|
مرحبا سفرتي هالشهر وراح اسكن في فندق ذا برنس بارك تور طوكيو يومين بعدين مالقيت فندق شاغر ومناسب إلا في منطقة جينزا فندق ذا سلستين هل المنطقتين كويسه ؟ وهل حولهم محطات؟ كان ودي اسكن في منطقة شيبويا حول التقاطع بس مالقيت شيئ مناسب تخطيطي للاماكن: ديزني لاند سي (بكتفي فيها بما ان الكل اجمع ان ديزني لاند مناسبه أكثر شيء للأطفال) فوجي + اوت لت hakone glass museeum جينزا شيبويا عندكم اقتراحات اخرى؟ مجمعات تجارية؟ بالنسبة لراوتر الواي فاي ماعرفت بالضبط وش اختار انا مدة مكوثي 13 يوم تقريباً فيه احد يقدر يفيدني بمرشد سياحي في طوكيو بسيارته ويتكلم عربي ؟ افيدونا وجزيتم خيراً |
اقتباس:
هذا موقع للراوتر تحددين الايام الي تبينها وتطلبين يوصلونها لفندقك في نفس يوم وصولك وبيحطون لك ضرف عشان ترجعينه اذا خلصتي في اخر يوم ممكن تعطينه للفندق وهم يرسلونه https://www.globaladvancedcomm.com/pocketwifi.html انصحك تخلون يوم لاودايبا Odaiba فيها مجموعه من المولات ومطلات جميلة ورجل الي ضخم ويوم لاكهيبارا Akihbara اذا تحبون الانمي وافلام الكرتون راح يعجبكم باقي الاستفسارات يجاوبونها الاخوان ان شاء الله هم اخبر |
اقتباس:
الله يسعدك يارب بالنسبة لراوتر الواي فاي فيه حاجتين ما فهمتهم 187.5 ميجا بت 75Mbps وانا هناك وش احتاج للأول والا للثاني؟ |
اقتباس:
هذي سرعة النت 75ميجابايت اكثر من كافي وبتكون رحلتكم كلها في طوكيو ولا مابعد حددتوا ؟ لان فيه مدن حلوه اخرى مثل اوساكا وكيوتو وهيروشيما |
اقتباس:
بالنسبة للواي فاي أنا دايما آخذ Premium Pocket Wifi 75MBPS Unlimited/Wide Area السرعة كافية والسعة غير محدودة تقدرون تحملون على كيفكم بالنسبة للفنادق فندق HOTEL THE CELESTINE GINZA موقعه ممتاز قريب من محطة قطار مهمة فندق The Prince Park Tower Tokyo قريب من محطة ميترو ولكن الخطوط هذي مو مهمة وايد قراح تضطرون تغيرون القطار اثناء التنقلات وأنصح بتغيير الفندق إذا توفر فندق أفضل وبما ان راح يكون السكن في طوكيو بفندقين فالأفضل تخلون الترتيب (فندق في طوكيو - فندق عند فوجي - فندق في طوكيو) بالنسبة لمنطقة فوجي عند الآوت ليت هذا راح يكون مشوار طويل ومتعب انصحكم بإستبداله في آوت ليت يبعد عن محطة طوكيو ساعة يكون عند محطة اسمها Koshigaya-Laketown Station اسم الآوت ليت Aeon Lake Town outlet أما بالنسبة لـ هاكون في الطريق لها ايضا طويل فالأفضل السكن هناك ليلتين على الأقل أو ثلاثة وبمنطقة هاكون تقدرون تشوفون جبل فوجي إذا كان الجو صافي مرشد سياحي يتكلم عربي صعبة العائلات بعضهم يروحون بقروبات سياحية والاعتماد دايما على وسائل النقل العام أفضل وأرخص وااايد المواصلات سهلة بإستخدام خرائط قوقل طبعا في امكانية تخلون الجدول (طوكيو - اوساكا - طوكيو ) ولكن إذا مو حابين تضيفون تكاليف ورحلات طويلة تقدرون تكتفون بـ (طوكيو - هاكون - طوكيو) ومن طوكيو تقدرون تزورون يوكوهاما وترجعون بنفس اليوم بالنسبة للمجمعات موجودة بكل مكان في اليابان وأهم المحطات والتي تعتبر سوق هي Akihabara Station + Ginza Station + Tokyo Station + Shibuya Station + Asakusa Station + Tokyo Skytree Station وأنصحكم بزيارة Tokyo Dome City هذي الاقتراحات أختـي وأي استفسار ثاني أنا حاضر |
Abdulmo7sen + Prince Kytu الله يسعدكم يارب خليتوني اعيد النظر في اشياء احس جايبه العيد فيها مره شكراً بدور لي فندق ثاني غير اللي قريب من برج طوكيو مع اني حابته عشان البرج وعشان قربه من ديزني لاند بالنسبة لزيارة مناطق ثانيه انا بكون جايه من اوساكا لطوكيو بس للاسف بخصت حق اوساكا لاني خليتها يومين وما احس يمديني اروح لكيوتو معها بعدها طوكيو مخططه في اوساكا اروح يونيفرسال |
هل كيوتو تستحق الزيارة ام لا؟ اذا نعم وش الاماكن المهمة فيها؟ دخلت موقع يونيفرسال وديزني لاند سي بس للاسف ماعرفت كيف طريقة الحجز ودي اخذ تذكرة باس شاملة كل شيء بدون ما ادفع مره ثانيه وش المحطات التي توصلني من فندق The Prince Park Tower Tokyo إلى ديزني لاند سي هل ديزني لاند تستاهل الزيارة او اكتفي بسي؟ وش رأيكم بالفندق Ascott Marunouchi Tokyo هل اتوكل على الله واحجزه واكنسل ذا برنس بارك؟ طبعاً يهمني الموقع وقربه من المحطات لاني اشوفه قريب من محطة طوكيو تقريياً بمسافة ٨٠٠ متر على كلام بوكينج حجزت راوتر والحمد لله افتكيت من همه نورونا الله ينور بصيرتكم ويسعدكم ولا يحرمكم الاجر |
هل كيوتو تستحق الزيارة ام لا؟ اذا نعم وش الاماكن المهمة فيها؟ تستحق وبقوه فيه عدة اماكن مثل : Fushimi Inari Arashiyama Kiyomizudera دخلت موقع يونيفرسال وديزني لاند سي بس للاسف ماعرفت كيف طريقة الحجز ودي اخذ تذكرة باس شاملة كل شيء بدون ما ادفع مره ثانيه ما اضن فيه تذاكر اونلاين لكن ديزني لاند + ديزني سي تقدرين تشترينها من محلات ديزني في طوكيو وش المحطات التي توصلني من فندق The Prince Park Tower Tokyo إلى ديزني لاند سي هل ديزني لاند تستاهل الزيارة او اكتفي بسي؟ كلهم حلوات لكن ديزني سي تصلح للكبار اكثر وش رأيكم بالفندق Ascott Marunouchi Tokyo هل اتوكل على الله واحجزه واكنسل ذا برنس بارك؟ طبعاً يهمني الموقع وقربه من المحطات لاني اشوفه قريب من محطة طوكيو تقريياً بمسافة ٨٠٠ متر على كلام بوكينج حجزت راوتر والحمد لله افتكيت من همه نورونا الله ينور بصيرتكم ويسعدكم ولا يحرمكم الاجر اختي لو تقوليلنا برنامجكم بالايام راح نقدر نساعدك اكثر فيما يخص المدن انصحك تقعدون في كيوتو ليله او ليلتين لانها تستاهل وكذلك اوساكا |
انا بجي اوساكا من جيجو وبجلس فيها يومين من ٢٣ إلى ٢٥ تقريبا وبيوم ٢٥ رحلتي لطوكيو إلى ١ نوفمبر |
اقتباس:
انصحكم تختارون احد البرنامجين : 1- ( اوساكا - كيوتو - طوكيو ) او 2- ( اوساكا - طوكيو - فوجي - طوكيو ) شوفو الي يناسبكم مع تفضيلي للبرنامج الاول البرنامجين يكون التنقل فيما بينهم بالقطار لقربهم من بعض وايضاً انصحكم تاخذون Ryoken في ( كيوتو او فوجي ) وهو فندق على الطراز الياباني وهذا موقع ممتاز للاماكن السياحيه في اليابان بشكل مختصر حددي المدينة ويطلعلك اهم الاماكن السياحيه وصور لهم https://www.japan-guide.com/ وبالتوفيق |
| الساعة الآن 12:15 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO