|
رد: لا حرمني الله سمائك تركيا طلعنا على بيازيت بالترام ونزلنا على السوق المجاور لجراند بازار كنت بدي أشتري صواني كنت اشتريت منهم السنة الماضية لأني لقيتهم فى القرية العالمية فى دبي أكثر من ضعف السعر وصينيتي أخدتها بنتي معها على نيوزلندا اشتريت الي ولوالدتي ولبنت حماي كملنا مشي باتجاه سوق الجملة مشينا لما انهرى وبرنا أكثر من 4 ساعات بالآخر حسيت أبو معن رح http://www.sfari.com/forums/images/smilies/h56.gif كل هذا عشان أوصل على سوق محمود باشا والسوق المصري، بدي أشتري لجارتي لبس سباحة محتشم يغطي كامل الجسم وبلوزته طويلة وصتني عليه، وللأسف ما لقيت المحل. طلعنا من السوق المصري وقلنا نروح نتغدى بمطعم حمدي اللي جمبه المطعم ماكان زحمة بس الخدمة عندهم مش ولابد يعني أقل من جيدة ولاتليق بمطعم سمعته زي مطعم حمدي بالإضافة الى انه الأكل كان عادي جدا جدا وكملوا علينا بالفاتورة حسابنا طلع 110 ليرة على صحنين كباب وكولا وماي والأخ قال أعطانا كلمة السر للواي فاي بس ما أشتغل فلما خبرناه قال مهو مو شغال ... طيب يا محترم ليش ماحكيت من الأول http://www.sfari.com/forums/images/smilies/5.gif لا أنصح أبدا بالأكل عندهم والله لقمة باذنجان عند مطعم الملك أحسن من كل حمدي نزلنا من عندهم واحنا مستائين دخلنا على الكوفي شوب اللي جمبهم مباشرة والحمدلله قعدنا جوا طلبنا قهوة وبعد نص ساعة تقريبا قامت الدنيا وما قعدت رياح وعواصف ومطر وكراسي ومظلات تطير وأكواب تتكسر والناس كلهم دخلوا عنا وبس هديت الدنيا شوي روحنا على الفندق على طول شوفوا شو لاقيناهم عاملين لنا اليوم http://www6.0zz0.com/2014/11/01/17/920911347.jpg ارتحنا شوي وما بعرف شو اللي خلاني أفتح تذكرة السفر وأتأكد من موعد الطيارة وأتفاجأ أنه احنا سفرنا الخميس بالليل مو الجمعه بالليل http://www.sfari.com/forums/images/smilies/12.gif http://www.sfari.com/forums/images/smilies/12.gif http://www.sfari.com/forums/images/smilies/12.gif والخربطة صارت لأنه موعد الطيارة الساعة وحدة بالليل وأنزل ركض على الاستقبال لأنه احنا حاجزين أربع ليالي والحمد لله زبطولنا الحجز لثلاث ليال فقط وكلموا بوكينج وزبطوا معهم كمان. يعني لو ما انتبهت كان راحت الطيارة واضطرينا نحجز تذكرة جديدة الحمد لله أحيانا بتمر علينا نعم ما بنحس بقيمتها والحمد لله هدي الجو ونزلنا على سوق محمود باشا مره ثانية بس هاي المره دخلنا عليه من امينونو والحمد لله يدوب مشينا شوي ولقينا المحل واشتريت لجارتي أحسن من اللي بدهياه كمان. وهناك قلنا ناخد تاكسي على اورتاكوي سألنا تاكسي كم تاخد رد علينا بطرف عينه وشكلنا مو عاجبينه ... شكله كان يدور على حد غيرنا فيفتي ....50 أنا سمعتها فيفتين 15 فقلت لأبومعن خلاص فيفتين اوكي السواق قالنوووووووووو فيفتي 50 بدون ما أحس رديت علي بالتركي elli hayır kardeşim sadece on beş الترجمة مع شوية بهارات http://www.sfari.com/forums/images/smilies/13.gif خمسين ليرة لالالالالا ما حزرت يا أخي والله انك نصاب عالمي http://www.sfari.com/forums/images/smilies/h48.gif همه بس 15 ليره بدك ولا ما بدكhttp://www.sfari.com/forums/images/smilies/h56.gif رحنا على واحد ثاني طلب 35 ، قلت لأبو معن يازلمة تعال نطلع بالترام على كاباتاش وهناك ناخد باص والحمد لله هيك عملنا وطلعت رحلتنا ب 8 ليرات فقط طبعا لو كنا أربع أشخاص كان التاكسي الثاني كويس وصلنا عند ست الكل اورتاكوي وكان الجو بارد كتير دخلنا صلينا العشاء بالمسجد الرائع بعد التجديد والترميم http://www6.0zz0.com/2014/11/01/17/766485053.jpg وأكلنا بطاطا مشوية وبعدها حلينا عنا مادو وروحنا بنفس الطريقة وخلص يلا بدنا ننام لحظة لحظة قبل ما ننام اتصلت فينا أخت أبو معن الكبيرة اجت على اسطنبول من عمان هي وعمته وزوج عمته وكمان قريبة لهم فدعيناهم لليوم التالي على يوم اسطنبولي ممتع تصبحوا على خير |
رد: لا حرمني الله سمائك تركيا حلقتين رائعة أم معن ما شاء الله تبارك الله الذكرى 31 وعقبال ما تحتفلو بالذكرى 100 ان شاء الله بس شاطرة بالترجمة وحلو الواحد يكون عنده لغات هههههههههه وراح اخذ نصيحتك في مطعم حمدي مع اني مريت من جنبه بس ما ارتحت له نفسيا وما دخلته بانتظار اليوم الممتع واللي اكيد راح يكون مزحوم مــــــتــــــابـــــــــع |
رد: لا حرمني الله سمائك تركيا من أجمل التقارير اللي شفتها هني وهناك بس هني احلى لأنه مليئ بالردود والشروحات الحلوة اللي تزودينا فيها مع كل رد متابعين للأخير يا خويتي ام معن السنعة والزين ما يطلع الا من الزين |
رد: لا حرمني الله سمائك تركيا اقتباس: المشاركة الأصلية كتبت بواسطة الركيب http://www.arabtrvl.com/vb/traveler/...s/viewpost.gif حلقتين رائعة أم معن ما شاء الله تبارك الله الذكرى 31 وعقبال ما تحتفلو بالذكرى 100 ان شاء الله بس شاطرة بالترجمة وحلو الواحد يكون عنده لغات هههههههههه وراح اخذ نصيحتك في مطعم حمدي مع اني مريت من جنبه بس ما ارتحت له نفسيا وما دخلته بانتظار اليوم الممتع واللي اكيد راح يكون مزحوم مــــــتــــــابـــــــــع اللهم آمين وعقبالك تحتفل مع مدامتك بيوم زواجكم المئة كمان يارب ما تحكي لحدا بعرفلي كم كلمة تركي ولما أحكي معهم بلقطلي كلمة وقال يعني فهمت عليهم :yolks00440: الحمد لله مادخلته صراحه ما يستاهل أبدا أبدا مشكور اخي الفاضل على حضورك المستمر بتسعدني دائما بتواجدك |
رد: لا حرمني الله سمائك تركيا اقتباس: المشاركة الأصلية كتبت بواسطة توبليرون http://www.arabtrvl.com/vb/traveler/...s/viewpost.gif من أجمل التقارير اللي شفتها هني وهناك بس هني احلى لأنه مليئ بالردود والشروحات الحلوة اللي تزودينا فيها مع كل رد متابعين للأخير يا خويتي ام معن السنعة والزين ما يطلع الا من الزين حبيبتي ام حسين يخليلي ياكي وانت كل الذوق والزين والله بتسعديني بحضورك المتميز دائما |
رد: لا حرمني الله سمائك تركيا ام معن تقرير غني بالمعلومات والاماكن الحلوه والصور قمة الروعة والجمال تسلم يدك الله يبارك بعمرك |
رد: لا حرمني الله سمائك تركيا الله يخليكم لبعض مشكله يقع فيها الكثير تاريخ بعد 12 مساءا كل ليله شكرا لك |
رد: لا حرمني الله سمائك تركيا اقتباس: المشاركة الأصلية كتبت بواسطة MOBARKI http://www.arabtrvl.com/vb/traveler/...s/viewpost.gif ام معن تقرير غني بالمعلومات والاماكن الحلوه والصور قمة الروعة والجمال تسلم يدك الله يبارك بعمرك تسلم يارب كلك ذوق والله تواجدك بيسعدني كتير كتير شكرا جزيلا لك |
رد: لا حرمني الله سمائك تركيا اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif الله يخليكم لبعض مشكله يقع فيها الكثير تاريخ بعد 12 مساءا كل ليله شكرا لك الشكر لك ولكل المتابعين تسلمولي يارب بيني وبينك لهلأ مقهورة انه راح علينا يوم كامل كان اله برنامج حلو بس يلا الخيرة فيما اختاره الله الحمد لله |
رد: لا حرمني الله سمائك تركيا ما شاء الله بارك الله تقرير ولا أروع والصووور جميييلة الله يعطيك العافية |
| الساعة الآن 10:08 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO