.com/2014/11/01/17/844649796.jpg http://www10.0zz0.com/2014/11/01/17/255609562.jpg http://www10.0zz0.com/2014/11/01/17/434481708.jpg كملنا طريقنا الى سابنجا واحنا ماشيين والا أبو معن بقولي على فكره أنا معي 1300 ليرة تركي أصلا من اللخمة بطلت قادر أفكر ونسيت انه معي تركي أدفع للفندق سبحان الله الواحد فعلا لازم يفكر بهدوء بالمواقف الصعبة طبعا أنا ولا كلمة وعيوني مبحلقين ومو قادره أفتح تمي بس نفسي http://www.sfari.com/forums/images/smilies/m1as6.gif طلبنا من أبو مصطفى ياخدنا أول على كارتبه Kartepe عند فندق Green Park عشان نلحق نركب التلفريك هناك، فاتصل فيهم وتأكد انهم فاتحين. طلعوا فاتحين بس للجروبات السياحية فقالهم انا معي جروب سياحي صحيح همه شخصين بس جروب http://www.sfari.com/forums/images/smilies/13.gif السنة كل شىء غليان فى تركيا، سعر التذكرة صار 25 ليرة طلعنا بالتلفريك وكانت من أسعد اللحظات لما تحس انك عم تحضن بالسماء لما تحسن انك طاير مع حبيب قلبك ورفيق دربك لما تحس انه ضحكتك طالعة من قلبك و مش واسعها الكون الحمد لك يا عظيم الشأن http://www10.0zz0.com/2014/11/01/17/407144684.jpg http://www10.0zz0.com/2014/11/01/17/744425856.jpg وصلنا فوق أعلى الجبل http://www10.0zz0.com/2014/11/01/17/866016646.jpg قعدنا يمكن ساعتين واحنا مش حاسين بالوقت كيف مر أبو معن كان قاعد مع أبو مصطفى وأنا بصورلكم المكان http://www10.0zz0.com/2014/11/01/17/614348736.jpg http://www2.0zz0.com/2014/11/01/17/647393057.jpg http://www10.0zz0.com/2014/11/01/17/857809035.jpg http://www2.0zz0.com/2014/11/01/17/205905857.jpg وهاي بحيرة سابنجا عم تستنانا ننزل عندها http://www2.0zz0.com/2014/11/01/17/976420834.jpg http://www2.0zz0.com/2014/11/01/17/668363794.jpg وهاي فندق جرين بارك http://www10.0zz0.com/2014/11/01/17/737094406.jpg نزلنا بعدها مطعم منزره Manzara وتغدينا هناك وبعدها رحنا على المكان الذى لا نمل منه أبدا |
رد: لا حرمني الله سمائك تركيا يا سلام خالتي ام معن على السرد جزء اخير مذهل ختامها مسك موقفان احدهما جميل بلقائك صديقة ابنتك و موقف لا تحسدون عليه بضياع البطاقة موظفة الاستقبال نشمية و الله بمساعدتك الامريكية !!!!!:205: اذا الشنطة حست بعدم رغبتكم بالعودة فكيف نحن ؟؟؟ شكرا شكرا شكرا نلقاك برحلة جديدة ان شاء الله حفظكم المولى و رعاكم |
رد: لا حرمني الله سمائك تركيا والله حسيت بشوقك لبنتك أكثر من شوقك لاسطنبول ام معن استغرب تقولي خايفه البطاقه احد استخدمها ....ليش ما توصلك رسائل اذا استخدمت مثل بنوكنا ما فيه زي الصباح في اسطنبول حقيقه تعامل راقي من الفندق المطعم في كارتبيه أعتقد أكله مش جيد كل الشكر لك |
رد: لا حرمني الله سمائك تركيا اقتباس: المشاركة الأصلية كتبت بواسطة طارق عنايات http://www.arabtrvl.com/vb/traveler/...s/viewpost.gif يا سلام خالتي ام معن على السرد جزء اخير مذهل ختامها مسك موقفان احدهما جميل بلقائك صديقة ابنتك و موقف لا تحسدون عليه بضياع البطاقة موظفة الاستقبال نشمية و الله بمساعدتك الامريكية !!!!!:205: اذا الشنطة حست بعدم رغبتكم بالعودة فكيف نحن ؟؟؟ شكرا شكرا شكرا نلقاك برحلة جديدة ان شاء الله حفظكم المولى و رعاكم شكرا كتير كتير الك ولحضورك الراقي جدا |
رد: لا حرمني الله سمائك تركيا اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif والله حسيت بشوقك لبنتك أكثر من شوقك لاسطنبول أنا حسيت قلبي انشلع من مكانه لما ودعتهم يلا الحمد لله دعواتكم تتيسر أمورهم كلها ام معن استغرب تقولي خايفه البطاقه احد استخدمها ....ليش ما توصلك رسائل اذا استخدمت مثل بنوكنا هذا البنك بالذات ما بيبعت سبحان الله الا اذا صار عدة معاملات ورا بعض وبأرقام كبيرة، وفى جميع الأحوال رح يبعتوا على الرقم الاماراتي ومن التوتر ما فكرنا نفتح رقم الامارات ما فيه زي الصباح في اسطنبول حقيقه معك حق وارتاكوي كانت رائعة بهذاك اليوم تعامل راقي من الفندق جدا جدا جدا وتخيل احنا العرب الوحيدين بالفندق وكانوا في قمة التعاون والمهنية المطعم في كارتبيه أعتقد أكله مش جيد معاك حق السنة ما عجبنا أكله أبدا مع انه السنة الماضية أكلنا عندهم وكان ممتاز كل الشكر لك الشكر لك أنت أخي فيصل ولكل المتابعين في هذا المنتدى الرائع |
رد: لا حرمني الله سمائك تركيا يعطيك العععآفيه ويسهل لك امرك ي ام معن تقرير ممتع و الآروع بساطة طرحك و آسلوبك 10 حلقات كل حلقة اروع من الي قبلها ولا اخفي سرا ان تقريرك الماضي كان احد اسباب اختياري تركيا للسفر وها انا اشاهد تقرير جديد ومباشر تقبلي مروري المتواضع . دمتي بود وتقدير .. |
رد: لا حرمني الله سمائك تركيا أهلين وسهلين ومرحبتين خالتي أم معن ضياع الفيزا مشكلة وهي من الأشياء الاساسية بالسفر وتعامل موظفة الفندق جدا رائع بحيرة سابنجا جميلة والجولة فيها بالقوارب رائعة موقف ابو مصطفى معكمموقف شهم وكريم وشي حلو ان ابو معن كان مدكن كم ليرة على جنب :200: جبل كارتبيه زرناه وكان مغطى بالثلج وكاسة شاهي من فوق ومطل على البحيرة ولا اروع وبتنسيك كل شي بس استمتع الحمد لله على سلامتكم وسلامة شنطتكم المتأخرة :200: بس مانلومها ولا نلومكم ولا حتى نلوم أنفسنا في عشق تركيا أتمنى الله يجمعك ببنتك واولادها في أقرب فرصة ممكنة يعطيك العافية والصحة أم معن تقريرك رائع من الاول الى الاخير سردتي وفصلتي وابدعتي كلمة شكر لا توفيك حقك وبانتظارك في أقرب تقرير وابداع بالمنتدى |
رد: لا حرمني الله سمائك تركيا عسى ربي يفسج ويعافيج والحمدلله على سلامتكم |
| الساعة الآن 10:36 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO