المشاركة الأصلية كتبت بواسطة عشقي السفر (المشاركة 250234)

اليوم الاول هو يوم الوصول

بما اني مااعرف وقت الوصول فصعب احدد لكم الجدول بهذا اليوم لذلك

اذا كان وصولكم الظهر بعد الراحه توجه بالتكسي الى دبي مول واقضو اليوم هناك

اليوم الثاني
راح تاخذون تكسي من الفندق الى Business Bay Metro Station 1 محطة مترو الخليج التجاري وهي اقرب محطه لكن والمده من الفندق الى المحطه 13 دقيقه تقريبا وتركبون المترو الى BurJuman Metro Station 1 محطه برجمان التوجه الى مركز برجمان انا انصحك بركوب الباص السياحي مدته 4 ساعات يلف فيك لاهم معالم دبي الشعبيه ويوديك دبي مول وبرج العرب والالتلانتس ومسجد الجميره واهم المتاحف في دبي برحله مدتها 4 ساعات من 9 الى 2 الظهر مع وقوف والتصوير عند كل موقع وهذا الاقتراح بدل الباص البرمائي
وبعد كذا خذي تكسي من مركز برجمان الى حديقه الخور و اجضرو عرض الدلافين في حديقه الخور الملاصقه لقريه البوم ومشي او بالتكسي الى الى قرية البوم و العشا في سفينه من قرية البوم

طبعا الافضل الحجز المسبق لعرض الدلافين والباص وللرحله العشا وسبق وذكرت لك الطريقه


الخيار الثاني
راح تستخدمين في المواصات نفس اللي ذكرته فوق لان الباصين ينطلقون من مركز برجمان
اذا اخترتي الباص البرمائي بعد الانتهاء من الجوله تكسي الى متحف دبي ثم تكسي الى قرية الغوص والتراث وفي منطقه البستكه كلهم جهه وحده والتنقل بالتكسي افضل حتى ماتتعبين من المشي وبعد كذا عند الساعه 6ونص بالتكسي التوجه الى قريه البوم واخذ قارب مع العشا لمدة ساعتين

بعد الانتهاء من اليوم طريقه العوده الى الفندق اما عن طريق التكسي مباشره وهو اللي انصحك فيه

او تاخذين تكسي الى محطه برجمان وبالمترو من محطه برجدمان الى محطة مترو الخليج التجاري ثم تكسي الى الفندق


اليوم الثالث
اخذون تكسي من الفندق الى Business Bay Metro Station 1 محطة مترو الخليج التجاري وبالمترو الى محطه الامارات مول
التوجه الى الامارات مول ودخول القريه الثلجيه وبعد كذا تكسي الى سوق مدينة الجميره توجد قوارب تاخذك بجوله في ممرات مائيه وتتفرجين على برج العرب ثم وقت الغروب تاخذين تكسي الى مرسى دبي ممكن تكونين حاجزه رحله بحريه مع العشا هنا بعد وتستمتعين وبعد ما تنتهين تسالين عن اقرب محطة ترام وتركبينها الى محطه مرسى دبي انتبهي محطه مرسى دبي وليس ابراج مرسى دبي واذا نزلتي بمحطه مرسى دبي تلقين جسر مشاه مطيف يوصلك الى محطه DAMAC Properties Metro Station1 محطه داماك للمترو تركبين المترو الى محطة محطة مترو الخليج التجاري وبعدها تكسي الى الفندق


اليوم الرابع

الخروج من الفندق على الساعه 10 صباحا بالتكسي الى حديقه الفراشات (لم اجد معلومات انها سوف تغلق ولكن تاكدي من الفندق عند وصولك ) ثم الى مطعم المزرعه للغداء وهو قريب في نفس المنطقه The Farm ثم بالتكسي الى سوق التنين ثم تكسي الى فيستفال سيتي وبعد الانتهاء بالتكسي الى محطه الراشديه Rashidiya Metro Station 1 بالمترو الى محطة مترو الخليج التجاري ثو تكسي الى الفندق


اليوم الخامس

تاخذين تكسي الى City Walk الووك سيتي وتتغدين هناك وبعد كذا تكسي الى محطه محطة مترو برج خليفة / دبي مول وبالمترو الى محطه النخله وتاخذين تكسي الى فندق الاتلانتس وتدخلون اكواريوم خاص للاتلانتس وممكن تدخلون البنت الى القريه المائيه اللي هناك وتسبح وممكن تستخدمون الشاطئ المجاني واذا مو حابين تاكلون باحد المطاعم هناك لارتفاع الاسعار خذو معاكم وجبات خفيفه وتقضين اليوم هناك

اليوم السادس

اخذون تكسي من الفندق الى Business Bay Metro Station 1 محطة مترو الخليج التجاري وبالمترو الى محطه World Trade Centre Metro Station 1 محطه محطة مترو المركز التجاري العالمي ومشي 10 دقايق او تكسي الى عالم مدهش ثمالعوده الى محطه محطة مترو المركز التجاري العالمي وبالمترو الى محطه الراشديه وبعد كذا بالتكسي الى المردف سيتي سنتر وقضاء الوقت هناك وبعد كذا بالتكسي الى الوافي مول وبعد كذا تركبين المترو من محطه Dubai Healthcare City Metro Station 1 القريبه من المول وللعلم هذا المترو يسما بالخط الاخضر تركبينه الى محطه برجمان الواقعه على الخط الاخضر تنزلين من المترو وتركبين محطه المترو الخاصه للخط الاحمر وهي مقابله لها ( للعلم المرات السابقه كنتي تستخدمين الخط الاحمر ) تركبين من محطه المترو برجمان الخط الاحمر الى محطه محطة مترو الخليج التجاري ثم الى الفندق

اليوم السابع

تركبين التكسي الى محطة مترو الخليج التجاري وبالمترو الى محطه ابن بطوطه وتنزلين الى مول ابن بطوطه وبعد الانتهاء من المول ترجعين محطه ابن بطوط ثم الى محطه Jumeirah Lakes Towers Metro Station 2 محطه ابراج بحيرة الجميره تمشين في جسر المشاه الى محطه الترام واسمهاأبراج بحيرة جميرا، تركبين الترام الى محطه مول دبي مارينا وتدخلين المول ولما تخلصين تركبين الترام والى محطه جميرا بيتش ريزيدنس 2 للترام وتمشين الى الجي بي ار وتقضين الليله هناك وبعد كذا ترجعين مشي الى محطه جميرا بيتش ريزيدنس 2 للترام وتركبين الترام والى محطه مرسى دبي للترام ومنها تمشين في جسر المشاه الى محطه داماك للمترو وتركبين المترو الى محطه مترو الخليج التجاري وبالتكسي الى الفندق

اليوم الثامن
ممكن تخصصونه لزيارة ابو ظبي في شركات سياحيه اماراتيه تسوي رحله ليوم كامل وممكن تاجرون سياره وتنطلقون الى ابو ظبي او محطهخ حديقه الحيوان اللي بين ابو ظبي ودبي وبعدها الى عالم فيراري وبعد كذا الى مسجد الشيخ خليفه وبعدين العشاء في احد مطاعم الكورنيش ولاعوده الى دبي

او خلي اليوم هذا في دبي مول وبوليفارد الشيخ خليفه وسوق البحار

اليوم التاسع

راح اخلي هذا اليوم يوم حر اذا في مكان تحبون تكررون زيارته او تبون تروحون اسواق شعبيه تخذين تكسي الى سوق نايف وتتسوقون هناك وبع الانتهاء التوجه للفندق والراحه استعداد للرحله اليوم التالي


اليوم العاشر

العوده الى الوطن




ملاحظه :
من وجهت نظري بما انكم ماراح تستأجرون سياره ولا راح تغيرون الفندق الافضل والاريح لكم حفاضا على الوقت اللي بيضيع بالتنقل بين التكسي والمترو الترام ان تخلين تنقلاتكم كلاها بالتكسي او تحملين برنامج كريم او احد برامج التكسي وتختستغنون عن الكمترو في هذي الرحله تركزون فيها على التكسي

ثانيا حاول انوع لكم لكن دبي بالصيف ما تزورين فيها الا المولات بسبب الحراره والرطوبه


الجدول مقترح ولك الحريه في التبديل الايام والغاء الاماكن الغير مرغوب بزيارتها لكن حاولت اخلي الاماكن القريبه بيوم واحد

اتمنى من الاخوان ان يبدون ارائهم وتعديلهم للجدول

ان اصبت فمن الله وان اخطات فمن نفسي


بالتوفيق ورحله سعيده

المشاركة الأصلية كتبت بواسطة عشقي السفر (المشاركة 250359)

بالنسبه للسؤال الاول ادخلي رابط الموضوع اللي حطيته لك في الصفحه الاولى وراح تلقين الجواب بالتفصيل الممل

وبالنسبه لثاني سؤال ممكن تستخدمين المواصلات المجانيه لكن حتى الباص اللي،يوفره الفندق له اوقات معينه مثلا الساعه 8 الباص الاول من الفندق اى دبي مول ثم الى الامارات مول ثم الى الجميره
والباص الثاني ينطلق الظهر وبكذا راح يحدد لك وقت معين ولكل فندق مواعيده وانا ماعندي مواعيد الباصات في الفندق ففضلت اكتب الجدول كامل وغير كذا الباص ماعتقد راح يوقفك عن المترو يعني راح تحتاجين تنزلين للمول وتقطعين مشوار الى محطه المول خصوصا بالنسبه لدبي مول لان المحطه مو ملاصقه للمول لكن تقدرين تستقيدين من مول الامارات لان المحطه ملاصقه للمول وانتي ممكن تستفيدين من الباص اذا رحتي وعرفتي وقته بالضبط تقدرين ترتبين امورك

أرسلت من GT-I9300 بإستخدام تاباتلك