|
رد: لا حرمني الله سمائك تركيا الحلقة الثانية ودعنا فندق ريدوس وقرية اكيزدرا على أمل اللقاء قريبا، وبوجهنا على آيدر بس قبل ما نوصل آيدر ميلنا على مطعم فرتينا شربنا قهوتنا عنده لأنه كنا متغديين فى مطعم Kara Deniz اللي فى بداية اكيزدرا ميلنا تعني مرينا أو عدينا .... بتعرفوا تذكرت اغنية قديييييييمة لنجاح سلام من زمان أول ميل يا غزيل يا غزيل ميل ميلك ميوله قيلك قيولك بسقيك فنجان قهوة بعملك تبوله :(22)::(22)::(22): https://s.yimg.com/lo/api/res/1.2/KJ.../830188269.jpg https://s.yimg.com/lo/api/res/1.2/2m.../358582753.jpg كملنا مشوارنا على آيدر وعلى الطريق شفنا هذا الشلال الرائع واتفقنا انه نرجعله بكره واحنا مروحين من آيدر. https://s.yimg.com/lo/api/res/1.2/Tx.../431337821.jpg وصلنا على فندقنا واللي كنت منشنة عليه من السنة الماضية Kackar Resort Hotel فندق كاجكار وهو فى بداية محمية آيدر. حجزنا الفندق عن طريق زاد المسافر للحجوزات بسعر 160 دولار تقريبا والحقيقة انه السعر كان أقل من بوكينج. https://s.yimg.com/lo/api/res/1.2/sD.../165467130.jpg https://s.yimg.com/lo/api/res/1.2/Da.../251621983.jpg https://s.yimg.com/lo/api/res/1.2/p9.../442756043.jpg https://s.yimg.com/lo/api/res/1.2/Wf.../817462189.jpg https://s.yimg.com/lo/api/res/1.2/h9.../605197436.jpg وهاي غرفتنا الجميلة https://s.yimg.com/lo/api/res/1.2/A1.../199026340.jpg https://s.yimg.com/lo/api/res/1.2/Bj.../393073677.jpg الغرفة حلوة وواسعة والبلكونة فيها جميلة جدا والجلسة فيها ترد الروح :(1): |
رد: لا حرمني الله سمائك تركيا طلعنا تمشينا فى المحمية فوق كان الجو غير عادي، كان السحاب والغيم يحضن فينا واحد واحد ويلم شملنا ويخلينا نسبح رب العباد في كل ثانية وكل شوي ربنا يرزقنا بمطر جميل ويوقف ويرجع المطر وعلى هالحال https://s.yimg.com/lo/api/res/1.2/iL.../157701306.jpg أكلنا ذرة كانت مدهشة من كتر زكاوتها (زاكي يعني لذيذ) والحقيقة الذرة فى آيدر أطيب ذرة أكلتها ومنظر الذرة اللي ناس ناشرينها على البلاكين عشان ينشفوها وبعدين يطحنوها منظر مدهش:yolks00590:. طحين الذرة مشهور عندهم كتير وبيعملوا منو خبز الذرة وحلويات بالعسل كمان. طلعنا بالسيارة لفوق كتير لغاية ما صار الطريق مش مسهمد https://s.yimg.com/lo/api/res/1.2/HN.../675174066.jpg وكان فيه شلال صغيرون وحلو وقفنا هناك وتأملنا بجمال خلق الله سبحان الخالق https://s.yimg.com/lo/api/res/1.2/jq.../946834855.jpg https://s.yimg.com/lo/api/res/1.2/8q.../763466856.jpg اللهم ارزقنا لذة النظر الى وجهك الكريم لاحظنا انه فيه شجرة عبث بها العابثون، فاستغربنا كتير لأنه آيدر محمية طبيعية وممنوع العبث أو تخريب الشجر. https://s.yimg.com/lo/api/res/1.2/qL.../170999727.jpg قربنا على الشجره ومديت ايدي أشوف ليش الناس عاملين هيك، لقيت مادة لزجة مسكت فى ايدي وتتخيلوا شو طلعت https://s.yimg.com/lo/api/res/1.2/iu.../319096992.jpg مستكة والله مستكة :yolks00260: ريحتها بتعقد حطيتها بتمي وعلكتها هاي عنجد طلعت مستكة يا الله أول مرة بحياتي أشوفها على الطبيعة هيك نزلنا ووقفنا عند الشلال الكبير وتصورنا والتقينا بعائلة سورية جايين سياحة من غازي عنتاب بالسيارة، سلمنا على بعض وتسامرنا شوي وودعناهم على أمل أن نلتقيهم في سوريا وهم سالمين وغانمين ان شاء الله، ورجعنا على الفندق. على سيرة لقاء العرب والسلام عليهم، في ملاحظة لاحظناها أنه ما ندر تلاقي خليجيين يسلموا، بتلاقي الزلمه داخل على المصعد وما في قدامه غير زلمه تاني ما يقول السلام عليكم أوحتى سيدة اجت عيني بعينها وابتسمت لها وما تبتسم أو تسلم. حتى فى أحد المواقف فى ست كانت عم تدور وشكلها تايهة فلما كلمتها عشان أساعدها، خافت وصدت فى البداية فقلت لالالالا هاي نهايتنا نخاف نحكي مع اللي بيحكي عربي. طبعا هذا الكلام لاينطبق على الجميع لأننا التقينا بعائلات خليجية رائعة جدا وتعرفنا عليهم وتبادلنا ارقام الهواتف ومن فضل الله في عائلات زارونا في بيتنا في الامارات وصاروا من أعز الأصحاب. أعتقد أنه السبب أنه احنا فى المنتديات بنحذر المسافرين من التحدث مع أي حد بيحكي عربي خوفا عليهم من أن يكون نصاب أو حرامي وبالتالي صاروا ما يفرقوا، هذا تحليل شخصي بحت. :yolks00740: يلا نكمل رجعنا غرفتنا الجميلة وقررنا نتعشى بالفندق وكان هو القرار الصائب، الأكل كان لذيذ جدا وتنسيقه قمة في الذوق https://s.yimg.com/lo/api/res/1.2/Rh.../233976760.jpg https://s.yimg.com/lo/api/res/1.2/L2.../427625455.jpg https://s.yimg.com/lo/api/res/1.2/1H.../155617714.jpg https://s.yimg.com/lo/api/res/1.2/US.../326144884.jpg https://s.yimg.com/lo/api/res/1.2/NT.../179212261.jpg رجعنا وجلسنا على البلكونه الجميلة لفترة طويلة ونمنا براحة وأمان من فضل الله هذا مطل غرفتنا https://s.yimg.com/lo/api/res/1.2/E3.../508036884.jpg |
رد: لا حرمني الله سمائك تركيا الله يعطيك العافيه تقرير جمييييل ومميز |
رد: لا حرمني الله سمائك تركيا |
رد: لا حرمني الله سمائك تركيا كم انتي مبدعه يا ام معن تقرير متميز بارك الله فيك |
رد: لا حرمني الله سمائك تركيا جزء رائع خالتنا ومتميز بالنسبة للتعامل مع العرب خارجيا أنا مع اللي يقول ابتعد عنهم ولا تتعامل معه خاصة من يتعاملون في البيع والشراء والذين يقدمون لك العروض السياحية وووو أما الاخوان العرب السياح بالعكس تجلس معهم وتاخذ وتعطي وممكن تستفيد منهم ي أماكن زاروها وتتعرف عليها الله يعطيك العافية بانتظار القادم |
رد: لا حرمني الله سمائك تركيا روووووووعه ام معن .. الله يشفيك ويلبسك لباس الصحة .. الخير دائما فيما اختاره الله تقرير رائع تسلمين على هالابداع هولمز |
رد: لا حرمني الله سمائك تركيا اقتباس: المشاركة الأصلية كتبت بواسطة dana99 http://www.arabtrvl.com/vb/traveler/...s/viewpost.gif الله يعطيك العافيه تقرير جمييييل ومميز يعافي عمرك يا قلبي شكرا كتير لمرورك الراقي |
رد: لا حرمني الله سمائك تركيا اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif صوره رائعه شكرا لك حضورك الأروع ومتابعتك بتسعدني كتير |
| الساعة الآن 05:08 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO