|
ما شاء الله تبارك الرحمن تقرير واعد ومليئ بالمغامرات وأيضا الفايدة للي ناووين يسافرون :3: بسألك عن خطوط القطرية لمن نزلت ل مطار حمد شناطك وعفشك تحملت دايركت للمطار ف كوالا ولا شلتها معك من نزلت مطار حمد وشحنتها مره ثانيه ..؟ سؤال آخر متي بالضبط حجزت تذكرتك الدولية ...؟ وكم سعرها كانت .؟ اذا لك تجربة في خطوط سعودية عطني الفرق بينها وبين القطرية ( أخوك متردد في القطرية :25: حط عندك واحد نفر بيغثك بالاسئلة :17: بأنتظارك تقريرك:e030::72: |
دحدح اسمح لي بالاجابه من بعد اذن سلووم انا سافرت من البحرين للدوحة - كوالالمبور ( ترانزيت ) عن طريق القطرية بحرين - قطر طيارة الماصوره ونزلنا مطار حمد وكملنا ع الترانزيت وركبنا طيارة اكبر ثلاثه اربعه ثلاثه العفش ما نزلناهـ على طول تم شحنه مباشرة كانت الفترة بين الوصول والاقلاع بالكثير ساعة زمان تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
خذ القطريه ولا تتردد مع ان السعوديه الرحلات الدولية تطورت كثير وتقارن مع الكبار تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
^ شكرا اخوي تتدري اللي خلاني اميل للقطرية سعرها عكس سعر خطوطنا.!!!! ومن كثر من مدحو لي خطوط القطرية بديت اميل له ... :e032::e032::e032: |
اقتباس:
هلا وغلا وكرتون حلا الله يحييك والله يسلمك ياغالي ان شاء الله ينال التقرير اعجابكم وأكون عند حسن ظنكم :) أشكرك على مرورك وحضورك :e303: |
اقتباس:
من جد اختي ام حسين بعض المسافرين نفسياتهم :73: والحمد لله عدت على خير .. الطياره جميله وانواع الترفيه فيها مرررره جميله ولكن طول المسافه يخلي الواحد يمل .. .. بالنسبه للمناظر الليله .. روووووعه ولا توصفه المشاعر :) حيّاك ربي مره ثانيه وأشكرك على حضورك ومرورك |
اقتباس:
هلا وغلا فيك يالغالي وأشكرك على مرورك وكلامك الجميل :) بالنسبه للشناط دايركت من مطار الملك عبدالعزيز إلى كوالالمبور وبالنسبه للحجز قبل الرحله تقريباً بشهر ونصف وكانت غير مسترده :21: وتهورت شوي فيها كان مبلغها 3500 ريال سعودي ذهاب وإياب لشخصين بالنسبه للخطوط القطريه جداً رائعه ولم يكن لي تجربه مع الخطوط السعوديه سوى الداخليه فقط ابد ياخوك اخذ راحتك .. واتمنى تلاقي أجوبه لجميع استفسارتك :) |
طبعاً هناك فرق كبير بين الخطوط القطريه والسعوديه من حيث السعر لأني لقيت القطريه بـ 3500 ريال والسعوديه بـ 7400 ريال تقريباً والفرق واضح جداً في السعر .. والسعوديه تتميز انها بدون ترانزيت فقط :) |
.# فرق كبير والله ...الله يهديهم رافعين الاسعار.!!! ف بالي سؤال لكن مهوب وقته هالحين ...بعدين^^ بأذن الله ع القطرية .. بأنتظارك سردك للتقريرك وخاصة وخاصة وخاصة فنادق [ تريدرز + وصن واي لاجون ] :64::1: |
تفاصيـــــــــل الرحلــــــــه فقره ( ب ) ها هي ماليزيا الحب :) ماليزيا الشوق .. وكأنه حلم وتحقق مناظر جميله وجمال رباني ( سبحان الله ) هبطنا في مطار كوالالمبور ولله الحمد بسلامه وكما قلت لكم التخطيط ثم التخطيط ثم التخطيط نزلنا من الطائره الضخمه .. ودخلنا المطار الرائع بكل ماتحمله الكلمة من معنى ووقتها لا يعلم الشخص الذي يسافر لأول مره أين يذهب .. ولكن أنا لا كانت الوجهه إلى تاكسي المطار الرسمي .. فنصائح الأعضاء هنا كانت محل اهتمام توجهت لهم وأصحاب الشركات والكدادين ينادون بكل لهفه وبكل شراسه .. السلام عليكم تفضل يا اخي وكأنهم يقولون تعال والله أن نأكل مالديك من مال :2::1: .. أحسست بأنهم وحوش وخاصة لدينا نحن الخليجيين .. ولكن الحمد وجدت ما كنت أريد التاكسي الرسمي .. انا : السلام عليكم هي ( امرأه ) : وعليكم السلام أنا ( ابتسامه عريضه لزوجتي ابشرك تعرف عربي ) : لو سمحتي أبغى ..... !! هي تقاطعني : i do not speak Arabic :2: أنا : ياليل منت ليله .. والله البلشه .. طبعاً لدي خلفيه بسيطه في اللغه الانجليزيه .. ولكن المخاطبه ( التحدث ) عندنا مشكله كخليجيين لعدم الإختلاط مع أصحاب اللغه الام يعني احنا نتكلم انجليزي مكسر :1: المهم قلت لها بعد مساعدة العم قوقل :34: اني أريد الذهاب إلى فندق صن واي لاجون سلانجور قالت اوكيه كم شخص وكم عدد الشنط فأجبتها شخصين وشنطتين قالت المبلغ ( 84 رينجت ) .. وطلعت المحفظه وأعطيتها المبلغ واخذت التذكره وأتجهت إلى محلات الاتصالات وهي كاونترات صغيره وحسب توصيات الاعضاء اخذت شريحة اتصال مع بيانات بـ 75 رينجت وبعد تركيبها والتأكد من عملها اتجهنا إلى بوابة المطار وأخذ مني أحدهم ولابس لبس خاص بالشركه .. وحمّل الشناط في سياره صغيره على حسب طلبي وأتجهنا إلى الفندق الذي يبعد عن المطار تقريباً 50 دقيقه ولكنها كانت رائعه وأستمتعنا بالمناظر وكانت أشبه ماتكون بجوله قصيره طبعاً فائده لمن يريد الإطمئنان من السائق شغل برنامج الخرائط واكتب اسم الفندق بالإنجليزي وحدد موقعك وأكتب تتبع .. وراح يوضح لك طريق السير تماماً .. وعندما كنت أتابع سير التاكسي ببرنامج الخرائط اقتربنا من الفندق وإذا بجمال باهر وفندق رائع وااااااو .. ماشاء الله تبارك الله إنه صن واي لاجون في سلانجور :18: تحفه رائعه بكل ما تحمله الكلمه من معنى .. ضخامة الفندق أبهرتني بصراحه ما أروع استقبالهم وحفاوتهم بنا .. ذهبت إلى اللوبي .. وأعجبني عندهم سرعة التسجيل .. وأعطوني بطاقة الدخول إلى الغرفه المحجوزه وكما رأيتها في البوكينق .. وأفضل بصراحه طبعاً وجدت الشنط أمامي في الغرفه :e43a: طبعاً الساعه الان قاربت على 7 مساءاً .. والجوع كافر طلعت ودخلت مول البيراميد وكان قريب جداً .. طبعاً أنا مستغرب من شيء .. وهي كثرة الخليجيين وكأني في موسم الصيف :1: ودخلت لأحد المطاعم وأخذت وجبتين لي ولأم سدن طبعاً يجدر بالجميع معرفة ان هذا المطعم يقدم الأكل الحلال أو لا .. بالسؤال او الاستيكر المعلق بباب المطعم .. رجعت للفندق .. وأم سدن طاااااااافيه تبي النوم .. بعد إلحاح مني تعشينا والحمد لله .. وبعد الاكل بـ 15 دقايق .. :e13c: .. ( ثانـــــــــي يــــــــــــوم ) صحينا لصلاة الفجر وصلينا وإرهاق السفر بدأ يتضح على وجهي ووجه ام سدن بدأنا نتفقد الغرفه ومحتوياتها :1::34: هههههههههههه كانت الغرفه مطله على الالعاب المائية :e312::55: وبدأنا نصور من هنا وهناك [IMG][/IMG] بصراحه بصراحه ههههههه ما عرفت انها العاب مائيه بالبدايه ولكن أم سدن تحدتني وفعلأ طلعت هي ألعاب الصن واي لاجون :e526: لبسنا .. وأخذنا مانريد .. لأن الوجهه للإفطار وبعدها للألعاب المائيه :34::e312: أفطرنا وكان الإفطار جميل وطعم رائع وترتيب أروع وحسن استقبال بالوفيه لا أستطيع أن أصف لكم الفندق وروعته .. وبالأخص طعامهم اللذيذ :) أفطرنا وشبعنا والحمد لله .. وسولفت انا وام سدن شوي .. الساعه الآن 9.30 سألت عن مكان بيع التذاكر .. وكانت بجانب باب الدخول للفندق طبعاً قلت بكم وكذا وشرح لي .. أخرتها عرف اني مافهمت واعطاني نشره باللغه العربيه .. وابشركم فهمت ههههههه.. المهم أخذت أساور لشخصين بـ 150 رينجت للشخص الواحد [IMG][/IMG] ونزلنا إلى حيث المتعه وكان الاتفاق .. استكشاف .. وبتصوير وبعدها .. استمتاع بالألعاب :22: وأول شيء فعلناه .. البحث عن باب الدخول ههههههههههههه طبعاً فيه باب جيته ولقيته مقفل بالسلاسل .. وقلت لا شكله مو هو .. وتابعنا البحث ومعنا عائله امريكيه وعائله خليجيه .. الاخ الخليجي قال انا امس جيت من هنا وقالوا اطلع من الفندق وادخل من الباب الخارجي :( ولكن بعيد .. وش الفكره .. وش الطريقه فجأه شاب وفتاه من الجنسيه الصينيه على ما أظن .. وتسلقوا الجدار اللي بجانب الباب المقفل بالسلاسل .. وهوباااااا .. ودخلوا الألعاب طبعاً لابد المرور على الأجهزه والعاملين لرؤية السواره .. المهم احم احم ..قلت ام سدن خلينا نوري الامريكان رشاقتنا ههههههههههههه طبعاً فيه شجره بجانب الجدار والمشكله ان هالشجره فيها شوك :1: قالت ام سدن انا أول .. قلت كفو .. يالله شدي حيلك .. وهوباااا والحمد لله عدت بسلام .. الان دوري :34: لكن تجري الرياح بما لا تشتهي السُفُن :23: .. الشوك وما أدراك ما الشوك .. المهم حاجه بسيطه ورقصة رقصة السامبا بعد الشوك .. والحمد لله دخلنا الألعاب وأول ما صادفنا .. مهرجان ومسرح و6 شباب يرقصون رقصات ماليزيه مدري هو تمرين والعالم امام المسرح ويرقصون معاهم المهم صورنا فيديو شوي ورحنا من عندهم بعد ما قلت لأم سدن بروح أطلع معاهم ع المسرح :1: أكملنا الجوله في المدينه كما أسميتها وهي ليست العاب مائيه فقط .. بل مدينه إليكم الصور وبها نختم هذا الجزء من الرحله ولي عوده بإذن الله :) http://store2.up-00.com/2016-05/146222773481441.jpg http://store2.up-00.com/2016-05/146222773597312.jpg http://store2.up-00.com/2016-05/146222773703523.jpg http://store2.up-00.com/2016-05/14622279669471.jpg http://store2.up-00.com/2016-05/146222796793722.jpg http://store2.up-00.com/2016-05/146222796897493.jpg http://store2.up-00.com/2016-05/146222796999084.jpg http://store2.up-00.com/2016-05/146222797105015.jpg http://store2.up-00.com/2016-05/146222797209256.jpg http://store1.up-00.com/2016-05/146222817892121.jpg http://store1.up-00.com/2016-05/146222817998782.jpg http://store1.up-00.com/2016-05/146222818100313.jpg |
حركات يا ابو سامبا ومسالة كثرة الخليجيين والعرب يكفيك فقط انه الصن واي لاقون يا عزيزي سيلانغور ولا شيء بدونه مع احترامي للفنادق الاخرى واصل وانا وراك متابع تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
ما شاء الله عليك أخوي سلوم تقرير ولا أروع عندي كم استفسار : رحلتي باذن الله على الخطوط القطرية بعد عيد الأضحى وموعد الوصول بإذن الله الساعة 9 ونصف الليل هل تراه مناسب بما أن وصولك كان بالليل ؟ الألعاب المائية بصراحة روعة ولكن ما أدري كيف الوضع بالنسبة لنا كسعوديين تعرف مسألة الحجاب للحرمة وكذا ؟ متابع باستمرار :18: |
العشق صنواي لاقون العشق :2: وخذ معلومه بسيطة عن بعض المطاعم ما تكتب حلال ولكن اكلهم حلال وسبب عدم وضع لوحة حلال انه يقدمون مشروبات روحانيه |
ما شاء الله.. شكلك مغرم ب هالفندق سؤالي لك لمن حجزت الفنادق هل طبعت ورقة الحجز ام فقط أخذت رقم الحجز ورقم السريال ووصلت هناك ووريتهم؟ وش نوع الغرفة اللي اخذتها ...ما مريت ع الفلل؟ ف اي شهر سافرت؟ لاني شايف جو مغيم !! ياخي عجل علينا عطنا فقرتين ورا بعض:1: تصويرك ما شاء الله بططل |
ما شاء الله تخطيط وتنظيم وتصوير وسرد جميل الله يعطيك العافية وبانتظارك وسؤال هل الجناح التنفيذي نفس الإطلالة ولا كيف ؟ محسوبك معاي بنت وحاجز جناح تنفيذي شكراً لك سلفاً |
صباح الخير عاد الترانزيت هذا مشوار صراحه بمطارالدوحه صراحه بما أنه أول رحله أعتقد وبإذن الله أنك سوف تكون متمرس بترتيب الرحلات حركات يا شيخ يعني لو فيه حارس بيوقفكم أو عادي الأمور زين ليش ما قالو لكم الفندق عن الباب |
اقتباس:
بصراحه اخوي اوكسير .. اتفق معك .. ان سلانجور بدون الصن واي لاجون ولاشيء لذلك ان كررت الزياره مره اخرى .. فهي محبه بالفندق فقط .. والألعاب المائيه هناك الجنتنق بديله لها .. .. اتشرف بمتابعتك لي .. وكن بالقرب :) |
اقتباس:
هلا فيك اخوي ابو سعد .. أشكرك على الإطراء :) بالنسبه للخطوط القطريه .. رائعه .. وموعد وصولك .. الأفضل أن يكون وقت تسجيل الدخول علشان مايضيع عليك حجز يوم كامل بالفندق .. ويمديك تستمتع بالفندق ومرفقاته .. يعني الافضل يكون وقت وصولك من 2 ظهر الى 4 العصر بالنسبه لوضعنا كسعوديين .. الوضع جدا عادي والحجاب متعارف عليه في مجتمعهم ولا تتضايق من هالمسأله .. رغم أن بعض الصينيين والهنود ينظرون لنا كأننا البعبع والا النمنم ههههههههه واحد مع خويته يأشرون على زوجتي ومستغربين من لبسها والحمد لله على نعمة الاسلام .. عاد ام سدن تناظرهم تقول لا تخلوني أطاردكم ههههههههه وقتها ضحكت وصرفوا نظرهم عنا ولكن اللي أعجبني بصراحه اني وجدت كثير من نساء ماليزيا وخاصه كبيرات السن متحجبات بالكامل ونسأل الله لهم التوفيق والثبات وللمسلمين . لا تخاف وتوكل على الله ولم تكن هذه المسأله مصدر خوف لنا في سفرنا ولله الحمد ماليزيا دوله مسلمه .. الحجاب هناك متعارف عليه .. الاحترام واضح لنا كخليجيين .. ملاحظه / بالنسبه للمطارات .. وعند موظف الحجوازات يطلب من زوجتك كشف وجهها ليتسنى له مطابقة الصوره مع جواز السفر .. وهذا اجراء روتيني فلا تنزعج :) .. اتمنى اني افدتك في تساؤلاتك .. وحيّاك ربي مره ثانيه |
اقتباس:
هلا وغلا اخوي محمد انشهد انها عشششششق :e204: معلومه واضافه جميله .. أشكرك يالغالي |
[QUOTE=دحدح 11;226484]ما شاء الله.. شكلك مغرم ب هالفندق سؤالي لك لمن حجزت الفنادق هل طبعت ورقة الحجز ام فقط أخذت رقم الحجز ورقم السريال ووصلت هناك ووريتهم؟ وش نوع الغرفة اللي اخذتها ...ما مريت ع الفلل؟ ف اي شهر سافرت؟ لاني شايف جو مغيم !! ياخي عجل علينا عطنا فقرتين ورا بعض:1: تصويرك ما شاء الله بططل[/QUOT E] هلا وغلا اخوي دحدح والله من ناحية مغرم .. والله اني اغرمت فيه وولهان عليه من لحظة خروجي منه :e204: طبعاُ الحجوزات جميعها طبعتها من البوكينق نسخه بالعربي لي .. ونسخه بالانجليزي للفنادق واتمنى عودتك لبداية التقرير لرؤية جميع حجوزاتي وانواع الغرف في الفنادق كلها ولله الحمد الامطار هطلت في جميع رحلتنا .. وهذا بتوفيق الله ومنّته .. كانت رحلتي الشهر الماضي .. بالنسبه للتقرير .. ود اسرده كله في لحظه .. ولكن يتطلب ترتيب وتنسيق وادراج صور وهذا يحتاج لجهد والله يحييك مره ثانيه ياغالي |
تقرير بطل الله يعطيك العافية وصور رائعه اللي يشوف هالتقرير والترتيب والتنظيم للرحلة مايقول اول سفرة خارجية ماشاء الله احلى شي يوم قالت ام سدن لا تخلوني اطاردكم:1: احلى شي في ماليزيا انو متعودين على الحجاب وهاذا لاحظته في سفرتي الاخيرة اما سفرتي الاولى قبل 13 سنة كانو يستغربو شوي والحمدلله على نعمة الاسلام |
اقتباس:
هلا وغلا فيك اخوي سامي اشكرك على الاطراء :) والله يعافيك بإمكانك الدخول على البوكينق واختيار نوع الغرفه ويكون لها صور .. ولازم تتأكد من الاطلاله .. بعضها على حديقه وبعضها على بحر وبعضها على مسبح وكذا يعني .. البوكينق يوضحها في صوره ولازم تقرأ جميع ما يُكتب في البوكينق او المواقع الاخرى .. علشان ماتنصدم وقت دخولك للغرف المختاره الله ييسر امرك .. واعتقد الجناح التنفيذي بيكون افضل واوسع من بعض الانواع .. العفو .. والله يحييك مره ثانيه |
اقتباس:
هلا وغلا اخوي فيصل .. صباح النور .. قصدي مساء النور :24: على قولتك الترانزيت بمطار حمد شيء آخر بصراحه .. ويحتاج لياقه ولله الحمد بدأت أنصح زملاء لي وصرت اوجههم على حسب معرفتي المشكله جميع الحراس يناظرون فينا والمشكله الاعظم رجل الامن يناظر معهم .. ويبتسمون هههههههه شكله خايفين من ام سدن هذي المشكله . رجعت للفندق قبل الحركات البهلوانيه اللي قمت بها انا وام سدن وقلت لهم الباب مقفل .. وقالوا 10.00 تماماً يفتح .. وانتظرنا اكثر من ثلث ساعه ولم يُفتح وبعد جولتنا وبعد ما استمتعنا من الألعاب وقررنا العوده للفندق .. لقينا الباب مفتوح :24: والحمد لله اهم شيء ورينا الامريكان حركاتنا الخنفشاريه مع القليل من مداعبة الشوك ههههههههههه .. |
اقتباس:
هلا وغلا اختي عاشقة لنكاوي الله يعافيك .. والحمد لله هذا بتوفيق الله ثم بقراءة تقارير الاعضاء وسؤالهم وترتيب وتخطيط استمر شهر تقريباً قبل انطلاق الرحله .. هههههههههههه انا ضحكت .. مع تخيل للموقف لو يصير ولكن 98% من الشعب الماليزي والاجانب .. متقبلين امر الاحجاب والحمد لله على نعمة الاسلام .. اشكرك على حضورك ومشاركتك .. وكوني بالقرب |
اقتباس:
الله يسعدك وما قصرت يا الغالي ... مسألة وصولي بالمساء السبب كان هو أن الخطوط القطرية والاتحاد والامارات كلها رحلاتهم المتاخرة فيها ترانزيت 3 او 4 ساعات تقريبا وكذا اوصل الليل لكوالا .... لقيت رحلة على الخطوط القطرية توصل الظهر ولكن الترانزيت في الدوحة تقريبا 15 ساعة والعودة تقريبا 10 ساعات وكذلك بالنسبة لطيران الاتحاد توقف في ابو ظبي 9 ساعات :2: الاتظار ممل مرة يا رجل |
اقتباس:
اللهم امين يارب ويسعدك اجل عوافي ياخوك .. خلك على حجزك .. وبالنسبه للانتظار .. مللللللل الله ييسر لك امرك يارب واي استفسار انا حاضر |
تفاصيـــــــــل الرحلــــــــه فقره ( ج ) بعد الإستمتاع في ألعاب الصن واي لاجون رغم الرطوبه العاليه نوعاً ما عدنا إلى الفندق الساعه 4.00 م للإستحمام وتبديل الملابس والتجهز لمول البيراميد الرائع وكان الاتفاق بيني وبين أم سدن أن التسوّق راح يكون آخر يومين من الرحله وطبعاً مستحيل يعجبها شيء وما اشتريه لها :57: المهم طلعنا الساعه 5.30 م من الفندق وكان المول ملاصق للفندق وسهولة المشي له ودخلناه http://store2.up-00.com/2016-05/146227283701831.jpg عالم وناس وزحمه وكان اليوم هو الأحد :2: عطلتهم :( :e201: http://store2.up-00.com/2016-05/146227283725452.jpg لاتدققون بالصور تراه تصوير ام سدن :1::56: المهم تجولنا بالمول .. وضخم بصراحه واشياءه روعه وطولنا نطالع في صالة التزلج وابداع بعض القروبات في التزلج .. وبعدها توجهنا الى ماكدونالدز للإستمتاع بالطعم الرائع اللي تكلم عنه كذا عضو في تقريره الخاص .. وفعلاً الطعم مختلف .. والاسعار مختلفه .. عن السعودية :( غدا عشاء .. لا ياعمي .. للحديث بقيّه .. فهذي آخر ليله في سلانجور لازم نختم كل شيء :1: خلصنا من مول البيراميد تقريباً 6.30 م طلعنا وتوجهنا على تاكسي الفندق .. وقلت له نبغى آي سيتي تودينا وترجعنا .. من الأخير 120 رينجت .. قلت أوكيه طبعاً برنامج ماي تاكسي خذلني في الرحله لعدم استجابته معي .. وهذ الشيء ضايقني قليلاً لكن ولله الحمد على كل حال طلعنا على آي سيتي وأعطيته 50 رينجت .. وقلت الباقي عند الفندق قال اوكيه رغم اني أحسست انه نصاب .. المهم نزلنا واستمتعنا بآي سيتي .. رغم أنها لا تستحق العناء كثيراً من وجهة نظري .. http://store1.up-00.com/2016-05/146227414107871.jpg http://store1.up-00.com/2016-05/146227414139382.jpg http://store2.up-00.com/2016-05/146227591970121.jpg لقينا كنتاكي طبعاً مقابل بوابة الدخول لآي سيتي وطلبنا العشاء منه على بال ما يوصل التاكسي من الفندق .. اخذنا العشا وطلعنا الا وهو عند الباب ينتظرني طبعاً لابد أن تأخذ رقم جواله .. وهذا مافعلته .. رجعنا الفندق واعطيته باقي المبلغ المتفق عليه .. ودخلنا الفندق وتوجهنا للغرفه .. وتعشينا وكان الأكل جداً لذيذ :e33f: .. وبعدها بنصف ساعه .. نمنا .. ( اليــــــــــوم الثالـــــــث ) صحينا من النوم الساعه 7 صباح .. رتبنا الشنط ونزلنا للإفطار .. طبعاً أجمل إفطار رأيته في ماليزيا كان في فندق الصن واي لاجون .. ولا اقلل من قيمة بقية الفنادق لكن .. الصن واي لاجون غير بصراحه .. أفطرنا وحمدنا الله على نعمه التي لا تحصى .. باقي على موعد خروجي من الفندق تقريبا ساعتين .. ولازم أصرف من الصراف لأنه ماكان معي الا 1000 ريجنت ولنكاوي احتاج فيها مصروف .. رحت المول وصدفه اذا بأحد الأشخاص كأني رأيته يراقبني .. واستمريت في المشي .. وإذا هو يلاحقني .. وخليته على جوّه .. واستمر .. وفجأه .. وانا ألتفت عليه .. وعرفت أنه عربي .. قلت خير قال سلام عليكم .. قلت وعليكم السلام ورحمة الله .. هلا .. خير وش فيه تراقبني وتلاحقني .. فيه شيء ؟!!!! قال لو سمحت انا محتاج فلوس وصار علي كذا وكذا ومحتاج الفزعه .. والله ماراح أوقف مكتوف اليد .. بل ساساعده لوجه الله بما استطيع .. لكن تصرفه غريب .. وإحساسي أنه نصاب .. قلت بروح اصرف وراح اجيك .. طبعاً أم سدن متوتره نوعاً ما .. المهم .. رجعنا ما لقيناه .. وقلت خيره .. لعله شر فصرفه الله عنا عدنا الى الفندق وكلمت خدمة الغرف علشان الشنط .. وعلى طول جاني واحد منهم واخذ الشنط .. ونزلت اسوي تسجيل خروج وكانوا مبتسمين .. وكلمت مواصلات الفندق .. وطلبت منه المطار وقال 130 رينجت .. وجاني شخصين حقين التكاسي واحد يقول 100 والثاني يقول 90 .. وبصراحه ادفع الفرق من اجل راحتي والثقه بمواصلات الفندق وكانت الساعه تشير الى 10.00 صباحاً وموعد الرحله الـ 1.00 م .. توكلنا ع الله وذهبنا إلى المطار ونزلنا الشناط .. ودخلنا المطار .. وفجأه إذا بواحد هندي أخذ عربية الشنط وقال الحقني .. انا تفاجأت وكان معنا عائله سعوديه ايضا واحنا وراه والرجل مجتهد .. اخذنا على المغادره وعلمنا وش نسوي وخلص معنا كل شيء .. ولازلت متفاجئ .. من يكون ؟!!!!! وبعد ما خلص من العائله السعوديه رجع لي وخلصني .. قلت شكرا .. وأثاريه مايبغى شكرا .. يبغى بولوس ( فلوس ) .. ؟!! طيب كم .. قال 100 رينجت .. ليش طيب .. انا ما اتفقت معك ؟!!! ولكن بصراحه خدمنا رغم انه لا يستحق المئه كامله .. لكن فدا .. الاهم اننا انجزنا .. دخلنا صالة المغادرة .. وبإنتظار فتح البوابة .. تبقى نصف ساعه .. اخذنا كوفي ودونات وانتظرنا حتى فتح البوابات .. وركبنا الطائره .. وتوكلنا على الله إلى لنكاوي الشهيره .. ونريد رؤية ما يتحدث عنه الصديق والقريب والزميل كلنا شوق لرؤية لنكاوي .. واقلعت الطائره بتوفيق الله http://store1.up-00.com/2016-05/146227613543521.jpg |
.# ما شاء الله من اشوف صور صن واي ومدينة الالعاب أستغرب من كذا قريب لي يقولي والله ما انصحك نهائيا فيه أقوله ليه يقول ما تصلح لك وانت عريس ف سؤالي لك هل الالعاب تصلح للمحجبه ولعبت المدام :1:..؟ بالاضافو اغلبهم يقولي اسكن ف كوالا افضلك من سيلانجور مع اني اغرمت في فندق صن واي ...ف هل تستاهل سيلانجور ليلتين ولا اكن دايركت في كوالا اقتباس:
جلست افكر باللي صار لك لو حصل لك مثل هالمواقف من شخص عربي او من اهل البلد هل نساعده ولا كيف ...فعلا الواحد وده يفعل الخير بس ما ندري هل هو فعلا محتاج..!! ما شاء الله وش نوع كاميرتك :e303::e303: |
بصراحة سالفة الرطوبة خايف منها انا اكرها خصوصا رطوبة جدة ودبي بالصيف وانا مسافر بالصيف أرسلت من HTC One M9 بإستخدام تاباتلك |
جزء جميل في سيلانجور من الجيد ذكرك للسلبيات و بالأحمر حتى لا يخطئ غيرك و يتعظ سالفة الحمالي في المطارات و الفيري :e113::59: |
يا طيب ما ذكرت لنا هل قمت بجولة كروز بالماينز ؟ وإيش وضع التأمين بالفنادق ؟ أشوف الكل يشتكي منه وأنه لا يتم إرجاعه ؟ وكيف سددت للفنادق ؟ مشكور |
حمدالله على سلامتكم وعقبال المرة الجاية. سرد للرحلة ممتع ومفصل. استمررررررر :1: |
اقتباس:
انا مدفعتش ولا رينجت لتامين اي فندق في ماليزيا نهااااااائي. طبعا كانو بيطلبو تامين بس احنا كنا بنقولهم هل ضروري قالو هو ضروري في حالة استخدمتم البار او مطعم الفندق او الكيدز كلوب جاوبناهم انه مش هنستخدم اي منهم ولو استخدمناهم فهندفع وقتها كاش. فقالو خلاص مش هناخد تامين. فنصيحة اي فندق يطلب تامين ميدفعش ويقول هيدفع وقت استخدام الخدمات كاش. |
اقتباس:
اسمحلي أجاوبك على هذا السؤال من واقع تجربة أحد الإخوان واللي هو أن أول ما توصل اطلب منهم يشيلوا الميني بار علشان ما يحسبون عليك وإذا ان سياسة الفندق لازم تدفع تأمين فادفع كاش ولا تدفع بالفيزا ولما تسجل خروج راح يرجعون لك التأمين , بالنسبة للفيزا فعلا سمعت من كثير ان بعضهم ما ترجع له إلا بعد فترة طويلة وبعضهم ما رجعه له بالمرة |
اقتباس:
يا عزيزي الكريم بعد اذن سلوووم الوضع بسيط جداً اذا التامين لابد منه وخصوصاً انه يتم طلبه في حال وجود ميني بار في الغرفة المسالة سهلة ادفع التامين ( كاش ) فقط ويتم ارجاعه فوراً عند تسليم الغرفة مالم تستخدم شيء من الثلاجة لا تهتم وتحس ان المسالة كبيرة ترا عادي جداً ومسالة ما يتم ارجاعه هذي فندق او فندقين ما يعني انها عموم الفنادق فقط لما يكون الخصم للتامين عن طريق البطاقة الائتمانية انا شخصياً فندق في كاميرون لم استرجع التامين او بالاصح لم يعيدوه لحسابي لاني دفعته عن طريق الفيزا وسع صدرك يا عزيزي فقط ادفع كاش واستلم كاش وانتهى الامر تحياتي |
ماشاء الله كل اللي كنت راح اقوله .. قلتوه .. الله يكتب اجركم .. وفعلاً لا تحاول تدفع التأمين بالبطاقه .. فقط كاااااش بالنسبه للفنادق اللي طلبوا مني تأمين بينانج - قولدن ساندس كوالالمبور - تريدرز فقط اما الصن واي وفيفانتا بلنكاوي .. ماطلبوا أي تأمين .. |
اقتباس:
والله ياغالي .. انت وراحتك وترتيبك لجدول رحلتك طبعاً لولا ألعاب الصن واي المائية .. ماتستحق سلانجور الذكر .. وجهة نظر .. وطبعاً فيه كذا عضو من الأعضاء لم يزوروا سلانجور ودايركت من مطار كوالا الى لنكاوي ولكن الناس تختلف في أذواقها ووجهة نظرها .. وأيضا تحملها في عناء السفر لأني ما اتخيل اني اسافر من قطر الى كوالالمبور 8 ساعت تقريباً وبعدها نهبط بسلام ثم أركب طائرة على طول لمدة ساعه !! زهق وملل وتعب وارهاق بصراحه .. بالنسبه للألعاب هل تصلح للمحجبة او لا .. فوالله زوجتي محجبة وفلتها احلى فله .. وما كان الحجاب عائق في المرح .. وهناك ألعاب هي اللي شجعتني لركوبها مثل قطار الموت .. حسبي الله على من اخترعه :11: |
اقتباس:
الله يحييك اخوي سطام وبصراحه اذا انت ما تحب الرطوبه ورحلتك خلال موسم الصيف .. الله يعيينك .. |
اقتباس:
حياك ربي بو عبدالله أشكرك على مرورك .. وفعلاً سالفة الحمالين في المطارات ظاهره سيئه جداً .. |
اقتباس:
اهلاً فيك اخوي سامي بالنسبه لجولة كروز .. ما جربتها .. لضيق الوقت بصراحه واكتفين بألعاب الصن واي لاجون المائية وزيارة آي سيتي .. ومول البيراميد الرائع وايضاً مرافق الفندق متعه وبالنسبه لسؤالك عن التأمين فلن أزيد عن ردود الأعضاء .. إذا طلبوا منك تأمين فأدفع لهم كاش فقط .. لا تستخدم البطاقه نهائياً .. السداد للنفادق .. عن طريق البوكينق .. ببطاقة فيزا التسوق المستخرجه من البنك .. |
| الساعة الآن 10:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO