|
رد: رحلتي اللندنيه ( 2013 ) انطباعي عن الأوت ماتتصورون كيف تجننا ع بضاعته كانت متنوعه واشترينا وااااااايد أشياء وكلها ماركات شنط ، نعول ، سكارفات ، مكياج ، محافظ ، لبس ، نظارات كريمات ، فراشات للاسره ماخلينا شي لدرجة انهارت ميزانتنا في هذا اليوم وبالذات البنات كانوا ع وشك الافلاس بس كنا مبسوطين بكل شي خذناه صحيح نحن نخسر وايد هنيه في المشترى بس هذا يوفر علينا أغلب ايام السنه مانتسوق من البلاد لأنه نكون ماخذين أغلب احتياجاتنا من برع والأهم وهذا شعوري الشخصي اني ما أثق في الماركات العالميه اللي موجوده في بلادنا وأثق لما أشتريها من اوروبا وبس ومن ناحيه ثانيه أحيانا كثيره نكتشف انه الماركات وخصوصا اللي في الاوت ليت نحصلها بسعر مميز وأرخص عن اللي عندنا صور لبعض من مشترياتنا محل متنوع للمكياج ومن ضمنها كانت ماركة اسيتي لودر http://l.yimg.com/lo/api/res/1.2/uVU...ps3fedd685.jpg هذا المحل اشتريت منه مجموعه من مزيل الميك آب ومزيل الخاص بالعين والشفايف بالاضافه لكريم الاساس وحمرة الخدود وأنواع مختلفه من المنتجات والماركات المتنوعه http://l.yimg.com/lo/api/res/1.2/XOF...ps4ac0f445.jpg http://l.yimg.com/lo/api/res/1.2/U8P...pscedb3ca5.jpg http://l.yimg.com/lo/api/res/1.2/5x3...psb03daa46.jpg http://l.yimg.com/lo/api/res/1.2/iB1...pscd4d0fd6.jpg http://l.yimg.com/lo/api/res/1.2/5v_...ps2411927a.jpg http://l.yimg.com/lo/api/res/1.2/.W1...ps0abad75c.jpg http://l.yimg.com/lo/api/res/1.2/Gzw...psb0093407.jpg مايكل كورس http://l.yimg.com/lo/api/res/1.2/SZS...psef37c7a1.jpg http://l.yimg.com/lo/api/res/1.2/sy0...psa5be1c1b.jpg http://l.yimg.com/lo/api/res/1.2/aeH...pse9961555.jpg http://l.yimg.com/lo/api/res/1.2/rsD...ps4e3ce2e7.jpg http://l.yimg.com/lo/api/res/1.2/9TF...psd7dbc22e.jpg http://l.yimg.com/lo/api/res/1.2/rhj...pse077f846.jpg http://l.yimg.com/lo/api/res/1.2/b8c...psfd3bf70f.jpg http://l.yimg.com/lo/api/res/1.2/Rca...pscf49eeff.jpg http://l.yimg.com/lo/api/res/1.2/Mfr...psc7d0a641.jpg هذا المحل تخبلنا فيه شنطهم كانت روعه ، الوان وأشكال واحجام لدرجة أحترنا شو ناخذ واسعارهم مميزه بناتي خذوا منها شنط + ابواك + كفر موبايل أنا اشتريت منهم 4 شنط ثنتين لي وثنتين هدايا http://l.yimg.com/lo/api/res/1.2/sC0...ps08879350.jpg http://l.yimg.com/lo/api/res/1.2/EEu...ps06b9fb43.jpg http://l.yimg.com/lo/api/res/1.2/HVz...psd4483ef3.jpg http://l.yimg.com/lo/api/res/1.2/wZt...psb6bae018.jpg http://l.yimg.com/lo/api/res/1.2/Fuk...psed0fcbdc.jpg http://l.yimg.com/lo/api/res/1.2/loq...ps80419654.jpg هاي بعض من مشترياتنا من مايكل كورس فندي http://i1050.photobucket.com/albums/...psefa08019.jpg بعد خذينا منه اسكارف ومحفظه ونعال عزكم الله http://l.yimg.com/lo/api/res/1.2/wA5...ps986d234f.jpg فيرساتشي http://i1050.photobucket.com/albums/...ps24be109d.jpg هذا صارتلي معاه قصه بخبركم عقب في تفصيل الزياره الثانيه http://l.yimg.com/lo/api/res/1.2/lqq...ps46906bea.jpg روبيرتو كفالي http://i1050.photobucket.com/albums/...ps11454da2.jpg اشترينا منه شنطه ، وكفر الآي باد http://l.yimg.com/lo/api/res/1.2/uo3...psa02cb339.jpg http://l.yimg.com/lo/api/res/1.2/0z7...psb441386d.jpg غوتشي http://i1050.photobucket.com/albums/...ps2be2c696.jpg وخذيت منهم شنطه واسكارفات وكان خاطري في نعال تجننت عليه بس ماحصلت قياسي http://l.yimg.com/lo/api/res/1.2/5OR...psab1a603a.jpg بربري اخترت من عندهم شنطه وسكارفين ولما ييت بدفع بالبطاقه كانت بطاقتي الفيزا مموقع عليها ، فرفضت الحرمه تقبل الفيزا وطلبت هويتي وللاسف ماكانت عندي ولكن كان عندي صورة جوازي وبعد رفضتها وطلبت ادفع بالكاش والمشكله مايكفي عندي الكاش وكنت في نهاية تسوقي انقهرت منها وقلتلها انا دفعت في وايد أماكن بالفيزا اشمعنى انتوا ومارضت وطلعت مقهوره من عندها http://i1050.photobucket.com/albums/...ps6dcaf89a.jpg هذا جزء من تسوقنا وما اقدر اعطيكم كل شي ع فكره بناتي محرجين عليه عشان صورت شي من مشترياتهم مايبوني اراويكم نتابع تفاصيل هذا اليوم بعد مالفينا نص الوقت قلنا بناخذ بريك حق الغدا واخترنا مطعم سبق كلت فيه وتغدينا فيه http://l.yimg.com/lo/api/res/1.2/SWD...ps843b46fc.jpg هاي نتيجة التسوق http://l.yimg.com/lo/api/res/1.2/R9Q...ps5cf6e4e3.jpg http://l.yimg.com/lo/api/res/1.2/G5B...pse5f0aab5.jpg وعقب الغدا انتشرنا في الاوت ليت لين آخر الوقت لما انتهى الوقت وخلاص بيسكر رجعنا ونحن زعلانين وبالاخص أنا حسيت اني بعد أبا أتسوق وماكفاني الوقت وقلتلهم لازم نرجع مره ثانيه طبعا رجعنا وين محطة الباص وركبنا الشاتل لين محطة القطار وانتظرنا القطار اللي متجه لمليبورن وانطلقنا للعوده لشقتنا وتكملة باقي اليوم في فريجنا وعند أخويه تفاصيل الزياره الثانيه في هاي الزياره ساروا ويانا عيال أخويه وبنت عمي الكبيره ونفس التفاصيل بالنسبه للمواصلات للروحه والرجعه ومافي شي غير في الزياره الثانيه غير اني قمت ادخل المحلات اللي مادخلتها قبل واتشرى وصارللي موقف موقفي مع فيرساتشي في هذا اليوم كنا مثقلين الثياب كالعاده ولكن في هاليوم كان الجو مب وايد بارد حلو ومنعش وأنا لابسه بدي هاي نيك صوف ( يعني فانيله صوف فيها رقبه عاليه ) وفوقها بالطو صوف ولما مشيت هناك استحريت وضقت من ثيابي وجان أدخل محل فيرساتشي واشتريت قميص طويل وسكارف مناسب ع القميص وغيرت لبسي في غرفة القياس خليت البدي وشلت البالطو بس وصادف انه البدي مناسب ويالقميص بالضبط وطلعت خفيفه وكاشخه واشتريت منهم بعد فستان سهره رائع وطلعت من عندهم أكمل تجولي وانا مستمتعه بالبروده انتهت جولاتنا في الأوت ليت ، وكانت حصيلتنا مشتريات كثيره وخساره ماديه رهيبه وعقب هاي الخساير تتوقعون تبنا انتظروني في الجزء الياي وبعد تسوق |
رد: رحلتي اللندنيه ( 2013 ) فيه أمرأه تتوب من التسوق معاك أنك لما تشتري بأوربا تحس أن القطعه أصليه أكثر من اللي في بلادنا |
رد: رحلتي اللندنيه ( 2013 ) :(90): |
رد: رحلتي اللندنيه ( 2013 ) اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif فيه أمرأه تتوب من التسوق معاك أنك لما تشتري بأوربا تحس أن القطعه أصليه أكثر من اللي في بلادنا ابدا مانتوب وليش نتوب حد يتوب من الشي الحلو والممتع اقتباس: المشاركة الأصلية كتبت بواسطة فارس الجبيل http://www.arabtrvl.com/vb/traveler/...s/viewpost.gif :(90): :(94): |
رد: رحلتي اللندنيه ( 2013 ) اقتباس:
مشرفنا قصدك جباتي وكرك هههههههه والقعده في كوفي روج العصر عجيبه :(94): |
رد: رحلتي اللندنيه ( 2013 ) ماشاء الله عليج ام عيسى ابدعتي والله انا اكثر محل عجبني في بستر فلج رالف لورين حق الاطفال حصلت عنهم وايد اشياء مناسبه واسعارها زينه طخيت طخت من عندهم ههههههه عليج بالعافيه ان شاء الله مشترياتكم حلوو تتهنون فيها ان شاء الله يوم شفت صور هارودز وهارفي نيكلز تذكرت العام كنت ادور على كريم حريمي طالبينه مني ههههه المهم عطوني اسمه بس وماعرف من وين اجيبه رحت هارفي نيكلز وهارودز وسيلفردج ادور منه ماحصلت مني مناك ماحصلت وباقي يومين وارجع حصلت موقعهم بالنت بس مب كاتبين ولا محل يبيع كلمت ربعي الاكراد هناك وقلتهم همتكم :yolks00340: ومافي حل وبا الاخير وبعد البحث طلع الي يبيع محل اعتقد بس وحصلته في شبربوش ههههههههههه ومدعوس المحل وطلع الواحد قيمته اعتقد 3 ماددري 4 باوند ههههه قلت الحين بحصله 40 او 50 باوند :shutup: متااااااابعين ام عيسى واصلي ابداعج |
رد: رحلتي اللندنيه ( 2013 ) اقتباس: المشاركة الأصلية كتبت بواسطة qa6ar911 http://www.arabtrvl.com/vb/traveler/...s/viewpost.gif ماشاء الله عليج ام عيسى ابدعتي والله انا اكثر محل عجبني في بستر فلج رالف لورين حق الاطفال حصلت عنهم وايد اشياء مناسبه واسعارها زينه طخيت طخت من عندهم ههههههه عليج بالعافيه ان شاء الله مشترياتكم حلوو تتهنون فيها ان شاء الله يوم شفت صور هارودز وهارفي نيكلز تذكرت العام كنت ادور على كريم حريمي طالبينه مني ههههه المهم عطوني اسمه بس وماعرف من وين اجيبه رحت هارفي نيكلز وهارودز وسيلفردج ادور منه ماحصلت مني مناك ماحصلت وباقي يومين وارجع حصلت موقعهم بالنت بس مب كاتبين ولا محل يبيع كلمت ربعي الاكراد هناك وقلتهم همتكم :yolks00340: ومافي حل وبا الاخير وبعد البحث طلع الي يبيع محل اعتقد بس وحصلته في شبربوش ههههههههههه ومدعوس المحل وطلع الواحد قيمته اعتقد 3 ماددري 4 باوند ههههه قلت الحين بحصله 40 او 50 باوند :shutup: متااااااابعين ام عيسى واصلي ابداعج الله يعافيك وملبوس العافيه وعجبتني انك اهتميت تدور الكريم ، تستاهل اللي دورت عشانها بس غريبه شو الكريم العجيب جان عطيتنا صورته واسألهم شو السر في الكريم الرخيص اللي ممعروف |
رد: رحلتي اللندنيه ( 2013 ) التسوق في شارع أكسفورد همسه في تقريري هذا ما التزمت بالاحداث حسب تسلسلها لتكرار بعض الاماكن اليوم بنقز في التقرير لين اليوم اللي قبل الأخير من رحلتنا وعقب برد أكمل باقي الطلعات أحلى مافي لندن واللي تتميز فيه هو التسوق عن نفسي اقول من أجمل اسواق اوروبا هو سوق لندن وماينشبع منه خذيتكم جوله في هارودز وجوله في الأوت ليت واليوم بآخذكم في شارع أكسفورد الغني عن التعريف هذا الشارع ونيس والتسوق فيه غير ودايما نحاول نسكن عداله عشان نكون قريبين منه وما أتخيل نفسي اسكن بعيد عن هالمكان حتى لو السكن هنيه أغلى في سفرتي هاي زرنا شارع اكسفورد مرتين بقصد التسوق أما باقي الزيارات فكانت مرور وتسوق خفيف مره مرينا ع بريمارك ومره ع دزني ...الخ تفاصيل الزياره الاولى لشارع أكسفورد في هاليوم صحينا وكان الجو http://l.yimg.com/lo/api/res/1.2/Uac...psf8ec29fb.jpg كان الاتفاق انه يكون يوم تسوق حر انا بروحي والبنات بروحهم وبنت عمي بروحها وكل واحد منا سحب الشنطه الترولي معاه للتسوق البنات تأخروا في الطلعه من الشقه وأنا كان لي مزاج أتريق برع نزلت بروحي بدونهم ، ودلعت نفسي بساندويش فلافل وريوق لبناني من مطعم رانوش http://l.yimg.com/lo/api/res/1.2/jRL...ps7b12fc47.jpg وهاي صوره لريوقنا انا وبنت عمي في زيارتي اللي كانت في شهر 11 وفي هذا اليوم يلسنا انا وبنت عمي وتريقنا فيه وكنا طالبين كم صنف من الساندويشات وتجاسمناها http://l.yimg.com/lo/api/res/1.2/ENu...psee8ec9b5.jpg ومره من المرات تريقت أنا والبنات في مطعم البلد ومره تعشينا فيه والصراحه أكله وايد لذيذ وانصح فيه http://l.yimg.com/lo/api/res/1.2/doR...ps3f08cc3b.jpg http://l.yimg.com/lo/api/res/1.2/Hdw...psab0b4bc2.jpg http://l.yimg.com/lo/api/res/1.2/87c...ps0040919d.jpg http://l.yimg.com/lo/api/res/1.2/exv...ps4361e7c7.jpg http://l.yimg.com/lo/api/res/1.2/2gT...psb9dc12b2.jpg http://l.yimg.com/lo/api/res/1.2/hXY...ps617d8090.jpg http://l.yimg.com/lo/api/res/1.2/wK7...ps8b4c85e4.jpg أنطلقت عقب ماتريقت ع شارع اكسفورد أتسوق بمزاج وآخر روقان http://l.yimg.com/lo/api/res/1.2/cTt...psd0a7b2e1.jpg اليوم مابقدر أعرض عليكم بضائع ولكن بخبركم بصوره عامه عن تسوقي في هاليوم طبعا البنات انتشروا في السوق أول محل دخلته هو محل واليس واشتريت منهم كم لبسه موقعهم ع النت http://www.wallis.co.uk http://l.yimg.com/lo/api/res/1.2/aoI...ps870df0a0.jpg الموديل اللي في الصوره اشتريت منه نفس اللبسه هاي ، وتجنن في اللبس وطلعت بكم لبسه حلوات من كلكشن الصيف الجديده وعقب دخلت محل Geox للاحذيه وهاي الماركه وايد أرتاح لأحذيتهم واشتري منهم الابوات وجواتي الرياضه واسعاره شويه غاليه موقعهم ع النت Geox وبعد اشتريت من محل ثاني للاحذيه اسمه Russell and Bromley وهذا أول مره أشتري منه وبعد اشتريت بوتين والصراحه مريحين وراقيين وبعد اسعاره غاليه شويه بس المحل اللي شريت منه كان ع الشارع الثاني في يوم ثاني موقعهم النت Women's at Russell & Bromley http://l.yimg.com/lo/api/res/1.2/Wal...pscefe638f.jpg http://l.yimg.com/lo/api/res/1.2/9sE...pse181da75.jpg ومريت بوتس وبوتس كم مره داخلتنه ومتشريه منه ولابد شويه من الأدويه اللندنيه http://i1.makcdn.com/m002/travel/ima...ink2/2kwzj.gif وعقب كملت تسوق لين وصلت لمحلي المميز واللي أحب بضاعته وهو ماركس سبنسر موقعهم ع النت http://www.marksandspencer.com هذا المحل فليته يعني فصفصته واحلى شي اني بروحي ، ع كيف كيفي تسوقت اشتريت منهم وايد أشياء ويلست فيه يمكن ساعتين واتصلت ع البنات كنت ابا اراويهم لبسات معينه يوني البنات وتسوقنا وعقب سرنا سيلفردجز بس ماطولنا http://l.yimg.com/lo/api/res/1.2/w4n...ps7b5fbd41.jpg http://l.yimg.com/lo/api/res/1.2/CAp...ps845d12ee.jpg وعموما انا ما اشتريت وايد منه لأنه أغلب اللي اباه خذيته من هارودز وعقب ماتعبنا من التسوق ردينا الشقه ومرينا ع الوادي الأخضر واشتريت دياي (دجاج ) وبعض الاغراض كان خاطري في هاليوم أطبخ ما أيوز عن سوالفي وسويت دياي بالخضار وكليناه وياالخبز http://l.yimg.com/lo/api/res/1.2/LGa...ps6fe01688.jpg http://l.yimg.com/lo/api/res/1.2/U9r...psb6cdbe3b.jpg في هاي السفره طبخت 3 مرات مره مرقوقه ومره هالدياي ، ومره سويت معكرونه بالباشميل http://l.yimg.com/lo/api/res/1.2/4Qb...ps720d5457.jpg |
رد: رحلتي اللندنيه ( 2013 ) تفاصيل الزياره الثانيه لشارع أكسفورد الزياره الثانيه كانت قبل رجعتنا بيوم ، وكان الهدف نخلص التاكس فري من المحلات اللي اشترينا منها بالاضافه انه عندنا بعض اللبسات اللي تحتاج تبديل وشي منها ترجيع وشوية تسوق وتمشي نفس الشي كل واحد منا انطلق بروحه الحادث اللي صارلي وأنا أمشي في شارع أكسفورد وكنت بعبر الشارع فجأه حسيت بشد في ريلي وقفت شويه وعقب كملت وعبرت الشارع ومشيت مسافه وعقب دخلت محل وفجأه وانا أبا أتحرك حسيت انه شي انقطع في ريولي وسبب لي الم شديد تميت واقفه فتره ومب عارفه شو اللي صار في ريولي وعقب لما ييت بمشي حسيت اني مب قادره أدوس ع ريلي (( ريلي اليسار )) وتميت أمشي وانا أعري ( أعرج ) ووصلت لين ماركس وخلصت التاكس فري وعقب دخلت السيلفردجز بس ابدا ماقدرت أستمتع بأي شي كنت أحس بالم في ريلي قررت أيلس في الكوفي واخترت كوفي في الطابق اللي تحت http://l.yimg.com/lo/api/res/1.2/R0B...ps8f4269af.jpg وطلبت أفتر نون تي ( شاي العصر ) http://l.yimg.com/lo/api/res/1.2/E5C...psae6fd8ce.jpg http://l.yimg.com/lo/api/res/1.2/XUu...psfbadd1d6.jpg http://l.yimg.com/lo/api/res/1.2/EwN...ps13b0d322.jpg لذيييييييذه وخطيره هاي الزبده والجام والخبزه لاتفوتونها خاطري فيها الحين http://l.yimg.com/lo/api/res/1.2/p0I...psfec8ecc8.jpg وعقب يوني البنات وتهبشوا ويايه شويه وعقب ساروا يكملون تمشي قبل ما أكمل احداث ها اليوم بخبركم عن محل وافل مرينا عليه في مره من المرات وكان ع الشارع الثاني اللي مجابل سيلفردجز بس نسيت بالضبط وين عموما هو ع الشارع مايضيع والصراحه الوافل اللي عنده وايد لذيذ وأحلى من بيور وافل في رأيي الشخصي وشوفوا الصور واحكموا http://l.yimg.com/lo/api/res/1.2/fgx...ps53cf8aaa.jpg http://l.yimg.com/lo/api/res/1.2/Jj4...pscb4603b2.jpg http://l.yimg.com/lo/api/res/1.2/Kkd...ps74959aa9.jpg http://l.yimg.com/lo/api/res/1.2/B87...psa30c5408.jpg القهر انه سرناله مره وحده كاني محتاجه زياره ثانيه للندن عشان أركز شوي http://l.yimg.com/lo/api/res/1.2/4MA...ps6d414c0c.jpg http://l.yimg.com/lo/api/res/1.2/NnY...ps2c1ad8be.jpg http://l.yimg.com/lo/api/res/1.2/y8d...psc949770d.jpg خاطري فيه http://l.yimg.com/lo/api/res/1.2/XpE...ps09f8bb04.jpg نكمل أحداث هاليوم أتصلت ع بنت عمي ولقيتها مشغوله بالتسوق والبنات ساروا يكملون تسوق وانا بروحي وأتألم ضاقت الدنيا عليه وأكتئبت لا أنا قادره اتسوق ولا أنا قادره اتمشى فقررت أرجع الشقه رجعت الشقه وكنت يالسه بروحي وضايجه ولأول مره أحس بالوحده واتصل عليهم ومب راضيين ايون وفي نفس الوقت ما الومهم هذا آخر يوم لهم وباجر بنرد البلاد وانا يالسه وحيده وضايجه ومتألمه قررت اسير الهايد بارك |
| الساعة الآن 06:40 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO