|
بخصوص الأماكن الحيويه والي يكون فيها تجمعات وفعاليات وعروض فهي كثيره وراح اذكر ابرزها حسب ماشفت بخصوص حفلات الزفاف فاليابانين يختلفون ب احتفالاتهم بعضهم بالكنائس والاخر بالمعابد وانا صادفت وشفت عرس تقليدي عند زيارتي لأحد المعابد راح اضع بين يديك قائمه ب اكثر الأماكن شعبيه ب طوكيو واوساكا من حدائق ومعابد ومناطق الخ وان شاء الله يجي مشرفنا Prince Kytu ويفيدك اكثر فهو الخبير الأماكن السياحيه كثيره جدا ف حاولت احصر لك اكثر الأماكن الي لاحظت فيها زحمه وتجمعات ونصيحتي انك تشوفها وتزورها جميعا , رتبتها لك حسب الأهميه طوكيو Shibuya منطقه شيبويا اشهر منطقه ب طوكيو بأختصار القلب النابض وفيها ازحم تقاطع بالعالم Asakusa المنطقه التاريخيه الشهيره هي اهم مكان سياحي في طوكيو بنظري ولازم تزورها Ueno Park حديقه بالقرب من منطقه Asakusa وتقع بجانبها كذالك حديقه الحيوانات Yoyogi Park حديقه Meiji Jingu Shrine Shibuya اشهر الضرائح ب طوكيو ويقع بداخل حديقه Yoyogi ( شاهدت في هذا الضريح زفاف تقليدي ) Akihabara ثاني اشهر منطقه في طوكيو تسمى ب مدينه الألكترونيات والأنمي Harajuku منطقه التسوق الشهيره Ginza منطقه الماركات العالميه , مثل فكره شارع اورتشاد الماركات في مكان واحد اوساكا Dotonbori Namibia اشهر منطقه في اوساكا Tenjinbashi-suji Shopping Street افضل شارع للسياح من حيث التسوق كلها محلات تقليديه وتذكاريه يقع بالقرب من المنطقه الي ذكرتها لك فوق Tsurumi Ryokuchi Park اكبر حديقه ب اوساكا وسبق واحتضنت معرض اكسبو جميله جدا وكبيره تحتاج اكثر من ساعتين , صادف زيارتي لها وجود سيرك Osaka Castle قلعه اوساكا |
كثر الله خيركم جميع .. طيب باقي الحين السؤال الأهم ..بخصوص المدن الترفيهية ، نظام تذاكرها غريب صراحة مافهمته ؟! يعني لا هو النظام اللي اخذ الأكسترا باس لكل الألعاب .. وفي اللي أحجزها كل أبو ساعتين .. مافهمتها ... .. فلو تكرمتوا ليت تشرحوا لي بالتفصيل كيف نظام التذاكر .. مثلاً دزني لاند، من فين أشتري التذاكر ؟ وكيف نظام الفاست باس أو الإكسترا باس ؟ وهل في حجز مسبق لها ؟؟ وبكم اصلاً ... اليونفيرسال استديو برضه .. من فين اشتريها تذاكر الفاست باس ؟ لأن شفت سائحة كويتية لما جات تشتريها من عند البوابة قالوا لها مخلصة !!! كيف نظام تذكرة الإكسترا لـ ٧ ألعاب أو اربعة ؟! هل أنا احددها ؟؟ .. هل ينفع اشتريها عن طريق النت ؟؟،، ماعليش اسئلتي كثيرة |
كل مدينة ألعاب طريقتها تختلف عن الثانية راح احط شرح عن ديزني ويونيفيرسال بالنسبة لـ يونيفيرسال * تشتري التذاكر عند البوابة بقيمة 7,600 ين للشخص الواحد لليوم الواحد شامل الضرائب * الفاست اكسبريس تكون أنواع وكل وحدة لها قيمة مختلفة في لـ 7 ألعاب وفي لـ 4 وفي لـ 3 ألعاب وكل نوع منهم لهم ألعاب محددة وأسعارهم وتفاصيل الألعاب ((هنا)) وغير الألعاب العادية في الفعاليات والألعاب الخاصة وتكون موسمية ولها أيضاً فاست اكسبريس خاص فيها وهذي الألعاب وتفاصيلها ذكرتها بموضوع ((هنا)) - طبعا الأفضل يكون يوم للألعاب العادية ويوم للألعاب الموسمية ولكن ممكن تخليهم بيوم واحد لكن يعتمد على طاقتك والإزدحام الموجود وطبعا إذا بتاخذ كل شي فاست يطلع السعر مرتفع جدا أما بالنسبة لـ ديزني لاند وديزني سي أثنينهم نفس النظام * التذاكر تشتريهم عند شباك التذاكر وقائمة أسعار التذاكر ((هنا)) وما اعتقد انهم يخلصون الصبح إلا ممكن بأيام العطل أو ممكن تشتريهم بمحل ديزني في Shibuya * طبعا مدينة ديزني لاند يبيلها يوم وديزني سي يوم * بالنسبة لطريقة الفاست باس يكون مجاني ولكن الكمية محدودة طريقة الحصول عليها واستخدامها : - بعض الألعاب يكون لها فاست باس وعليها علامة بالخريطة FP بالأحمر - بالقرب من اللعبة يوجد آلات للفاست باس وفوقها توقيت استخدامها يعني مثلا من الساعة 11:30 إلى الساعة 12:30 ومع كثرة سحب الفاست باس من اللعبة يتأخر موعدها إلى أن تنتهي - لسحب الفاست باس تستخدم تذكرة الدخول والآلة تقرأ البار كود إلي عليها - وعند سحب الفاست باس ما تقدر تسحب فاست باس ثانية إلا بعد ما يطوف وقت الفاست باس الأول وهكذا - يعني أول شي تاخذ فاست باس لوقت الصبح ثم العصر ثم الليل مثلا وهذي صور لـ 3 فاست باس لأوقات مختلفة http://2.bp.blogspot.com/_cXDwJoIBmh...0/Fastpass.jpg |
ماشاء الله لاقوة إلا بالله . شكراً كثيرا على المعلومات . طيب يعني الحين اللي فهمته إن الإكسترا باس لها الألعاب بمسمياتها و نوعها محددة ، يعني مثلاً أنا ماودي أركب قطارات الموت وهذه القروشة ودي استبدلها بشيء ثاني ، أقدر اغيرها ؟! ولا سعرها في البطاقة الوحدة بيروح علي ؟! أقدر اختار سبعة ألعاب للبطاقة الوحدة للكسترا باس ٧ ؟ .... طيب بخصوص المواصلات ، خلاصة الكلام فيها كله إن أنا احتاج ثلاث بطاقات مختلفة ، الأولى ساويكا ( تجمع لي بين انها بطاقة شحن .. بطاقة صراف وبطاقة نقل عام بين ( المترو - الباصات ) ) .. أحتاجها أكثر شيء في باصات الأماكن السياحية يتخيل لي ، البطاقة الثانية اللي هي بطاقات المترو ليوم كامل أخذها من محلات البيق كاميرا ، تنقلات لامحدودة بين محطات المترو تنتهي بإنتهاء اليوم ... و البطاقة الثالثة jr باس .. هذه للتنقلات بين المدن ... تمام كذا علي ؟؟! أو في إلتباس باللي فهمته أو ممكن أختصر الهرجة كلها بشيء معين ...... بعد سؤال كيف محطة JR Namba ... لقيت شقة حولها ب ٦ دقايق .. ممتاز ؟؟ |
اقتباس:
هلا اخوي ماراح تحتاج الباصات في طوكيو واوساكا المترو يكفيك هناك ويغنيك والباصات قليله في هالمدينتين بحكم ان المترو مغطيها وراح الخص لك الي تحتاجه ب طوكيو واوساكا طوكيو بطاقه Suica تستخدمها ب طوكيو وتشحنها بالمبلغ الي تبيه وتقدر تشتري فيها من اله البيع الألكترونيه ومن بعض محلات السوبر ماركت سعرها 2000 ين ويكون فيها رصيد 1500 ين تقريبا انا كنت اشحنها يوميا 800 ين وبعض الأحيان يبقى فيها رصيد فيها لليوم الي بعده في الأخير حسب مشاويرك بالمترو يوميا وهذا شرح كامل لها من اليوتيوب https://www.youtube.com/watch?v=qaXnlYPMKhw اوساكا عندك خيارين تشتري تذكره يوم كامل مفتوحه او تشتري تذكره لرحله واحده بتذكره الرحله الواحده كل مره تستخدم فيها القطار لازم توقف عند الجهاز قبل البوابه وتشتري التذكره لرحلتك (صوره جهاز التذاكر بالأسفل تقدر من خلاله تشتري تذكره يوم كامل وبطاقه رحله واحده) لو تلاحظ بالصوره مختار Card من خلال هالخيار تشتري بطاقه يوم كامل والخيار الثاني الي هو Ticket من خلاله تشتري تذكره رحله واحده https://www.arabtrvl.com/up/uploads/...6442358381.jpg طبعا الطريقه حقت شراء تذكره لرحله واحده سهله فوق الأله حقت بيع التذاكر راح تحصل خريطه وفيها اسامي المحطات كلها كل الي عليك تعرف وش المحطه الي بتروح لها وبتحصل تحتها السعر 240 ين مثلا ومن الاله تختار Ticket ثم Subway ثم يعطيك الأسعار تحت 200 ين 250 ين 300 ين تختار السعر حسب رحلتك ويعطيك التذكره والباقي وهذا شرح من اليوتيوب https://www.youtube.com/watch?v=eu-ATCe8MEU بالتوفيق |
يعطيه العافية ملللوك ما قصر بالإجابات |
السلام عليكم ، .. أنا مرتب أن أول وصولي ع طوكيو وبجلس فيها أسبوع من الرحلة .. هل ينفع بعد الأسبوع أطلع يوم على جبل فوجي مع المبيت في المنطقة ، ومن ثاني نهار أخذ قطار الطلقة وأمشي على أوساكا ؟؟ .. بشوف ينفع إن أرتب الجدول بحيث يكون يوم 9/7 أخرج من طوكيو على جبل فوجي .. مبيت في جبل فوجي ... 10/7 قطار الطلقة إلى أوساكا .. ..، بحيث إن أفعل jr باس من يوم ٩ جولاي .. |
ناشيء الرميحي بعد أوساكا راح ترجع طوكيو ؟ إذا بترجع طوكيو أخذ الـ JR باس وخل يكون اسبوع ويشمل فترة الذهاب والعودة علشان تستفيد من قيمته |
اقتباس:
اضافه لكلام مشرفنا ويصحح لي اذا كنت مخطئ بالمعلومه اذا حاب تروح ل اوساكا بواسطه قطار الطلقه بعد زيارتك ل جبل فوجي لازم ترجع ل طوكيو عشان تاخذ القطار الي يوديك ل اوساكا |
اقتباس:
كلامك صحيح |
| الساعة الآن 09:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO