|
اخوي الله يسعدك لا ثقلت ولا شي راح نجاوب على استفساراتك بصدر رحب احنا هنا في المنتدى جميعا نساعد بعض بتجاربنا وانت ان شاء الله راح تفيدنا بتجربتك احجز كل شي بنفسك من النت وراح توفر كثير واللي توفره انت اولى فيه خلص الرحلات الدولية والداخلية والفنادق اما البرامج اليومية فلا تشيل هم كلنا معاك والامور سهلة جدا في ماليزيا.. انت بس حدد المدن اللي تبغاها والجميع راح يساعدك رحلة ممتعة هاي مزمز |
اقتباس:
الله يعطيك العافية وماقصرت عندي سؤال وهو كيف اصرف الفلوس هل اصرفها كلها من هنا او اصرفها هناك ووش افضل سعر الصرف وكيف اقدر استخدم بطاقة الصراف هناك ؟؟؟ وكم حد السحب الي اقدر اسحبه هناك ؟؟ |
مافيه رد للحين !!!! |
عن نفسي اصرف من السعودية ثلاث ارباع المبلغ اختصارا للوقت هناك وباقي المبلغ اصرفه من شارع العرب وهناك اسأل كذا صراف لان في فرق بينهم وكان افضلهم تحت محطة المونورول ملاصق لمكينة الراجحي ومحل ايس كريم هاقنداز بطاقة الصراف معايا ما اشتغلت في كذا صراف مع العلم انها تحمل نفس الشعار انصحك ترفع طلب في البنك باستخدام بطاقة الصراف والفيزا لمنحك صلاحية باستخدامها وتوضح وقت السفر من والى اقصى سحب تقريبا وعلى ما اذكر 1500 رينجت وعلى كل سحبة تقريبا 30 ريال غير فرق العملة وسمعت انه في بعض الصراف 3000 رينجت. يعني لو تسحب 500 رينجت راح ياخذوا نفس العمولة عشان كدا حاول تسحب اعلى مبلغ الفيزا حاول تستخدمها في الفنادق والمطاعم والمحلات المشهورة تجنبا للسرقات الالكترونية |
مثل ماقال اخوي هاي مزمز حاول تصرف من بلدك قبل تسافر مبلغ يكفيك 3 او 4 ايام الاولى بس تأكد كم المبلغ المسموح حمله معك في الطائرة، وبلغ البنك بسفريتك وبالبطايق اللي راح تستعملها هناك عشان ما يوقفونها عليك بالنسبة للصرافات اعلى حد للسحب في اليوم الواحد 3000 رينجيت بحيث ما تتعدى 1500 في السحبة الواحدة والنسبة على استخدام الصراف 30 ريال . فيه فروع لبنك الراجحي منتشرة هناك بس مدري هل ياخذون عمولة على عملائهم او لا. |
اقتباس:
ما انصحك باي بكج خطط رحلتك بنفسك واحجز الفنادق اما من النت المواقع المعتمدة والمشهورة وشوف بعد اسعار الفنادق اللي تختار بمكتب سياحي والسعر اللي يناسبك توكل ع الله انا برحلتي الجايه حصلت الفنادق من مكتب سياحي ارخص من بوكينج واقودا راح تتعبب بالبدايه بالبحث لكن لما تشوف رحلتك ناجحة بتفرح كثير واي مساعده حاضرين ماشاء الله بوابتنا كل الاعضاء فيها مايقصرون هبة ريح جزاهم الله خير [emoji177]قصة حب[emoji177] |
الله يعطيكم العافية ماشاء الله عليكم والله تفاعلكم يثلج الصدر في تقديم المعلومة والنصيحة والله حتى أبغى أشارك ما لقيت شي أضيفة الله يكتب أجركم يارب |
يالفعل تجاوبكم مع الكل يعجز اللسان عن الشكر الله يجزاكم الجنة ويجعله في ميزان حسناتكم:e306: |
اقتباس:
الله يعطيك العافية ياهاي مزمز وحقيقة تفاعلك فعلا يثلج الصدر الله يوفقك دنيا واخره |
اقتباس:
الله يعطيك العافية يا قصة حب يامشرفتنا المميزة وحقيقة تفاعلك فعلا يثلج الصدر الله يوفقك دنيا واخره |
| الساعة الآن 11:19 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO