|
اقتباس:
وهذي القصيده عن لندن بصوت ولد عمي المطرب بدر الغريب السلام عليكم القصيده للمرحوم بأذن الله سليمان الهويدى ويقول يابو عـبـدالـله نـزلـنـا وسـط فــيضـه فـيضـة خـضـراء تـساقـيهـا الخــبارى فـى طـرف وسـمـية ماهى عريـضـه بس فـيهـا الـظـبى الاشـقـح والحـبارى صيدها لاجا العصير يـهـيض هيـضه لـو معـك شـوزن تـحمـلك لـــــــــوارى مارئى عـينى عـشبها والله غـميضه وماحصلى شىء من صـيد العـصـارى ما تـجـوز لـواحــد حـالـه مـريـضـه يـنطـر الـتقــريــر ماهـو عــــنــه دارى واهـنى من داج فـيها طـول قـيـضـه طــيــب يــطـرب لـبـاس الـخــــــــزارى ومن نسى راع الوفا يـنسى الفريضه افـتخـربـك يـا بـو عـبدالـله وامـــــارى هذى القصيده قيلت تغزل فى الهايد بارك فى لندن وهي حديقه يرتادها السياح العرب والانكليز ايضا ويعتقد البعض انها قيلت فى الصمان او فى بر وهذا الاعتقاد خطأ سوف اشرح لكم كم بيت مثل فى طرف وسمية ماهى عريضه وهو يقصد الهايد بارك والهايد بارك قطعة ارض مساحتها تعتبر كيلو فى كيلو تقريبا فى وسط المدينه لندن وفى الحديقه بحيره كبيره وبحيره صغيره نكمل باقى البيت بس فيها الظبى الاشقح والحبارى يقصد با ظبى الاشقح والحبارى بالنساء والبنات مرتادى الحديقه البيت اللى بعده يقول صيدها لا جا العصير يهيض هيضه نعم هو محق فى بيته اذا جاء العصر يتوافد السياح الى الحديقه(( وتصبح مليانه)) تكملت البيت اللى بعده لو معك شوزن تحملك لوارى يعنى يكثر الصيد ويصبح سهل ........... البيت اللى بعد مارئى عينى عشبها والله غميضه نعم محق الحديقه خضراء وجميله جدا ويتحسر على موقعها(( يبيها فى ديرته)) والبيت اللى يقول ماتجوز لوحد حاله مريضه ينتظر التقرير ماهو عنه دارى يقصد انه مريض ينتظر تقرير الدكتور وما يدرى شنو يبون يكتبون البيت اللى بعده واهنى من داج فيها طول قيضه نعم لندن بارده وجوها حلو فى الصيف ونه وده يقيض الصيفيه فى لندن وبتحديد الحديقه البيت الاخير ومن نسى راع الوفا ينس الفريضه وافتخر بك يا بو عبدالله ومارى يمدح خويه ابو عبدالله ونه ما ينسى وقفته معاه وسمحولى اذا طولت عليكم |
الله يهنيكم بسفرتكم ويوفقكم وبرجعكم بالسلامة لاتحرمنا من كل جديد وتقرير يومي وخصوصاً لو تنقل وجهة نظر اﻷولاد :) |
يا زينها زيييينااااااااه لندن الحب بوغسان ربي يوفقك غسان وحسام وتشوفهم متخرجين بأعلى الشهادات خلهم يتعلمون وكل سنه ودهم مو بس هالسنه ودايما بعدين خل يقرأون القصص الانجليزيه راح تتقوى عندهم اللغه بسرعه ان شاءالله أسئله كم مدة الكورس الصيفي ؟ هل هي مدرسة داخليه او عند عائله ؟ هل بتنتظر وتبقى بلندن لحد ما ينتهون من الدراسه ؟ والا بتخليهم وترجع يلا منتظرين الاجابات واليوميات |
بانتظار يومياتك اللندنية يازين لندن |
موضوع جميل ياأبوغسان , وأحيي فيك اهتمامك وحرصك على أولادك , ورغبتك في نقل تجربتك في تدريسهم . أنا أشاطرك الشعور بأهمية رعاية الأولاد , وإن كنت أكبر منك سنا فأنت أفضل علما وخلقا. قبل عشرين عاما زرت بريطانيا , ولم أعد لها بعدها ’ وكان ابني الكبير عمره ثلاث سنوات وضاع منا مرتين : مرة في سوق بريستول ووجدته بعد بضع دقائق مع عجوز بريطانية طيبة كانت تهم بالدخول لأحد الأكشاك للتبليغ عنه , والثانية في إحدى الحدائق ووجدناه بعد لحظات ولله الحمد . هذا الولد تخرج ولله الحمد من الجامعة هذا العام بتقدير ممتاز وتعين معيدا . ومن ضمن أهداف رحلتنا إلى بريطانيا هذا العام أن يتعرف هذا الابن على أجواء الابتعاث ونسأل الله التوفيق للجميع , وبانتظار تجربتك كما وعدت . |
تصدق من فتحت الموضوع ياتني طشة براد :e510: بانتظار اليوميات و الصور |
اهم سؤال ياابو غسان كيف الجو مانشستر الان الجو خيالي ١٤ رحلة موفقة وفكرتك ممتازة يستاهلون العيال كل اهتمامك الله يسعدكم |
اقتباس:
تسلم يا عسل |
رحلة سعيدة يابو غسان تذكرت موضوع كان فيه نقاش عن استغلال اوقات الاجازة الصيفية للابناء وانت ماشاء الله عليك استغليت الوقت اسأل الله العلي العظيم يحفظهم لك ويرزقك برهم سؤالي كيف وضع البلد من بعد الخروج من الاتحاد الاوربي هل فيه تغيير بالانظمه الله يسعدك |
اقتباس:
افاااا يابو مشاري ليه زعلان على الانقليز هم شعب جامد بس نظامي اللي يضايقني فيهم أن فيهم البخل كثير يقول أنهم شعب شايف نفسه |
| الساعة الآن 05:08 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO