شبكة و منتديات العرب المسافرون - تقرير " رحلتي الى ماليزياا اللزييززه"

1-5-2016

اليوم هو اليوم الموعود للذهاب الى لنكااااوي الجميلةة
كانت رحلتنا الظهر الساعه 12:45 على طيران اير اسيا
كنت مسوي الجيك ان اونلاين بس رحت للمطار بدري تحسبا للظروف لانه انصدمت من الزحمة اللي تصير لما ينزل مططر
عادي تقعد فالطريق ساعه بسس بسبب زحمةة المططر

وهذا القلب اهداا لكم على كلامكم الجميل والمشجع
http://c.top4top.net/p_136junj0.jpeg

قمنا الصبح وفطرنا اخر فطور ف الفندق الجميل صنواي لاقون وبعدها اتجهنا صوب مطار اير اسيا وهو قريب من مطار كوالالمبور
وكان سعر التوصيلة تقريبا 80 وشي ريجنت مع عبدالرحمن

وصلنا مطار اير اسيا كان حلو منظم وصغير مب متعب نفس مطار كوالالمبور
دخلنا الشنط وخذنا البوردينق وشفنا انه باقي ساعه على الرحله فققرنا نقعد ف كوفي شوب احد الاعضاء قد ذكره قبل واسمه هو pappa rich ولين ماشربنا الكوفي مرت الساعه

مدة الاقامه في لنكاوي كانت من تاريخ 1-5 الى 5-5 في فندق ذا ويستن بصراحه الفندق رووووعهه ماشاءالله
حجزت اول ثلاث ايام في غرفة عاديه واخر يوم في الفيلا اللي بمسبح

طبعا السائق اللي تعاملت معاه في لنكاوي كان اسمهه عثمان هالشخص فللله وماشاءالله عليه يعرف عربي خذت رقمه من موضوع ارقام السائقين وكان الاخ ابو عمر مادحهه

وهذي هي صورته
http://a.top4top.net/p_136smfl0.jpeg

عثمان كان ياخذ على الساعه 25 ريجنت ومن مطار لنكاوي الى فندق ذا ويستن 35 ريجنت

بعد مانزلنا من الطياره مرينا بجانب المكاتب السياحيه وذهبت الى مكتب مروه للحجز رحلة المانقروف حجزتها ب 350 لمده اربع ساعات وبعدها اخذنا الشنط طبعا و حصلنا عثمان مستقبلنا في صاله الاستقبال وشايل لوحه بأسسمي
وانطلقنا في ارجاء لنكاووي الساحرة .. جوها كان اخف رطوبه من العاصمه وجميل كان

ونحن في طريقنا للفندق قلت لعثمان يمر الفير موول عشان نتغدا في مطعم الفيشاوي .. كان اكله لذيييذ طلبنا صحن كباب وصحن شيش طاووق وحمص وخبز واثنين عصير فرشش طلع الحساب تقريبا 100 ريجنت

بعد ماخلصنا اكل رحنا للفندق وكان المول قريب من الفندق تقريبا خمس دقايق بالسياره

هاليوم ماطلعنا مكان قعدنا نستكشف الفنددق
طببعا مع حجزي كتبت اني جاي تجديد شهر العسل ومن ضمن هالحجز كان فيه يوميا من الساعه 6 ونص الى 7 ونص المغرب مشروبات مجانيه ومشروب مجاني في اي وقت اطلبه مره وحده فقط

ثاني يوم قمنا وافطرنا وريحنا شوي بعدها ذهبنا الساعه 11 كذا الى مكان تاجير الدبابات وفي طريقنا مرينا على هذا المكان

http://a.top4top.net/p_1362amd0.jpeg

http://b.top4top.net/p_136zrvj1.jpeg

اخذنا كم صوره في المكان بعدها كملنا طريقنا الى مكان تاجير الدبابات .. وصلنا الى المكان تقريبا بعد 45 دقيقه
وحصلنا مكتب كذا صغير وفيه حريم يشتغلون ماليزيات
وكان المكتب فيه سياح جايين يحجزون بعد لجولات الدباب

طبعا على نصيحة احد الاخوان حجزت خمس جولات ماعدا جولة حديقة الجاموس لانه اساسا وانت في باقي الجولات راح تشوفهم وتقريبا مده الجولات كانت ساعه بقيمة 350 او 250 ماذكر والله دباب واحد لشخصين

بعدها لبسونا الخوذه واستعدينا وانطلقنا الحمدلله بسسلام وكان قدامي واحد مثل الدليل ومعاه واحد يقعد يصورنا عشان عقب لو بغينا ناخذ صور تذكار بس المصور يقعد مده وعقب ينزل المكتب ونحن نكمل
وهذي بعض الصوور للجولهه

هذي دراجتتي ماشاءالله 😂

http://b.top4top.net/p_1366me52.jpeg

وهذا المصور

http://a.top4top.net/p_136mya11.png

وهنيه تشوفون مزرعه الرز " سبحان الله "

http://e.top4top.net/p_136i6yz0.png

وهذه صور اخرى للجولةة

http://c.top4top.net/p_136j8s93.jpeg

http://d.top4top.net/p_136h5494.jpeg

وبعد ساعه انتهت جولتنا وردينا للمكتب وهناك اخذنا تذكار لصورنا وسي دي للصور بمبلغ بسيط ماذكره صراحه اسمحولي وبعدها حصلنا عثمان ينتظرنا
وانطلقنا للفندق عشان نبدل ونريح شوي لانه ورانا رحلة المانقروف

طبعا من ضمن رحلة المانقروف هم يرسلون لك سياره وسايق يشلونك من الفندق لمكان الرحلة وينتظرك السايق هناك وبعدها يرجعك للفندق

وهذا هو سايق القارب حقنا

http://e.top4top.net/p_136ddr40.jpeg

وانطلقنا بسم الله

اول شي رحنا مكان النسسور والحمدلله حصلناهم جوعانين
لانه في اخووان قد ذكروا انهم يوم راحولهم ماحصلوهم لانهم كانو شبعانين وماجو النسسور

http://b.top4top.net/p_136qsdp1.jpeg

http://c.top4top.net/p_13609kl2.jpeg

http://d.top4top.net/p_136cunh3.jpeg

واكلو النسور عليهم بالعافيهه ..

بعدها انطلقنا الى كهف التماسيح اللي مافيه تماسسيح 🐊

http://a.top4top.net/p_136898n5.jpeg

http://b.top4top.net/p_136f6770.jpeg

وبعدها الى كهف الخفافيشش

راح تلاحظون نقط سووداء فوق هذيلا هم الخفافيشش

http://b.top4top.net/p_136pkrm6.jpeg

وبعدها في طريقنا الى مزرعه السمكك

حصلنا هالشبااب

http://d.top4top.net/p_136rq3l0.png

وقال لي راعي المركب شرايك تشربهم ماي راح يجون لعندكك.. قلت تمام نشربهم ليش لا وفعلا جو كثيير منهم

http://c.top4top.net/p_136xb7i7.png

http://e.top4top.net/p_1368nee8.jpeg

http://a.top4top.net/p_136pjtd9.png

وبعد ماخلصنا من 🐒🐒🐒

رحنا الى البحر المفتووح وعلى طاري البحر المفتوح قد سمعت تجارب كذا عضو هنا وكانت سيئة وخفت صراحه اجازف بس الحمدلله جازفت وعدت على خير كان الوضع جدا عادي والجو تمام

وهذه بعض الصوور

http://e.top4top.net/p_136jtoe6.jpeg

http://a.top4top.net/p_1367b3f7.jpeg

http://b.top4top.net/p_13631o08.jpeg

http://c.top4top.net/p_1367pen9.jpeg

وبعدها بدأت عصافير بطني تزقزق وكان هناك باقي اخر محطة لنا في جولة المانقروف وهي مزرعه السمكك

هنا تلاحظون بعض انواع السلطعون

http://e.top4top.net/p_136bc6z1.png

وهنا اخترنا سمك هامور وام الربيان للغداء

http://c.top4top.net/p_136kq5y4.jpeg

ولين مايخلص الغداء كان فيه شاب صغير
قعد يراوينا جميع الاحواض اللي عندهم وجرب يأكل الاسماك اللي فيه ويشرح لنا وخلاني اجرب أطعم بعض الاسماك وفالاخير قعد ينكت على هذا الحييوان المسكيين

http://b.top4top.net/p_136xvzc3.jpeg

http://a.top4top.net/p_1366ip32.jpeg

عندي سؤال بخصوص اللي زاروا هالمزرعه هل حصل لكم نفس الشي وجاكم هالشاب وسوا هالاستعراض ولا لا !!

واخييييرا وصصصل الغدااء

http://d.top4top.net/p_136teos5.png

بصراحه ماكنت متوقع انه كذا لذييييذ لاني اول ماشفت المكان قلت اكيد اي كلام بس الحمدلله .. وانصحكم تطلبون رز الصياديه حقهم لذيذ ياجمااعهه

وبكذاا انتهت جولتنا لرحلة المانقروف عاد بنا القارب للمرسى
وبعدها حصلنا السائق ينتظرنا وذهبنا الى الفندق
وصح طلع سعر الغداء تقريباا 400 وشي لانه ماشاءالله وزن ام الربيان كان كبيير وانا مانتبهت لهالشي ولاني طلبت ايضا صحن رد صياديه اخر

وبعد ماريحنا فالفندق فكرنا فالعشاء كنا شبعانين مانريد شي ثقييل .. بعدين تذكرت مخبز بريد ستوري اللي تكلمت عنه اخت قصة حب اتوقع

اخذنا تكسي من الفندق ب 10 ريجنت الى ميدان النسر ورحنا للمخبز واخذنا لنا من هناك بصصراحه الططعم لذيييذ
وكانو مسوين عرض خذ وحده والثانيه مجانا من اختياركك واخذنا اربع فطاير بقيمة اقل عن 10 ريجنت والحجم حلو .. بصراحهه يششبع

وانتهى يووممنا الثاني في لنكااوي الجميلةة ..